رواية خيانة لا تغتفر الفصل الثامن بقلم جمانه السعيدي
نازك....صحيح بهاي الفتره بسام هواي يغيب عن البيت
ويتحجج بشغله
بس الوقت الي يتواجد بي بلبيت دائما يحسسني بحبه
وان هو مشتاقلي وماكو غير الشغل هو الي شاغله عني
كنت مطمنه حيل
لا موبس مطمنه ماعندي ذرة شك بي
بين يوم ويوم اتصل على مريم اطمن عليه
بس هي بطلت تتصل عليه
يعني اله اني اتصل بيه هي ماتتصل ابد
بحجت مشغوله والعمل ماخذ كل وقته
المهم هذا الشهر الدوره اتاخرت عليه حسيت اكو امل
يمكن راح اصير ام
كل يوم يعدي عليه بسنه احسب يمته اكدر احلل
وارجع اواسي نفسي واكول حتلو ماطلعت حامل ميخالف
مااريد أتامل زايد
وبعدين انكسر
كل لحظه تعدي اكول هاي هي اكيد اني راح اطلع حامل
واتخيل شكل بسام من يسمع بيه حامل
وشلون بطني راح تكبر
اذا بنيه شراح اسميه واذا ولد شراح اختار من اسم
كوه لازمه نفسي هلمره
حتى امي ماكتله الدوره اتاخرت عليه
اخاف لا تتحمس وبعدين مايطلع حمل وضوج
ياربي هاي الايام شكد صعبه عليه
منا لمن صار ١٣ يوم واني انتضر قررت بهذا اليوم اسوي تحليل بلمستسفى
اول ماوصلت اترددت الف مره
كلش خايفه خايفه لا افشل خايفه لا افقد الامل
اوصل الغرفة التحليل وارجع جمانه السعيدي
منا لمن صارت الساعه ١١
واني كاعده على اعصابي قررت اسوي تحليل وعلى الله
رحت الغرفة التحليل وطلبت يسوولي تحليل دم
لان اضبط من تحليل الادار
بقيت كاعده وانتضر راسي كام يوجعني من كد التوتر
الف شغله اجت ابالي
وأكثرها شغلات مزعجه كنت شبه فاقده الامل
طلعت النتيجه وكالت مبروك حامل
اني سمعت هاي الكلمه ودموعي كامن يجرن عشره عشره
مااعرف اوصف احساسي
صار اربع سنوات واني منتضره هذا الخبر
معقوله حلمي تحقق وراح اصير ام اخيرا
معقوله رحمة رب العالمين
رحت الآيات اركض دخلت للصيدلبه
نازك...ايات باركيلي
ايات...مبروك هاا حامل
نازك...اي اني حامل ولله مامصدكه اني حامل واخيرا
حضنت ايات وكمت ابجي
البنات بالصيدلية اجمعن عليه حتى الولد ولكل يباركلي
كل كلمة مبروك اسمعه
اتأكد اني حامل هاي حقيقه مو حلم
نازك...ايات اني راح ابشر بسام
ايات...ليش ماتتصلين وهو يجي ياخذج
نازك....مااتحمل اريد اشوف الفرحه بعيونه
ايات...الف مبروك حبيبتي تستاهلين كل خير
نازك...الله يبارك بيج
اخذت اجازه وطلعت من المستشفى
اجرت تكسي وطلعت كبل على بسام تعرفون الازدحام بهيج وقت
كلما نطلع من ازدحام نرجع ندخل بواحد ثاني
واني ودي انزل واركض حتى اشوف الفرحه بعيون بسام
وصلنا كبال المحل جمانه السعيدي لزمت جنطتي اريد انزل
التفتت جان اشوف بسام طالع من المحل ومريم لازمته من
زنده ويسولفون ويضحكون
تعرفون هاي الزمه شنو تعني
بعلم النفس هاي الزمه من الايد وبهاي الطريقه
تعني التملك يعني انت ملكي
مو بس انت ملكي لا بثقه وتصميم انت ملكي
بقيت كاعده بلسياره واريد تفسير للجاي اشوفه
السايق....وصلنا تنزلين هو هذا العنوان
ماكنت اسمع السايق كانت عيوني عليهم
صعدو بلسياره ومشو
السايق....وصلنا
نازك...اطلع ورا هاي السياره البيضه
السايق....بسلا هذا زوجج
نازك....اس امشي وانت ساكت
هاي المنطقه تجاريه وبيه ازدحام وخاصه وقت الضهر
علما طلعو من الازدحام كدرنا نلحك بيهم
كانو اخر انسجام الضحك والسوالف
بدون اي شي دموعي كامن ينزلن
اني مو ابجي لا دموعي ينزلن لان كلبي يكول
السالفه مو خاليه كلبي وجعني من منضرهم
ودي اكول للسايق اوكف لان خايفه اشوف شي يضوجني اكثر
وبنفس الوقت اريد اعرف شنو الي جاي يصير
وضعهم مو خالي ابد
وهنا كانت المصيبه الكبرى
وصلو البيتي ونزلو دخلو جوا وطبكو الباب
مسحت دموعي وجمدت بمكاني
السايق...هاا تنزلين الله يساعدج على هاي المصيبه
انتبهت النفسي اني شكاعد يصير وياي بقيت كاعده وساكته بس دموعي تجري
شفت رجال جبير طلع من البيت الي بصف بيتي
فتحت الجامه ومسحت دموعي الي مايقبلن يوكفن ابد
نازك...من رخصتك هذا البيت منو ساكن بي واشرت علي ببتي
......هذا البيت واحد اسمه بسام هو وزوجته نزلو قبل شهرين ونص تقربا يمكن عرسان جدد
نازك...اني سمعت ذني الكلمتين واذاني كامن يوشن
كمت مااسمع
سكتت مااعرف شحجي بسام ومريم عرسان جدد
وبيتي ابيتي اني لعد اني شكد غشيمه
سديت اذاني اريد استوعب الي جاي يصير
الي سمعته حقيقه لو حلم
كمت ابجي بصوت عالي
الرجال عافني ومشا
السايق....هاا تنزلين لو اطلع
ماكدرت ارد علي
السايق...ياعمي الله يساعدج بس اني على باب الله
نازك بطني كامت توجعني احس عبالك واحد وداس على بطني
السايق....هااا عمي
نازك...رجعني رجعني منيين ماجبتني ماكنت مركزه بلكلام
كنت اقصد اخذني الاهلي
والسايق افتهم يرجعني للمستشفى لان هو المكان الي اخذني منه
كانت السياره تمشي جمانه السعيدي بس اني بغير عالم مجاي اكدر اصدك الي شفته
صديقتي صديقت عمري وزوجي معقوله
لا لا اكو شي بلموضوع رجعن دموعي يجرن
وبطني كامت توجعني حيل
مثل وجع الدوره واكثر
مااعرف اني وين وليش كل هذا جاي يصير وياي
يعني بااسعد يوم بحياتي اليوم الي كنت منتضرته طول
عمري
يتحول هذا اليوم إلى اتعس يوم بحياتي
اكتشف خيانة صديقتي وبسام
مستحيل يكون مزوجه ايجوز هذا الرجال مشتبه
هاي صديقتي مستحيل تاخذ مني زوجي
اني الي وكفت وياها بكل بحياته لا لا ماتغدرني ابد
وكف السايق وكال وصلنا اريد اجرتي
ماشفت احنا وين وصلنا لان عقلي مصدوم من المنضر الي شغته
فتحت الجنطه وطلعت فلوس مااعرف شكد وانطيته
السايق...خل انطيج الباقي
نزلت من السياره وما انتضرته
بس نزلت بطني كامت حيل توجعني عبالك انطعنت سجينه
كنت امشي باب المستشفى بس مااعرف اني وين
مامزكزه اني وين
مشيت كم خطوه
وحسيت شي وكع عليه
بعد ماكدرت اكمل راسا وكعت من طولي
فتحت عيوني بلمستشفى تقريلا الساعه ٣ العصر
واكف يم راسي بسام وايات وخالتي وعمي وامي وابوي
ونجلاء
بس شفت بسام اذكرت اني شصار وياي
رجعت ابجي
بسام...حبيبتي الحمد لله على السلامه
نازك...غمضت عيوني ودموعي تنزل منا ومنا
بسام مسح دموعي
وامي قربت عليه وكالت الحمد لله على السلامه
ايات...ليش هيج صار وياج وين جنتي
بابا...ميخالف حبيبتي الله يعوضج خير مادام صار الحمل راح يصير مره ثانيه
نازك...لزمت بطني شنو يعني اني صار عندي اسقاط
كمت اصرخ بصوت عالي لا لا لا ياربي لا لا ابني
ابني
كمت اضرب بنفسي واملخ بشعري
بسام لزم اديه وبابا يحاول يسيطر عليه لان كمت ارافس
برجليه
ايات راحت على الدكتور
واني مستمره اصرخ اريد ابني اريد ابني بعدني مافرحت بي
الدكتوره كالت الزمو ايدها حيل
بسام والممرضه كوه لزمو ايدي والدكتوره هي بنفسه ضربتني ابره بلكانونه الي بايدي
كمت اعيط عليهم اطلعووو اطلعو مااريد اشوف اي احد بيكم اطلعو برا
اصرخ من كل كلبي الي مريت بي مو شويه
اليوم فرحت وحزنت بنفس الوقت
فرحت بلحمل ونصدمت بسام ومريم وحزنت على فقدان ابني
فحطت كلش من العياط وسكتت
صوتي راح مني
ماكدرت احجي بموضوع الخيانه لان حزني على ابني كان اكبر
وعقلي مايقبل يصدك
اقنع نفسي واكول يمكن حلم
يمكن كابوس وهسه اكعد منه
ليش مااتعوذ من الشيطان
اني حامل ورايحه افرح بسام اكيد راح يفرح من يسمع اني حامل
هسه اكعد وينتهي هذا الحلم
نمت من تأثير المسكن
ماكعدت اله الدنيا ليل جمانه السعيدي فتحت عيوني بلكوه ورجعت غمضتهن
اسمع امي تحجي وياا ابوي
امي...سالفته مو خاليه ايجوز صايرشي وياها
ايات نكول حللت وطلعت حامل وراحت تفرح بسام
شويه ولكوها واكعه باب المستشفى وتنزف
بابا...ايجوز ماكدرت تروح الزوجه ايجوز حست بوجع
نص الطريق ورجعت للمستشفى حتى تتلاحك نفسه
نازك بعدين سمعت بسام اجا ويكول ماكعدت
اني بقيت مغمضه عيوني
بسام...هذا عشى جبت وياي بلكت تكعد تاكل
ماكعدت وراي من طلعت ماعرفتو شبيه
اريد افهم شبيه ليش هيج صار وياها
من يوم ازوجنا لليوم حتى مرض ماتتمرض كله حيويه ونشاط جنه ورد
امي....بلكت تصير زينه ونفهم منه شصار
نازك بقيت مغمضه عيوني مااريد افتحهن واشوف بسام ببهن
معقوله كل هذا الوقت وهو يمثل عليه يحبني
اكو واحد يكدر يمثل هيج وبهاي الطريقه بحيث ماحسيت بي يوم من الايام متغير عليه
اني مااعتب علي هو صار ست سنوات اعرفه
اعتب على صديقتي الي صار عشرين سنه اعرفه
الي فتحتله بيتي وكلبي
الي كنت اشاركه كلشي ملابسي واحذيتي والجنط
والاكل والمصروف
اشاركه أحزانه قبل الافراح
معقوله كل هذا ماو كف بعينه
ولا اذكرت اي شي منه ولا صرت كدام عينه من اخذت مني زوجي
ولا كالت باجر اذا عرفت نازك شراح اكول
هيج عادي عدها تطعن اقرب صديقه اله
خلت عينه على بسام
لاهو ثوب واكول ميخالف ولا فلوس واكول محتاجه
هاي الزلم تارسه الارض
ماكو غير بسام لو هي غيره شافتني سعيده بحياتي واسعد منه
حبت تخرب عليه مااكول غير حسبي الله ونعم الوكيل عليهم ثنيبنهم
شكرا لزيارتكم عالم روايات سكيرهوم
