رواية بيت جدي الفصل السابع بقلم جمانه السعيدي
علي...كملنا شوي وهي كاعده تسولف عليه حتى خاله غفران اجت كعدت يمنا
اني الصراحه كلش ارتاحيت للحديث وياهن
تعشينا واجا اخو غفران حتى يتفقون وجاب وياا رجال سيد وواحد جيرانهم
حتى يكونون موجودين باجر بلكعده
اني كمت اروح للمطبخ اجيب الجاي وأقدم للزلم
لان اني ازغر واحد بيهم
مثل مايكولون صغير القوم خادمهم
الزلم للعشره بليل بقت كاعده
واني كاعد وياهم وفاتح اذاني لان اني مااعرف هواي بشغلات الفصل العشائري
ثاني يوم حددو الكعده تكون بيت ابو عامر اخو غفران
لان بيتهم بي استقبال جبير
اكبر من بيت عمي
اني هاي الشغله ضوجتني ضجت لان بيت عمي بسيط
وزغير
ولله لو يمنا اله ابنيه بيت أحدث شي
طلعو الزلم اني رحت سبحت وبدلت ونمنا لان تعبت حيل
ثاني يوم كعدت
على صوت الخبز باوعت الساعه بلسبعه
طلعت اغسل لكيت نرجس تخبز
علي...صباح الخير
نرجس...صباح الخيرات اني كعدتك من صوت الخبز
علي...ياريت اكعد كل يوم على هذا الصوت والوجه
نرجس...كيمر عرب بعمرك ما ماكل مثله
علي...لا تخليني اعوف بيت اهلي واجي اكعد هنا
نرجس...هله بيك عين غطا وعين فراش
علي...تسلمين بت عمي
كعدو عمامي وجابوا الريوك كعدنا ناكل
علي....اني عندي سؤال مهم
صلاح...شنو كول
علي...انت بعد هذا الحادث مراح تكدر تشتغل شلون راح تعيشون
صلاح...اني عندي راتب رعايه وراح احاول اشوفلي مشروع افتحه بفلوس الفصل
علي...عمي خليك واقعي انت عندك بنات و انت هنا غريب
وهاي الدنيا ماتتامن
شلون تعيش هنا ليش ماترجع ويانا اني عندي قطعه ارض
مشتريه توزيع جديد
واني عندي مواد بناء ابنيلك بيت وتجي تسكن بي
واني وعمامي عينه عليك اذا تحتاج شي
جمانه السعيدي
صلاح...لا مااريد أثقل عليكم
علي...هو شنو تثقل علينا انت بعد كبرت ورجلك راحت ماتكدر على العيشه
واحنا الصراحه نخاف على بناتنا
اسعد...ترا كلام علي صحيح
عماد...اي ولله انت بعد ماتكدر فكر بلموضوع
صلاح...خل تخلص سالفة الفصل وبعدين الله كريم
علي...للعصر صارت الكعده واجت علينا زلم هواي
خلصت الكعده
عماد...احنا نرجع صار يومين عايفين بيوتنا
علي...اني هم عايف شغلي فكر زين بالكلام الي كلته الك
صلاح..... الله كريم
علي...وصلنا عمي البيته وسلمنا على غفران والبنات
ورجعنا الاهلنا
بس وصلت لكيت امي واكفه بلباب
طبعا طول الطريق هي وياي على التليفون تريد تعرف اني يمتى اوصل
علي...هله باامي حبيبتي
امي...هله يابعد امك البيت يريد ياكلني لان انت ماكوو
سحر...هلو علوش اشتاقينالك
علي...اني اشتاقيت اكثر
امي يله منتضرينك نتعشى
علي...بس اسبح واغير ملابسي
امي...يله حتى تحجيلنا شنو صار وياك
علي...طلعت من الحمام لكيت العشى جاهز
امي...اي احجيلنا عن عمك وين عايش شيشتغل
بعده يشرب سم لو بطل
هاي زوجته المسكينه ابتليت بي
علي...زوجته تخبل تخبل بمعنى الكلمه جمال وأدب اخلاق وحشمه
وبناته كلش حلوات خاصه الجبيره
بس المنطقه الي ساكن بيها عشوائيه وبيوت كلش عاديه
امي....والسم الي يشربه اكيد مخلص فلوسه علي
علي...لا بطل من ازوج بطل
صاير انسان ثاني كلش متغير
امي...مااصدك ذيل الجلب ما ينعدل
علي...صدكي إذا تشوفي راح تحسينه واحد ثاني
امي...اريدك توصل خبر العمامك انت بعد مالك شغل بي
لو اني اروح عليهم
بعد ممنوع اذا يرحون الصلاح ياخذونك وياهم
علي...شنو القصه يمه ترا يبقى عمي
وهو هسه محتاجنا اكثر من قبل الرجال بعد مايكدر يشتغل
رجله مبتوره
وعنده بس بنات يعني وضعه مومثل قبل
امي...وانت شكوووو حيل بي انشاء الله اكثر واكثر
واحد خلص عمره سكير وسوالفه كلها مكسره
شتريد رب العالمين يسوي رئيس وزراء
اكيد كلشي جاي يصير وياا من فعل ايده
انت مصدك عاف سوالفه وصار خوش انسان
بابا هذا اكبر جذاب مااصدك بي لو اشوفه يطوف على الكعبه ودموعه تجري
جمانه السعيدي
علي...يمه ترا انتي ماشفتي وضعه
ليش ما ننسا القديم ونبدي من جديد
امي....ابد بعمري مراح انسى الشي الي سوا وياي صلاح
واكرها كره مو طبيعي اموت منه
لو بيدي اقتله خلاص وماتبرد نار كلبي منه
علي...كلت بكلبي هاي شلون مشكله شلون راح
اخطب نرجس اذا هي هيج تكرها ابوها
يمكن اذا تعرف اني اريد بت عمي صلاح راح تتخبل
عليه
خل اسكت واحاول افتح الموضوع وياها مره ثانيه
علي...ماكدرت انسى نرجس صورتها ما تفارك خيالي
وقررت بيني وبين نفسي لو هي لو ماازوج
لازم اقنع امي
أسبوع واحد واجتنا كروه البغداد
كتلهم اني اطلع بيها
السايق كال تعب عليك اني اروح
علي....لا اني عندي شغله بغداد اني اروح
الكروه جانت للوزيرية تحميل
غراض ومنزليه
طلعنا وياا اذان الصبح
وصلت الولد وكتله من تخلص مسواك اتصل عليه تلكاني يمك
الساعه ثمانيه وثلت اني واكف باب بيت عمي
دكيت الباب
نرجس...منو
علي...اني علي
فتحت الباب والابتسامه ماليه الوجه
شلوووونج
نرجس...ماتوقعت ترجع بهاي السرعه كلت ايجوز بعد مايرجع علينه
علي...شلون ماارجع عليكم اتوقعي كل أسبوع اني يمكم
نرجس..اهلا وسهلا
علي...دخلي هذا المسواك جوه
نرجس....ليش كلفت نفسك
علي...لا تحجين هيج عمي موجود
نرجس.. اي كاعد يتريك
علي...فتحت الباب ودخلت
علي...صباح الخير اجيت اتريك
عمي صلاح تفاجئ من شافني صاح هله هله يابعد عمك
علي...تسلم شلون صرت
صلاح...من شفتك صرت زين تعال تريك وياي
نرجس جاي حار العلي
شويه ودخلت نرجس جايبه جاي وبيض بماعون
علي...شكرا
نرجس...بابا علي جاب مسواك
صلاح...ليش هيج ولله مستوره وعدنا خير من الله
بس نريد نشوفك جمانه السعيدي
علي...ماجبت شي بسيط
صلاح...الله يحفظك صدك فاضل عرف يربي
علي.. هااا شكلت ماقتنعت ابنيلك بيت يمنا وتجي
ترا ولله الطريق طويل واحنا بعد مانكدر نستغني عنك
صلاح...ذني فلوسي يجيبلي قطعه كاع يمكم
علي.. اي يجيبن لو ماكفن اني اكملهن
صلاح...لا مااريد منك فلوس إذا يكفن اريد قطعت كاع
اني فكرت بكلامك وقتنعت بي
مو علمودي علمود البنات اخاف اموت ومحد الهن
وبعدهن زغار
علي...عمرك طويل القطعه عليك والبناء عليه
صلاح...الف رحمه على روح ابوك ولله يحفظلك امك
عرفت تربي
علي...بقيت يمهم للساعه ١١ اتصل عليه الولد كال كملت تعال
نحمل المسواك
طلعت من بيت عمي طلعت وراي نرجس
نرجس...مو تتأخر علينا
علي...بعد شيخلصكم مني
نرجس.... احنا تعودنا عليك
رجعت للبيت هلمره ماحجيت الامي رحت البيت عمي
اعرفها اضوج اريد اسايساها حتى تقبل
بديت ادور على قطعة ارض العمي مااريدها بعيده كون قريبه علينا حتى ندير بالنا علي
لكيت قطعة ارض بعد عن بيتنا شارعين
قريبه على بيت عمي عماد
بس سعرها غالي محتاج اكمل على فلوس عمي صلاح
٢٠ مليون بس القطعه حلوه ومكانها زين
اتوكلت على الله واشتريتها
اتصلت على واحد خلفه حتى يباشر بلناء
واني اجهزه كل مواد البناء بس اريد شغل سريع
حتى عمي يرجع ينتقل يمنا من جديد
اتصلت علي عمي حتى احجيله عن القطعه واريد يحظر أوراقه حتى اسجل القطعه باسمه
علي...لكيت قطعه ومكانها يخبل واشتريت
صلاح...الفلوس كفن
علي...اي كفن وخير من الله وراح نبلش نبني
صلاح...الله يبارك بيك
علي...تدلل عمي
صلاح...اريدك تكول العمامك نرجس اجو عليها ناس
يخطبونها واريدهم يعرفون
اني اريد ازوجهن اني بعد مااكدر على المسؤليه
شكرا لزيارتكم عالم روايات سكيرهوم
