رواية دخيل في بيتنا الفصل الثامن بقلم جمانه السعيدي
سعاد...خلصت الفاتحه ورجعنا اني ومحمود حسره علينا
نحجي اي حجايه سوا
مرات يكتبلي بورقه وينطينياها بسكوت
مره اني كاعده بلمطبخ اني وغفران ودخل علي
كعد بلمطبخ يمنا وضل يسولف ويضحك
يريد بس يجذب انتباهي اله
يريد بس احجي ويااا
اني من شفت محمود وكمت احجي وياا عندي الكلام صار اله طعم ثاني
كلامه راقي حلو احسه يفهمني من اول كلمه احجيها
بس علي احسه غبي يدور مواضيع يحجي بيها
ومن يحجي كلامه مابي طعم
كلامه مايشدني لو حجى
نزل محمود يريد يسبح واجا ياخذ صابونه من المطبخ
شاف علي كاعد ويسولف ويضحك
وهو تخبل
اشرلي تعاي وراي
اخذ الصابونه وطلع
اني طلعت من المطبخ ورا امشي واتلفت خاف غفران تشوفني
محمود...بصوت ناصي ليش كاعده بلمطبخ
سعاد...جاي احضر العشى
محمود...وهذا التحفه شعندا جاي
سعاد...هو كل يوم يجي منا لمن تخلص اجازته ويلتحق
بلجيش يله اخلص
محمود....لا ترحين بلمطبخ منا لمن يروح
سعاد...والعشى
محمود...مانريد سم أليوم يله امشي ادخلي بلغرفه وسدي الباب بعد لا اطلعين
جمانه السعيدي
سعاد...ضحكت مشيت دخلت للغرفه التفتت لكيته واكف يتاكد راح ادخل للغرفه
اشرلي ادخلي
كل الي بلبيت محد كان شاك مجرد شك اكو شي بينا اني ومحمود
بس غفران مشغله الرادار علينا
بعد وفاة جدي بست اشهر لحكته بيبي اقصد ام ابوي
بس سمعت الخبر
بمكان مااحزن اريد اسكت من الضحك
اذكرت دعاء محمود عليها
الكل انخبص بلخبر وراحو البيت عمي ماعدا محمود كان نايم
صعدت دكيت الباب
سعاد...محمود اكعد دعائك استجاب
اريدك تدعيلي
فتح عيونه مستغرب اني بغرفته وجاي اكعده
غمض عيونه ورجع فتحهن
محمود.... سعوده شكووو اي دعاء
سعاد...بيبي ماتت
محمود...ياا بيبي
سعاد...ام ابوي انت مو دعيت عليه دعائك استجاب
محمود...كعدت على حيلي لا بلله تحجين صدك
سعاد...الضاهر السما جانت مفتوحه من دعيت بذيج اللحظه لو داعيلنا مو احسن
محمود...شوكت ماتت
سعاد... صار ساعه وكلهم راحوو
محمود... اريد جاي علما اسبح واروح وراهم
سعاد...اي صار
جمانه السعيدي
نزلت قبله خدرت جاي وهو نزل دخل للحمام
راسا دخلت عليه غفران همزين نزلت لو جايه وكامشتني
فوك تخليهم يدفنون وياا بيبي
غفران....ليش مااجيتي
سعاد...وبيتنا منو يبقى بي
غفران...محمود وين
سعاد...يمكن بلحمام
غفران....ترحين للفاتحه
سعاد...اي اذا انتي تبقين بلبيت اروح
غفران...اني مااعرف شبيه شو دايخه وتعبانه نفسي تلعب
يمكن حامل لان نفس اعراض الحمل
سعاد...اي بيه الخير انشاء الله اذا تبقين بلبيت اروح اني
غفران...اي راح ابقى هنا
سمعت محمود طلع من الحمام
سعاد...حجيت بصوت عالي اني راح ابدل واروح للفاتحه
راسا هو بدل وطلع طبعا بيت جدي اربع شوارع عن ببتنا
كلش قريبين
لبست عباتي وطلعت
لكيته منتضرني بركن البيت
محمود... هااا فتحت تحقيق وياج
سعاد.. مااعرف يمته رب العالمين يخلصني منها
محمود....راح ادعي بلكت مثل ذيج المره
يارب خلصنا من علي واخته غفران
سعاد... يارب
رحنا الطريق كله نمشي ونسولف ودي الطريق مايخلص ابد
شكد حلو لمن تلكه انسان فاهمك فاهم مشاعرك
فاهم انت شتريد حتى إذا ماتتكلم هو فاهمك
وصلنا هناك من دخلنا شارعهم هو يمشي كدامي
واني ورا مانريد احد ينتبه النا
جمانه السعيدي
اني بقبت ساعه وحده ورجعت
لليل خالتي زهره وصلت هي وولدها ثنيبنهم ازغر من
محمود
وفاة جدي وبيبي فتحت باب عليه
قبل بيت عمي ماعدهم مكان يزوجون علي
يفكرون يبنون غرفه ويزوجونا بيها
بس البناء يكلف عليهم يعني اذا يبنون غرفه لازم يأجلون العرس اقل شي ٣ سنوات حتى يكدرون يجهزون العرس علي
بس من مات جدي وبيبي غرفتهم فرغت
يعني المكان موجود بعد العرس مراح يكلفهم هواي
بعد الأربعين بدت غفران تلمح الاهلي على زواج علي
اكيد حسن موافق على هاي الزواجه
لان مراح يخسر شي
بس مافكر ابد اني موافقه لو لا
بعد شهرين من وفاة بيبي اجت خالتي حتى تفتح موضوع زواجنا اني وعلي
يعني حتى يبدون يجهزون للعرس
محمود سمع خالتي جايه نزل اشرلي شكووو
سعاد...مااعرف اشرتله باصبعي يمكن خطوبه
اشرلي اذبح خالتي كو لي لا والف لا
خالتي فتحت الموضوع وياا امي وراحت
امي طلبت وقت حتى تفتح الموضوع وياا حسن بعتباره هو ولي امري
بليل انجمعنا بعد العشى كلنا ومحمود كاعد ويانا
راسا امي فتحت الموضوع
طبعا امي موافقه اني راح اكللكم ليكدام
جمانه السعيدي
امي...اليوم خالتك ام علي اجت تخطب سعاد العلي
محمود جان كامش الاستكان الجاي بايده بس سمع ذني الكلمات وكع الاستكان على رجله وحركه
امي خافت علي....ياا يمه محمود احتركت
رفع راسه وكال اي احتركت هو كان يقصد كلبه احترك
وامي توقعت رجله الي اتاذت
كام يغسل رجع لكاني اتعارك وياا حسن وامي
سعاد...اني مااريد ازوج علي
حسن ...شنو متزوجين علي هو بكيفج
سعاد....اي حياتي اني اعرف نفسي مااكدر اعيش ويااا
حسن...تتعودين علي
علي ابن عمج ونعرفه ويعرفج شنو تردين واحدغريب
سعاد..مااريد ازوج ارتاحيت
حسن...انتي شو تعلين صوتج عليه شنو مالج رداد
سعاد...من المدرسه كعدتني والبنات الي وياي راح يتخرجن
وهسه تريد ازوجني على مزاجك
حسن تقدم بعصبيه يريد يضربني حتى يخوفني
واني بلا وعي صرت ورا محمود حتى يحميني من اخوي
مرات أقرب واحد الج يصير عدوج والغريب يصير سند
حسن يريد يضربها ومحمود صاير بينهم
يحاول يصد الضربات الي تجي عليه
محمود...من كد ما انقهرت عليه حسيته جاي تحاول تكون قويه علمودي جاي توكف بوجه اخوها علمودي
بس اني مابيدي حيله ولا اكدر احميها
تمنيت اصيح اني اريدها اني احبها
حرام عليكم ارحمونا اني وياها
ام حسن....يمه كول يالله اني أقنعها بس عوفها
غفران....شدعوه هلكد عصبيه شنو نمونه انتي لو قحط
النوب الزركه كامت تتبندل علينا
حسن...تقبلين وانتي رجلج فوك راسي فهمتي لو لا
لو اضطر اربطج بحبل وازوجج بلكوه
سعاد...محمود اشرلي ادخلي بلغرفه وسدي الباب
دخلت وقفلت الباب عليه وكمت ابجي
ياربي اني مو انسان اليه مشاعر حالي حال كل البنات
ليش ادفع ثمن شي اني مالي ايد بي
ليش ازوج واحد اني مااريده
جمانه السعيدي
ثاني يوم غفران راحت وحجت كلشي الاهله
وصار عدهم موقف من تصرفي
وقررو بعد شهر يرجعون يخطبون واذا رفضت
ياخذون غفران ويطلبون من حسن يطلكه
اكيد همه يعرفون حسن شكد يحب غفران ومامستعد يخسرها علمودي
بعدين غفران عدها طفل وحامل بلطفل لثاني
بهاي الفتره عشت على اعصابي
امي من جهه تلح وافقي وغفران كل يوم تسمعني كلام مثل السم
ومحمود يكول ارفضي ابقي مصممه على رائيج
لا تخافين مراح يكدرون يسولج شي
ادمرت نفسيتي حيل وبهذا الشهر كلش ابتعدت عن محمود
اخاف من غفران
اذا شافت شي تحرك الدنيا عليه
بعد شهر من هاي المعركه احا عمي وخالتي خطابه
عمي كاشخ بلعكال والعبايه وخالتي جايه ويااا
عمي...وينها سعاد اريد احجي وياها
خالتي جانت كاعده وماعاجبه الوضع
امي.. تعاي عمج يريدج اكعدي واحجي باادب ويااا
طبعا محمود عرف جايبن عليه خطابه
صاعد نازل يصعد مايكدر يريد يعرف شصار
ينزل مايكدر يلزم نفسه
جكارته بايده يطفي وحده يشعل وحده
دخلت عليهم
كعدت كبال عمي وامي كعدت بصفي همزين حسن جان بلجيش
عمي...هاا بويه شنو طلباتح
سعاد....اني مااريد ازوج علي ( مااعرف منيين اجتني هاي الجرئه طبعا اكثر واحد خلاني ادافع عن حقوقي
هو محمود صحاني وخلاني اصير قويه )
عمي.. ليش شبي علي
سعاد..مابي شي واحسن بنيه تتمنى بس اني مااريده
روحي مااتريده
ضاج عمي من كلامي فر السبحه
عمي...ليش عاشكه بعد عمج
سعاد....لا مو بت اخوك الي تعشك بس كلشي قسمه ونصيب
عمي.... تاخذين واحد احسن من علي
سعاد....ماكو واحد احسن من علي بس اني مااريده
عمي...غير اعرف السبب
سعاد...ماكو سبب
زعل عمي وطلع هو وخالتي حتى ماشربو الجاي
بس طلعو امي رجعت عليه رزايل وغلط
باوعت لكيت محمود مبتسم وياشرلي اوكي
اما غفران جمعت ملابسها وزعلت راحت البيت اهله
تريد تلعب على اخر ورقه عدها
الموضوع صار تحدي وبيت عمي قررو يربحون هذا التحدي
شكرا لزيارتكم عالم روايات سكيرهوم
