رواية دخيل في بيتنا الفصل السابع بقلم جمانه السعيدي
بعد ٤ اشهر من وجود محمود بيتنا مات جدي ابو ابوي
الكل راح للفاتحه حتى محمود راح وياا الولد
وخالتي اجت من بغداد حتى تحضر فاتحت عمها
بس اني مارحت لان غفران جانت ستوها جايبه اول طفل
اكيد ماتكدر تروح البيت اهلها لان الفاتحه هناك
واذا بقت بيتنا لازم احد يبقى وياها يخدمها
بقينا اني وياها بلبيت
الساعه ١١ رجع محمود للبيت
سعاد....شو رجعت
محمود....هوسه وصياح وناس داخله وناس طالعه
ضجت اني مامتعود على هيج أجواء احب الهدوء
راح اقرا شويه وانام
سعاد...بكيفك
محمود....بس اكو سوال اريد اسئلج
سعاد....اي اسئل
محمود...انتي صحيح مخطوبه العلي مثل مايكولون
سعاد...لا
محمود...لعد ليش غفران تلمح لهذا الموضوع كل شويه
سعاد....هاي قصه ينرادلها وقت
محمود...احجي هاي الفرصه ماتتعوض كل يوم اريد احجي وياج كلمتين مااكدر احجي فهميني شنو هاي القصه
سعاد....هاي عادات وتقاليد اهلنا بت العم لابن عمها
ولأن حسن يحب غفران وزوجها لازم اكو ثمن
وهذا الثمن اني الي لازم ادفعه
اني اخذ علي
محمود...بعد لا تعيدين هاي الكلمه مره ثانيه كدامي
شنو تاخذين علي
انتي تحبينه
سعاد...لا مااحبه ومااطيقه بس جيب الي يفهم ويقدر
محمود...شنو تقصدين تزوجي غصب
سعاد...مااعرف
محمود...لا تخبليني شنو مااعرف حددي موقفج
اذا ماتردين شنو تزوجي غصب
اوكفي وكولي مااريده
جمانه السعيدي
مااريده واذا هذا القرار يأثر على حياة حسن اذن حسن
لا يحب غفران ولا تحبه
قرار زواج حسن كان قرار خاص بي هو
وانتي لازم هم تقررين منو الي تردي ماكو واحد يعيش سعيد على حساب واحد
سعا....اتحسرت استغفر الله
محمود...صيري قويه ودافعي عن حياتج حياتج تخصج انتي وبس
سعاد...لو عليه اني ابد مااريد علي بس الشغله مو بس يمي
هنا البنيه ماله رائي
القرار الاول والاخير للاهل هم يقررون منوتزوج ومنو
ماتزوج
محمود...ممكن تصيرين قويه ودافعين عن حقوقج
سعاد...احاول
محمود....لا تكولين احاول وانتي نبرة صوتج كله هزيمه
كولي اي اني مراح اسمح الاي احد يدخل بحياتي
اله الانسان الي اني اختاره واكون مقتنعه بي
غفران سمعت اكو كلام بلمطبخ
غفران....سعاد منو اجا
سعاد....هذا محمود يكول راسي يوجعني من الفاتحه وجاي يرتاح
اشرت المحمود يصعد فوك لان غفران ابد موهينه
مستعده تخلق قصه على هذني الكلمتين
راسا محمود صاح هلو ام علي اني اجيت اريد ارتاح
جمانه السعيدي
غفران...هله بيك
غفران....سعاد تعاي
سعاد...هااا شكووو
غفران...شعندج تحجين وياا محمود
سعاد...شنو هو تحقيق الولد رجع يكول راسي يوجعني من الهوسه واجيت حتى ارتاح
تردين شي
غفران... بس هيج ترا صار هواي اسمعكم تحجون
سعاد...وليش بقت بنفسج مااجيتي تسمعين شنكول
بابا الولد جاي يريد يرتاح
غفران....انتي بعد لا تحجين وياااا
سعاد...على اساس شايفتني النهار كله مكابلته واحجي ويااا
اخذي راحتج غفران القلق والتفكير الزايد موزين عليج
بليل رجعت امي وخالتي كعدن يسولفن ومحمود نزل
يمهن خالتي جايبه مصرف وجكاير وملابس المحمود
كعدت يمهم شكد جان منطلق ويسولف ويضحك
اول مره اشوفا هيج مرتاح بلكلام والكعده
ثاني يوم هم رجع من الفاتحه بس وكفنا برا نحجي
خاف هاي السعلوه غفران تسمعنا وتسولينا مشاكل
هاي ايام الفاتحه فرصه حتى نحجي اني ويااا
لان بس تخلص ويرجع كلشي المكانه بعد مستحيل اكدر التقي بي واحجي وياااا
محمود....تدرين اني ماجنت اعرف عندي هيج بت خاله حلوه
سعاد... حلوه متاكد
محمود....مو بس حلوه اجمل ماشافن عيوني
سعاد...اني الي متفاجئ بيك ليش ماكنت تجينا قبل
محمود....اكول وماازعلين
سعاد....كول
محمود...عمتي شكريه كانت تحجي عليكم كلام موحلو
سعاد...شتكول
محمود....عرب ريف متخلفين جوعانيين همج
اني كونت عنكم صوره ابد ماتشبه الواقع
تعرفين بيتكم احلى من بيتنا
ووضعكم كلش ممتاز
واحلى شي اكتشفته شنو
سعاد...ابتسم وعيونه كامن يلمعن عرفت هو يقصدني
...شنووو
محمود....انتي انتي احلى شي اتعرفت علي بهاي الفتره
وما مصبرني على هاي الحبسه بلغرفه طول النهار
غير وجودج بنفس المكان
كل يوم من اكعد والكا نفسي بلغرفه
اضوج من وضعي بعيدين بس اذكر انتي موجوده هنا
تروح مني هاي الضوجه
قبل من اقرا كتاب انشد واحفظ الكلمات واتعمق بمعناهن
هسه من افتح الكتاب اصير صورتج كدامي
واتخيل اليوم الي اخلص بي من هاي الشده
وارجع البغداد واخذج وياي
جمانه السعيدي
سعاد....مااريد احلم وياك
محمود...ليش
سعاد... انت ماتعرف المجتمع الي اني عايشه بي
اتمنى حلمك يتحقق بس مااريد احلم زايد
راسا سمعت صوت غفران صاحت
سعاد....يله ويكول احلمي اجتنا هادمت اللذات
يمعود روح ورا خاف تطلع وتشوفك
محمود...على اخوها غثيثه
راسا محمود راح ورا البيت وغفران طلعت
سعاد...هاا ليش طلعتي
غفران...صحت عليج ماسمعتي ويامن جنتي تحجين
سعاد...بسم الله الرحمن الرحيم وياا منو مثلا
كامت غفران تتلفت هيج وهيج حتى تتاكد خرب ابليسه
تكول جلب بوليسي
اني خفت الصراحه لان هي ذكيه ومايفوتها شي
غفران... تعاي نسبح علاوي واني اريد اسبح ساعديني
دخلنا اني وياها جوووا
شويه وسمعنا الباب اندكت
سعاد...اروح افتح الباب
غفران ...بسرعه مو تتأخرين عليه
طلعت لكيته محمود طبك الباب بصوت
ودخل راسا هي جانت اكفه باب الغرفه
محمود...شلونج ام علاوي
غفران....شو رجعت
محمود....اني مامتعود على هيج أجواء اربد ارتاح
صعد كبل الغرفته
وغفران بقت اتباوع عليه
اني سويت نفسي مامنتبه الها
بقا محمود فوك بعدين دزولنا غدا من الفاتحه
صحت علي كال انا بد من اجوع انزل اكل
تغدينا اني وغفران وخليت حصته على الطباخ
ثالث يوم نزل تريك وطلع هو وامي وخالتي للفاتحه
اشرلي شويه وارجع
غفران بقت نايمه لان علاوي ماؤخليه تنام بليل
اني نضفت بسرعه وبقيت منتضرته
فتحت الباب وشفته مفتوح حتى من يجي غفران ماتسمع الباب وتكعد
ساعه ورجع للبيت
محمود.... الف رحمه على روح جدي
سعاد...يااا
محمود...غير يموت من زمان حتى اكدر احجي وياج
سعاد....ههههه
محمود....اموت على هاي الضحكه
سعاد... اليوم اخير
محمود....بعد بيبي بلكت الله بهديه تودع ورا ( يقصد بيبي ام ابوي )
سعاد....هههه استغفر الله
محمود....ولله وين اكو وحده عمرها ٩٥ مدري ١٠٠
سعاد....اليوم تريد تموت العشيره كله
محمود....غير خانكيني
سعاد....الله يستر منك
محمود....هاي فرصه ابجوز بعد مااحصله اريظج توعديني
ابد ماتستلمين
وتوكفين بوجهم كلهم وتكولين مااريد علي
سعاد...احاول
محمود...لا تكولين احاول كولي اي اني راح ا كف بوجه الكل اكول مااريد علي
سعاد...راح اوكف بوجه الكل واكول مااريد علي
محمود...يمكن راح اكول الامي تخطبج اليه
سعاد...دير بالك ولله يطينون عيشتي هسه يكولون عاشكته
ومو بعيد حتى انت يطرودك برا
محمود....اخاف افقدج بيوم من الايام
سعاد...انشاء الله تخلص من هاي الشده ورب العالمين يسهل أمرك
واني راح احاول افهم علي اني مااريده
محمود...لا ممنوع تحجين ويااا على شنو تكبرين راسه
هسه بس تكولين مااريدك يتمسك بيج اكثر
اذا اهله اجو خطابه ساعته اوكفي كدام عمج وكولي مااريده
سعاد...صعب بس راح امشي بنصيحتك
محمود...عفيه هي هاي حبيبتي القويه
شيصير لو ملتقين بضروف احسن
لو اني بمكان علي
لو انتي على اسمي واني على اسمج
ليش الحب هلكد متعب
ليش مو سهل وكلشي بسيط
