رواية بيت جدي الفصل السادس بقلم جمانه السعيدي
علي....جابت نرجس السفره وفرشتها
اني كمت اساعدها
اريد اتقرب منها اريد اشوفها اكثر
هي وأخواتها ينقلن الاكل واني اخذه منهن واخلي على السفره
طبعا ابو عامر نسيب صلاح بس وصلنا سلم علينا ورجع البيته
بس مبين بيتهم قريب على بيت عمي صلاح
صلاح ...تفضلو تفضلو لايبرد الاكل
علي...ساعدت عمي صلاح شلته وقربته على السفره
خطيه رجله مبتوره من جوه الركبه
ومربوبطه الحد نهاية الفخذ
وشكد اكو علاجات وادويه يم راسه عدلت كعدته حتى ياكل
صلاح...الله يحفظك ويبارك بيك تفضلو اكلو بلعافيه
علي... خل تجي خالتي والبنات ناكل سوه هاي اول مره نتعرف عليهن
صلاح...البنات يستحن ماايجن يتغدن بلمطبخ
اسعد...احنا مو غربه احنا عمامهن وماشايفيهن قبل
خل يجن نتغده سوه
صلاح...عوفهن بس نخلص اكل يجن يكعدن هنا يمكم
اني اصلا اريدهن يتعرفن عليكم
هلمره من ضربتني السياره صار الموت كدام عيني
كلت يمكن راح اموت وهاي البنات منو الهن
حتى اهلهن مايعرفوهن ولا يعرفنهم
شكد اتندمت لان ابتعدت كل هاي الفتره عنكم
ولو اني جنت زعلان عليكم
لان محد وكف وياي
عماد....انت لازم تشكرنا لو ما موقفنا هذا ضدك مجان ازوجت ولا كونت اسره
صلاح...اي ولله كلامك صحيح
اني اول ما وصلت بغداد جنت ضايع ومااندل دربي
والشرب جان مطير عقلي
مااعرف وين اروح لو ششتغل واخاف على فلوسي
يرحن مني
اجرت غرفه بفندق بقيت شهرين ادور شغل وماكووو
والفلوس جاي تخلص بين اكل وفندق
ايست فد مره ضايع مااعرف منيين ابدي
الحد ماشافت ابو غفران بلصدفه تكرمون جاي يجمع قواطي ونايلون من الشارع
عنده عربانه ومطي
الرجال عربانته كلها كواني مليانه بطاله قواطي وشغلات محمله تحمل
نزل من العربانه وكعد على الرصيف
شفته تعبان طلع جكليته من جيبه بلكوه خلاها بحلكه
الرجال يرجف كله
قربت علي هااا عمي خيرك
كال دخت مااكدر بعد جمانه السعيدي
صلاح وين بيتكم كعد يوصفلي هاي المنطقه
بس شنو كوه تطلع الحجايه من حلكه
شلته صعدتا على العربانه
واني صعدت بصفه ومشينا اني لازم الزمال واضربه
وهو يمشي
منا لمن وصلته الاهله
دخلته بيتهم وبقيت كاعد يمه ماكو بلبيت بس غفران
تركض منا وتجي منا
طلع عنده هبوط بلسكر وغفران تعرف وضعه
الرجال وصل للبيت كلشي منتهي
جابتله مي وشكر اني ساعدته وشربنا بعدين جابتله حلقومه شويه صار احسن
من كعد سئلني عن وضعي
كتله اهلي شمروني مايردوني
وهسه اني لاشغل ولا عمل عندي كم فلس راح يخلص
ومااعرف وين اروح ومااعرف اشتغل اي شغله
كال ليش ماترجع الاهلك
كتله بعد ماارجعلهم لو اموت من الجوع
رد عليه كال تعال اشتغل وياي اني كبرت وبعد مااكدر
ورزقي ورزقك على الله
طبعا عمي عنده بس ابو عامر موضف بلبلديه
صدك رحت للفندق جبت ملابسي وفلوسي ورجعت عليه
من ثاني يوم طلعنا نشتغل اني ويااا
بلبدايه ضجت وين جنت وين صرت
قبل اكل ونوم ولا شغل ولا عمل ووين هسه
ضهري انكسر هلكد ماادنك والشمس تحرك بيه حرك
من بعدها عفت الشرب
شكد اتاذيت وتعبت يله كدرت اعوفه
شفت الوضع مومال شرب وهاي السوالف
لازم اشتغل واعين نفسي
جمانه السعيدي
الرجال الخير كال ليش ضام فلوسك راح تخلص
هنا الكيعان رخيصه أخذلك ١٠٠ متر وبنيهن وكعد بيهن
اجا وياي اشتريت هاي الكاع
النوب كمت اشتغل وابني بيها
اني بهاي الفتره تقريبا ساكن بيت عمي
منا لمن خطبت غفران وزوجنا هذا الرجال رب العالمين دزه اليه رحمه
لو ماهو جان خلصت فلوسي وضعت بغداد
علي...وبلسقوط شلون
صلاح...بقينا بيتنا محد قرب علينا هي منطقه تعبانه
وكلها بيوتها جينكو منو يفكر يقرب عليها
بس الصدك من بعد السقوط هاي الناس كامت تلعب بلفلوس لعب
البلديه كامت تشيل البسطات وتشمرها لان مخالفين
كلشي كمنا نلكه بلزباله
كلشي اشياء تخبل
اني مره لكيت محبس ذهب بعته بوقتها ٢٥٠ الف
وهاي المنطقه الي ورانا ناس راقيه كلش
دائما يشمرون اشياء تخبل مثل نص طخم
ثلاجه نص عمر طباخ بي عطل بسيط الناس تأخذها وتخليها ببيوتها
خير من الله هاي الشغله تبين تعبانه بس هي بيها فلوس
اني بهاي الفتره الاخيره تعبت بعد مااكدر امشي والم قواطي
كبرت وتعبت والبنات مااكدر اخليها يطلعن
اشتغلت بمعمل بلاستك
معمل هنا بصفنا يجمعون البلاستك ويخلو بمكينه
تثرمه ويببعونه على المعامل ترجع تصنعه بلاستك من جديد خير من الله شهريتي ٦٥٠ الف
علي...كنت مستمتع بحديث عمي صلاح
حسيته صار انسان ثاني متغير ١٨٠ درجه
وعنده احساس بلمسؤليه
كملنا اكل واني بديت اساعد البنات واشيل وياهن بقيا الاكل
والمواعين
جابلولنا حاي واجن غفران ونرجس وأخواتها كعدن يمنا
بس كاعدات وساكتات
والحديث كان كله عن الحادث وعن الفصل
قررو عمامي نبات بيت عمي صلاح لان المشيه ثاني يوم
علي...اكو سوك قريب عليكم
صلاح...اي بس تطلع من الشارع ثاني فرع على ايدك اليسره
اذا تريد شي اني اخلي نرجس تروح اجيبلك
علي...لا اني اريد اطلع اشوف المنطقه
علي طلعت اتمشى المنطقه تعبانه واكثر البيوت مربين حلال ودجاج وبط
والبيوت اغلبها البيبان جينكو
الجهال بلشارع وصخين ومخربطين
المهم وصلت للاسواق
وبديت اتسوك البيت عمي كلشي جبت
تمن شعريه معجون صاص كجب صابون زاهي حمص فاصوليا
فواكه من كل شكل ٣ كيلو
سئلت اذا اكو كصاب يمهم رحت جبت لحم كيلوين
اربع دجاجات
جبت حلويات للبنات
حملت سياره تحمل ورجعت البيت عمي
من شافني عمي ادخل بلغراض تخبل
صلاح...ياعمي مستوره ياعمي خير من الله عدنا
طلعن البنات يدخلن بلمسواك
جمانه السعيدي
نرجس باوعت عليه شالت مني العلاقه وكالت شكرا
علي....ماسويت شي اذا تحتاجون شي ثاني
اني اندليت الأسواق
غفران...عساك سالم الله يبارك بيك ويحفظك
للعصر اني طلعت افتر بلمنطقه رجعت المغرب
سمعت نرجس تكول ماما نشوي الدجاج
علي...اي نشوي هي راسا التفت عليه وضحكت
علي...ترا احجي صدك عدكم منقله اني اشوي
نرجس...لا عدنا تنور طين وعدنا حطب
علي. تعاي اني وياج نشوي الدجاج
نرجس...اصير بيك ريحة دخان
علي.. واذا اسبح واغسل ملابسي
بهاي اللحظه اتصلت امي
امي...علاوي يمه مارجعتو
علي...باجر المشيه بس تخلص نرجع
امي...ووين راح تبات اليله
علي.. بيت عمي صلاح
امي...ولله اني ابد ماعاحبتني هاي السفره وهاي روحتك
غصبا عليه فدوه ارجع بسرعه
علي...محتاجه شي
امي...سلامتك اريد ترجع بسرعه
علي.. انشاء الله
جمانه السعيدي
هذا الحجي كله نرجس واكفه وتباوع عليه
علي...يله وين الحطب
نرجس...اجيبلك دشداشه من ابوي حتى ملابسك ما تتوصخ
علي...يله وينها دردشة ابوج
راحت جابت دردشه واجت
دخلت ابدل بلحمام
الدراشه شكبرها عليه طلعت عبالك مخبل
فتحت باب الحمام لكيتها منتضرتني
اني راسا عوجت ايدي وحولت عيني وكمت امشي صفح
علي...هااا شلوني طلعت عبالك مخبل
طبعا ابد ما متوقع ردت فعلها
ضحكت ضحك موطبيعي حتى فحطت هلكد ماضحكت
الحمام خارجي صاير كبال الغرفه الي كاعدين بيها عمامي
راسا عمي صلاح صاح
نرجس هاي شنو الضحك مو عيب
وهي لزمت حلكها وركضت دخلت بلبيت
اني دخلت على عمامي
علي...هااا شلوني بلدشداشه
راسا عمامي كلهم كامو يضحكون حتى عمي صلاح
صلاح.. هاي نرجس تضحك على الدشداشه
علي...اي بله هم شايف تضحك عليه مو على الدشداشه
طلعت عبالك مخبل جمانه السعيدي
اسعد...ليش لابس الدشداشه
علي...راح اشويلكم دجاج بلتنور
صلاح...لا شنو تشوي دجاج غفران والبنات هنا الي يشوون
علي...بشرفي اله اني اشوي دجاج
شلت الدشداشه وتحزمت بيها
طلعت من الغرفه
علي.. نرجس تعاي ليش انهزمتي يله تعاي ووين الحطب
طلعت عليه صايره حمره هلكد ماضحكت على شكلي
جابت حطب خلت بلتنور
وشعلته راحت جابت الدجاجات
كعدنا ننتضر النار تهدء
علي....ليش عفتي المدرسه
نرجس...ابوي يخاف عليه بلكوه كملت الثالث
علي...حقه يخاف عليج ياعمي حلوه بزياده
ضحكت وعيونها لمعن
نرجس....هنا منطقتنا من كل مكان واحد وهواي يحجون وينقدون
علي....اي ولله اني اول مره اشوف هيج منطقه
الجهال وصخين وريحة الحيوانات
نرجس.. بس احنا متعودين
شكرا لزيارتكم عالم روايات سكيرهوم
