رواية إبن عمي دمر حياتي الفصل السادس بقلم جمانه السعيدي
احمد تفاجئت بزينب متغيره حيل صايره حلوه
اول ماشفته تفاجئت
حبيت احرك مشاعره واحرك كلبه
بس تفاجئت بيه هاي مو زينب هاي وحده ثانيه
ما شفت اي مشاعر بعيونه وماكو لهفه ابد
صايره قويه وشخصيه
وابد مادارتلي بال
صممت اله احرك كلبه واقرب الزوجتي كدامه
لازم اخليه تجي تتوسل مثل قبل
زينب بليل صارت الحنه تخبل واني كلش فرحت
أجواء العرس تخبل
ليث مابطل يتقرب مني مايدري اني كلبي صاير اسود من الكرايب وطاريهم
حسيت هذا الشي زعج احمد
رغم هو اختار حياته وازوج وبعد عني
ضل كلما يشوفني احجي ويه ليث يجي يحشر نفسه بلنص
بليل من خلصت الحنه جمعو النسوان بغرفه
والزلم بغرفه
اني وماما وعمتي وبته وعمتي ام احمد وزوجت احمد
كلنا انام بغرفه
والزلم بلغرفه الثانيه
احمد حب يعزز غروره ويحرك مشاعري
كل شويه جاي الزوجته هااا
حبيبتي محتاجه شي
راد يحرك كلبي
جان متوقع بس اشوفه اركض علي متوقعني ذيج الطفله الزغيره الي ضحك عليه قبل
ماهان علي ابد ان اني تغيرت وصرت انسانه ثانيه
يريدني ابقه عبده المشاعره طول العمر
جمانه السعيدي
اني عادي تصرفي كلش طبيعي
بقيت اسولف ويه عمتي ام ليث ومادرت بال ابد
لان اني بعد ماعندي اي مشاعر اتجاها
وهو مايقبل هاي الفكره
متصورني راح ابقه ذابحه نفسي علي طول العمر
من شافني ماهتميت الكل حركاته
اجه كعد يم زوجته وحضنه ويكل العمتي ماعندكم غرفه النا وحدنا
اليله شلون افاركه ما اعرف انام اذا ماتنام هي على صدري
عمتي تضحك تكله بس البيتونه فارغه اصعدو بيه
كل هاي الأشياء ماحركت شعره براسي ابد
لان اني فعلا مابقت اي مشاعر بكلبي اتجاها
بس اكره اي اكره وما احبه ابد
ولله متعجبه من نفسي شلون كنت ذابحه نفسي علي
ولله مايستاهل ابد
كمت طلعت اغسل حتى انام
وعفته كاعد بلغرفه ويحجي ويه عمتي
غسلت وجهي وفرجت اسناني ورحت للحمام بدلت لبست تراك طويل اريد انام
ورجعت وهو طلع من الغرفه
قرب عليه وكال بصوت ناصي
احمد هااا ضجتي
زينب باوعت علي وبتسمت وهزيت ايدي ودخلت
هذا شبي من كل عقله شنو شايف نفسه
بليل ماكدرت انام لان مكاني متغير
وعمتي تشخر واني اذا واحد يشخر يمي ماانام ابد
زوجت احمد هم كانت واعيه وتراسل بلتليفون
بس اني كنت مغمضه وهي متوقعه اني نايمه
بعدين اخذت التليفون وطلعت برا اني استغربت معقوله جاي تحجي ويه زوجه هيج وقت
بس البيت سنطه ولكل نايم
ايجوز تحجي ويه اهله يله اني شعليه بيه
بصعوبه نمت والصبح كعدو من وكت يحضرون للعرس
اني بعدني متمدده بمكاني وماكمت
اجا احمد يكعد زوجته يله اكعدي انتي جايه تنامين
...عوفني بعدني انعس ماشبعانه نوم
احمد ليش اني البارحه نمت من وكت وهسه كعدت شبعان نوم
....اني بعدني انعس اريد انام
جمانه السعيدي
عافه وطلع واني كعدت بدلت وطلعت اساعد البنات بلشغل
وهي ماكعدة غير الساعه ١١ من النوم
للعصر بدلنا اني جايبه وياي فستان موف مخصر
ورفعت شعري نص ونص
وخليت مكياج وكعدنا ننتضر الزفه يمته تجي
اجت السيارات وطلعنا انريد انروح نجيب العروسه
راسا حسيت واحد طخني من ضهري التفتت شفته احمد لازم زوجته بايده شافني وكال العفووو
اني ماحجيت اي شي
احمد ترحين ويانه بنفس السياره
زينب لا شكرا
راح يموت لان متجاهلته ومامعبرته ابد
عفته ومشيت جان تجي عمتي ام ليث
اله تجين ويانه بلزفه
كعدنا اني وعمتي وبته ورا وليث والسائق كدام
ليث عدل المرايه حتى يشوفني
وكل شويه وكال يوم الالي
ولله لو تصير الي ابالي اليه
اله اذبح ثور
زينب ضحكت بكلبي وكتله ولله لوتعرف الي تفكربي مستحيل ايصير
لا من سابع المستحيلات
وصلنا وجبنا العروس ورجعنا
اريد اصعد بلسياره جان اسمع احمد يكول يوم الالج زنوبه
التفتت علي وابتسامه عريضه على وجهي وكتله
وانت حاضر ابن عمي
متوقع اني اشوف العرايس واتحسر لان ما اكدر ازوج
بس اله ازوج واحد احسن منك الف مره
جمانه السعيدي
رجعنا وتعشينا وزفو العرسان احسن زفه
واني ساعدت البنات بلتنضيف
رحت اجمع الاكل الباقي يعني التالف بسطل ورا البيت
وتفاجئت بزوجت احمد كاعد تتصل بواحد وتكله هسه ما اكدر
باجر من نرجع اشوفك
بس شافتني ارتبكت بس اني غلست ماليه علاقه ابد
رجعت وهي اجت دخلت وراي رادت تشوفني اسولف عليه لو لا
بس اني وكنما ما اشوفه ابد
كملنا شغل ودخلت للغرفه جمعت ملابسنه وحضرتهن
حتى نرجع باجر البغداد
رحت اجيب تراكي على الحبل
وهم لكيته خاتله بلترك وتخابر بس ماسمعت شكالت ابد
اخذت تراكي ورجعت للغرفه
احس نفسي تعبانه ونعسانه من الفره طول النهار
تمددت ونمت
ثاني يوم كعدنا من الصبح تريكنا واني بدلت ومن ردنا نصعد بلسياره
لحكني ليث الله عليج اريد رقمج
زينب ما اكدر اعذرني
صعدنا ورجعنا البغداد
جمانه السعيدي
اتفاجئت بعد مده من هاي المناسبه عمتي ام ليث جايتنا
زينب اهلا وسهلا شعجب عمه اجيتينا
كعدنا وتغدينا وبليلته كالت ابات عدكم
هلا وكل الهله بيج عمه
بليل اتفاجئت عمتي جايه تخطبني الليث
كلنا اتفاجئنا من هذا الخبر
لان ليث بعدا سادس واني مستحيل افكر بلزواج هسه
وحتلو ازوج ماازوج ليث ابد
بابا كال جيتج على العين والراس بس القرار الاخير الزينب
هي الي راح تتزوج وهي الي توافق لو لا
ام ليث حتلو هسه بس خطوبه ومن يكملون يزوجون
ترا ليث من يوم شافه لليوم بس يحجي بيه
زينب عمه جيتج هاي على عيني وراسي بس اني هسه مامفكره بلزواج ابد
ام ليث بس خطوبه والزواج بعدبن
زينب ابد ولا خطوبه اريد اكمل دراستي
ام ليث واحنا ماعدنا مشكله ابد
زينب عمه لاتزعلين مني اني مااريد ازوج لا ليث ولاغيره
ام ليث ليش تفشليني مو اني عمتج
زينب انتي احلى عمه بلدنيا بس هذا الطلب مرفوض
ثاني يوم طلعت عمتي من عدنا زعلانه لان ما وافقت
بطلب الزواج هذا
ميخالف خليه تزعل هسه انشاء الله حسبت وكت وترضا
احسن ما تخرب العلاقه بعدين بين العائلتين
لان اني ما مقتنعه بليث ابد
بديت اجهز نفسي للدوام ورحت للسوك اشتري شوية ملابس واغراض احتاجهن
رحنا اني وايهم
بلصدفه واحنا نفتر بلسوك صادفت احمد
طبعا اني درت وجهي لان ما احب التقي بي ابد
هو راسا شافنه واجا سلم علينا
اني سلمت من ورا خشمي ودرت وجهي
احمد شعدكم بلسوك اليوم
ايهم زينب محتاجه كم شغله وجاي تشتري تعرف الدوام راح يبدي
احمد اي بيه الخير
زينب اشو هذا دار عليه من الجهه الثانيه وقرب وكال
ليش رفضتي ليث
زينب رفعت راسي وكتله نعم وانت شكو هذا الموضوع مايخصك
احمد شلون مايخصني اني اعرف ليش رفضتي لان بعدج تحبيني وماتكدرين تنسيني
زينب ضحكت بصوت عالي واستمريت اضحك
ايهم شنو يضحكج ضحينا وباج
زينب هههه هههه هههه ولك ما اكدر اسكت صدك خوش نكته
ايهم سمعيني وياج
زينب ولك نكته بايخه كلش بس ضحكتني ولله
احمد استغربت من ردت فعله هاي مو زينب الي اعرفه
هاي وحده ثانيه
زينب رحمه والديك احمد على هاي النكته ولله صدك ضحكتني
تعيش وتاخذ مقلب ثاني غير هذا المقلب الي انت مصدكه
يله ايهم خل نرجع للبيت
كل مره يثبتلي ان انسان حقير بلزايد
متوقع اني بعدني احبه وارفض للعرسان علموده
صدك غبي ومغرور
رجعت للبيت وايهم حجه الامي على احمد
وكالله بتج خزتنا تضحك بصوت عالي بلسوك
احمد مدري شكالله
امي ضحكينا وياج شكالج احمد وضحكتي
زينب نكته بايخه مثل وجه
امي شني هاي النكته
زينب نسيته ما اذكر شكال
شكرا لزيارتكم عالم روايات سكيرهوم
