رواية بنت الحرام الفصل السادس بقلم جمانه السعيدي
جمانه:::
حيل استحيت..بحيث درت وجهي ع الجامه..من المستحة..شفته مرجع بينا لبيت خالته بقه يفتر بالشوارع..فكتلة:
مدام مراح نزور..رجعني لبيت خالتك..يم البنات
لا..منرجع..خلي نفتر شويه..غيري جو!
لا..لا خلي نرجع احسن
انتي ليش تلحين من اكول منرجع هسه..يعني منرجع هسه
ليش يعني..
اهووو..ممرتاح عدهم!
ليش ممرتاح اشو خالتك حيل حبابه وكولهم خوالك الي جايين بالعرس..مبينين يحبوكم!
ههه..اي اكيد يبينون يحبونه..مدام امي..تكرف عليهم بهالفلوس الزينه!
شنو تكرف عليهم..بهالفلوس..شكو بيها انتو حالتكم زينه والحمد لله شكو بيها اذا ساعدت خوالك!ترة المساعدة حلوة..ارحمو من في الارض يرحمكم من في السماء!
اي..والله..خوش تحجين ..صح المساعدة حلوة بس اذا جان الهم حق بيها!
مفهمت!
يعني هاي الفلوس الي ديحصلوها من امي حلال جدي..مو حلال ابوهم!
حلال جدك شنو..حلال ابوهم شنو همه غير خوالك!
اي خوالي من جهة بيبيتي ام امي..يعني اخوات..واخوان امي من غير..اب..لان جدي مخلف..بس امي..افتهمتي!.
هااا..يعني بيبتك متزوجة 2وهمه خولك..من زوجها السابق مو من جدك..اي اتذكر سمعت منه هالشي..مره
اي..هو هذا الصح.!
اي وشكو بيها ضرار..واذا ساعدتهم هم همه اخوانها واخواتها من دمها ولحمها..
واذا جان جدي الله يرحمه..ميريدهم..وميواطنهم بعيشه الله يصير ياكلون بحلاله وهو مراضي..
منو يكول مراضي..
اني اكول..جان جدي..بحياته ميريدهم..واصلا كاطع علاقة امي بيهم..بس من مات..همه..استغلو الوضع وضحكو ع امي..وكلو عقلها ع اساس اخوتها ويحبوها..لان شافو ابويه ضعيف..ليحل ولايربط..وصعدو..فوك..راس..التله!
وشعجب انت..مدخلت..اشوفك مسيطر ع الوضع!.
ادخلت بمافيه الكفاية..بس بالنهايه هنه فلوس امي..ورثها من ابوها..ما اكدر..امنعها..لان كلمة الحق دائما تزعل!.
وشعجب قبلت..تنطيهم اخواتك..اذا هالكد حاقد عليهم!
صح ما احب خوالي..بس..مصطفى..وسلام خوش ولد..ما اكدر انكر..وابو المثل يكول الشين الي تعرفة احسن من..
احسن من الزين الي متعرفه!
رغم..اني حيل مستغربه. من كلامه..افكر. هذا شكد حاقد ع الناس كولها وميحب احد ومستغربه اكثر لان ديسولفلي عن خواله..عادي..خصوصا..هو غامض..وصعب وميحب يحجي عن خصوصياته..وامورة العائليه..حسيت هوايه تغير..بتصرفاته حتى نبرة صوته من يحجي وياي متغيره يسولف وهو مرتاح..يعني ماكو..فد نبره..تعالي بصوته تجرأت اكوله:
ضرار..انت ليش هالكد سلبي..ويا الناس!
ههه..سلبي شلون!
يعني احسك..متحب احد..مثلا ابوك..متعامله معاملة ابن لابو..واخواتك..حيل متشدد..وياهن ولا عبالك انت اخوهن الجبير..خطيه حيل يخافن منك..لان مربي الخوف بكلوبهن..وامك..العلاقة بينك وبينها..عبالك رسمية..وحتى خوالك تحجي عنهم بحقد..
شوفي محد تجرأ يسألني هيج..سؤال بس انتي لا وشلون تسألين..اطبكين الاسئلة كولها بنفس..واحد..يواش..يواش..وحدة وحدة
اسفه..اذا متحب تحجي اسحبها للاسئلة..
شوفي بالنسبة الابويه..تعاملي وياه طبيعي..لان الي سواه..الي ولامي..ولاخواتي..ولجدي..مستحيل ينسي..او...
اكدر اتغاضى عنه..وامشيه..وبالنسبه لاخواتي تصرفاتي وياهن..لمصلحتهن..اما امي..فانت..متوهمه علاقتي بيها مورسميه..لان هي تحس..اني سندها الوحيد بهالدنيا..اما خوالي..فالموضوع مو موضوع حقد الموضوع موضوع حق وباطل..ما اعتبره حقد.. مثل متكولين
صفنت ع كلامه..لان كل سؤال جاوب عليه جواب منطقي مبين يحسب لكولشي حساب..ومقتنع بكل تصرفاته ويه الناس..حسيت احنا هوايه سولفنا..وهو يفتر بالسيارة باوعت ع ساعته..الساعة صارت بالتسعة..تأخرنا..فكتلة:
خلي نرجع..احنا تأخرنا..يعني كافي افترينا هوايه..
ماشي..نرجع..
وافتر.بسيارته..كلت ..راح يرجعني لبيت خالته..بس افتر ع جهة منطقتهم خفت:
ضرار..اشو انت..دخلت لمنطقتكم غير نروح لبيت خالتك!.
لا..راح نرجع لبيتنا..
حسيت كلبي انقبض:
ضرار بس محد بالبيت شكو راجعين وحدنا!
هههه..خايفه مني..مو!
.الله عليك..خلي نرجع يم خاله والبنات
بس ولا عبالك..يسمعني..وصلنا لباب بيتهم..نزل..فتح الباب ولزم ايدي ونزلني..
ليش..جبتني للبيت..
لج..امشي خلي نفوت جبانه..
دخلنا جوه فتح باب الصاله..احس..الدنيا صارت هالكدوتها..بعيني والخوفه البكلبي..يبست ريكي..اول مدخلنا..ردت ادخل لغرفة البنات..بس هو جرني من ايدي..وكعدني بصفة ع التخم..لازم ايدي حيل..حجيت بس صوتي يرجف:
ضرار..اني..اني
اويلي حتى حجي متكدرين تحجين شكد خوافه لخاطر الله!
فدوة هدها لايدي..
ع كيفج..اخذي نفس..شبيج..صرتي..مثل الشبح..هسه اني..شمسويلج..اهدي..شويه!
اش..اشلون اهده وانت جايبني للبيت وحدنا ولازم..اي. ايدي حيل!
هههه..ولج اهدي..ما اسويلج شي لتخافين..اشو..باعيلي..
باوعت بعيونه..هد ايدي شويه كلبي..هدأ..بس هوبقه يباوع بوجهي..شفته.رفع ايد..ولمس كذلتي طالع شويه منها من الشال. وكال:
يجنن..عليج الشال..هي كل وحدة تلبس شال..تطلع هيج تملخ..
عزززة..هذا كام يتغزل بيه لاهاي هيه..خوش..راح يهده كلبي..فكتلة:
ضرار..اني اعرف انت ليش تغيرت تصرفاتك..وياي. فجأة!
ليش..بله..وشلون تغيرت!
اي..تغيرت..اني موغبيه..يعني..تحجي وياي بهدوء وتسولفلي..عن عائلتك..وخوالك..وهسه..هسه تباوع عليه..
بحنيه!.
اي وبعد!
اعرف انت ليش هيح دتتصرف..واعرف هاي طريقه جديدة..
هههههه..والله ضحكتيني. شنو طريقة جديدة!
اي..يعني انت حسيت القوه والضرب مجابن نتيحة وياي..فكلت اجرب..طريقة الغزل والحنية بلكي تنجح!
ايباااااااه..هالكد..انتي حذرة مني..وتفسرين..كل..تصرفاتي..بكيفج..شوفي بالنسبه الي..دائما..احصل الي اريده..ومثل مكلتي..ممكن استخدم طرق..مختلفة..
شفت..مو كتلك هذه طريقة جديدة!..والله عرفت من شفتك..حنين وياي كلبي لعب..وانقبض!
شوفي ..اني.معندي شي اسمه يأس..الي اريده اخذه..لو استخدم كل طرق الجن..والانس..والملائكة والشياطين..هم الي اريده اخذه اخذه بالنهايه!
خفت من كلامه ..اكثر..حسيت جسمي يرجف..ردت انهزم منه..عسى اطلع اركض بالشارع..ردت اكوم رجع..لزم ايدي حيل وكعدني بصفه حيل قريب..مني..باوعت بوجهه.:
مروتك..ضرار..رجعني يم البنات لبيت خالتك..صدقه لعمرك
.خلي نروح..
اويلي..ولج..شبيج..مو راح..يوكف كلبج..من الخوف..هسه اني مكتلج..راح اخذ الاريده بهاللحظة..بعدين حتى لو عندي هيج نيه..يعني كلتيلي عندج سالفه نسوان..ما اكدر اسوي..
شي!..اشو..اهدي ريحي بالج..
شلون اهده..انت حجيك كوله يخوف..
هد ايدي ودارني خلاني كباله عدل بقة..يباوع بوجهي!
جمانه. تعرفين انتي شكد حلوة؟!
هااا...اي..اي..اعرف..اني حلوة..الحمد لله!
احجي وكلبي يدوك..ابلعومي..
تعرفين..اول مشفت صورتج..مترددت كبل انطيت لابويه 15مليون..واني مرتاح..
تذكرت..من كال اشتريتج ب15مليون بعد مصبرت رأسا دمعت..
لا..لا..ما اريدج..تبجين..والله..وممجبور احلف..مجايبج لهنا حتى اخوفج وابجيج!
لعد ليش..جبتني!
ردت..اكعد وياج شويه هاي اولها وهاي تاليها!.
صدوك..يعني مناوي تأذيني!
لج..انتي شبيج...عجمية..خو ماعجمية.مو كتلج..ما اكدر اسوي..شي هسه حتى لو اريد..!!!!
لعد خلي نروح!
نروح..شويه نكعد بعد..ونروح
ماشي..
اي..كطعتي كلامي..بس ماشي اكمل..المهم من جيت عليج للشقه.شفتج.حسيت نفسي اشتريت فد شي..غالي..من شفت هالخدود..الحلوة..كلت اي ضرار..راح تشبع تعضعض..بهالخدود..الموردة
فدوة ضرار..لتحجي..هيج!
ليش...ما احجي..اني صريح..بس يمكن صراحتى تخوفج..اي..راح يوكف كلبج من الخوف قطره دم مضلت..بوجهج..!!
مد..ايده مرر..اصابعه ع خدي..جفلت:.
خلي نروح..ضرار..خلي نروح..هسه..
لج انتي شبيج ملكوفة مو كتلج ارتاحي..وريحي بالج..مااسوي شي يخوف..
مو انت..حجيك ايخوف..لازم خدي..وتحجي ومدري شلون تباوعلي:
هههه..اي..مو..جنت افكر..اشبع تعضعض بهالخدود بس لحد الان ممحصل شي..عموما..الصبر حلو..
فدوة ..خلي نروح..
وج نروح..والله نروح..بس بشرط!
شنو..
كرصني من خدي وكال..بهدوء:
عضه زغيره من هالخد!
ياااااا..عززززة..عضه شنو..!
اي عضه زغيرة..ونروح..
لا..لا..شهالحجي!
يعني هسه انتي كل عقلج اني ما اكدر اجفتج..جفت واعضعض براحتي..مو دا اتصرف وياح بدملوماسية ليش تخليني اكلب ع الوجه الثاني..
مو..مو..
هههه..انكلبتي بزونه..مو!
محسيت غير ادنه يمي ع كيفه..وعضني ..هيج عضة خفيفة ع خدي .حيل استحيت ورجفت اصلا..متت..من المستحة كتله:
هااا..مو..اقصد..اني..انت..مو اخذتها..يله كافي خلي نروح!
لا..مو كافي ابد مو كافي..
اتقرب مني اكثر..نفسه يم حلكي..وباسني ع خدي..بعدين ع شفتي..مدري شبيه مدري من الخوف..مدري من المستحة..مدري مرتبكة مكدرت ادفعة بس شفتي..ترجف..بحلكه..هو جان حيل هاديء..مرة يغمض عيونه ومره يفتح رموشه ع النص..حيل مندمج..عبالك..بغير..دنيا متونس ع البوسات وشلون يبوس مثل ذوله الي يطلعون بالافلام..الي من..جنت اشوفهم بالتلفزيون اغمض عيوني..من المستحة..بقه يبوس بشفتي ع كيفه اني ارجف حسيت اسناني..مثابته بمكانها هو ممهتم..بالاخير جر نفس وباسني من ركبتي...وخر عني عافني مسطورة..سمعت صوته..:
هههه...اموت ع الرجفه مال اول بوسه..غير..تموت..وطعمها..يضل..بالحلك..وبالانفاس..
بعدين ..لزم ايدي..
ارتاحي..هاي هيه..مراح اكلج..ارتاحي..
خ..خ..خلي..نروح:
اي هسه..نروح..بس..اخذي نفس...
خلي نروح!
ماشي!
كام..مشه كدامي..مشيت وراه كعدنا بالسيارة حرك..وجهي احسه مشتعل وبعدها الرجفه بكلبي..بس هو كل شويه..يلتفت عليه..ويبتسم ويرجع يباوع ع الطريق بس الله يعرف الي ديصير بيه..اريد الكاع تنشك وتبلعني هالكد مخجلانه منه ومستحيه..التفتت اباوع ع الطريق.
هو..كال:.اشو باعيلي..
التفتت...عليه:
ضرار..فدوة لعمرك..بعد لتسوي هيج!
ههههه..ما اسوي شنو..هو اني شمسوي..هنه بوسات..!
لا..فدوة بعد لتسويها!
اني صريج..ما اعرف..اجذب..يعني..اسويها..شوكت..محسيت نفسي..اريد..
يااااا..هاي شدتحجي..والله متت..متشوفني راح اموت من الخوف..يعني هالكد انت مابكلبك رحمه..
هههههه...تكول رحمه..هاي من البوسه..سويتني داعشي..ماكو بكلبي رحمه..لعد..من..تطور الامور اكثر شتسويني..هتلر..ابو كذلة..
دنكت ..لزم ايدي:
جمانه..خليني صابر..ومقتنع حاليا..بالبوسات وبس..وشوكت ما اريد اخذ..وانتي الممنونه..تره خلصتي..لكلبي..
بعدين غير الموضوع..كلي:
بعد مطلعين سافره..من اليوم..تلبسن عباية اسلامية وحجاب!
ليش..يعني!
بكيفى..حلالي..وما اريد احد يتفرج عليه!
حلالك شنو قابل اني زوجتك!
اعتقد اني مشتريج..واليشتري شي..يصير حلاله..لو الحق..يزعل مثل مكتلج قبل
ابد ميتغير..شكد يحاول يبين حنين بس ميتغير..يبقه يجرح..بيه..بس..مردت ابجي كدامة..هالمرة فكتله:
اني مو ملك ابوك..حتى باعني وانت اشتريت..اني انسانه..الي كياني..الخاص..وممسموح لاحد يبيع ويشتري..بيه!
هالله..هالله على ام كيان!
مكدرت اصبر..غصبا عليه بجيت وصلنا لباب بيت خالته..بعد مماسحة دموعي..لزم ايدي وجرني حيل صرت قريبه منه'
شوفي..انتي ملكي..حلالي..رضيتي..لو مرضيتي..والمفروض هذه الحقيقة متبجيح..بالعكس..لازم تفرحج..ولج..اني ضرار..ومو اي..وحده..احجي وياها هالحجي..ومو اي وحده..اطول وياها..بالي هالكد..ومو اي..وحده اهتم لدموعها..ومو..اي..وحده تصيرلها فد اهميه..عندي لدرجة اصبر..عليها كل هالصبر..يعني من تكونين ملك..ضرار..يعني انتي..مميزة..عندج ميزة لازم تفرحج..مو تبجيج..افتهمتي!
سكتت..افكر..يا الله هذا شكد مغرور..شكدشايف نفسه..سمعته يكولي:
مسمعت..جواب
اي..اي..
شنو اي..كولي..مفهوم..وصار..
سكتت..عصر ايدي كتلة
مفهوم..وصار..
يله..نزلي..
ردت انزل...شكد مجنت مستعجلة انزل بس من وصلنا فكرت..هسه شيكولون طلعت..عل غفلة ورجعت..التفتت..عليه..كتلة:
ضرار..شتكول هسه عمو كلهم..اني رحت وياك ازور
ها..خايفة..لا احد..يبسمرج..لويسمعج حجاية لان طلعتي بالليل!
اي..والله!
شوفي..الي يسألج..مجرد سؤال..خلي اصبعج بعينه..وكوليله جنت..ويه..ضرار..ابيته..وحدنا..وجنا نتباوس..افتهمتي!!؟؟
هذا..شبي..من كل عقله يحجي!
مسمعت..جواب..
اي..اي..
مسمعت..
افتهمت وصار
