رواية دعني احطم غرورك الفصل الواحد والسبعون
توجه عز الدين إلى حيث تقف جانا مع عمر .. ولكن قابله المحامي صفوت ......... ،،،،
-صفوت المحامي: مش معقول ، عز ؟
-عز: أيوه ، مين حضرتك ؟
-صفوت: ازاي معرفتنيش .. ده انا كده أزعل منك
-عز: معلش مش واخد بالي
-صفوت: انا عمك صفوت صاحب والدك يوسف
-عز باستعجال : اها .. اهلا وسهلاً بحضرتك ..معلش عن اذنك بس رايح اشوف حاجة
-صفوت: لأ استنى بس ، ده انا عاوزك
-عز: بعدين .. هبقى.. هبقى أقول لوالدي يديني رقم حضرتك ونتكلم ، عن اذنك
-صفوت: طب لو كانت الحاجة تخصك برضوه هتسيبني وتمشي؟
-عز: قصدك ايه ،وضحلي
-صفوت: جانا !!!
-عز: نعم ؟ بتقول مين ؟؟
-صفوت : زي ما سمعت .. عن جانا
-عز: ايه مالها ؟
-صفوت : تعالى معايا هناك وأنا هفهمك
-عز: بس.. بس...
-صفوت: لمصلحتك تيجي معايا لو عاوز ترجع لجانا !!!
-عز مستسلماً : ماشي
تحدث صفوت المحامي مع عز الدين عن وضعه القانوني والشرعي مع جانا ، وتفاجيء عز الدين بما أخبره ... ،،،،
-عز مندهشاً : حضرتك متأكد ؟
-صفوت: يا بني ده مش كلامي ، ده الشرع والقانون بيقولوا كده ، ازاي انت مسألتش واتأكدت
-عز: اتلبخت في كذا حاجة ومكونتش واخد بالي وبعدين متخيلتش ان جانا ممكن تتغير أصلاً و..
-صفوت مقاطعاً : المفروض تكون عارف ده ، انا حتى استغربت انك مارجعتهاش لحد الوقتي !!
-عز وهو يقبل صفوت من وجنتيه بفرحة : أنا مش عارف أقول ايه يا أ. صفوت .. انت حلتلي مشاكل كتير ..
-صفوت: متقولش حاجة .. روح لمراتك
-عز: فوريرة
-صفوت وهو يشير ليوسف بعلامة النصر : تمام
-يوسف: الله ينور
-حسين: ايه في ايه ؟
-يوسف: خلاص الكرة بقت في ملعب عز
-حسين: كويس .. بس على الله ميضيعش الفرصة من ايده
-يوسف: ان شاء الله خير ، هو اكيد عرف غلطته
-حسين: ما أنا عارف انه اتنيل عرف غلطته ، لكن المهم يغير من طريقته واسلوبه
-يوسف : اكييييد .. انا واثق في عز
...........
-عمر: تحبي أجيبلك حاجة تشربيها؟
-جانا: ييس بليز
-عمر: لحظة وراجع
-جانا: اوك
-عمر: اوعي تمشي هاه؟
-جانا: اطمن ، انا هنا ،يا إما هتلاقيني واقفة جمب العروسة.
-عمر: تمام ... راجعلك
-عز وقد أمسك جانا من يدها: تعالي معايا
-جانا: في ايه انت اتجننت .. سيب ايدي
-عز: بقولك تعالي معايا حالاً
-جانا: مينفعش اللي بتعمله ده كل شوية
-عز وهو يسحبها معه : لأ ينفع
-جانا: انت رايح فين سيب ايدي
توجه عز الدين بجانا إلى منتصف القاعة وتحديداً في المكان المخصص للرقص (( البست )) ،،،،
-عز بصوت عالي : يا جماعة ، ممكن لحظة
-جانا: ايه اللي بتعمله ده ؟
-عز: ياااااااااااا جماعة .. يا كابتن هاتلي المايك لو سمحت
-جانا: يخربيتك هتفضحنا
-عز وقد أمسك بالمايك : معلش أنا هعطلكم دقيقة .. بس عاوز الكل يسمعني
انتبه الجميع لما يقوم به عز الدين .. وتجمع كلاً من يوسف وحسين وعايدة وسهير وكذلك المحامي صفوت وباقي الحضور ،،،،
-ياسين: الظاهر ان عز اتجنن خلاص ، ناوي يضلم الفرح
-دينا: Opps
-ياسين: مش وقت اووبس خالص ، احنا ناخد بعض ونخلع
-دينا: wait أما نشوف في ايه
-عز: يا جماعة ، أنا أسف اني وقفت الفرح بالشكل ده بس كنت عاوز الكل يسمعني
-جانا بنفاذ صبر : كفاية بقى
-عز: وخصوصاً حبيبة قلبي وعمري كله جانا
-جانا: حرام عليك ، أنا تعبت
-عز: جانا .. قدام الناس دي كلها أنا بعتذرلك .. أنا بتأسفلك عن أي حاجة عملتها في لحظة غضب ، انا عارف اني اتسرعت واني موثقتش فيكي ، وفي أول مشكلة اتخليت عنك من غير ما أتأكد ان كان ده حصل فعلاً ولا تدبير من حد
-جانا: لو سمحت .....
-عز مكملاً : أنا أسف يا جانا ... أنا من أول يوم وأنا حسيت انك مختلفة عن أي واحدة شوفتها في حياتي ، في لحظة شقلبتي كياني كله ، خليتني أخرج عن الـ character اللي كنت حاطط نفسي فيه من اني واحد مغرور شايف نفسه ، البنات باشارة مني تجري عليا لواحد تاني خالص حابب انه يكون معاكي
-جانا: ......
-عز: أنا عارف ان قصة حبنا غير أي قصة ، احنا كنا عاملين زي توم وجيري مافيش مرة إلا ما كل واحد فينا عمل مصيبة للتاني .. لكن في الآخر .. ايه اللي حصل .. أيوه أنا وقعت في حبك يا جانا .. انا بعترف قدام الناس دي كلها اني حبيبتك من أول يوم شوفتك فيه وحبي ليكي زاد مع الأيام ..و...
-جانا: ......
-عز وقد امتلأت عيناه بالدموع: أنا بعشقك يا جانا ... سامحيني ع أي حاجة عملتها فيكي ، سامحني ع ظلمي ليكي ، سامحني ع اني بايديا دول موت حبنا بدون ما أقصد ، سامحيني يا جانا .. ربنا بيسامح .. سامحيني
-جانا : أسامح ؟؟؟ بعد اللي عملتوه فيا ؟؟ نسيت ؟؟ نسيت يوم ما استرجيتك تسمعني ؟ وانت خلاص مش طايق مني حرف ، نسيت لما زقتني وموت ابني ولا بنتي عشان لحظة شك .. نسيت لما جيتلي المستشفى تشمت فيا ؟؟ أسامح على ايه ولا ايه ؟؟؟؟
-عز وقد جلس على أحد ركبتيه وأمسك بيد جانا يقبلها : أنا أسف يا جانا .. أنا بحبك .. سامحيني .. أنا والله بحبك وبعشقك سامحيني على غلطتي ..
-جانا: ........
-عز: يا ناس اسمعوني ، أنا برجع جانا عاصم الدمنهوري ليا تاني ، هي مراتي وأنا رجعتها لعصمتي تاني ، وبقولها بأعلى صوت أنا بحب جانا وهي مراتي وحبيبتي واختي وكل حاجة في دنيتي وأنا أسف عن كل ثانية اتسببت فيها بأذيتك يا جانا .. أنا بـــعشــــقك
قام الحضور بالتصفيق بشدة لعز وجانا ، وتعالت الموسيقى وأغاني الفرحة ،،،،
-جانا بدهشة : نعم ؟؟؟ بتقول ايه ؟؟؟؟؟
-عز وقد وقف إلى جوارها وضمها إليه : اللي سمعتيه يا قلبي
-جانا: انت.. انت اتجننت ؟؟؟ أنت ازاي تعمل كده ؟؟؟؟
-عز: كله بما يرضي الله .. انتي مراتي الوقتي
-جانا: ابعد عني ..
-عز: لأ أنا مصدقت انك بقيتي في حضني
-جانا: مش ممكن ، استحالة !!!!!!
-حسين: اخيراااااااااااااا
-يوسف: مبروك يا سحس رجوع جانا لعز
-حسين: الله يبارك فيك
-يوسف: الحمدلله ، الواحد كده اطمن
-سهير: لووووولووووولي
-عايدة : مبروك يا سهير هانم
-سهير: الله يبارك فيكي يا عايدة هانم .. كده الفرحة فرحتين .. لوووولوووولي
-ياسين: هي دي هي فرحة الدنيا
-دينا: أنا مش مصدقة ان ده حصل
-ياسين: ولا أنا وحياتك .. أهوو ده شغل البشمهندسين اللي على حق
-دينا: اومال انت ايه
-ياسين: أنا مهندس على ما تُفرج
-عمر وهو يحمل العصائر: ايه اللي بيحصل هنا ؟
-عز بثقة: العادي بتاعنا
-جانا: ابعد عني
-عمر: سيبها يا كابتن
-عز: وهو في حد أهبل يسيب مراته ..
-عمر: نعم ؟
-عز: انت فاتك كتير ، مش أنا وجانا رجعنا لبعض
-جانا: محصلش
-عز: لأ حصل ، والناس كلها شاهدة ع كده
-عمر: ايه
-عز وهو يأخذ أحد الأكواب من عمر : والله كويس انك جايب شربات الفرح
-جانا: سيبني
-عز: اشربي يا عروسة الشربات من ايد عمورة
-جانا: مش عاوزة حاجة
-عمر: آآآآ... مبروك
-عز: عقبالك آعموورة .. بس متنسناش في الدعوة !!
-عمر بحزن: آآآ.. أها .. ان شاء الله .. مبروك ، وعن اذنكم !
........................
Flash Back لما حدث قبل ذلك ،،،،،
◘◘◘ بعد الذي حدث من شد وجذب بين عمر وجانا وعز وياسين في المؤتمر ،،،،،
-حسين: الأول قبلها قوليلي انتي .. انتي لسه بتحبيه ؟؟
-جانا بتردد: آآآ.. أنا .. آآآآ.. لأ .. طبعاً لأ
-حسين: يبقى مقدامكيش غير الحل ده ، وهو زي ما المحامي قالي هيكسره وفي نفس الوقت ينتقملك منه
-جانا: ايه هو ؟
-حسين: الحل هو اننا نرفع قضية على عز ونطالبه فيها بالمؤخر
-جانا: مؤخر ؟
-حسين: ايوه ، مش هو كاتب ع نفسه مؤخر مليون جنية
-جانا: ايوه
-حسين: والوقتي هو طلقك ؟
-جانا: ايوه
-حسين: يبقى خلاص نرفع عليه القضية ونطالب بالمؤخر بتاعك .. وده حقك يا بنتي
-جانا: بس يا آنكل .. أنا.. أنا خايفة
-حسين: خايفة من ايه ؟
-جانا: ميرضاش يدفع او .أو يتجنن عليا أما يسمع بده ما أنت عارفه !!!
-حسين: لأ اطمني ، هو مفكر ان العملية سايبة ولا ايه .. وزي ما وعدتك أن هكسرلك مناخيره وأذله
.........
◘◘◘ في مكتب يوسف الكيلاني ،،،
-يوسف: لأ الصراحة فكرة هايلة ومجتش في بالي
-حسين: من بعض ما عندكم يا جوو
-يوسف : ثواني يا سحس عز بيطلبني .. أما أشوف ماله
-حسين: طيب خلص معاه المكالمة وطمني
-يوسف: حاضر يا سحس .. سلام دلوقتي
بعد أن انتهى عز من مهاتفة والده ،،،
-يوسف وهو يهاتف حسين: هههههههههههههه الظاهر ان الاعلان جاله
-حسين: ضربة قاضية يا جوو
-يوسف: يا أفكارك يا سحس
-حسين: عشان تعرف يا جوو ، مش قولتلك .. ان ده اللي هيخليه يجي على ملى وشه يقدم فروض الطاعة والولاء
..............
◘◘◘ طلب حسين يوسف لكي يخبره بما حدث مع جانا في المصعد وكيف تعرض لها حازم ،،،،
-يوسف: يبقى لازم نعجل بالجزء الجديد من الخطة
-حسين: طب ازاي وامتى ؟
-يوسف: في يوم كتب الكتاب
-حسين: بس ده هيحصل ازاي؟؟؟
-يوسف : أنا هاقولك بص انت هتروح لصفوت عبد الهادي المحامي ، فاكره ؟
-حسين: ايوه ، صفوت صاحبنا بتاع زمان
-يوسف: بالظبط هو هيفيدك بالمطلوب
-حسين: بس انت متأكد ان عز هيرجع جانا
-يوسف: صفوت محامي شاطر وهو يقولك ع الطريقة المناسبة اللي نعرف بيها عز ازاي يرجع جانا بدون ضغط مننا
-حسين: طب أنا رايحله الوقتي
-يوسف: ربنا يوفقك يا سحس
.......
◘◘◘ في مكتب صفوت عبد الهادي المحامي ،،،،
-حسين: السلام عليكم
-الموظف: وعليكم السلام .. خير
-حسين: ممكن أقابل الاستاذ صفوت
-الموظف: في ميعاد سابق حضرتك ؟
-حسين: لأ .. بس ممكن تديله الكارت بتاعي
-الموظف: طيب لحظة أشوفه
وبعد عدة دقائق ،،،
-الموظف : اتفضل حضرتك هو في انتظارك
-حسين: شكراً
-صفوت: لأ مش معقول ، انا مصدقتش أما محمد اداني الكارت بتاعك
-حسين: صفوت .. ازيك يا حبيبي وحشني والله من زمان
-صفوت: وانت اكتر ، ازيك وازي العيلة كلكم بخير
-حسين : الحمدلله ..
-صفوت: قولي ! تحب تشرب ايه
-حسين: ماتتعبش نفسك ، أنا جاي أشوفك وأقعد معاك شوية
-صفوت: بتحب القهوة ؟ مظبوطة صح
-حسين: ايوه ، ماشاء الله انت لسه فاكر
-صفوت: اومال ايه ؟
-حسين: تسلم يا رب
-صفوت: ولو اني حاسس ان الزيارة دي وراها حاجة
-حسين: طول عمرك لماح يا صفوت
-صفوت: خير يا حبيبي
-حسين: الموضوع وما فيه ان جانا بنت اخويا انفصلت عن جوزها
-صفوت: ها ، وبعدين
-حسين: واحنا ...
-صفوت: انتو مين
-حسين: أنا ويوسف الكيلاني
-صفوت: يوسف .. تقصد يوسف صاحبنا
-حسين: ايوه هو جوو
-صفوت: الدنيا فعلاً صغيرة
-حسين: المهم اننا عاوزين نرجع جانا بنت اخويا لعز ابنه
-صفوت: هو عز طليق جانا يبقى ابن يوسف
-حسين: ايوه
-صفوت: تمام .. كمل .. الموضوع ان شاء الله بسيط
-حسين: يعني ، أنا كان ممكن أخلي المحامي اللي رفع عليه قضية المؤخر يتكلم مع المحامي بتاعه ويتفاهموا ودي بس أنا ويوسف رفضنا نعمل كده
-صفوت: ممم.. عشان مايبانش ان في تساهل
-حسين: لأ عشان نربي عز لأنه مندفع وعصبي
-صفوت: بتعلمه الأدب بالعقل !!!!
-حسين: بالظبط كده
-صفوت: والمطلوب مني ايه ؟
-حسين: انت عارف اننا أصحاب من زمان رغم ان الدنيا لاهية كل واحد فينا بمشاغلها ، فلو ينفع يعني انت..انت
-صفوت: اتولى القضية بصورة رسمية ؟
-حسين: مش كده بالظبط ، أقصد تتكلم معاه بصورة ودية
-صفوت: ممم.. بس ده هيحصل ازاي
-حسين: أحنا عندنا اقتراح لو يناسبك ماشي ، لو مش مناسب يعني تقدر تشور علينا بالأحسن
-صفوت: قول أنا سماعك
-حسين: فرح بنتي كمان يومين ان شاء الله
-صفوت: بجد ألف الف مبرووك .. ربنا يتمم بخير
-حسين: الله يخليك يااا رب
-صفوت: ودوري أنا ايه ؟
-حسين: انت هتكون معزوم ع الفرح وهنوريك عز فين بالظبط وتكلم معاه
-صفوت: بس أنا عندي شوية أسئلة
-حسين: اتفضل
-صفوت: هل الجواز كان كتب كتاب بدخلة ولا من غير ؟
-حسين: لأ كان في دخلة.
-صفوت: اها.. طب هما لما اتطلقوا ، الطلقة دي كانت الأولى ولا التانية ولا ايه بالظبط ؟؟
-حسين: لأ كانت الطلقة الأولى
-صفوت: ممم... طيب قولي هل كان في حمل ؟
-حسين: كان في بس للأسف نزل
-صفوت: ممم.. طيب فات ع طلاقهم أد ايه؟
-حسين: تقريباً حوالي شهر ونص أو قربنا من شهرين بالكتير
-صفوت: عظيم أوي .. يبقى كده بقت محلولة
-حسين: ازاي ؟
-صفوت: هاقولك .. من حق الزوج أن يرد زوجته في حالة ان كان الطلاق مرة أولى أو تانية
-حسين: اها
-صفوت: وده بيكون بدون علمها بس بشرط أنها تكون موافقة على ده ويكون خلال فترة شهور العدة ويحدث بينهم خلوة شرعية
-حسين: أها ..
-صفوت: وكمان ممكن يردها بالاشهار قصاد الناس كلها ، ويقول قصاد شهود على العلن انه رد فلانة لعصمته فتصبح مراته مرة تانية
-حسين: يا سلام .. يعني ممكن ده يحصل ؟
-صفوت: ايوه ممكن ، الشرع بيجيز ده طالما شهور العدة مخلصتش ودي مدتها 3 قروء أي 3 دورات حيضية في حالة ان الزوجة غير حامل ، ولو كانت حامل شهور عدتها بتستمر لحد الوضع .. وزي ما فهمتك ده بيحصل في حالة الطلقة الأولى أو التانية فقط .. لكن التالتة خلاص
-حسين: الحمدلله .. والله احنا ما كان غرضنا منه فلوس ولا أي حاجة ، بنت أخويا الحمدلله عندها اللي يكفيها وزيادة ، لكن أنا عاوز اطمن عليها مع راجل يحبها وتحبه ، يخاف عليها ويحميها من غدر الأيام
-صفوت: وانت شايف عز يقدر يعمل ده
-حسين: الصراحة .. أه ... بــ..بس
-صفوت: بس ايه ؟
-حسين: بس عاوزه يتعلم انه يحافظ ع النعمة اللي ربنا ادهاله ، انه يعرف ان حياة الناس مش لعبة بين ايديه ، انه يعرف انه مسئول عن بيت واسرة ولازم يحابي عليهم ، ان مش مع أول مشكلة يرمي كل حاجة ورا ضهره ويهد المعبد ع اللي فيه !!
-صفوت: كل اللي بتقوله جميل جدااا .. بس هل انت شايف ان عز اتعلم ده؟
-حسين: شايفه بيتعلم
-صفوت: وانت راضي عن ده
-حسين: إلى حد ما
-صفوت: يبقى على بركة الله
-حسين: يعني انت موافق انك .. انك
-صفوت: متخافش أنا هصلح مابينهم ويا بخت من وفق راسين في الحلال
-حسين: ربنا يخليك يا صفوت ، وشوف انت عاوز ايه وأنا تحت أمرك
-صفوت: انت كده بتشتمني
-حسين: لا والله أبداً ده أنا مقصدش
-صفوت: يا عم سحس بهزر معاك ، أكلني اكلة حلوة في الفرح وانا هظبطلك الدنيا
-حسين: حبيبي يا صفوت
-صفوت: وأهوو بالمرة نشوف جوو لاحسن واحشني
-حسين: اعتبره فرحك
-صفوت: ده العشم برضوه .. اشرب بقى قهوتك لاحسن زمانها بردت
-حسين: ههههههههههه ماشي !!
.........
◘◘◘ وبالفعل تقابل صفوت مع يوسف وحسين في قاعة الفرح وتم الاتفاق على أن يتحدث مع عز الدين حينما يراه ،،،
-يوسف: صفوت
-صفوت: ايو يا جوو
-يوسف: عز ابني اهوو .. اللي واقف هناك جمب العريس
-صفوت: ماشاء الله ، ده ابنك
-يوسف: ايوه
-صفوت: ربنا يحميهولك
-يوسف: مش هوصيك بقى يا صفوت
-صفوت: اطمن .. دي لعبتي
-يوسف: ربنا معاك
................
◘◘◘ توجه عز الدين إلى حيث تقف جانا مع عمر .. ولكن قابله المحامي صفوت ......... ،،،،
-صفوت المحامي: مش معقول ، عز ؟
-عز: أيوه ، مين حضرتك ؟
-صفوت: ازاي معرفتنيش .. ده انا كده أزعل منك
-عز: معلش مش واخد بالي
-صفوت: انا عمك صفوت صاحب والدك يوسف
-عز: اها .. اهلا وسهلاً بحضرتك ..معلش عن اذنك بس رايح اشوف حاجة
-صفوت: لأ استنى بس ، ده انا عاوزك
-عز: بعدين .. هبقى.. هبقى أقول لوالدي يديني رقم حضرتك ونتكلم ، عن اذنك
-صفوت: طب لو كانت الحاجة تخصك برضوه هتسيبني وتمشي
-عز: قصدك ايه ،وضحلي
-صفوت: جانا !!!
-عز: نعم ؟ بتقول مين ؟؟
-صفوت : زي ما سمعت .. عن جانا
-عز: ايه مالها ؟
-صفوت : تعالى معايا هناك وأنا هفهمك
-عز: بس.. بس
-صفوت: لمصلحتك تيجي معايا لو عاوز ترجع لجانا !!!
-عز مستسلماً : ماشي
◘◘◘ تحدث صفوت المحامي مع عز الدين عن وضعه القانوني والشرعي مع جانا ،،،
-عز: خير يا استاذ حضرتك عاوز ايه
-صفوت: أنا صفوت عبد الهادي المحامي ، وصديق والدك المقرب
-عز: ايوه حضرتك قولتلي ، بس ايه اللي بخصوصي أنا وجانا
-صفوت: مش انت طلقتها
-عز: ايوه ، بس ان شاء الله هرجعها تاني
-صفوت: وأنا جايلك مخصوص عشان كده
-عز: قصدك ايه
-صفوت: هو انت مش عاوز تدفعلها المؤخر
-عز: مؤخر ايه وزفت ايه ، أنا ممكن أديها زيه عشر مرات
-صفوت: يعني موضوع رجوعها ليك مش عشان خاطر الفلوس
-عز: لأ .. حضرتك معطلني وأنا مش شايف أي استفادة من وقفتنا مع بعض
-صفوت: خلي عندك شوية صبر يا بني .. أنا زي والدك
-عز: اتفضل
-صفوت: والدك كان كلمني بخصوص موضوعك انت وجانا
-عز: الله ، حضرتك برضوه لعاشر مرة بتعيد الكلام
-صفوت: يابني ان الله مع الصابرين
-عز: ونعم بالله
-صفوت: انت استشرت محامي في قضية مراتك
-عز: والله والدي هو اللي كان هيتصرف في الموضوع ده
-صفوت: ووالدك اتصرف
-عز: تقصد ايه
-صفوت: أقصد انه كلفني بالقضية
-عز: مش فاهم
-صفوت: القضية دي ممكن تخلص بس في كلمتين
-عز: ازاي
-صفوت: انت مش طلقتها مرة واحدة
-عز: ايوه
-صفوت: وشهور عدتها لسه مخلصتش
-عز بعد تفكير: لأ معتقدش
-صفوت: يبقى تقدر تردها ليك
-عز: بتقول ايه ؟
-صفوت: اللي سمعته .. من حق الزوج أن يرد مطلقته لعصمته خلال شهور عدتها بدون رضاها ويعلن ده أمام الجميع أو من خلال خلوة شرعية خاصة لو كانت الطلقة هي الأولى أو الثانية ، ومن رحمة ربنا تعالى أنه سمح للمطلقة انها تقعد في بيت جوزها بعد الانفصال خلال شهور العدة لعل يحصل مابينهم وفاق وود تاني فيرجعوا لبعض
-عز: بس ده محصلش ، انا طلقتها وكل واحد راح لحاله ومشوفتهاش ولا أعدنا سوا
-صفوت: أنا بفهمك انه من حقك ترجعها بدون رضاها بشرط انك متأذيهاش ولا تتعرض لها وانك تعاملها بما يرضي الله
-عز بعدم تصديق: انت بتكلم جد
-صفوت: اه والله ، انا بس مستغرب ان ازاي انت متعرفش ده
-عز: أصلي ماتجوزتش قبل كده ولا كنت طلقت ، فمعنديش خبرة
-صفوت: والوقتي عرفت
-عز: ايوه
-صفوت: يالا اتوكل على الله ومتخافش
-عز مندهشاً : حضرتك متأكد ؟
-صفوت: يا بني ده مش كلامي ، ده الشرع والقانون بيقولوا كده ، ازاي انت مسألتش واتأكدت
-عز: اتلبخت في كذا حاجة ومكونتش واخد بالي وبعدين متخيلتش ان جانا ممكن تتغير أصلاً و..
-صفوت مقاطعاً : المفروض تكون عارف ده ، انا حتى استغربت انك مارجعتهاش لحد الوقتي !!
-عز وهو يقبل صفوت من وجنتيه بفرحة : أنا مش عارف أقول ايه يا أ. صفوت .. انت حلتلي مشاكل كتير ..
-صفوت: متقولش حاجة .. روح لمراتك
-عز: فوريرة
ثم أشار صفوت بعلامة النصر إلى يوسف ،،،،
-صفوت: تمام
-يوسف: الله اكبر .. هو ده الكلام !!! ◘◘◘
......................................
عودة للوقت الحالي ،،،،
كان عز الدين يجبر جانا على الرقص سوياً خاصة بعد اعلان عودتهما لبعض مرة اخرى أمام المدعوين في حفل عقد قران ياسين ودينا ،،،،
-عز: مبروووك يا عروسة
-جانا: ده بعينك
-عز: برضوه مراتي .. وغصب عنك !
-جانا: لأ استحالة
-عز: لأ هيحصل ، انتي حبيبة قلبي وعمري كله
-جانا: سيبني
-عز: لأ مش هسيبك .. ده انا مصدقت انك بقيتي في حضني ...................... !!!
