رواية إبن عمي دمر حياتي الفصل الثامن بقلم جمانه السعيدي
سديت التليفون وروحي شاغت للستار
ايا حقير فوك ما ضيعتني ودمرت مستقبلي النوب
جاي ادمر سمعتي
الله ينتقم منك يانذل
بعد ما اسكتلك ابد اريد اشوف انت شتريد مني
رحت على بابا وكتله
زينب بابا اريد رقم أحمد
بابا شسوين بي
زينب عندي شغله مهمه واريد اكلفه بيه
طلع تليفونه بابا وردلي الرقم
سجلته ورحت بغرفتي بس شني من العصبيه احس جسمي كله كام يرجف
اتصلت اول مره مارد عليه
بعدبن رد
احمد الووووو
زينب احمد انت وين اريد اشوفك باجر
احمد هلو زنوبه واخيرا نزلتي خشمي اليابس
زينب لا أطول بلحجي
احمد على كيفج شكوووو
جمانه السعيدي
زينب تجي لو اني اجيكم للبيت واخلي فضيحتك كدام اليسوه والمايسوه
وهلمره عليه وعلى اعدائي افتهمت
احمد على كيفج وين تردين نلتقي
زينب بجهنم الحمره باي مكان
اتفقنا على مكان عام اكو حديقه عامه شارعين عن بيتنا
سديت التليفون واني كل جسمي يفور
احس اكو نار واني كاعده عليه
ماكدرت انام واني افكر بهذا الحقير
وشلون راح أواجه واخذ حقي منه
ثاني بوم
وبدلت لبست بنطرون جينز وبدي طويل وشلت شعري
زينب من رخصتك بابا اريد اطلع شويه محتاجه كم حاجه
نص ساعه وارجع
بابا اي روحي حبيبتي
طلعت مااكدر اصعد سياره من كد العصبيه
امشي سريع عبالك واحد يركض وراي
وصلت قبله وبقيت اروح وارجع بلمكان
اتأخر ربع ساعه بله اجه
جمانه السعيدي
بس شافني وشاف شكلي حسيته تغير لونه
زينب انت شتريد مني بلضبط
احمد شبيج انتي منو اجه يمج
زينب باع احمد اني مو زينب الزغيره الي ضحكت عليه
وشمرته اني هسه انسانه ثانيه اكدر اخذ حقي من عين السبع
اوكف كدام اكبر واحد واخلي اصابعي بعيونه
انت دمرتني وعفتني واختاريت حياتك وعشت
واني هم اختاريت حياتي
خلاص كلمن يمشي بطريقه
احمد هاي شبيج شصاير
زينب انت تشوه سمعتي ليش فوك شينه كوات عينه
انت ليش تحجي عليه
يعني شمنتضر مني
ابقه اتوسل بيك طول عمري
يااخي حل عني انت شنو لعنه خوما لعنه
احمد على كيفج شنو شوهت سمعتج
زينب لمن اجا مثنى يخطبني ويسئلك عني ليش تحجي عليه
تدري انت اكبر غبي شفته بحياتي
اني عرضك ولو حجيت عليه يعني تشوه سمعت اختك
وتشوه سمعت زوجتك وامك
انت ماتفتهم
احمد مثنى منو اني ما حاجي اي شي هذا كله كذب
زينب ما غيرك اكبر كذاب ومنافق شفته بحياتي
وبدون غيره
تعرف شنو رجال ماعنده غيره على عرضه
ولك الحيوانات احسن منك تغار على عرضه
تر مو عبالك ضايجه على مثنى
لا بلعكس هذا الشخص ما يستاهلني
لو يحبني صدك جان ماصدك واحد عار مثلك
جمانه السعيدي
بس مادام صدك واحد غبي وفاشل مثلك بدون ما يسئلني على صحة الكلام
مااريده ولو يوزني ذهب بعد مااريده
هذا اي واحد باجر يحجي عليه راح يصدكه
شوف أحذرك الاخر مره تبتعد عني ولا تحاول تقربلي لا من بعيد ولا من قربب
ولله اكلك بسنوني اكل
على اخر وكت واحد فاشل مثلك يشوه سمعتي
ولله العضيم البسك قضيه
واخليك تفتر على نفسك واضيعك واضيع مستقبلك
ابتعد عني احسلك فهمت هذا اخر انذار الك
عفته ومشيت بعصبيه وهو بقه واكف ومايعرف يرد عليه ابد
جمانه السعيدي
ضجت وكمت اعاتب برب العالمين
اني اعترف غلطت والي سويته اكبر غلطه بحياتي
بس كنت طفله وما افتهم
وهو جبير وكدر يسيطر عله مشاعري
إلى متى راح ابقه ادفع ثمن هذا الغلط
والى متى راح يبقى احمد يدمر حياتي
كافي اريد انسى اريد ابدي حياة جديده
ابد ماضجت لان مثنى عافني مثنى مايستاهلني ابد
المفروض يجي ويواجهني ويسمع مني مثل ماسمع من احمد
وبعدين يقررر
بقيت كم يوم متوتره وضايجه
وادعي ليل نهار على احمد
الله ياخذلي حقي منه
بعد شهر اجانا خبر زوجت احمد حامل
الصراحه ضجت يعني اني احترك وهو يحتفل
ليش هيج يا الاهي
يمته اشوف حوبتي باحمد
عوائلنا كله واحد يبشر بلثاني بعد تلث سنوات زوجة احمد طلعت حامل
جمانه السعيدي
بعد اسبوع بلضبط من خبر حمل زوجت احمد
ما اسمع غير احمد كاتل مرته كتله محترمه ودازه الاهله
واهله اجو كاومو بيت عمي
وعمي اتصل على ابوي
والعوائل كله انحاست حوس
انريد نعرف السبب ماكووو
صار تلث سنوات ينتضرون الحمل
وهسه يضربها ويدزها الاهله
راح بابا عليهم ولليل مارجع
اني حالي حال هاي الناس اريد اعرف شنو السبب
جمانه السعيدي
رجع بابا بليل واجينا كلنا كعدنا يمه وامي سئلته شكو شنو الي صار
بابا ولكم سالف ماتتسولف مصيبه
امي ياستار شكو احجي
بابا راح احجيلكم بس هاي السالفه ماتطلع ابد
لان الشغله بيه اعراض ناس
امي احجي يمعود قلقتني
بابا احمد بعد زواجه وتأخر حمل زوجته رايح مسوي
تحليل طالع نسبته صفر
ومستحيل يصير عندا اطفال
رايح اكثر من دكتور وكلهم مااكدين هو مايصير عندا اطفال ابد
هو ساكت وما حاجي اي شي الزوجته
كلما تروح زوجته للدكتوره تكول كلشي تمام
وهو مكذب عليه وكايلله كل تحاليل تمام
هاي فترة تلث سنوات وهو ضام عليه هذا الخبر
الحد قبل اسبوع كايلته اني حامل
يكول احمد اني بلبدايه كلت يجوز الله التفت عليه وصعدت النسبه عندي
رحت اكثر من دكتور وعدة التحليل عشر مرات كل الدكاتره اكدت اني عقيم
ومايصير عندي اطفال ابد
من رجعت للبيت طلعت كل حركت كلبي بيه
بيقت اضرب بيه منا أمن سقطت الطفل
جمانه السعيدي
هسه اهل البنيه يقولون جذب احمد يجذب وجاي يتهم بتنا
زور
وهو يكول اريد اقدم هاي الأوراق للمحكمه
وأثبت قضية الزنا
واهل البنيه كاومو بيت ابو احمد
واحمد يتهدد يكول اني صار فتره شاك بيه بس ما لازم عليه شي
زينب اذكرت من شفته بلعرس وهي تخابر ورا البيت
من زمان تخونه وهو مايدري
زينب حسيت ماي بارد ونزل على كلبي
رب العالمين شكد كريم ورحم حالي
ابدال ماهو يشوه سمعتي رب العالمين شوه سمعته
وخلا علج بحلوك الناس
والشريفه الي فضله عليه طلعت مو شريفه
وخانته وحبلت من غيره
جمانه السعيدي
الف الحمد لله والشكر جبرت خاطري
واخذتلي ثاري
وبردت كلبي
انشاء الله مايشوف الراحه ابد
وتقلق راحته مثل ما قلق راحتي هذا النذل
بليلته كنت احس نفسي اسعد وحده بلعالم
معقوله رب العالمين جبر خاطري
شوف الحكمه احمد بعد عني وهو يعرف احبه وهو اول انسان بحياتي لان آمنت بي وسلمته نفسي
خاف اكون مو امينه على عرضه
وراح جاب وحده وخلاها بيته وخانته عيني عينك
الحمد لله رب العالمين
رب العالمين فضحه بعرضه لان انتهك عرضي وخذلني
صحيح كما تدين تدان
