رواية خائنه الفصل السابع بقلم جمانه السعيدي
احب بلبدايه احيي البنات الي كلهن وعي ويعرفن رب العالمين وما يقبلن بلغلط
انتن فخر للامهات بلمستقبل
هذا الجيل لازم يعرف الصح من الغلط
انتن مسؤلات أمام رب العالمين عن هذا الجيل والاجيال الجايه الله يبارك بيجن
نيران...على فكره هو ازغر مني بعشر سنوات
كل الحيل يعرفهن وعنده علاقات
كدر يسيطر على مشاعري الي جانت تايها من من زمان
كمت مااشوف بلدنيا غيره
عبالك لكيت كنز ومااريده يضيع مني
هيج الشيطان جان يصوره اليه
اجا قسط الذهب وحرت شسوي
ياس يعرف اني اخذ الاجار ادفعه قسط
بس هسه ماكو اجار
شمران مجاي يدفعلي يتحجج بضروفه
واني كمت ماااشوف ومااصدك غيره شكد غبيه
الخاطر الله
قررت ادخل بحيله على شمران
واخذ الفلوس منه
نيران...اريد احجي وياك بموضوع بس محرجه
ياس....كولي ليش محرجه
نيران.....اختي تمر بضرف صعب ومحتاجه ٢٥٠ الف طلبت مني
ياس...اي ميخالف ٢٥٠ سهلات اني هسه انطيج الفلوس
خاف تريد اكثر
نيران...بكيفك اذا تكدر اكثر ميخالف
بس ايجوز تتأخر يله اتسدهن الك لان ضروفها حيل صعبه
ياس...براحتها ميخالف يمتى ما تريد ترجعهم بكيفها
واذا ماتكدر ترجعهم خليهن الها
مامدت ايدها وطلبت اله محتاجه
شكو بيها الناس للناس اذا ساعدناها اليوم
باجر رب العالمين يساعدنا تدلل
طلع الفلوس وانطاني ٣٠٠ الف وانطاني ٥٠ مصرف اليه
جمانه السعيدي
بليل اتفاجئت بي يسئلني
ياس...شلونهم جيرانج
نيران...زينيبن
ياس...خوما الجيران يشكون منهم ترا اني مشغول وموفارغ اسئل عليهم
نيران...لا زينيبن
النهار كصير يرجعون متأخرين يسدون بابهم وينامون
ماكدرت اكله الولد مو بلبيت بس شمران خاف مايقبل
يبقى بس وحده
كتله كلهم موجودين
بديت اجذب واخلق أعذار
هاي كانت البدايه
بس طلع ياس الساعه ٣ الفجر كمت ادور على المفتاح
مفتاح الباب الي يفصل المشتمل عن بيتنا
ياريتني ابد ما خطيت هيج خطوه
ياريت المفتاح ضاع ومالكيته
ياريت انعمن عيوني
ياريت فقدت الذاكره اتمرضت ولا لكيت المفتاح
لان بسبب هذا المفتاح دخلت نفسي بمصيبة
جمانه السعيدي
نزلت كل غراض الكنتور وكلبته كلاب بس اريد الكه مفتاح المشتمل
لكيت كم مفتاح بس كلهن ما فاتحن الباب
مااعرف ياس وين خاله كنت ادور بحماس خاف جاي اعصي رب العالمين واني احجي ويا شمران من الشباك
لا اريد ارتكب اكبر معصيه بلدنيا
بقيت ادور ماخليت مكان مادورته بس خانت ياس
جان يقفلها على شغلاته المهمه والفلوس من يطلع والمفتاح عنده
بوقتها شمران نزل الاهله كال يومين وارجع من اجا ياس شافني ادور
ياس...على شنو ادورين
نيران...لا هيج اكو مفتاح للغرفه الثانيه ادور علي
ياس...معلك بلباب من جوه
نيران.....هاااااا ما انتبهت
كل البيت دورته ماكوووو
بعد ماكو غير خانت ياس
شلون اخذ المفتاح وباي حجه
بس طلع الصبح للسوك طلعت كل غراض الغرفه برا
وبقيت منتضرته لمن رجع واني مارجعت الغراض
من اجا شاف الغرفه مابيها فراش والشبابيك مفتوحه
ياس......هاي شنو ليش طلعتي الفراش الدنيا بارده
نيران.. اريد انضف الغرفه
روح نام بلغرفه الثانيه اني هسه اخليك فراش
ياس....تنضفين من اني بلبيت جان مخليتني طالع
اجره ومنضفه الغرفه
نيران...لان اكو شمس اليوم
ياس...هي شبيها الغرفه نضيفه
نيران...دروح عيني لا تعبني هسه شويه واكمل
تنضيف الغرفه كان حجه حتى اكدر اخذ المفتاح وادور بخانته على كيفي بدون مايحس بيه
الشيطان كان ينطني افكار عبقريه حتى اعصي رب العالمين
عافني وراح للغرفه الثانيه حتى ينام واني اخذت المفاتيح وفتحت خانته بديت ادور منا لمن لكيت المفتاح
اخذته ورحت على كيف حاولت افتح الباب
انفتح
رجعت قفلته وضميت المفتاح قفلت خانت ياس
ورجعت مفاتيح ياس المكانهن
جمانه السعيدي
شكد شيطاني قوي بوكتها
نسيت شي مهم اذا ياس ما شافني رب العالمين
الي عينه ما تغفى ابد شافني
وكان الرقيب عليه
شلون فكرت اعصي وهو جاي يشوفني ماادري
رجعت فراش الغرفه المكانه وسبحت ويدلت
كعدت ياس تعشينا
كتبت رساله الشمران
نيران...وينك اشتاقيتلك
شمران...اني الي احسب الدقايق يمتى ارجع اشوف
هذا الوجه الحلو
نيران...لكيت المفتاح
شمران....اي مفتاح
نيران....مفتاح الباب الي بيني وبينك
شمران.. تحجين صدك
نيران....شنو الشاقه وياك
شمران...هسه راح ارجع لك حبيبي ماكو حواجز بينا بعد
نيران...اي كل حواجز ماكو
شمران.. احبج
نيران.. مو بكدي
شمران....انت احلى هديه اجتني
نيران... تعرف لو بس متعرفه عليك قبل لا ازوج
جان ما فوتك ابد
انت الانسان الي كنت احلم بي من زمان كل عمري احلم اخذ واحد مثلك شاب حلو مرتب
يحبني واحبه اخلص كل عمري وياااا
شمران....اني الي شكد شايف بنات بس وحده مثل الحوريه
اسمها نيران ماشايف
لج انتي نار واسمج عليج
نيران...ارجع بسرعه لان اشتاقيتلك موت
شمران...باجر من الصبح يمج
نيران...شتريد اطبخلك غده
شمران... سمج اريد سمج شوي
نيران...مو تدلل من عيوني
كعدت الصبح لكيت ياس طالع كروه
طلعت سمجه جبيره حتى تموع برا
ودزيت على خبز وطرشي وياا جيرانه
سبحت وبدلت وتمكيجت وتحضرت
فتحت باب الغرفه غرفة شمران ونضفتها وعطرتها
اتصل عليه شمران وينج حبيبي
نيران. منتضرتك بيتك
شمران...اني وصلت شويه بعد
نيران...رحت خليت السمجه بلفرن
ورجعت الغرفته دخل شافني راسا ابتسم
شمر الجنطه
شمران....الله الله شنو هذا الجمال انت حقيقه مو حلم صح
نيران...اي حقيقه
تعال الزمني
شمران...احضنج مو بس الزمج
هاي اللحظات كانت أول الحظات الخطيئه بينا
نسيت نفسي
نسيت اهلي ونسيت ياس ونسيت العالم كله
ونسيت رب العالمين الي عينه ما تنام
الي جاي يشوفني واني ازني الزنا من أعظم الكبائر
عفت نفسي للشيطان
من بعدها اجا وياي شمران البيتي
كعدنا ناكل ونضحك وكانما مامسوين شي ابد
مااعرف عقلي وين جان بوكتها
كلما اذكر اكره نفسي اكثر اني جنت أحقر خلق الله
اني ابد مو هيج
اني اهلي ناس مستورين
وما شفت منهم العيب ابد وياس الناس كلها تحلف بااخلاقه
مااعرف شصار وياي بوكتها
تحولت الي شيطانه ناكره للزاد والملح
انسانه بلا شرف ولا ضمير
بقينا كاعدين بلبيت سوا وماخذين راحتنه
سمعت صوت سيارت يأس وكفت
رجع قبل وكته كل يوم يتأخر اكثر
جمانه السعيدي
نيران. ... التفتت على شمران اجا ياس
راسا شمران رجع الغرفته وطبك الباب
واني شمرت باقي الاكل بلزباله
ورتبت البيت بسرعه
علما نزل ياس ونزل المسواك
دخل لكاني ارتب
مبدله وشكلي حلو وعطري يخبل
ياس.. الله شنو هذا الجمال
نيران...حبيبي غير منتضرتك اليوم اجيت من وكت
ياس...مالكينا زرع زين جبنا شي قليل ورجعنا
نيران.. خطيه بس التعب
ياس... اي ولله شنو جان عدنا خطار
نيران راسا انخطف لوني
ليش تسئل
ياس...مو هاي بقيا سمجه بلزباله
نيران....هااا اي اختي اجت هي وجهالها تفاجئت بيهم
كلت اشوي هاي السمجه اسرع
طلعته وشويته بلفرن
ياس...الف عافيه حبيبتي حضري الاكل اسبح واجي
كلش جوعان
نيران...تدلل
مااعرف ليش رب العالمين سترني بهاي اللحظه
رغم اني مااستاهل
جان انكشفت على لحظه كصيره
وانتهت حياتي بفضيحه
لو مو كاعدين بلمطبخ مجان شفت سيارت ياس وكفت بلباب
ما بطلت بقيت على حقارتي وحتى انطي شمران مصرف
اي فلوس اخذها من ياس
انطيها اله
لان هو جان يعرف شلون يسيطر عليه
كل يوم وكال مصرفي خلص
اهلي مادزولي
عطوري خلصت عاجبني فلان قميص
كنت اخذ وانطي بدون حساب
بدون ماافكر هاي العلاقه المحرمه شنو نهايتها
اني مزوجه وهو ازغر مني بعشر سنوات
شنو النهايه
وين راح نوصل اني وياااا
وكانما مو اني وحده ثانيه اني مو جاي ابرر
لا اكول اني مو غلطانه
اني مجرمه بحق الانسان الي أمني على بيته وعرضه
جمانه السعيدي
اكثر فكره جانت تخوفني افقد شمران
كلشي ولا يطلع من حياتي
بس مافكرت هو جاي يستغلني
ولا فكرت بفرق العمر بينا
ولا فكرت شنو النهايه
اكيد بلاخير لازم يمل ويعوفني
هو جاي يتسلى بيه واني مصدكه هو يحبني ومراح يكدر يستغني عني
عقلي وين جان مااعرف
شلون صدكته
مبين استغلالي لان جاي يسحب مني فلوس
وعايش على حسابي وياكل بيتي
حتى جسمي يستغله الشهواته
واني ساكته ومتقبله الموضوع
ليش مااعرف
مرن شهرين على علاقتنا المحرمه واني شبه كل يوم اكون وياا بيته
ومحد عرف بلي يصير بينا
بس رب العالمين جان يعرف
و ساترني ورازقني ومنطيني عافيه
واني كلهن ذني مو بعيني جاي اعصي
ومستمره بلخيانه
شكرا لزيارتكم عالم روايات سكيرهوم
