رواية الشك يلاحقني الفصل السابع بقلم جمانه السعيدي
بعد ذاك الحادث والكارثه الي مريت بيها حياتي كله
اتغيرت
ماعندي ثقه باي احد
اروح بطريقي وارجع بطريقي
امي ولله الحمد صارت احسن بهواي
كلامه مفهوم بس حركته كلش قليله وايدها تلزم الشي بيها بس ماتكدر ترفعها
ورشا خلصت معهد
جمانه السعيدي
اكو زميل وياها اجا خطبها سئلت علي خوش ولد وملتزم
ومودب وحسيتها هي مقتنعه بي كلش
وافقت علي
وتمت الخطبه
والزواج بعد سنه لان عندا بيت جاي يبني بي منتضر يكمل البيت ويتزوجون
كملن سنتين على مصيبة قتل مروه
بلبدايه امي جانت ساكته
لكن بعد خطبت رشا امي بدت تلح عليه بمسئلة الزواج
لان حست اذا ازوجت رشا البيت راح يفرغ عليه
ام همام....يمه حبيبي ماكافي تنسى الي صار وتزوج وتستقر
اريد اشوف جهالك
همام...تحجين صدك اني بعد اعيد هاي التجربه
ام همام...يمه اصابعك مو سوا وبنات الحلال هواي والي صار وياك مو نهاية الدنيا
همام...هذا الموضوع عوفي رحمه الاهلج
ام همام...يمه اختك على وجه زواج
واني هلتشوفني ما اكدر والبيت يريد وحده اديره
وانت وحسن تردون خدمه
همام...اني انضف البيت والملابس حلهن بسيط بلغساله
ونجيب اكل جاهز
ام همام....والجهال شلون نجيبهم بلمراسله
همام يمه اني كمت اكره النسوان كلها ونفسي تلعب منهن
اني اريد ابقى بدون زواج
ممكن هذا الموضوع محد يحجي بي بعد
جمانه السعيدي
ام همام كعدت بليل توضيت اريد اصلي صلات اليل
صليت ودعيت ربي
يارب ما اطلب منك جاه ولامال ولاعافيه
طالبه منك همام
تبرد كلبه وتشيل هاي الغمامه من عيونه
وتهيئله بت الحلال الي تسعده وتهني وتستره
يارب دعوة ام كلبها مشلوع على ابنها
بحق اعز الخلق عليك محمد وآل محمد
فرج على همام ونجي من الهم الي عايش بي
جمانه السعيدي
صليت صلات الصبح ونمت وشفت بلحلم رجال معكل وكشخه وهمام واكف اكباله لابس دشداشه بيضة وشكله فرحان والرجال انطا الهمام هديه
كال هاي هديه ثمينه الك بس حافظ عليها
همام مد ايدا وخذاها وهو مبتسم
كعدت الصبح احس كلبي مطمئن حيل وحسيت اكو شي حلو راح يصير
حسيت راح يجي اليسر بعد العسر
وراها بشهر اجا محرم ودعيت الامام الحسين الي يهدينا على بنت الحلال
ويهدي همام للزواج ويفرح كلبي
اجت المشايه وبديت اللح على همام كلنا نروح مشي
اني بلعربانه ياخذوني وتروح وياي رشا وحسن
بلبدايه رفض همام
بعدين بقيت اللح علي
نغير جو ونشوف الناس والعالم لان احنا ابد مانحتك بلناس هواي كم بيت من الجوارين وبس
واخيرا اقتنع همام وحضرنا نفسنا ونطلقنا للزياره
واني ابد مابطلت دعاء
جمانه السعيدي
شكد حلو الطريق
عبالك طايرين مو نمشي
حتى اني احس نفسيتي حيل اتحسنت
الحد ماوصلنا للحله اني ورشا بقينا ننتضر على الشارع وهمام وحسن راحو للمغاسل
جان اشوف بنيه حلوه سبحان الخالق وطويله بس شني صايره حمره طماطه من البجي
ام همام....رشا اخذيني يم هاي البنيه اريد اشوف شبيها تبجي
رشا...يمه احنا شعلينا
ام همام...اكلج وديني شبيج
دفعتني رشا ورحت يمها
ام همام...يمه شبيج تبجين
اهي...اهي...ضعت من امي
ام همام...انتي جبيره موزغيره وتفتهمين لاتبجين هسه تلكينها انتي اول سنه جايه مشي
...اي اول سنه ابوي مايقبل السنه كوه قنعت امي
ام همام...منو اجا وياج بعد
...امي وعمتي وبناتها
ام همام...انتي شسمج
...زينب
ام همام...وياكم رجال
زينب...لا بس نسوان
امي دخلت للمغاسل واني وبنات عمتي سبقناها بعدين كتلهن روحن اني ارجع الامي امشي وياها
ورجعت للمغاسل ومالكيتها شكد دورت وماكو
رجعت لحكت بنات عمتي صار ساعتين امشي ومالكيتهن
ام همام لاتبجين هسه تلكينها ماعندج تليفون
زينب...عد امي تليفون اني ماعندي
ام همام...ما حافضه رقمه
زينب...لا ماحافضته
ام همام....هسه يجي همام واخلي يصيح بلسماعه مالت الموكب بلكت تسمع اسمها وتجيج
زينب...اي فدوه خاله اني كلش خايفه
ام همام...انتي من وين
زينب...من الكوت
ام همام....انتي من ولايتنا ومن منطقتنا حتى اذا مالكيتيها
احنا نرجعج للبيت ويانه لاتخافين
شويه واجا همام شافهن واكفات ويه بنيه والبنيه وجها احمر من البجي
همام...شكو شصاير
ام همام...يمه ماتروح للموكب اتصيح باسم ام زينب خطيه ضايعه
همام...اي هسه صار شنو اسمها امج
زينب...ربيعه ام اركان من الكوت
همام...هسه اروح واجي
جمانه السعيدي
وفعلا همام راح للموكب وصاحو بلاسم ورجع
ام همام...يمه جيب الزينب ماي كلبها طك من الخوف
همام...هسه صار
همام حسيت امي دخلتنا بموضوع مالنا دخل بي
بس يله في سبيل الله بلكت تجي امها وتخلصنا من هاي الورطه
رحت اشتريت عصير وجبس وجبت مي
النا كلنا وكعدنا بلثيل وبدينا ناكل
بلكت امها سامعه صوت السماعه وتجي
انتضرنا نص ساعه وما اجا اي احد
ام همام...خل نتقدم بلكت نلكاها كدامنا
وبدينا نمشي وهي تمشي ويانا بس شكلها حيل ضايجه
وتمشي ودور بلوجوه على امها بلكت تلكاها
راح نعرف تفاصيل حياة زينب
اني زينب مواليد ٩٥ من عائله بسيطه
ابوي عندا محل مواد غذائيه واخوي الجبير يشتغل ويا واخوي الثاني صار سنتين تخرج
وماكو تعيين وهم واكف وياهم بلمحل
اخوي الجبير مزوج بت عمي وعندا اطفال اثنيين ولد وبنيه
اني ماقبل الاخير
يعني اثنيين ولد وبنيه وبعدين اني وبعدين اختي هاجر ازغر وحدا
اخواتي الاكبر مني والازغر مزوجات واني بعد ماواصلني السره مواصفاتي طويله ١٧٥ اني اطول من خواتي
بيضه شعري تمري طويل النص ضهري
الكل يكولون تشبهين ياسمين عبد العزيز الممثله
شكرا لزيارتكم عالم روايات سكيرهوم
