رواية إبن عمي دمر حياتي الفصل السابع بقلم جمانه السعيدي
رجعت للدوام متحمسه مو شلون منجان اداوم
اكو بنيه بلصدفه كعدت بصفي تعرفت عليه اول يوم
شفت بايده حلقه
زينب اني زينب تشرفت بيج
نور اني نور اهلا وسهلا
زينب مخطوبه بلعافيه
نور شكرا حبيبتي صار شهرين من انخطبت ولد ويانه بلكليه شافني وعجبته واجا خطبني
زينب شايفه كل الخير انشاء الله
شويه واجا ولد شكله حلو ومرتب سلم واخذه وراح
هي اشرتلي هذا خطيبي
بمرور الايام قوة علاقتي بيه وخطيبه دائما يسلم عليه
مرات اشوف ويااا ولد ثاني
هذا الولد يبقى بس يباوع عليه
حتى هي تكول مثنى شكد يباوع عليج يمكن معجب
زينب اني اريد ادرس وبس هاي الخربايط مااريد
عود لو تخرجت الله كريم
اكثر البنات بلكليه جايه ومصممه ماتطلع اله مخطوبه
لو مرتبطه
وكنما الكليه مزاد للزواج
بس اني ابد مافكرت هيج اربد أنجح وبس
يمكن بسبب العقده الي سببها اليه احمد
بيوم اجت نور وكالت مثنى يريد يتعرف عليج انت حيل عاجبته
جمانه السعيدي
زينب اسفه مااكدر
نور هاي شبيج انطي مجال يجوز يعجبج
زينب ماعندي وقت اكضي بتجارب يجوز تنجح او تخرب
نور انتي شكد معقده ترا ماكو بنيه بعد هيج
خليج فري شويه واخذي الي يعجبج واستغني عن الي ما بعجبج
زينب مااكدر
ثاني يوم هو اجاني وكف قريب عليه وكال
...ممكن احجي وياج دقيفه
زينب اتفضل بس اختصر لان عندي محاضره
مثنى اني مااريد منج شي اريد فرصه تعارف وبس
هاي الفرصه تحدد نوع العلاقه
زينب مااكدر اني وقتي كله ملك للدراسه وبس
اذا انطيك فرصه راح وقت يسحب وقت
وراح أهمل دراستي
مثنى ليش انتي هلكد ملتزمه وانطوائيه
زينب عادي اني جايه للكليه ادرس وانجح وبس
لو عجيبه بهذا الزمان اكو بنيه هيج
جمانه السعيدي
مثنى اي ولله مثل شخصيتج عجببه ماكو ابد
زينب من رخصتك عندي محاضره
عفته ومشيت وهو بقى واكف بمكانه
طبعا هو هندسه مرحله ثالثه واني ثاني
ابد ما بطل يقربلي ويحجي وياي وخاصه كان يجبر صديقه
الي هو خطيب نور علي
حتى نوكف سوا ونحجي
يمكن بوقته الخلل بيه مو بي اني كنت موقفه كل مشاعري
اخاف ادخل باي تجربه جديده
على العموم ضل يلح عليه وصارت اكثر من فرصه
وحجينا سويه
طبعا بوجود نور وخطيبه
نور كانت دائما توصلي كلام منه عن طريق خطيبه
انو معجب بيه ويحترمني ويحترم رائى
وامنيتي يرتبط بيه
الحد ما اتفاجئت بي بيوم من الايام
مثنى عندي موضوع كلش مهم اريد احجي وياج بي
زينب تفضل
مثنى طبعا اني صار فتره واني اراقبج وكلش عجبتيني
وقررت أتقدم واخطبج شنو رائيج
زينب بس انت ماتعرف اي شي عني
مثنى من بدا الدوام الي هسه واني اراقبج وفعلا عجبتيني وعجبتني اخلاقج
زينب هذا القرار مو سهل ابد ومحتاج تفكير
اي نعم انت انسان خلوق ومودب بس هم محتاجين وقت اكثر نتعرف على بعض
الزواج والارتباط ابد مو لعبه
مثنى خلاص اني كدامج واسئليني اي سوال يعجبج
واذا تردين اني هذا اسمي الثلاثي وعنواني بديالى
وتاكدي مني
جمانه السعيدي
الصراحه حبيت اصراره عليه
حبيت ان تحمل اسلوبي الجاف ويا وما استسلم ابد
قررت انطي فرصه حتى نتعرف اكثر لان مبين انسان جدي
وواضح ولا يلف ولا يدور
بدينا نحجي اكثر ويه بعض وهو حجالي كلشي يخص
حياته
واهله وين ساكن ومشاريعه المستقبليه
حتى الأكلات الي يحبه
وراح يبني مشتمل حتى نسكن بي ثنيينه قريب على بيت اهله
اني هم حجيتله شويه عني وعن اهلي
وقررت اذا صدك بقه مصمم عليه و توصل للخطبه
افاتحه بموضوع احمد
وشلون قشمرني واستغل برائتي وبعدين اتخلى عني
وهو بكيفه يريد يقبل يريد يرفض
اكيد هو عرفني وعرف اخلاقي وراح يصدكني
اتفقنا من تخلص هاي السنه بلعطله يتقدملي
وبعدين نحدد موعد الزواج
اني الصراحه كلش اقتنعت بي وبديت احبه واتعلق بي
لان اشوف الحب بعيونه
قبل الامتحانات الاخيره بشهر واحد كانت علاقتنا اكثر من ممتازه
حيل اتعلقنا واحد بلثاني
فجئه وبدون مقدمات ابتعد عني كمت ما اشوفه ابد
واذا شفته وحاولت احجي ويااا يتهرب مني
حتى اتصالاته انكطعت
كلش استغربت من موقغه
حاولت افهم منه بس مجاي ينطي مجال احجي ويااا ابد
بدت الامتحانات
قررت اشغل بالي وادرس احسن اليه
واذا اليه نصيب بي اكيد راح يرجع
بس مااكذب عليكم فكرت بعده عني المفاجئ هذا
حيل محيرتني
كل الأعذار انطيته اله
كلت يجوز عدهم مشكله يجوز صار شي ومايقبل يكول علي
بس شلون هذا الحب واللهفه يتحولن إلى برود
العلاقه الي جانت ملتهبه وكله مشاعر
ليش بردت فجئه
جمانه السعيدي
شكد حاولت احجي ويااا وافتهم الاسباب بس بدون فايده
ابد مايقبل يواجهني ويحجي وياي
امتحنت بس مو نفس الحماس للقرايه
اني ليش مااريد ادخل بعلاقه ابد اعرف راح أقصر بدراستي
كم مره سئلت نور كالت مااعرف
حتى خطيبه سئلته وكال مااعرف شبي
بدينا نمتحن واني قررت بعد ما الاحقه واسكت واعوف الزمن يكشفلي كلشي بعدين
امتحنا وخلصنا ورجعت جمعت كل ملابسي وغراضي من القسم
ورجعت للبيت
بس ولله الفضول راح يكتلني ليش عافني
اني ابد ما سويت ويااا شي موزين
بعد فتره اتصلت بيه نور وكالت النتائج طلعت
وبشرتني بنجاحي
زينب الله يبارك بيج وانتي
نور اني هم نجحت والحمد لله
زينب اريد احلفج بلصداقه الي بينا واريدج تحجين الصدك
مثنى ليش عافني اني شنو سويت ليش ابتعد عني
نور ما اعرف
زينب بس خطيبج اكيد يعرف اريدج تسئلي وترجعيلي خبر
ولله مراح اضوج ابد
كلشي بهاي الدنيا قسمه ونصيب
واكيد مثنى مو قسمتي ابد
نور اوكي بس اعرف ارجع اتصل بيج
فات يومين وثلاثه وهي ماكو
بليل اتصلت بيه وبقيت احلفه واجررجره بلكلام
منا لمن طلعت كل الكلام منه
نور اني راح احجيلج الي سمعته من خطيبي علي
والي عرفه من مثنى
بس فدوه لاتزعلين
زينب وليش ازعل
نور مثنى مفاتح اهله بموضوع زواجكم واخو الجبير
كايله ميخالف بس خل نروح نسئل على البنيه
ونسئل على اهله
واذا كلشي تمام راح نروح نخطبه
من اجو البغداد ثنيينهم باقين يسئلون بلمنطقه لمن وصلو لابن عمج يكولون اسمه احمد على ما اعتقد اسمه احمد
عندج هيج ابن عم
زينب اي وبعدين كملي
نور ابن عمج لمن سمع مثنى جاي يخطبج سكتت
زينب ليش سكتي كملي
نور احمد الصراحه باقي يحجي عليج وعلى سمعتج
وكايللهم هاي بت عمي وكنا عايشين بيت واحد
سمعته موزينه
واخلاقه زفت وتعرف هواي ولد
واحنا انتقلنا من بيتنا الي جنا ساكنين بي وياهم
بسبب سمعته
انصحكم لوجه الله تبتعدون عنه
هاي مو خوش بنيه
اصلا هي مو بنيه ما اعرف مسلمه نفسه المنو
وضاحك عليه
وبعد ما معتدي عليه رافض يزوجها
جمانه السعيدي
احمد الحجي بينا اي شاب مستحيل يقبل يزوج وحده مفرطه
بشرفها
وبت عمي فرطت بشرفها
وسودت وجوهنا بين الناس
احنا عفنا المنطقه كله من ورا سمعته الزفت
انصحكم لا تتقدمون ولاتعبون نفسكم
اخو مثنى بعد ما سمع هذا الكلام متخبل
كام يحجي على مثنى وكايله اذا ابن عمه يحجي عليه
لعد الناس الغربه شتكول
ابتعد عنها وبعد لاتجيب طاربها ابد
مستحيل اخليك ترتبط بوحده مثله
ولهذا السبب مثنى ابتعد عنج
مثنى بين مصدك وما مصدك يكول اني اشوفه بلكليه
خوش بنيه ومؤدبه
ومستحيل هذا الكلام يطلع عليه ابد
بس لازم يسمع كلام اخو
وقرر يبتعد عنج بدون ما يجرحج
