رواية بنت الحرام الفصل السابع 7 بقلم جمانه السعيدي

نزلت من السيارة دخلت جوه استغربت..اشو محد منتبه اني طلعت راسا نزعت العبايه والحجاب وخليتهن ع الدرج فتت..يمهن خالة ام ضرار..كالت:                                   

ها..خلصتي المواعين..

من سمعتها عرفت هنه جانن ملتهيات يسولفن ومحد حست عليه وحتى عمو..مجايبلهن طاري..من طلعت..كتلها:                                                   

خلصت قسم..وبقه قسم مو هنه حيل..هواية:

دروحي..كمليهن همي..ايدج...

رحت للحمام اركض..

بقيت اغسل المواعين ع السريع..ارتاحيت لكيت المي شويه دافي..صح تعبت بس خلصتهن..بتنا يم بيت خالته..طبعا منما للصبح لان البنات..يسولفن..اني مجنت اسولف بس..كاعده..بالي بغير..مكان افكر..بحجي ضرار..بتصرفاته وياي..وكلما..تجي..ابالي بوساته..اعرك..واحس وجهي..يشتعل..اوف شلون اتصرف وياه..هذا..الي براسه ابد..ميغيره..كلي شوكت مردت..

ابوسج..اصلا هو ليخاف وليخجل وليخلي اعتبار..لاي شخص..شكد صلف..وعينه قويه يكولي الي يسألج كوليلة جنه..تنباوس..مضروب الجلوة عنده عادي يتباوس..من صخونه..اي والله..ثاني..يوم..اجه..اخذنا بسيارته..بقيت الطريق كوله مدنكه لان اعرف بس اشيل راسي راح تصير عيني..بعينه..كلت احسن طريقة ما انطي مجال ينفرد بيه..كمت اتشرد منه..واحاول ما اخلي فرصة..ننجمع بيها..حتى الجاي الي وره الغدة كلت لهديل هيه تسوي بمكاني..حتى منتشاوف بالمطبخ والحمد لله مرت سبع ايام صادفت السبعة مال اسيل..ام العريس عزمتنا كولنا ع السبعة..كالت تعالو من وكت..وفعلا البنات بدلن..اني دخلت ابدل صاحتني ام ضرار:

احنا..راح..نروح..لتعلكين الاضويه مال الطابق الفوك..ولمي الملابس غسليهن:

ليش..اني مراح اروح وياكم!

لا..مترحين..شنو..يوميه جايه ورايحة ويانه يجوز..عدنا موضوع عائلي..نريد نسولف..بيه..ضلي بالبيت

ماشي..اضل..بس شوكت..ترجعون اني اخاف وحدي بالليل!

منين تخافين يطلعلج البعبع!

لا..بس اخاف وحدي..

عود قفلي الباب ورانه..وعلي التلفزيون وانتي متخافين احنا..احتمال نرجع..بثمانيه..

ماشي..

طلعو..من البيت من وكت..لان الشمس جانت عاليه..اني هم قفلت الباب ودخلت جوة..لميت الملابس..ودخلتهن للحمام..ترست الغسالة مي وخليت اول وجبه..وصعدت..عزلت غرفة ضرار..لان من بدل وطلع وياهم..عاف الكنتور مفتوح وقمصانه ع القنفه..رتبتها ونزلت..بعدها الشمس هستوها تريد تغرب..سمعت الباب اندكت..رحت:

منو..

اني ضرار..

.هذا الجنت خايفه منه اجاك الموت ياتارك الصلاه هذا شجابه مو راح وياهم بقيت..صافنه:

لج..ليش..قافلة الباب من جوة..افتحي..يله

فتحته..دخل..

ها..شنو جنتي تسوين..يحلوة!

جنت..جنت اغسل ملابس..

عفته ومشيت..

وين رايحة..

اش..اشوف الغسالة

ركضت دخلت جوه للحمام سويت نفسي اشتغل بالغسالة وبكلبي ادعي ياربي خلصني. يارب..ابعده عني..بس فريت دكمه الغسالة حسيته حضني من وره..متت..حسيت فعلا دا..تطلع روحي هاي هيه..بعد ماكو اي امل يعوفني بس هو شويه رخه ايده..ودارني:

وكام يباوع بعيوني:

ش..شتريد ..ضرار..ل..ليش جيت!؟

برأيج ليش..جيت..بهالتوقيت بالذات؟                          

ليش..تريد...شي؟                                  

اي..اريدج انتي..

تقرب..مني..الحمام زغير..رجعت كم خطوة ليورةطخ جسمي بالحايط صرت بين الحايط وبينه..اقترب اكثر اني ارجف..حتى صوتي احسه راح..بده يبوس بركبتي ع كيفه..راد يفتح سحاب نفنوفي دفعته..بكل قوتي..وانهزمت..برة الحمام..وصلت للصاله..ماكو خطوتين..ولزمني من ايدي..وصار كبالي يخنزر عليه؛

ولج..هيج..ادفعيني..اني ضرار..هيج ادفعيني!؟

حسيت كلبي حينفجر..منه..حسيت بعد ما عندي اي امل..اخلص منه..رأسا..انفجرت عيوني دموع..وصرخت بيه بصوت عالي!!

ومنو..انت..ضرار..ضرار..ضرار..منو انت..ومنطي لنفسك الحق..تستعمرني..وتتحكم..بيه منو..انت..كولي..قابل انت خالقني واني..ملكك..ليش..منطي نفسك الحق بيه..ومتنطيني الحق..احجي..لو ادافع عن نفسي..ليش تريد..تاخذني غصبا..عليه..تريد تكسرني..مو..تريد تكسر..عيني..وكلبي..وروحي..بس..ليش..ليش..وانت تعرف..كولش..زين..اني..عيني..انكسرت..من ...جبتني..سحل لبيتكم..وروحي انكسرت من كتلي انتي بت حرام..وكلبي انكسر من..كتلي مشتريج..بعد شنو هو الي تريد تكسرة بيه..جسمي..تريد تكسر..جسمي..وليش..

اني..بالذات قافل..الى تكسرني..وانت شاب..حلو..وشخصية..وزنكيل..والف وحده غيري..واحله مني..مستعدة تذب نفسها جوة رجليك..وتنطيك كول الي تريدة..ليش اني بالذات..؟؟

جنت احجي بصوت عالي ودموعي يجرن..جان يجي يلزمني من زنودي حيل:

اذا تعرفين الف..وحدة تتمناني..ليش انتي مترديني..ليش..كارهتني!

مكارهتك..والله..مكارهتك..لان ما الي الحق لا اكرهك..ولا احبك..وحدة مثلي..طول الوكت..تسمع منك كلمة انتي بت حرام..متحس نفسها الها الحق..تكره لو تحب..

هااا..هسه صار..الموضوع مو موضوع كره وحب..لعد موضوع شنو بالضبط..

ضرار..الموضوع انته مفاهمه..اي من اول يوم..افهمك..وانت مدا تفهم..لان متريد تتقبله وتفهمه..تعرف ليش..لان فكرتك..عني..انه اني بت حرام..وميفرق..عندي اذا عشت بالحرام..بس اني. مو هالشكل..مفكرت..فديوم..ضميرك..هذا..معاتبك..مفد يوم خليت نفسك بمكاني..وجربت احساسي..مكلت لنفسك..هي شنو ذنبها اذا اجت للدنيا عن طريق..الحرام..تريد تاخذ الي تريده..مني..بأي طريقة المهم تثبت لنفسك..انه انت ضرار..الي يحصل على كولشي يعجبه بأي سعر..وبأي طريقة..

اي..صح..الي كلتيه صح..الي اريده اخذه بأي طريقة..

ماشي..لعد هاي اني كبالك..ومحد بالبيت..ومراح..اقاومك..يله..اخذ الي..تريده!

صدوك..تحجين!؟

اختنكت..طلع صوتي يرجف:

اي صدوك..احجي يله اخذ الي تريده هياتني كدامك..وحتى اذا فكرت..اقاومك..مراح اكدر.لان انت اقوى مني..وتحصلني بسهولة..بس ضرار..وروح امي.الي ربتني وتعبت عليه..ولحد الان ممصدكه اني مو من دمها ولحمها..اذا سويت الي ابالك..واخذتني بالحرام..صدكني..دقيقة وحدة ما ابقة بهالدنيا..انتحر..لو مو تحبسني..الكة طريقة وانتحر..واخلص..ولا..اعيش..باقي عمري..بالحرام!

تنتحرين!؟..اي والله خبلة وتسويها!

اسويها..ضرار..والموت..اهون عندي من عيشه الحرام..

يعني هسه الحرام..هو الي..مانعني منج مو!

اي..الحرام..وبس!

اي هاي سهله..ماكو اسهل منها..

لزمني من ايدي..كلي:

لبسي عبايتج..وحجابج..وانطيني هويتج!؟

شتسوي..بيها!؟

سدي حلكج..وانطيني هويتج وبدلي بسرعة..

بس..

زمخ بيه..

كتلج بسرعة..

فتحت الكنتور انطيته الهويه..ولبست العباية الاسلاميه والحجاب.وطلعت..من الغرفه لكيته منتظرني بالصاله..طلع موبايلة..

الوو..سعيد..عزل المحل..وانتظرني..انت ومثنى اباب المحل..جايكم..

وسد الخط..

التفت..عليه

امشي كدامي

وين ماخذني ضرار..

امشي بسكته..

اي وين رايحين!؟

خله ايده بايدي..ومشه..وصلنا للسيارة..كال:

صعدي..

غير اعرف وين رايحين!؟

كتلج..صعدي..

صعدت..اسمع الاذان يأذن..ربي سترك..هذا..وين ماخذني..وع شنو ناوي..

صعدت حرك..بالسيارة..

كلي:

مو تكولين الحرام..هو المانعني..منج..هسه راح اخلصج من الحرام كوله..واني هم اخلص وارتاح!؟.

مفهمت..

هسه تفهمين..

وصل للمحل اشر للولد..صعدو بالكشنات..الورة..ومشت..

السيارة..وسمعته..يسأل..الولد :

سعيد..سيد ياسين بعده ابيته القديم!.

اي بعده ابيته..

ماشي..

ليش شرايد منه!

اريد اعقد..يمه!؟

صدوك.

اي..لعد اتشاقه..

اي ع الخير..انشالله

وصلنا يم بيت قديم..نزلو الولد..يمه..قبل ميفتحلي الباب كلي:

اسمعي..راح اعقد عليج..مو الحجة مالتج الحلال والحرام..هاي راح تصيرين مرتي بالحلال!

بس

بس شنو عندج مانع!

حرت شكوله فكرت هذا خبل..وقافل..وبكل الحالات يعقد عليه بالحلال..احسن..فكتله:.

هااا..لا..لا..معندي مانع!؟

اي..عفيه الحبابة

نزلنا..وعقدنا يم...السيد الولد شهدو ع العقد

وطلعنا من يم السيد..هو ساكت الطريق كوله محجة..الولد نزلو يم المحل..واحنا رجعنا للبيت

اول مدخلنا كلي:

وهسه صرتي..حلالي بعد..شنو حجتج!؟؟

ضرار..معقوله تعقد عليه بهالسرعة!؟

وليش ممعقولة شنو الغريب..بالموضوع..شنو..بعدني..زغير..واخاف من العقد!

لا..موقصدي!..بس..اني هسه مرتك..يعني تزوجتني شرعي!.

اي..اعرف..شنو..هندوسي..وما اعرف!

معقوله والله مدا اصدك..يعني ع مود تحصلني..تتزوجني!.

كتلج..اخذ الاريده..بكل الطرق..ميهمي..اي شي

وبعدين..شراح يصير من تحصلني..راح اطلكني مو!.

معليج بلي راح يصير..جانت الحجة مالتج..الحرام.وهسه بعد..ماكو حرام..صرتي..حلالي..

اي..صح..بس..

ادنه...يمي

هههه..هم بعدج تبسبسين....ولج صرتي حلالي..حتى اني نفسي..ممصدك خبالاتي..

جرني بحضنه..وكام يبوس بيه..ع السريع..بعد مااكدر امنعه..لان معندي حجه..خليته يبوس بيه ع..شفتي وع خدودي..بعدين كلي:.

نزعيها للعبايه..

هاااضرار..مو..مو..هسه فدوة..ابوس ايدك انطيني شويه..وقت..

.دك موبايلة..شاله:                                   

ها..يوم.

وسكت!.

لعد سيارة ابويه شبيها..

هاااا..ماشي..لعد اني جاي..

سد الخط..وكلي:.

ابويه سيارته..مدا تشتغل..اني رايح..اجيبهم واجي..اصعد الغرفتي..وتلحكيني بس تشوفيهم كولمن دخل لغرفته!

سكتت..

افتهمتي..

سكتت..

مسمعت..جواب!

اي.اي.

شنو!؟

افتهمت..و..صار..

راد يطلع..وصل للباب.ورجع..عليه..باسني حيل ع شفتي وطلع..

بس شنو احسه اخذ..روحي..هذا صدوك..مو بعقله...اتزوجني..بسرعة..حتى ...اذا احجيها للناس تضحك..عليه...بس..من عقدنا كلبي برد..الحمد لله عقد عليه بالحلال..شيسوي خلي..يسوي..مدام حلال كدام رب العالمين..زين هسه اني المفروض..افرح..لان تزوجته لو اضوج..والله..خلاني مثل المسطورة هالخبل..وره ربع ساعة..رجعو..كعدو بالصاله يسولفون..امه كالت:.

يوم..تعشيت!؟

اي..تعشيت..

شنو اكلت بالمطعم:

لا..هنا تعشيت..جمانه..سوتلي عشه!.

ها..زين..لعد..

بقو يسولفون ع سلسبيل اسمعهم يكولون..مصطفى راخ ياخذها..بعد.3شهور..وبعدين تفرجو ع الفلم..دخلت ام ضرار..وعمو لغرفتهم..والبنات..هم دخلن..اني دخلت يمهن..بقن يسولفن..بعدين نامن اني هم سويت نفسي نايمه..بس كلبي يركض..ويه الساعة..صارت12ونص..شفتهن راحن بالنوم بقيت افكر..يربي..اصعد لو لا..بس استحي..شلون اصعد..اوف هذا خبل معنده مانع ينزل..يجرني..ويصعدني..يمه..

اضطريت اصعد..ويه كل بايه ادعي..يربي..مروتك..هدي..شراح..يسوي..بيه..هذا..يمكن يطلع خبالاته كولهن عليه.وصلت لباب غرفته دكيتها ع كيفي كال:.

فوتي..

دخلت..لكيته..كاعد ع جربايته لابس..بس..برمود قصيرة..حتى فانيلة ملابس..يا الله شكد عيب اول مره اشوف جسمه..عضلات..وصدره..بيه شعر..عالي..كلبي كام يدوك..اكثر..اشرلي بيده ع الجربايه..يعني تعالي:

مشيت ع كيفي كعدت..كباله..بس..مدنكة..واحس روحي مو الي..

خرب..يومج..جيتي بالاسود..

سكتت..

اشو..رفعي راسج..باعيلي..

رفعت..راسي..كتله:

قابل..جبتلي..بدلة..واني ملبستها!!

اويلي..شلون..بسمار..ستيل..تحلمين بالبدلة جمانه!

كل بنيه تحلم..بالبدلة..ضرار..

ههه..هسه..عوفج من البدله..والمكسي..وتعالي بحضيني..

ادنه..يمي وحضني..خفت منه..كتله:

ضرار..مروتك...ع كيفك ويايه

وشكالولج..عليه..حيوان..اني!؟

لا العفو...بس..بس!

اهدي..اهدي..اشو..رفعي..راسج

رفعت راسي..

اووووف..مطيح حظي غير..هالخديدات..هسه شسويلهن..

ادنه اكثر..عضني من..خدي..الايمن ع كيفه..انوب من الايسر..

كتله..

اني..مو..استحي..والله!

لج ..بس رخي..شبيج متشنجه..

وهمس باذني..

والله ما ااذيج..وروحه لجدي..

ماشي..                                                        

جنت اتوقع هو راح يتصرف وياي بعنف بس كل توقعاتي طلعت غلط..يمكن ساعةبس..يبوس بيه..وصافن بوجهي.

بوجهي..لويبوس ..براحة ايدي..معقوله هو هذا ضرار..اليخوف..اتعحبت..هذا شكد رومانسي..وحباب..شكد هاديء..وبوساته ناعمات..ورقيقات..محسيت ع نفسي..بسرعة روحي راحت..هالكد معاملني بمحبه نسيت منو هو.ومنو اني..اصلا..رحت..وياه..لابعد..نقطة بالدنيا..واخذني بكل..رقة وحنان..وحتى من ..صرت اله وحس بيه اتوجع..همس بأذني..

ميخالف..تحملي..يروحي..شويه وجع ويروح!

اصلا عقلي مدا يستوعب..ياااااا..هو هذا الزواج..الي جنت خايفة..منه..صح شويه بي الم..بس هو..خلاني..نسيت كولشي وياه..صدقه..شلون حاضني..عبالك..بنته الزغيره..وبعدين باسني ع كصتي..

مدري ليش..كتله:

ضرار..هو شنو..الي صار قبل..شويه:

هههه..متعرفين..شنوالي صار..اني اكولج..صرتي..الي..وصرت الج..يروحي..

ضرار..ها..هيه..يعني..باجر اطلكني..

جرني بحضنه..وباسني ع شعري..

وكال:.

منو كال اطلكج..لو..اعوفج بعد

يعني متعوفني!

نامي...يروحي ولتفكرين..

الفصل الثامن من هنا 

شكرا لزيارتكم عالم روايات سكيرهوم