رواية المتشردة والغيور الفصل السابع بقلم مرج البحر
ﺭﻳﺎ ....... ﻓﺘﺤﺖ ﺍﻟﺒﺎﺏ ﻭﺭﻛﻀﺖ ﻭﻛﻔﺖ ﺑﺼﻒ ﺍﻟﺸﺒﺎﻙ ﺣﺘﻰ ﺧﺎﻑ ﻳﺴﻮﻭﻟﻲ ﺷﻲ ﺍﺭﻛﺾ ﻫﻢ ﺣﺠﻮ ﺳﻮﺓ ﻛﺎﻟﻮ
ﺳﻴﻒ / ﺑﺎﺳﻞ ........ ﻭﻟﺞ ﺷﺒﻴﺞ ﺗﺨﺒﻠﺘﻲ
ﺭﻳﺎ ...... ﺧﻠﻴﺖ ﺭﺟﻠﻲ ﻋﻠﻰ ﺍﻟﺸﺒﺎﻙ ﻛﻮﻟﺘﻠﻬﻢ ﻭﺍﻟﻠﻪ ﻫﻲ ﺍﻟﻌﺎﻟﺖ ﺍﻧﻲ ﻣﻌﻠﻴﺔ ﻫﻲ ﺿﺮﺑﺘﻨﻲ ﺑﻌﺪﻳﻦ ﻫﻲ ﻣﻮ ﺣﺎﻣﻞ ﭼﺬﺍﺑﺔ
ﺑﺎﺳﻞ ...... ﻟﻴﺶ ﻫﻴﺞ ﺿﺮﺑﺘﻴﻬﺎ
ﺭﻳﺎ ....... ﺍﻧﻲ ﻣﻌﻠﻴﺔ ﺟﻨﺖ ﺍﺻﻠﻲ ﻭﻫﻲ ﺻﺎﺣﺎﺗﻠﻲ ﻃﻠﻌﺖ ﺑﺲ ﺷﺎﻓﺘﻨﻲ ﺿﺮﺑﺘﻨﻲ ﻭﻏﻠﻄﺔ ﻋﻠﻰ ﺑﺎﺑﺎ ﻭﻣﺎﻣﺎ
ﺳﻴﻒ ....... ﺭﻳﺎ ﺗﺮﺓ ﻣﻮ ﻣﻌﻘﻮﻟﺔ ﻫﻴﺞ ﺗﺼﻴﺤﺞ ﻭﺗﻀﺮﺑﺞ ﻭﺗﻐﻠﻂ ﺑﺪﻭﻥ ﺳﺒﺐ
ﺭﻳﺎ ....... ﻳﻌﻨﻲ ﻣﺎﻣﺼﺪﻛﻨﻲ
ﺑﺎﺳﻞ ....... ﺭﻳﺎ ﺑﺲ ﻣﻮ ﻫﻴﺞ ﺗﻀﺮﺑﻴﻬﺎ
ﺭﻳﺎ ....... ﻫﺬﺍ ﺍﻟﻴﻐﻠﻂ ﻋﻠﻰ ﺑﺎﺑﺎ ﻭﻣﺎﻣﺎ ﻫﻴﺞ ﺟﺰﺍﺋﻪ
ﺑﺎﺳﻞ ...... ﻳﺎﻟﻠﻪ ﻛﺎﻓﻲ ﻓﻀﺖ ﻫﺎﻱ ﻫﻮ ﻛﺎﻓﻲ ﺳﻴﻒ ﻣﺮﺗﻚ ﺍﺩﺑﻬﺎ ﻭﺧﻞ ﺗﻠﺰﻡ ﻟﺴﺎﻧﻬﺎ
ﺳﻴﻒ ....... ﻫﺴﺔ ﺍﻧﺘﻮ ﻛﻠﻜﻢ ﻛﻠﺒﺘﻮ ﻋﻠﻴﻬﺎ ﺳﻤﻌﺘﻮﻫﺎ ﺑﺄﺫﻧﻜﻢ
ﺑﺎﺳﻞ ........ ﺳﻴﻒ ﻫﺴﺔ ﻟﻴﺶ ﻧﺘﺨﺎﺭﺏ ﺍﻧﻲ ﺳﺎﻣﻌﻬﺎ ﻛﻢ ﻣﺮﺓ ﺑﺲ ﻣﺎﺍﺭﻳﺪ ﺍﺳﻮﻱ ﻣﺸﺎﻛﻞ
ﺳﻴﻒ ........ ﻣﻮ ﺍﻧﺖ ﺳﺎﻣﻌﻬﺎ ﺑﺎﺳﻞ ﺑﺲ ﻣﺮﺗﻚ ﺗﻨﻘﻞ ﺑﺎﻟﻜﻼﻡ ﻭﺗﺰﻳﺪ ﻭﺗﻨﻘﺺ
ﺭﻳﺎ ....... ﻫﻼﻭﻭﻭﻭ ﻇﻠﻮ ﻳﻄﻠﻌﻮﻥ ﺍﻟﺨﻴﺎﺳﺎﺕ ﻛﺪﺍﻣﻲ ﺑﻌﺪﻳﻦ ﻃﻠﻌﻮ ﻭﻓﻀﺖ ﺑﺲ ﻭﺍﻟﻠﻪ ﺍﺭﺗﺎﺣﻴﺖ ﻭﻓﺨﺖ ﻋﺒﺎﻟﻚ ﻣﺎﻱ ﺑﺎﺭﺩ ﻭﻧﺰﻝ ﻋﻠﻰ ﮔﻠﺒﻲ
ﻣﺮﺕ ﺑﺎﻗﻲ ﺍﻻﻳﺎﻡ ﻋﺎﺩﻱ ﺩﺍﻭﻣﺖ ﻭﺍﻣﺘﺤﻨﺖ ﺷﺪﻳﺖ ﺣﻴﻠﻲ ﺍﺭﻳﺪ ﺍﻧﺠﺢ ﺍﺭﻳﺪ ﺍﺩﺧﻞ ﻟﻠﺴﺎﺩﺱ ﺑﺰﻭﺩ ﺍﺭﻳﺪ ﺍﻟﻤﺪﺭﺳﺎﺕ ﻣﻦ ﻳﺸﻮﻓﻦ ﺩﺭﺟﺎﺗﻲ ﻳﺸﺠﻌﻨﻨﻲ ﺍﻃﻠﻊ ﻣﻌﺪﻝ ﻋﺎﻟﻲ ﺣﻠﻤﻲ ﺍﻃﻠﻊ ﻃﺒﻴﺔ ﻛﻠﺸﻲ ﺑﻲ ﻃﺐ ﺍﺣﺒﻪ ﻋﺴﻰ ﻟﻮ ﻣﻀﻤﺪﺓ ﺍﻟﻤﻬﻢ ﺍﺿﺮﺏ ﺍﺑﺮ ﻫﻬﻬﻬﻪ ﺻﺪﻛﻮ ﺍﻣﻮﺕ ﻋﻠﻰ ﺍﻻﺑﺮ
ﺟﻨﺖ ﺍﻟﻌﺐ ﻭﺍﻧﻲ ﺻﻐﻴﺮﺓ ﺍﺧﺬ ﺍﻻﺳﺮﻧﺠﺔ ﻣﻦ ﺍﻟﺜﻼﺟﺔ ﻭﺍﻟﻌﺐ ﺍﺿﺮﺏ ﺍﻟﻠﻌﺎﺑﺎﺕ ﻭﺍﻟﺪﺑﺎﺩﺏ ﻣﺎﻟﺘﻲ ﻭﺍﺫﺍ ﻳﺨﻠﺼﻦ ﻭﺍﺿﺮﺑﻬﻦ ﻛﻠﻬﻦ ﻭﺑﻌﺪ ﺍﺭﻳﺪ ﺍﺿﺮﺏ ﺍﻛﻮﻡ ﺍﺟﻴﺐ ﺍﻟﻤﺨﺎﺩ ﻭﺍﺿﺮﺏ ﺑﺲ ﺑﺪﻭﻥ ﻣﺎﻱ ﺑﺲ ﻫﻮﺍﺀ ﻳﻌﻨﻲ ﺍﻣﻮﺕ ﻋﻠﻰ ﺿﺮﺏ ﺍﻻﺑﺮ
ﺍﻟﻤﻬﻢ ﺧﻠﺼﺖ ﺍﻣﺘﺤﺎﻧﺎﺕ ﻧﺼﻒ ﺍﻟﺴﻨﺔ ﺍﻧﻲ ﻋﻴﺪ ﻣﻴﻼﺩﻱ ﺻﺎﺭ ﺑﺘﺎﺭﻳﺦ 1/8 ﺑﺲ ﻣﺎﺳﻮﻭﻟﻲ ﺑﺲ ﺑﺎﺳﻞ ﺍﻧﻄﺎﻧﻲ ﻓﻠﻮﺱ ﻭﺳﻴﻒ ﺟﺎﺑﻠﻲ ﻫﺪﻳﺔ
ﺍﻟﻤﻬﻢ ﺍﺟﺖ ﺍﻟﻌﻄﻠﺔ ﻇﻮﺟﺔ ﻭﻗﻬﺮ ﻭﺭﺟﻌﺘﻠﻲ ﺍﻟﻮﺣﺸﺔ ﻭﺭﺟﻌﺖ ﺍﺑﭽﻲ ﻭﺟﻤﺎﻧﺔ ﺧﺒﺼﺘﻨﻲ ﻗﺘﻠﺘﻲ ﺍﺑﻨﻲ ﻗﺘﻠﺘﻲ ﺍﺑﻨﻲ ﺟﺬﺑﺖ ﺟﺬﺑﺔ ﻭﺻﺪﻛﺘﻬﺎ ﺧﺎﻣﺲ ﻳﻮﻡ ﺍﻟﻌﻄﻠﺔ ﺍﻟﺼﺒﺢ ﺍﺟﺖ ﺧﺎﻟﺘﻲ ﻣﻴﻌﺎﺩ ﺑﻘﺖ ﻟﻠﻈﻬﺮ ﻫﻲ ﻭﺟﻤﺎﻧﺔ ﺑﺎﻟﻐﺮﻓﺔ
ﻭﺭﺍﺣﺖ ﺧﺎﻟﺘﻲ ﻟﻠﻴﻞ ﻋﻨﺪﻱ ﻣﻼﺑﺲ ﻏﺴﻠﺘﻬﻦ ﻭﻃﻠﻌﺖ ﺍﺷﺮﻫﻦ ﻃﺒﻌﺎ ﺍﻣﻲ ﻧﺎﻫﻴﺘﻨﻲ ﻣﻦ ﻏﺴﻞ ﺍﻟﻤﻼﺑﺲ ﺑﺎﻟﻠﻴﻞ ﻫﻲ ﺟﺎﻧﺖ ﺩﺍﺋﻤﺎ ﺗﻜﻮﻝ ﻣﺎﻳﺼﻠﺢ ﻏﺴﻞ ﺍﻟﻤﻼﺑﺲ ﺑﺎﻟﻠﻴﻞ ﻭﺑﺎﺑﺎ ﻳﻀﺤﻚ ﻋﻠﻴﻬﺎ ﻳﻜﻮﻟﻠﻬﺎ ﺳﻮﺍﻟﻒ ﺍﻟﻌﺠﺎﻳﺰ ﺑﻄﻠﻴﻬﺎ ﺍﻭﻭﻭﻑ ﺍﺷﺘﺎﻗﻴﺖ ﻟﺸﻘﺎﻫﻢ ﻭﻟﻀﺤﻜﻬﻢ
ﺍﻟﻤﻬﻢ ﻃﻠﻌﺖ ﺍﺷﺮ ﺍﻟﻤﻼﺑﺲ ﺑﺮﺓ ﺑﺎﻟﺘﺮﻙ ﺍﻟﺠﻮ ﺑﺎﺭﺩ ﻳﻜﺺ ﻛﺺ ﺍﻟﺪﻧﻴﺎ ﺛﻠﺞ ﻃﻠﻌﺖ ﻭﺍﻧﻄﺒﻚ ﺍﻟﺒﺎﺏ ﻇﻠﻴﺖ ﺍﺷﺮ ﻣﻼﺑﺲ ﻣﻦ ﺭﺟﻌﺖ ﺍﻟﺒﺎﺏ ﻣﻘﻔﻮﻝ ﺩﻛﻴﺖ ﺍﻟﺒﺎﺏ ﻟﻤﻦ ﻣﻠﻴﺖ ﻣﺤﺪ ﻳﻔﺘﺤﻪ ﺍﺣﻨﺔ ﺍﺫﺍ ﻧﺪﺧﻞ ﻟﻠﻐﺮﻑ ﻣﺎﻧﺴﻤﻊ ﺻﻮﺕ ﺍﻟﺒﺎﺏ ﻣﺎﻝ ﺍﻟﺼﺎﻟﺔ ﻇﻠﻴﺖ ﺍﺩﻙ ﺍﻃﺮﺍﻓﻲ ﺟﻤﺪﻥ ﻭﺧﺸﻤﻲ ﻳﺒﺲ
ﻛﻤﺖ ﺍﻃﻜﻄﻚ ﻳﻤﻜﻦ ﻟﻨﺺ ﺍﻟﻠﻴﻞ ﺍﻧﻲ ﺑﺮﺓ ﻛﻤﺖ ﺍﺑﭽﻲ ﺷﻠﻮﻥ ﻫﺴﺔ ﺍﺑﺎﺕ ﺑﺮﺓ ﻛﻤﺖ ﺍﺗﻤﺸﻰ ﺣﺘﻰ ﺍﺩﻓﺊ ﺍﺭﻭﺡ ﻟﻠﺤﺪﻳﻘﺔ ﻭﺍﺭﺟﻊ ﻟﻠﺘﺮﻙ ﻭﺍﻓﺘﺮ ﺍﺩﻙ ﺑﺎﻟﺸﺒﺎﺑﻴﻚ ﻣﺎﻝ ﺍﻟﺼﺎﻟﺔ ﻭﺍﻟﻬﻮﻝ ﺑﺎﻟﻜﻲ ﻳﺴﻤﻌﻮﻧﻲ ﺍﺩﺭﻱ ﻫﺎﻱ ﺣﻘﺎﺭﺓ ﻣﻦ ﺟﻤﺎﻧﺔ ﺑﺲ ﻛﻮﻟﺖ ﺣﺮﺍﻡ ﺍﺗﺒﻠﺔ ﻋﻠﻴﻬﺎ
ﺻﺎﺭﺕ ﻭﻱ ﺟﻴﺘﻲ ﻣﻦ ﺍﻟﺤﺪﻳﻘﺔ ﻭﺍﻳﺪﻳﺔ ﻋﻠﻰ ﺣﻠﻜﻲ ﻭﺍﺭﺟﻊ ﺍﻟﺒﺨﺎﺭ ﺑﻠﻜﻲ ﻳﺪﻓﺊ ﺧﺸﻤﻲ ﺍﻧﻔﺘﺢ ﺍﻟﺒﺎﺏ ﺷﻔﺖ ﺳﻴﻒ ﻭﺑﺎﺳﻞ ﻣﺨﺮﻭﻋﻴﻦ ﻭﻭﻳﺎﻫﻢ ﻧﻮﺭ ﻭﺟﻤﺎﻧﺔ ﺑﺎﺳﻞ ﺳﺄﻟﻨﻲ ﺑﺸﻚ ﻭﻛﺎﻝ
ﺑﺎﺳﻞ ....... ﻭﻳﻦ ﺟﻨﺘﻲ
ﺭﻳﺎ ........ ﻃﻠﻌﺖ ﺍﺷﺮ ﻣﻼﺑﺲ ﻭﻣﺎﺍﻋﺮﻑ ﻣﻨﻮ ﻗﻔﻞ ﺍﻟﺒﺎﺏ ﻭﺍﻧﺸﺘﻠﺖ ﻫﻨﺎ ﺻﺎﺭﻟﻲ ﺑﺎﻟﺴﺎﻋﺘﻴﻦ ﺍﻧﻲ ﻫﻨﺎ ﺍﺩﻙ ﻣﺤﺪ ﻳﻔﺘﺢ ﺍﻟﺒﺎﺏ
ﺑﺎﺳﻞ ....... ﻓﻮﺗﻲ ﻳﺎﻟﻠﻪ
ﺭﻳﺎ ...... ﺩﺧﻠﺖ ﻭﺟﻮﻫﻬﻢ ﻣﻮ ﻃﺒﻴﻌﻴﺔ ﺟﻤﺎﻧﺔ ﻻﺯﻛﺔ ﺑﺎﻟﺸﺒﺎﻙ ﺳﻴﻒ ﻃﻠﻊ ﻭﺭﺟﻊ ﺍﻧﻲ ﺍﻣﺸﻲ ﻭﺍﺗﻠﻔﺖ ﻋﻠﻴﻬﻢ ﺑﺎﺳﻞ ﻣﺮﻛﺰ ﻋﻴﻮﻧﻪ ﻋﻠﻴﺔ ﻣﺎﺍﺩﺭﻱ ﺷﺒﻴﻬﻢ ﺩﺭﺕ ﻭﺟﻬﻲ ﺭﺩﺕ ﺍﺩﺧﻞ ﻟﻠﻐﺮﻓﺔ ﺳﻤﻌﺖ ﺟﻤﺎﻧﺔ ﺻﺎﺣﺖ
ﺟﻤﺎﻧﺔ ........ ﺳﻴﻒ ﺍﻟﺤﻚ ﻫﺬﺍ ﺭﺟﺎﻝ ﺍﻧﻬﺰﻡ ﺟﺎﻥ ﺑﺎﻟﺤﺪﻳﻘﺔ ﺍﻟﺤﻜﻮ ﺍﻧﻬﺰﻡ ﺍﻟﺤﻜﻮ
ﺭﻳﺎ ........ ﺍﻧﺼﺪﻣﺖ ﻫﺴﺔ ﺟﻨﺖ ﺑﺮﺓ ﻣﺎﻛﻮ ﺷﻲ ﻃﻠﻌﻮ ﻳﺮﻛﻀﻮﻥ ﺍﻟﻮﻟﺪ ﻣﺎﻟﻜﻮ ﺷﻲ ﺍﻧﻲ ﻭﺍﻛﻔﺔ ﺑﺒﺎﺏ ﺍﻟﻐﺮﻓﺔ ﻭﺳﻤﻌﺖ ﺻﻮﺕ ﺳﻴﻒ ﺻﺎﺡ
ﺳﻴﻒ ....... ﺭﻳﻴﻴﻴﻴﺎﺍﺍﺍﺍﺍﺍ ﻟﺞ ﺣﻘﻴﺮﺓ
ﺭﻳﺎ ....... ﻣﺘﺖ ﻣﻦ ﺍﻟﺨﻮﻑ ﻣﺎﺍﺩﺭﻱ ﺷﻜﻮ ﺑﻌﺪﻧﻲ ﻣﺼﺪﻭﻣﺔ ﻭﻣﺎﺍﺣﺲ ﺍﻻ ﺍﺳﺤﺒﺖ ﻣﻦ ﺷﻌﺮﻱ ﻭﺗﻤﺪﺩﺕ ﺑﺎﻟﻜﺎﻉ ﻭﺍﻟﺮﻓﺲ ﻳﺠﻴﻨﻲ ﻣﺪﺭﻱ ﻣﻨﻴﻦ ﺑﺎﻟﻜﻮﺓ ﻛﺪﺭﺕ ﺍﻣﻴﺰ ﺍﻟﻴﻀﺮﺏ ﺷﻔﺖ ﺳﻴﻒ ﻭﺑﺎﺳﻞ ﻭﻳﺮﻓﺴﻮﻥ ﺑﻴﺔ ﺷﺎﻏﺖ ﺭﻭﺣﻲ ﻣﻦ ﺍﺟﺖ ﺿﺮﺑﺔ ﻣﻦ ﺿﺮﺑﺎﺗﻬﻢ ﻋﻠﻰ ﺑﻄﻨﻲ ﺻﺤﺖ ﺑﺎﺍﺍﺍﺑﺒﺎﺍﺍﺍﺍﺍﺍ ﺍﻟﺤﻜﻠﻲ ﺑﺎﺑﺎ ﺍﻟﺤﻜﻠﻲ ﺍﺳﻤﻌﻬﻢ ﻳﺴﺒﻮﻥ ﻭﻳﻔﺸﺮﻭﻥ ﺑﺲ ﻣﺘﺖ ﻣﻦ ﺳﻴﻒ ﺳﺤﻚ ﻋﻠﻰ ﺯﻧﺪﻱ ﺻﺮﺧﺖ ﺑﻌﺎﻟﻲ ﺻﻮﺗﻲ ﺍﻧﺸﻠﺖ ﻭﺍﻧﺮﻛﻌﺖ ﻣﻦ ﺍﻟﻮﺟﻊ
ﺍﻟﺤﻘﻴﺮﺍﺕ ﺑﺲ ﻳﺒﺎﻭﻋﻦ ﺟﺴﻤﻲ ﻛﻠﻪ ﺗﻜﺴﺮ ﻳﺸﻴﻠﻮﻥ ﺭﺍﺳﻲ ﻭﻳﺮﻛﻌﻮﻧﻪ ﺑﺎﻟﻜﺎﻉ ﻭﻟﻜﻢ ﺷﺴﻮﻳﺖ ﺷﻨﻮ ﺍﻟﺴﻮﻳﺘﻪ ﻃﻠﻌﺖ ﺷﺮﻳﺖ ﻣﻼﺑﺲ ﻭﺷﺒﻌﺖ ﺑﺮﺩ ﺩﺧﻠﺖ ﻭﺍﻧﻀﺮﺑﺖ ﻟﻴﺶ ﺷﻨﻮ ﺍﻟﺴﻮﻳﺘﻪ ﺑﺎﻟﻜﻮﺓ ﻛﺪﺭﺕ ﺍﻧﻬﺰﻡ ﻣﻨﻬﻢ ﻭﺩﺧﻠﺖ ﻟﻠﻐﺮﻓﺔ ﻗﻔﻠﺘﻬﺎ ﻋﻠﻴﺔ ﻭﺧﺘﻠﺖ ﻭﺭﺍﺀ ﺍﻟﺠﺮﺑﺎﻳﺔ ﻭﺍﺑﺠﻲ ﻭﺍﺭﺟﻒ ﺧﺸﻤﻲ ﻳﺼﺐ ﺩﻡ ﺍﺣﺲ ﻋﻴﻨﻲ ﻭﺭﻣﺖ ﺷﻔﺘﻲ ﺍﻧﺸﻜﺖ ﺭﻓﺴﻨﻲ ﺳﻴﻒ ﻋﻠﻴﻬﺎ ﺧﺎﺗﻠﺔ ﻭﻣﻴﺘﺔ ﺧﻮﻑ ﻭﺑﺠﻲ
ﺍﺳﻤﻊ ﺍﺻﻮﺍﺗﻬﻢ ﻭﻳﺪﻛﻮﻥ ﺑﺎﻟﺒﺎﺏ ﻭﺍﻧﻲ ﺍﺭﺗﻌﺶ ﻣﺜﻞ ﺍﻟﺴﻌﻔﺔ ﻏﻴﺮ ﺍﻋﺮﻑ ﺷﻨﻮ ﺍﻟﺴﻮﻳﺘﻪ ﻛﻞ ﺑﺎﻟﻲ ﻻﻥ ﺷﺮﻳﺖ ﺍﻟﻤﻼﺑﺲ ﻻﻥ ﺍﻧﻲ ﻣﺘﺄﻛﺪﺓ ﺍﻱ ﺷﺨﺺ ﻣﺎﻛﻮ ﺑﺮﺓ ﺑﺎﻟﺤﺪﻳﻘﺔ ﻣﺘﺄﻛﺪﺓ ﺍﺣﻨﺔ ﺣﺪﻳﻘﺘﻨﺎ ﻣﺎﺑﻴﻬﺎ ﺧﺘﻼﺕ ﻭﻳﻦ ﻳﺨﺘﻞ ﺍﺫﺍ ﻭﺍﺣﺪ ﺑﺎﻟﺤﺪﻳﻘﺔ ﺑﻌﺪﻳﻦ ﺟﺎﻧﺖ ﺍﻻﺿﻮﻳﺔ ﻣﺸﺘﻐﻠﺔ ﻭﺍﻟﺒﻴﻮﺕ ﻛﻠﻬﺎ ﻣﺸﻐﻠﺔ ﺍﺿﻮﻳﺘﻬﺎ ﻳﻌﻨﻲ ﺍﻟﺸﺎﺭﻉ ﻋﺒﺎﻟﻚ ﺻﺒﺢ
ﺍﻟﻤﻬﻢ ﺍﺑﺎﻭﻉ ﻟﻠﺴﺎﻋﺔ ﺏ 1 ﻝ 3 ﻭﻫﻢ ﻳﻬﺎﺩﺩﻭﻥ ﻋﻠﻴﺔ ﻭﺍﻧﻲ ﻧﻔﺲ ﻣﺎﻃﻠﻌﻠﻲ ﺑﻌﺪﻳﻦ ﺳﻤﻌﺖ ﺑﺎﺳﻞ ﻳﻜﻮﻝ ﻟﺴﻴﻒ
ﺑﺎﺳﻞ ....... ﻋﻮﻓﻬﺎ ﺍﻟﺼﺒﺢ ﺍﺭﺑﻴﻬﺎ ﻋﺪﻝ ﺍﺫﺍ ﻣﺎﺍﻃﻠﻊ ﺍﻟﺪﻻﻝ ﻣﻦ ﻋﻴﻨﻬﺎ ﻣﺎﺍﻃﻠﻊ ﺑﺎﺳﻞ
ﺳﻴﻒ ...... ﺍﻧﺖ ﺷﺘﺤﺠﻲ ﻟﻚ ﺍﻟﺼﺒﺢ ﻣﺎﻳﺼﺒﺢ ﻋﻠﻴﻬﺎ ﺍﺫﺑﺤﻬﺎ ﺍﺫﺑﺤﻬﺎ ﺍﻧﺖ ﺗﺤﺠﻲ ﺻﺪﻙ ﻫﺴﺔ ﺍﺫﺑﺤﻬﺎ ﻭﺍﺧﻠﻴﻬﺎ ﺗﻠﺤﻚ ﺍﻫﻠﻲ
ﺑﺎﺳﻞ ....... ﻋﻮﻓﻬﺎ ﺍﻧﻲ ﺍﻋﺮﻑ ﺷﻠﻮﻥ ﺍﺗﺼﺮﻑ ﺍﻟﺼﺒﺢ ﺍﻧﻲ ﺍﻋﻠﻤﻬﺎ ﺑﺲ ﻛﺎﻓﻲ ﺗﻌﻴﻂ ﺍﻧﻔﻀﺤﻨﺎ
ﺭﻳﺎ ....... ﻇﻠﻮ ﻳﺤﺠﻮﻥ ﺑﺼﻮﺕ ﻋﺎﻟﻲ ﻭﺍﻧﻲ ﻣﺨﻠﻴﺔ ﺍﺫﻧﻲ ﺟﻮﺓ ﺍﻟﺒﺎﺏ ﻭﺍﺳﻤﻊ ﻻﻥ ﻫﻢ ﻛﺎﻋﺪﻳﻦ ﻓﺄﻣﻨﺖ ﺍﺳﻤﻊ ﻛﻞ ﻛﻼﻣﻬﻢ ﺍﻟﻔﺘﻬﻤﺘﻪ ﺟﻤﺎﻧﺔ ﺻﺎﺭﻟﻬﺎ ﺑﺒﺪﺍﻳﺔ ﺍﻣﺘﺤﺎﻧﺎﺗﻲ ﻛﺎﻳﻠﺔ ﻟﺴﻴﻒ ﻋﻮﺩ ﻣﺎﺭﺓ ﻋﻠﻴﺔ ﻟﻠﻤﺪﺭﺳﺔ ﻭﻋﻮﺩ ﺍﻧﻲ ﻃﺎﻟﻌﺔ ﻣﻦ ﻭﺭﺍﺀ ﺧﺘﻠﺔ ﺑﻤﺪﺭﺳﺘﻨﺎ ﺗﺼﻴﺮ ﺑﻈﻬﺮ ﺍﻻﺩﺍﺭﺓ ﻭﻋﻮﺩ ﺟﻨﺖ ﺧﺎﻳﻔﺔ ﻭﻋﻮﺩ ﻭﺭﺓ ﺷﻮﻳﺔ ﻃﺎﻟﻊ ﻭﺭﺍﻱ ﺭﺟﺎﻝ
ﺑﺲ ﺳﻴﻒ ﻣﺎﻣﺼﺪﻛﻬﺎ ﻭﻇﺎﻟﻴﻦ ﻳﺮﺍﻗﺒﻮﻧﻲ ﻭﺍﻧﻲ ﺍﻟﻌﻮﺑﺔ ﻣﺎﻣﻨﺘﺒﻬﺔ ﺍﻻ ﺍﻥ ﻛﺎﻳﻠﺘﻠﻬﻢ ﺭﺣﺖ ﻟﻐﺮﻓﺔ ﺭﻳﺎ ﻣﺎﻟﻜﻴﺘﻬﺎ ﻭﻫﻢ ﻃﺎﻟﻌﻴﻦ ﻳﺪﻭﺭﻭﻥ ﻋﻠﻴﺔ ﻭﻣﻦ ﻓﺘﺤﻮ ﺍﻟﺒﺎﺏ ﺻﺎﺭﻭ ﺑﻮﺟﻬﻲ ﺷﻮﻑ ﺷﻠﻮﻥ ﻛﺬﺑﺔ ﻭﻟﻜﻢ ﺍﺣﻨﺔ ﺷﻤﻠﻔﻴﻦ ﺑﺒﻴﺘﻨﺎ ﻛﻞ ﻫﺎﻱ ﺍﻟﺴﻨﻴﻦ ﻋﻔﺎﺭﻳﺖ ﻋﻘﺎﺭﺏ
ﻇﻠﻴﺖ ﺍﺑﭽﻲ ﻟﻞ 4 ﺍﻟﺼﺒﺢ ﻭﻫﻢ ﻛﺎﻋﺪﻳﻦ ﻭﺍﻧﻲ ﻭﺟﻬﻲ ﻣﻮﺭﻡ ﺷﻔﺘﻲ ﻭﺭﻣﺖ ﻭﺗﺼﺐ ﺩﻡ ﻋﻴﻮﻧﻲ ﺯﺭﻙ ﺑﻄﻨﻲ ﻋﺒﺎﻟﻚ ﺑﻴﻬﺎ ﻃﻠﻘﺔ ﺭﺟﻠﻲ ﻣﺎﺍﻛﺪﺭ ﺍﺳﺤﻚ ﻋﻠﻴﻬﺎ ﺍﺣﺴﻬﺎ ﺗﻨﻠﻮﻱ ﺷﻔﺖ ﻭﺟﻬﻲ ﺑﺎﻟﻤﺮﺍﻳﺔ ﺷﺼﺎﻳﺮ ﺑﻴﺔ ﺍﺑﺪ ﻫﺬﺍ ﻣﻮ ﺷﻜﻠﻲ ﻻ ﻣﺴﺘﺤﻴﻞ ﻣﻼﻣﺤﻲ ﻣﺨﺘﻔﻴﺔ
ﻭﺍﻟﻠﻪ ﺟﻨﺖ ﺍﺗﺎﺑﻊ ﺍﻟﻤﺴﻠﺴﻼﺕ ﺍﻛﻮﻝ ﭼﺬﺏ ﻣﺎﺗﺼﻴﺮ ﻫﺎﻱ ﺍﻻﻟﻮﺍﻥ ﺑﺎﻟﻮﺟﻪ ﻫﺬﺍ ﺗﺄﻟﻴﻒ ﺑﺲ ﻣﻦ ﺷﻔﺖ ﻭﺟﻬﻲ ﺗﺨﺒﻠﺖ ﺧﺸﻤﻲ ﻣﻮﺭﻡ ﻭﻋﻴﻮﻧﻲ ﻭﺣﺪﺓ ﺟﻮﺍﻫﺎ ﻟﻮﻥ ﺍﺧﻀﺮ ﻋﻠﻰ ﺍﺯﺭﻕ ﻭﻭﺣﺪﺓ ﻣﻮﺭﻣﺔ ﻋﻀﻤﺔ ﺧﺪﻱ ﻋﻠﻴﻬﺎ ﻟﻮﻥ ﻣﺜﻞ ﺍﻟﺪﻡ ﺍﻟﻤﻌﺼﻮﺭ ﺧﺸﻤﻲ ﺍﺯﺭﻕ ﻭﺷﻔﺘﻲ ﻣﺸﻜﻮﻛﺔ ﻭﺻﺎﺑﺔ ﺩﻡ ﻭﺻﺎﻳﺮﺓ ﺷﻜﺒﺮﻫﺎ ﻣﺎﺍﻛﺪﺭ ﺍﺑﭽﻲ ﻋﻴﻮﻧﻲ ﻳﻮﺟﻌﻨﻲ
ﻇﻠﻴﺖ ﻛﺎﻋﺪﺓ ﺗﺄﻛﺪﺕ ﺍﻟﺒﻴﺖ ﻫﺪﻭﺀ ﻳﻌﻨﻲ ﺍﻟﻜﻞ ﻧﺎﻣﻮ ﻃﻠﻌﺖ ﺍﺩﺭﻱ ﺭﺍﺡ ﺗﻜﻮﻟﻮﻥ ﻣﺎﺗﺨﺎﻓﻴﻦ ﻻ ﺍﺧﺎﻑ ﺑﺲ ﺗﻌﻠﻤﺖ ﺷﻲ ﻣﻦ ﺍﻣﻲ ﻳﻤﻜﻦ ﺍﻧﺘﻮ ﻣﺎﺭﻛﺰﺗﻮ ﻋﻠﻴﻪ ﻣﻦ ﻛﻮﻟﺘﻪ ﺍﻟﻜﻢ ﺑﺲ ﺍﻧﻲ ﺑﻘﻰ ﺑﺒﺎﻟﻲ ﻭﻫﻲ ﺍﻟﺼﻼﺓ ﺍﻣﻲ ﺟﺎﻧﺖ ﻣﺎﺗﻜﺪﺭ ﺗﺎﻛﻞ ﻭﻻ ﺗﺸﺮﺏ ﻭﻻ ﺗﺤﺠﻲ ﻭﻻ ﺗﺘﺤﺮﻙ ﻳﻌﻨﻲ ﺷﺒﻪ ﻣﻴﺖ ﻭﻣﺎﻋﺎﻓﺖ ﺻﻼﺗﻬﺎ ﺍﻧﻲ ﻫﻢ ﻃﻠﻌﺖ ﺍﺭﻳﺪ ﻣﻦ ﺍﻟﻠﻪ ﻫﻮ ﻳﻠﻜﺎﻟﻲ ﺣﻞ ﻭﻱ ﺍﺧﻮﺍﻧﻲ
ﺍﻧﻲ ﺍﻋﺮﻑ ﺟﻤﺎﻧﺔ ﺗﺮﻳﺪ ﺗﺨﻠﺺ ﻣﻨﻨﺎ ﻛﻠﻨﺎ ﻫﻲ ﺣﻘﻮﺩﺓ ﺧﻠﺼﺖ ﻣﻦ ﺑﺎﺑﺎ ﻭﻣﻦ ﻣﺎﻣﺎ ﻭﺳﻴﻒ ﺍﺷﺘﺮﻯ ﺑﻴﺖ ﻻﻫﻠﻬﺎ ﺑﻔﻠﻮﺱ ﺑﺎﺑﺎ ﻟﻌﺪ ﻫﻢ ﻣﻨﻴﻠﻬﻢ ﺍﺑﻮﻫﺎ ﻓﮕﺮ ﺟﺎﻧﻮ ﻛﺎﻋﺪﻳﻦ ﺑﺒﻐﺪﺍﺩ ﺑﺎﻻﻳﺠﺎﺭ ﻫﺴﺔ ﺗﺮﻳﺪ ﺗﺨﻠﺺ ﻣﻨﻲ ﺣﺘﻰ ﺑﺎﺳﻞ ﻳﺮﺟﻊ ﻟﺒﻴﺘﻪ ﻭﻳﺒﻘﺎﻟﻬﺎ ﺍﻟﺒﻴﺖ
ﺍﻟﻤﻬﻢ ﺗﻮﺿﻴﺖ ﻭﺭﺟﻌﺖ ﺍﺻﻠﻲ ﻭﻣﻦ ﺍﻟﺜﻮﻝ ﺍﻟﺒﻴﺔ ﻧﺴﻴﺖ ﺍﻗﻔﻞ ﺍﻟﺒﺎﺏ ﻭﺍﻧﻲ ﻣﺄﻣﻨﺔ ﻋﺒﺎﻟﻲ ﻣﻘﻔﻮﻝ ﺭﺣﺖ ﻭﺗﻤﺪﺩﺕ ﺑﺴﺮﻋﺔ ﻏﻔﻴﺖ ﺑﺲ ﺭﺍﺳﻲ ﻳﻮﻥ ﺭﺟﻠﻲ ﺗﺼﻞ ﻋﻠﻴﺔ ﻭﺟﻬﻲ ﻛﻠﻪ ﻳﻮﺟﻌﻨﻲ ﺍﻳﺪﻱ ﻛﻞ ﺟﺴﻤﻲ ﻳﻮﺟﻌﻨﻲ ﺑﺲ ﺍﻟﻨﻌﺎﺱ ﻏﻠﺒﻨﻲ ﻧﻤﺖ ﻭﻣﺎﺣﺴﻴﺖ ﺍﻻ ﺍﻧﺮﻓﻌﺖ ﻣﻦ ﺷﻌﺮﻱ ﻋﻄﺖ ﻣﻦ ﺍﻻﻟﻢ ﻓﺘﺤﺖ ﻋﻴﻮﻧﻲ ﻫﺬﺍ ﺑﺎﺳﻞ ﻭﺍﺷﺘﻐﻠﻠﻲ ﺩﻙ ﺭﺍڜﺪﻳﺎﺕ ﻭﺿﺮﺑﻨﻲ ﻋﻠﻰ ﺣﻠﻜﻲ ﻭﺍﻟﻠﻪ ﺷﺎﻏﺖ ﺭﻭﺣﻲ ﺑﻌﺪﻩ ﺍﻻﻟﻢ ﻣﻮﺟﻮﺩ ﻭﺯﻭﺩﻫﺎ ﻋﻠﻴﺔ ﻛﺎﻟﻠﻲ
ﺑﺎﺳﻞ ....... ﻟﺞ ﺣﻘﻴﺮﺓ ﻋﺒﺎﻟﻲ ﺍﺩﻣﻴﺔ ﻃﻠﻌﺘﻲ ﺍﺩﺑﺴﺰ ﻣﻦ ﻛﺎﻟﺘﻲ ﻧﻮﺭ ﺗﻮﺍﻋﺪ ﻣﺎﺻﺪﻛﺖ ﻣﻦ ﻛﺎﻟﺖ ﺟﻤﺎﺗﺔ ﺗﻮﺍﻋﺪ ﻣﺎﺻﺪﻛﺖ ﻛﻮﻟﺖ ﻳﺮﺩﻥ ﻳﺒﻄﻠﻨﻬﺎ ﺑﺲ ﺗﺠﻴﺒﻴﻨﻪ ﻟﻠﺒﻴﺖ ﺷﻜﺪ ﻋﻴﻨﺞ ﺻﻠﻔﺔ
ﺭﻳﺎ ....... ﻳﻜﻔﺦ ﺭﺍڜﺪﻳﺎﺕ ﻭﻳﺤﺠﻲ ﻛﻮﺗﻠﻪ ﺑﺎﺳﻞ ﻭﺩﺍﻋﺔ ﻣﺎﻣﺎ ﻣﺎﻛﻮ ﺍﺣﺪ ﻭﺍﻟﻠﻪ ﻛﺬﺏ ﻭﺍﻟﻠﻪ ﺍﺻﻼ ﻣﺎﺟﺎﻥ ﺍﻛﻮ ﺍﺣﺪ ﻭﺍﻟﻠﻪ ﺑﺲ ﺧﻞ ﺍﻓﻬﻤﻚ ﺑﺲ ﺍﺣﺎﺟﻴﻚ ﺑﺎﺳﻞ ﻋﻔﻴﺔ ﻛﺎﻓﻲ ﺑﻌﺪﻧﻲ ﺍﺗﻮﺳﻞ ﺑﺒﺎﺳﻞ ﻭﺍﺳﻤﻊ ﺳﻴﻒ ﻳﻬﺎﺩﺩ ﻭﺍﻟﺒﻨﺎﺕ ﻻﺯﻣﺎﺗﻪ ﻭﻫﻮ ﺟﺎﻳﺐ ﺳﭽﻴﻨﺔ ﻳﺮﻳﺪ ﻳﻘﺘﻠﻨﻲ ﻳﻤﻤﻤﻤﻤﺔ ﻣﺘﺖ ﻣﻦ ﺍﻟﺨﻮﻑ ﺑﺴﺮﻋﺔ ﺭﻛﻀﺖ ﻭﻛﻌﺪﺕ ﺑﺎﻟﺰﺍﻭﻳﺔ ﻣﺎﻝ ﺍﻟﻐﺮﻓﺔ ﻭﺍﺣﻠﻒ ﺑﻴﻬﻢ ﻣﺎﻳﻘﺘﻠﻮﻧﻲ
ﺍﺟﺎﻧﻲ ﺑﺎﺳﻞ ﺳﺤﺒﺖ ﺍﻳﺪﻩ ﻭﻛﻤﺖ ﺍﺑﻮﺱ ﺑﻴﻬﺎ ﺑﺲ ﻻ ﻳﻘﺘﻠﻮﻧﻲ ﺳﻴﻒ ﻳﻜﻮﻝ
ﺳﻴﻒ ...... ﺑﺎﺳﻞ ﻋﻮﻓﻨﻲ ﺍﻗﺘﻠﻬﺎ ﻭﻟﻚ ﻟﻌﺐ ﺑﻴﻬﺎ ﻭﻋﺎﻓﻬﺎ ﺟﺎﺑﺖ ﺍﻟﻨﺎ ﺍﻟﻌﺎﺭ ﻫﺎﻱ ﻋﻮﻓﻨﻲ ﺍﻗﺘﻠﻬﺎ
ﺑﺎﺳﻞ ...... ﻻﺗﺘﻬﻮﺭ ﺳﻴﻒ ﻋﻮﻓﻬﺎ ﻻﺗﻘﺘﻠﻬﺎ ﻣﻨﻮ ﻳﻜﻮﻝ ﻏﻠﻄﺎﻧﺔ ﻭﻳﺎ ﻳﻤﻜﻦ ﻣﺎﺻﺎﺭ ﺷﻲ ﺧﻠﻴﻨﺎ ﻧﺘﺄﻛﺪ
ﺭﻳﺎ ........ ﺍﺭﻳﺪ ﺍﻓﺘﻬﻢ ﺷﻲ ﻣﺎﻛﻮ ﻭﻳﺎﻣﻦ ﺍﻏﻠﻂ ﺷﻨﻮ ﻫﻲ ﺍﻟﻐﻠﻄﺔ ﻫﻮ ﻣﻨﻮ ﺍﻟﻴﺴﻮﻟﻔﻮﻥ ﻋﻠﻴﻪ ﻣﺎﺍﻋﺮﻑ ﻫﻲ ﭼﺬﺑﺔ ﭼﺬﺑﺘﻬﺎ ﺟﻤﺎﻧﺔ ﺍﻧﺘﻮ ﺻﺪﻛﺘﻮﻫﺎ ﺍﻭﻭﻭﻑ ﻳﺎﺣﻴﻒ ﻋﻠﻰ ﺍﻟﺨﻮﺓ ﻫﻲ ﻫﺎﻱ ﺍﻟﺨﻮﺓ ﺷﺘﻜﻮﻝ ﻣﺮﺗﻪ ﺻﺪﻙ ﻭﺷﺘﻜﻮﻝ ﺍﺧﺘﻪ ﻛﺬﺏ ﻫﻬﻪ ﻫﻲ ﺍﻣﻲ ﺷﺤﺼﻠﺖ ﻣﻦ ﺍﺧﻮﺍﻧﻬﺎ ﺣﺘﻰ ﺍﻧﻲ ﺍﺣﺼﻞ ﺍﻟﻤﻬﻢ ﺍﻧﻲ ﺍﺑﭽﻲ ﻭﺑﺲ ﺍﺻﻴﺢ ﻭﺍﻟﻠﻪ ﻣﺤﺪ ﺟﺎﻥ ﺑﺮﺓ ﻭﺍﻟﻠﻪ ﺟﻨﺖ ﺍﺷﺮ ﻣﻼﺑﺲ ﻭﺍﻟﻠﻪ ﻣﺎ ﺍﻋﺮﻑ ﺍﺣﺪ ﺑﺲ ﻫﺬﻥ ﺍﻟﺤﺠﺎﻳﺎﺕ ﺍﺭﺩﺩ ﺑﻴﻬﻦ
ﺑﺎﻟﻜﻮﺓ ﺑﺎﺳﻞ ﻃﻠﻊ ﺳﻴﻒ ﺑﺮﺓ ﻭﺭﺟﻊ ﻗﻔﻞ ﺍﻟﻐﺮﻓﺔ ﻋﻠﻴﺔ ﺍﻧﻲ ﺧﺎﻳﻔﺔ ﻭﺍﺭﺟﻒ ﺍﺣﺘﺎﺭﻳﺖ ﺷﺄﺳﻮﻱ ﻭﻳﻦ ﺍﺭﻭﺡ ﺍﻟﻤﻦ ﺍﺭﻭﺡ ﺑﺲ ﺍﻟﻤﺸﺘﻜﻰ ﻟﻠﻪ
ﻇﻠﻴﺖ ﺍﺗﺤﺴﺐ ﻋﻠﻴﻬﻦ ﻭﺍﻟﻠﻪ ﺟﻤﺎﻧﺔ ﻭﻧﻮﺭ ﻣﺎﻳﺮﺑﺤﻦ ﻻ ﺩﻧﻴﺎ ﻭﻻ ﺍﺧﺮﺓ ﻣﺘﺖ ﻣﻦ ﺍﻟﺨﻮﻑ ﺍﻋﺮﻑ ﺳﻴﻒ ﻳﻘﺘﻠﻨﻲ ﻭﺍﻟﻠﻪ ﺑﻤﺠﺮﺩ ﻣﺎﺍﺗﺨﻴﻞ ﻳﺬﺑﺤﻨﻲ ﺍﺭﺗﻌﺶ ﻣﻦ ﺍﻟﺨﻮﻑ
ﺭﻛﻀﺖ ﻃﻠﻌﺖ ﺟﻨﻄﺘﻲ ﻣﺎﻝ ﺍﻟﻤﺪﺭﺳﺔ ﻓﺮﻏﺘﻬﺎ ﻭﻃﻠﻌﺖ ﺻﻨﺪﻭﻙ ﺍﻟﺬﻫﺐ ﻣﺎﻟﺖ ﻣﺎﻣﺎ ﻫﺴﺔ ﺍﻧﺘﻮ ﻋﺒﺎﻟﻜﻢ ﺻﻨﺪﻭﻙ ﻳﻌﻨﻲ ﻣﺘﺮﻭﺱ ﺫﻫﺐ ﻣﻮ ﻻ ﻭﺍﻟﻠﻪ ﺑﻲ ﻛﻼﺩﺓ ﻭﺗﺮﺍﭼﻲ ﻭﺣﻠﻘﺘﻬﺎ ﻭﻣﺤﺒﺲ ﻭﺳﻮﺍﺭ ﻫﻮ ﻫﺬﺍ ﺫﻫﺐ ﻣﺎﻣﺎ ﻭ 30 ﻣﻠﻴﻮﻥ ﺭﻭﺍﺗﺒﻬﺎ ﺑﺎﺑﺎ ﻣﺎﻳﻘﺒﻞ ﺗﺼﺮﻑ ﻣﻨﻬﻦ ﺍﻻ ﻟﻨﻔﺴﻬﺎ ﻭﻛﺎﻟﻠﻬﺎ ﺍﻧﻲ ﺍﺻﺮﻑ ﻋﻠﻰ ﺍﻟﺒﻴﺖ ﻭﻋﻠﻴﺞ ﺑﺲ ﻫﻲ ﺟﺎﻧﺖ ﺗﺼﺮﻑ ﻣﻨﻬﻦ ﻭﺍﻟﺒﺎﻗﻲ ﺗﻀﻤﻪ ﻭ 10 ﻣﻼﻳﻴﻦ ﺍﻟﻨﻄﺎﻧﻴﺎﻫﺎ ﺳﻴﻒ ﻣﺎﻝ ﻣﺤﻞ ﺑﺎﺑﺎ ﻫﻦ ﻫﺬﻥ ﺍﻟﺒﺎﻟﺼﻨﺪﻭﻙ
ﺍﻟﻤﻬﻢ ﺧﻠﻴﺘﻪ ﺑﺎﻟﺠﻨﻄﺔ ﻣﺎﻝ ﺍﻟﻤﺪﺭﺳﺔ ﻭﺧﻠﻴﺖ ﻓﻮﻛﺎﻩ ﻣﻼﺑﺲ ﺍﻟﻲ ﻭﻃﻠﻌﺖ ﺟﻨﻄﺔ ﺻﻐﻴﺮﺓ ﻟﻤﻴﺖ ﺑﻴﻬﺎ ﻣﻼﺑﺲ ﺍﻟﻲ ﺑﻴﻬﺎ ﺗﻮﺍﻳﺮ ﻭﺗﻨﺴﺤﺐ ﺑﺲ ﺻﻐﻴﺮﺓ ﻣﻮ ﭼﺒﻴﺮﺓ ﻫﻢ ﺧﻠﻴﺘﻠﻲ ﻣﻼﺑﺲ ﻭﺍﻧﻲ ﺑﺪﻟﺖ ﻻﻥ ﻣﻼﺑﺴﻲ ﻛﻠﻬﺎ ﺩﻡ ﻣﺴﺤﺖ ﺣﻠﻜﻲ ﺑﺎﻟﻔﺎﻟﻴﻨﻪ ﻣﺎﻟﺘﻲ ﻭﺻﺎﺭ ﺑﻴﻬﺎ ﺩﻡ
ﺧﻠﻴﺖ ﺻﻮﺭﺓ ﺑﺎﺑﺎ ﻭﻣﺎﻣﺎ ﻭﺳﺪﻳﺖ ﺍﻟﺠﻨﻄﺔ ﻭﻟﺒﺴﺖ ﺑﻨﻄﺮﻭﻥ ﻭﻗﻤﻴﺺ ﺍﺳﻮﺩ ﻭﺷﺎﻝ ﻃﻠﻌﺘﻪ ﻭﻃﻠﻌﺖ ﻗﺒﻮﻃﻲ ﻫﻢ ﺣﻈﺮﺗﻬﻦ ﻭﺳﺪﻳﺖ ﺍﻟﻜﻨﺘﻮﺭ ﻛﻮﻟﺖ ﺑﺎﻟﻠﻴﻞ ﺍﻃﻠﻊ ﻭﻻ ﺍﺑﻘﻰ ﺣﺘﻰ ﻟﻮ ﺍﻣﻮﺕ ﻭﻻ ﺍﺑﻘﻰ ﻳﻤﻬﻢ
ﺍﻛﺜﺮ ﺷﻲ ﺧﻔﺖ ﻣﻦ ﺳﻴﻒ ﺍﺧﻮﻱ ﻭﺍﻋﺮﻓﻪ ﻋﺼﺒﻲ ﻭﻛﺎﻡ ﻳﺤﻠﻒ ﻟﻮ ﺑﻌﺪ ﺳﻨﺔ ﻫﻢ ﻳﻘﺘﻠﻨﻲ ﻫﻮ ﻣﻮ ﻣﺜﻞ ﺑﺎﺳﻞ ﺑﺎﺳﻞ ﺻﺢ ﻋﺼﺒﻲ ﺑﺲ ﻣﻮ ﻣﺘﻬﻮﺭ ﻣﺜﻞ ﺳﻴﻒ ﻣﻮ ﺍﻧﻮﺏ ﻭﺭﺍﺀﻩ ﺟﻤﺎﻧﺔ ﻳﻌﻨﻲ ﺣﻲ ﻋﻠﻰ ﺍﻟﺼﻼﺓ ﺍﻧﻲ ﻣﺬﺑﻮﺣﺔ
ﺻﺎﺭ ﺍﻟﻠﻴﻞ ﻭﺑﺲ ﺍﺳﻤﻌﻬﻢ ﻧﺎﺱ ﺗﺮﻓﻊ ﻭﻧﺎﺱ ﺗﻜﺒﺲ ﺟﻤﺎﻧﺔ ﺗﻜﻮﻝ ﻟﺴﻴﻒ ﺯﻭﺟﻬﺎ ﻭﻻ ﺗﺒﺘﻠﻲ ﺑﻴﻬﺎ ﻧﻮﺭ ﺗﻜﻮﻝ ﺍﻧﻄﻮﻫﺎ ﻻﻱ ﻭﺍﺣﺪ ﺳﻴﻒ ﻳﻜﻮﻝ ﺍﺫﺑﺤﻬﺎ ﺑﺎﺳﻞ ﻳﻜﻮﻝ ﻧﺴﻮﻳﻠﻬﺎ ﻓﺤﺺ ﻭﺍﻧﻲ ﻣﺎﺍﻋﺮﻑ ﺍﻟﺴﺎﻟﻔﺔ ﺷﻨﻮ ﻫﻢ ﻟﻴﺶ ﻫﻴﺞ ﻣﺨﺒﻮﺻﻴﻦ ﺍﻟﻔﺤﺺ ﻟﺸﻨﻮ ﻣﺎ ﺍﻋﺮﻑ ﻟﻠﻴﻞ ﻭﻣﺤﺪ ﻓﺘﺤﻠﻲ ﺍﻟﺒﺎﺏ ﻭﺍﻧﻲ ﺧﻮﺕ ﺭﻭﺣﻲ ﻣﻦ ﺍﻟﻤﻌﺎﺗﺐ ﻭﺍﻟﺒﭽﻲ
ﺍﻟﻠﻪ ﻋﻠﻴﻜﻢ ﺍﻟﺒﻨﻴﺔ ﻣﻦ ﺗﻨﺠﺮﺡ ﻟﻮ ﺗﻨﻀﺮﺏ ﻟﻮ ﺗﺘﺄﺫﺓ ﺷﺘﻜﻮﻝ ﻣﻮ ﺗﻜﻮﻝ ﺍﺧﺦ ﻳﻌﻨﻲ ﺗﺴﺘﻨﺠﺪ ﺑﺄﺧﻮﻫﺎ ﺍﻧﻲ ﺍﻟﻴﻮﻡ ﺍﺭﻳﺪ ﺍﻧﻬﺰﻡ ﻣﻦ ﻇﻴﻤﻬﻢ ﻭﻣﻦ ﺣﻘﺪ ﻧﺴﻮﺍﻧﻬﻢ
ﺻﺎﺭﺕ ﺏ 2 ﺑﺎﻟﻠﻴﻞ ﺍﻣﻨﺖ ﺍﻟﻜﻞ ﻧﺎﻳﻤﻴﻦ ﻣﺎﻛﻮ ﺍﻱ ﺣﺮﻛﺔ ﻭﺍﻱ ﺻﻮﺕ ﻛﻮﻟﺖ ﺧﻞ ﺍﻃﻠﻊ ﺍﺫﺍ ﻧﻠﻜﻔﺖ ﺍﻟﻠﻪ ﺍﻟﻴﺴﺘﺮ ﻭﺍﺫﺍ ﻣﺎﻧﻠﻜﻔﺖ ﺑﻌﺪ ﻣﺎﺍﺭﺟﻊ ﻭﻫﺬﺍ ﻏﺒﺎﺀ ﻣﻨﻲ ﺍﻧﻲ ﻣﺎﺍﻟﻲ ﺍﺣﺪ ﻭﻳﻦ ﺭﺍﻳﺤﺔ ﻣﺎﻓﻜﺮﺕ ﻭﻳﻦ ﺍﺭﻭﺡ ﺑﺲ ﺭﺩﺕ ﺍﻧﻬﺰﻡ ﻣﻨﻬﻢ ﻗﺒﻞ ﻻ ﻳﻘﺘﻠﻮﻧﻲ ﻭﺍﻧﻲ ﻣﺎﻣﺴﻮﻳﺔ ﺷﻲ
ﻟﺒﺴﺖ ﺣﺠﺎﺑﻲ ﻭﻗﺒﻮﻃﻲ ﻭﻟﺒﺴﺖ ﺣﺬﺍﺋﻲ ﺗﻜﺮﻣﻮﻥ ﻓﺘﺤﺖ ﺍﻟﺸﺒﺎﻙ ﻃﻠﻌﺖ ﺍﻟﺠﻨﻂ ﻭﻃﻠﻌﺖ ﻭﺭﺍﻫﻦ ﺑﺲ ﺗﺸﺨﻂ ﻇﻬﺮﻱ ﻛﻠﻪ ﻻﻥ ﺍﻟﺸﺒﺎﻙ ﺿﻴﻖ ﺍﻟﻤﻬﻢ ﻃﻠﻌﺖ ﻟﺒﺴﺖ ﺟﻨﻄﺘﻲ ﻭﺷﻠﺖ ﺍﻟﺜﺎﻧﻴﺔ ﻭﺍﻣﺸﻲ ﻋﻠﻰ ﻛﻴﻒ ﻟﻤﻦ ﻓﺘﺤﺖ ﺍﻟﺒﺎﺏ ﻣﺎﻝ ﺍﻟﺒﻴﺖ ﻭﻃﻠﻌﺖ ﺑﺴﺮﻋﺔ
ﻇﻠﻴﺖ ﺍﻣﺸﻲ ﻭﺍﺗﺨﺘﻞ ﻣﻦ ﺍﻟﻜﺎﻣﻴﺮﺍﺕ ﻣﺎﻝ ﺍﻟﺒﻴﻮﺕ ﻃﻠﻌﺖ ﻭﻋﺒﺮﺕ ﺷﺎﺭﻋﻨﺎ ﻭﻇﻠﻴﺖ ﻣﻦ ﺷﺎﺭﻉ ﻟﺸﺎﺭﻉ ﺍﻟﺠﻮ ﻳﺒﺴﻨﻲ ﻣﻦ ﺍﻟﺒﺮﻭﺩﺓ ﻭﺭﺟﻠﻲ ﻭﺟﻌﺘﻨﻲ ﻭﺍﻣﺸﻲ ﻭﺍﻋﺮﺝ ﻋﻠﻴﻬﺎ ﻭﺍﻟﺸﻮﺍﺭﻉ ﻓﺎﺍﺍﺭﻏﺔ ﻋﺪﺍ ﻛﻢ ﺳﻴﺎﺭﺓ ﻳﻌﺒﺮﻥ ﻣﻦ ﻳﻤﻲ ﻣﻄﻔﺤﺎﺕ ﻇﻠﻴﺖ ﺍﺩﻭﺭﻟﻲ ﻋﻠﻰ ﻣﻜﺎﻥ ﺑﺲ ﺧﺎﻳﻔﺔ ﻭﻳﻦ ﺍﺭﻭﺡ ﻭﻛﻞ ﺷﻮﻱ ﺍﺭﻳﺪ ﺍﺭﺟﻊ ﺍﻛﻮﻝ ﻫﺎﺍﺍ ﺧﻞ ﺍﺭﺟﻊ ﻣﺎﺩﺍﻡ ﻣﺎﺣﺎﺳﻴﻦ ﻋﻠﻴﺔ
ﻛﻠﺒﻲ ﻳﺪﻙ ﺑﺴﺮﻋﺔ ﻣﻦ ﺍﻟﺨﻮﻑ ﺑﺲ ﻛﻤﻠﺖ ﻣﺸﻲ ﻛﻮﻟﺖ ﻭﻳﻦ ﻣﺎﺍﻟﻠﻪ ﻳﺬﺑﻨﻲ ﺧﻞ ﻳﺬﺑﻨﻲ ﺑﺲ ﻣﺎﺍﺭﺟﻊ ﻭﺍﻧﺬﺑﺢ ﺧﻔﺖ ﻣﻦ ﺍﻟﻤﻮﺕ ﻭﻏﻠﻄﺖ ﻏﻠﻄﺔ ﻋﻤﺮﻱ ﻣﻦ ﻃﻠﻌﺖ ﻣﻦ ﺑﻴﺘﻨﺎ ﺑﺲ ﻭﺍﻟﻠﻪ ﻻﻥ ﻣﺎﻋﻨﺪﻱ ﺍﺣﺪ ﻳﻌﻨﻲ ﻟﻮ ﻋﻨﺪﻱ ﻋﻢ ﻟﻮ ﻋﻤﺔ ﻟﻮ ﺧﺎﻝ ﻟﻮ ﺧﺎﻟﺔ ﻟﻮ ﺣﺘﻰ ﺷﺨﺺ ﻭﺍﺣﺪ ﻳﺤﻦ ﻋﻠﻴﺔ ﻭﻳﺨﺎﻑ ﻋﻠﻴﺔ ﻭﻳﺮﻳﺪ ﻣﺼﻠﺤﺘﻲ ﻣﺎﺍﻃﻠﻊ ﺑﺲ ﻛﻠﻬﻢ ﻳﺮﺩﻭﻥ ﻳﺨﻠﺼﻮﻥ ﻣﻨﻲ
ﺍﻟﻤﻬﻢ ﻭﺍﻧﻲ ﺍﻣﺸﻲ ﺩﺧﻠﺖ ﺑﻤﻨﻄﻘﺔ ﺑﻴﻬﺎ ﺑﻴﻮﺕ ﺗﻌﺒﺎﻧﺔ ﻭﺑﻴﻮﺕ ﺣﻠﻮﺓ ﻭﺑﻴﻬﺎ ﺑﻴﻮﺕ ﻣﺸﻐﻠﺔ ﺍﺿﻮﻳﺔ ﻭﺑﻴﻮﺕ ﺿﻠﻤﺔ ﻭﺍﻧﻲ ﺍﻣﺸﻲ ﻭﺷﻔﺖ 5 ﻭﻟﺪ ﻳﺸﺮﺑﻮﻥ ﺑﺎﻟﺸﺎﺭﻉ ﻻ ﻳﺎﺭﺑﻲ ﺧﻔﺖ ﻭﺭﺟﻌﺖ ﺍﻣﺸﻲ ﻭﻫﻢ ﺷﺎﻓﻮﻧﻲ ﻭﻛﻠﻬﻢ ﻭﻛﻔﻮ ﻭﺍﻧﻲ ﺷﺼﺎﺭ ﺑﻴﺔ
ﻃﻜﻴﺘﻬﺎ ﺭﻛﻀﺔ ﺍﻧﻲ ﻭﺍﻟﺠﻨﻂ ﺣﺘﻰ ﻧﺴﻴﺖ ﺩﺭﺑﻲ ﻣﻨﻴﻦ ﺑﺲ ﺍﺭﻛﺾ ﻭﻫﻢ ﻭﺭﺍﻱ ﻣﻨﻴﻦ ﻃﻠﻌﻮﻟﻲ ﻫﺬﻭﻝ ﺍﺳﺤﻚ ﻋﻠﻰ ﺭﺟﻠﻲ ﺑﺎﻟﻜﻮﺓ ﻭﻛﻮﺓ ﺍﺭﻛﺾ ﻭﻫﻢ ﻣﺒﻴﻨﻴﻦ ﻣﺎﺷﺎﺭﺑﻴﻦ ﻫﻮﺍﻱ ﻻﻥ ﺑﻌﺪﻫﻢ ﺑﻮﻋﻴﻬﻢ ﺣﺠﺎﻳﺘﻬﻢ ﻋﺪﻟﺔ ﻣﻮ ﻣﺎﻝ ﺳﻜﺮﺍﻥ ﻭﺭﻛﻀﺘﻬﻢ ﺳﺮﻳﻌﺔ ﺍﻟﺴﻜﺮﺍﻥ ﻳﺪﻭﺥ
ﺍﺭﻛﺾ ﻭﻳﺮﻛﻀﻮﻥ ﻭﺭﺍﻱ ﺷﺪﻳﺖ ﺣﻴﻠﻲ ﻭﻛﻤﺖ ﺍﺩﺧﻞ ﺑﺎﻟﻔﺮﻭﻉ ﻣﻦ ﻓﺮﻉ ﻟﻔﺮﻉ ﻭﺍﻧﻲ ﺧﺎﻳﻔﺔ ﺍﻟﻰ ﺍﻥ ﺍﻛﻮ ﻓﺮﻉ ﻳﻄﻠﻊ ﻟﻠﺸﺎﺭﻉ ﺍﻟﻌﺎﻡ ﻃﻠﻌﺖ ﻭﺍﻧﻲ ﺍﻣﺸﻲ ﻭﻣﺘﻮﺟﻌﺔ ﻣﻦ ﺭﺟﻠﻲ ﻭﺟﺎﻥ ﻳﻄﻠﻌﻮﻥ ﻭﺭﺍﻱ ﺭﺟﻌﺖ ﺍﺭﻛﺾ ﻭﺧﺎﻳﻔﺔ ﺍﻟﻠﻪ ﻻ ﻳﺮﺍﻭﻳﻜﻢ ﺍﻟﻠﻮﻋﺔ ﻭﺍﻟﺨﻮﻓﺔ ﻭﺍﻟﺒﺠﻲ ﺍﻟﺒﺠﻴﺘﻪ ﻭﺍﺗﻮﺳﻞ ﺑﺮﺏ ﺍﻟﻌﺎﻟﻤﻴﻦ ﻳﺨﻠﺼﻨﻲ ﻣﻨﻬﻢ
ﺗﺎﻟﻲ ﻭﺍﺟﺖ ﺳﻴﺎﺭﺓ ﺗﻤﺸﻲ ﺳﺮﻳﻊ ﻭﺭﺍﻱ ﺧﺘﻠﺖ ﺑﻤﻜﺎﻥ ﺍﻛﻮ ﺗﺎﻧﻜﻴﺎﺕ ﻣﺴﻮﻳﻨﻬﻦ ﻣﺜﻞ ﺍﻟﺴﻴﺎﺝ ﺧﺘﻠﺖ ﻭﺍﺑﭽﻲ ﺟﺴﻤﻲ ﻳﺮﺟﻒ ﺭﺟﻠﻲ ﻣﻮﺗﺘﻨﻲ ﻣﻦ ﺍﻻﻟﻢ ﺍﺑﺎﻭﻉ ﻣﻦ ﺍﻟﺰﺭﻑ ﺍﺑﻮ ﺍﻟﺴﻴﺎﺭﺓ ﻧﺰﻝ ﻭﻳﺪﻭﺭ ﻋﻠﻴﺔ ﻭﻳﺼﻴﺢ
....... ﻭﻳﻨﺞ ﻳﺒﻨﻴﺔ ﻭﻳﻨﺞ ﻭﻳﻦ ﺭﺣﺘﻲ ﺍﻃﻠﻌﻲ ﺑﺲ ﺍﺣﺎﺟﻴﺞ
ﺭﻳﺎ ....... ﺧﺎﺗﻠﺔ ﻭﺍﺑﭽﻲ ﻭﺍﻟﺠﻨﻄﺔ ﺑﺼﻔﻲ ﻣﻮﻛﻔﺘﻬﺔ ﺭﺟﻠﻲ ﺣﻴﻞ ﻭﺟﻌﺘﻨﻲ ﻣﺪﻳﺘﻬﺎ ﺭﺩﺕ ﻳﻬﺪﺍ ﺍﻻﻟﻢ ﺟﺎﻥ ﺗﻮﻛﻊ ﺍﻟﺠﻨﻄﺔ ﺑﺴﺮﻋﺔ ﺳﺤﺒﺘﻬﺎ ﻭﻏﻤﻀﺖ ﻋﻴﻮﻧﻲ ﻭﺍﺑﭽﻲ ﻭﺍﺻﻴﺢ ﻳﺎﺭﺏ ﻛﻮﻥ ﻣﺎﺳﻤﻊ ﻳﺎﺭﺏ ﻳﺎﺭﺏ ﻛﻮﻟﺖ ﺑﻜﻠﺒﻲ ﻭﺍﻟﻠﻪ ﺍﺭﺟﻊ ﻟﺒﻴﺘﻨﺎ ﺑﺲ ﻛﻮﻥ ﺍﺧﻠﺺ ﻣﻦ ﻫﺬﻭﻝ ﻭﺍﻟﻠﻪ ﺍﺭﺟﻊ ﺣﺴﻴﺖ ﺍﻟﺠﻨﻄﺔ ﺍﺑﺘﻌﺪﺕ ﻋﻨﻲ ﻓﺘﺤﺖ ﻋﻴﻮﻧﻲ ﻭﺟﺎﻥ ﺍﺷﻮﻑ ........
ﺣﻴﻞ ﺗﻌﺒﺖ ﻭﺍﻟﻠﻪ ﻭﺍﻧﻲ ﺍﻛﺘﺐ ﺑﻬﺬﺍ ﺍﻟﺒﺎﺭﺕ ﺍﺭﻳﺪ ﺭﺃﻳﻜﻢ ﻭﺻﺪﻛﻮ ﺗﺮﺓ ﺍﻟﻘﺼﺔ ﺣﻘﻴﻘﻴﺔ ﻫﺴﺔ ﺗﻜﻮﻟﻮﻥ ﻭﻳﻦ ﺍﻛﻮ ﻫﻴﺞ ﺷﻲ ﺻﺎﻳﺮ ﺑﺎﻟﻌﺮﺍﻕ ﺍﻛﻮﻟﻠﻜﻢ ﺍﻛﻮ ﻻﻥ ﺍﺣﻨﺔ ﻛﺎﻋﺪﻳﻦ ﺑﺒﻴﻮﺗﻨﺎ ﻳﻤﻜﻦ ﻧﻌﺮﻑ ﺑﺎﻟﻴﺼﻴﺮ ﻭﻱ ﺍﻟﺠﻮﺍﺭﻳﻦ ﻭﺍﻟﻴﺼﻴﺮ ﺑﺎﻟﻤﻨﻄﻘﺔ ﺑﺲ ﻣﺎﻧﻌﺮﻑ ﺷﻴﺼﻴﺮ ﺑﻐﻴﺮ ﻧﺎﺱ
ﺍﻧﺘﻢ ﺍﻟﺘﻘﺮﺃﻭﻥ ﺍﻧﻲ ﻫﺴﺔ ﻣﺎﺍﻋﺮﻑ ﺷﺠﺎﻱ ﻳﺼﻴﺮ ﻭﻳﺎﻛﻢ ﻣﻦ ﻣﺸﺎﻛﻞ ﻭﻻ ﺍﻧﺘﻮ ﺗﺪﺭﻭﻥ ﺷﻴﺼﻴﺮ ﻭﻳﺎﻱ ﺑﺲ ﻧﺴﻤﻊ ﺑﻼﻭﻱ ﺑﺎﻟﻌﺮﺍﻕ ﺷﻨﻮ ﻫﺎﻱ ﺍﻟﺒﻼﻭﻱ ﻣﺎﻧﻌﺮﻑ ﺍﻧﺘﻮ ﻟﻴﺶ ﻣﺘﻌﺠﺒﻴﻦ ﻣﻦ ﺍﺧﻮﺍﻥ ﺭﻳﺎ
ﻣﻮ ﺍﻛﻮ ﺫﺑﻮ ﺍﻫﺎﻟﻴﻬﻢ ﺑﺪﺍﺭ ﺍﻟﻌﺠﺰﺓ ﻣﻮ ﺍﻛﻮ ﺫﺑﻮ ﺍﻃﻔﺎﻟﻬﻢ ﺑﺎﻟﻤﻴﺘﻢ ﻣﻮ ﺍﻛﻮ ﻃﺮﺩﻭ ﺍﻫﻠﻬﻢ ﺍﻟﻤﺘﺎﺑﻊ ﻋﻠﻲ ﻋﺬﺍﺏ ﻳﻌﺮﻑ ﺍﻧﻲ ﺷﺠﺎﻱ ﺍﺣﺠﻲ ﻭﺍﻟﻤﺘﺎﺑﻊ ﻋﻠﻲ ﻋﺬﺍﺏ ﻳﻜﻮﻝ ﻗﺼﺔ ﺭﻳﺎ ﺳﻬﻠﺔ ﻣﻘﺎﺑﻞ ﺑﻼﻭﻱ ﺍﻟﻄﻠﻌﻬﺎ ﻋﻠﻲ ﻋﺬﺍﺏ
