رواية الوجه الاخر للحقيقه الفصل السابع بقلم جمانه السعيدي
ليلى....استمرينا مقاطعين كوثر بعد زواجها
كلنا مارحنا ولا تعرفنا على العريس ولا نريد نشوفه اصلا
لان الشغله صارت عناد
هي رادت تزوج وزوجت بدون موافقة بابا
ولا خلة خاطر النا رغم احنا ابد ما اذيناها بشي
بلعكس جنا مدلليلها من جانت تدرس عدنا
وحتى من ازوجت اثير الله يرحمه
بس بابا ماكدر
يريد يشوف ابن اثير
يعتبر حمودي الشي الوحيد الباقي من ريحة اثير
حتى امي يوميه تكعد تبجي على ابن اثير
راح بابا يشوف الطفل
طبعا من الباب يجيبه ويجي وماكو غير سلام بارد بينه وبين كوثر
اول مرتين شاف الطفل والمره الي شاف بيها حميد
راسا حس اكو شبه موطبيعي بين الطفل وحميد
رجع متخبل بيومها
امي تكول ماكدر ينام بليلته من التفكير والقلق
راسا استرجع كل التحاليل الي سواها اثير وشلون اكثر من دكتور اكد اثير عقيم
بس هاي الحيه لعبت علينا وكالت رحنا للسيد وطلعت حامل
هلكد مافرحنا بهذا الخبر نسينا اثير عقيم
فرحنا وحسبنه هذا الطفل تعويض من رب العالمين
بس رب العالمين مايقبل بلظلم
بابا من شاف حميد انتبه للطفل وكانما رب العالمين كاله انتبه كوثر جاي تضحك عليكم
والهذا السبب راح قدم دعوه عليهم
جمانه السعيدي
المهم وصلنا اليوم التحليل
كوثر طلعت البغداد هي وزوجها قبل يومين
راحت بيت اهلها
من اتصل عليها الضابط يااكد الموعد
ردت علي اي اني منتظره بيت اهلي عمي عداي يعرف عنوان بيتنا
بس توصلون اروح وياكم
ليلى...ابوي طلع بيوم الثلاثاء للمركز ومناك توجه هو والمحظر واواراق الدعوه بسيارة بابا البغداد
لمن وصلو الاهل كوثر
المحضر دك الباب على اهلها
طلع اخوها دخل للبيت حتى كوثر تطلع عليهم شويه وطلعت ورا
كوثر...ايصير انطيك شعر من حمودي انت تاخذه وتروح
لان ابني كلش مريض واريد اروح ادخل بي مستشفى
مااكدر اخذه واروح وياكم
من البارحه مصخن ولا نام اليل كله
ولله جان اخذته ورحت
راسا سمعنا صوت حمودي يبجي بصوت عالي
استغفر الله مدري ضربنه مدري كرصنا كام يبجي
المحظر..مايصير شلون لازم الطفل يحظر حتى ناخذ عينه منا ونقارنها وياا جده
كوثر...كدامك اكص شعره وانت اخذه ابني من البارحه موزين
تقبل يصير بي شي
ولله اذا صار بابني شي احمل جده كل المسؤليه
هذا بمكان ما يعتني بي ويدير باله علي
داير يشتكي علينا ويتهمنا بشرفنا
جمانه السعيدي
المحضر..جيبي الطفل كدامي وكصي شعره
دخلت كوثر وجابت الطفل تريد تكص من شعره وهو تخبل
يخاف من المكص كام يعيط بصوت عالي
بلكوه كصت شعر قليل من راسه صاحت على امها
ماما جيبي كلنس نخلي بي الشعر
اجت امها جابت كلنسه على اساس خلن بيها الشعر
شعر الطفل
الطفل يبجي ويحوس وهي ساعه تنطي المحضر ضهرها ساعه توكف صفح على اساس تسكت الطفل
المهم.انطن الكلنس الي بي خصله من شعر الطفل للمحظر ورجع للسياره
طبعا هذا الإجراء غلط المفروض يتأجل التحليل اليوم ثاني يكون الطفل حاضر ودكتور التحليل هو الي يكص الشعر
بايده او ياخذ عينه من دم الطفل او شوية لعاب من حلكه
المهم المحضر يريد بس يخلص ويرجع المحافظته وهي
وهمتا هذا الشعر من الطفل جمانه السعيدي
حجي عداي....لازم الطفل يجي ويانه
المحضر...مريض ويبجي
حجي عداي....انت شفتها كصت من شعر الطفل
المحضر...اي جابت مكص وكصت كدامي الطفل مريض وبس يبجي
راحو للمستشفى وسلمو الشعر وياا خصله من شعر حجي عداي
ورجعو المحافظتهم بنفس اليوم لازم ينتظرون شهر كامل يله يطلع التحليل
ليلى.... اني رجعت البيتي لان ماعدنا احد
بقينا ننتظر نتيجة التحليل يمتى تطلع
اما كوثر بقت بغداد هي وابنها أسبوع كامل يله رجعت
اجا اليوم الي اتصل بي الضابط على بابا ينطي خبر
تعال التحليل طلع
بابا بس سمع شغل سيارته وطار للمركز
وهو كل امل يطلع حق اثير من هاي الحيه
وصل قبل كوثر شويه ووصلت كوثر مبدله ومتمكبجه
وفرحانه وكانما متاكده النتيجه راح تطلع من صالحها
الضابط فتح الضرف وكانت النتيجه صادمه
اكو تطابق ١٠٠/٩٨ بين حجي عداي والطفل
راسا كوثر وكفت بنص المركز وكامت تهلهل
كوثر...الحمد لله طلع الحق الحمد لله طلعت بريئه من هذا الاتهام رب العالمين مايعوف المظلوم
واني جنت مظلومه ومتهميني بشرفي
انشاء الله تطلع حوبتي بعد بلناس الي ضلمتني
هااا حجي شفت انت شكد ضالم
حضر نفسك راح تكعد وياا اهلي للحق اني مراح اسكت ابد
طلعت كوثر من المركز
حجي عداي....حظرت الضابط اني اريد اطعن بهذا التحليل
مستحيل يكون التحليل مطابق الهلدرجه
الضابط...من حقك تكدر تطعن بي تكدر تقدم اعتراض
حجي عداي ...اني متأكد هذا الطفل مو حفيدي
شنو الاجرائات الي لازم امشي بيها
اريد اقدم طعن بهذا التحليل
بس هلمره اريد الحكومه تنطيني الطفل اخذه بايدي حتة اني اسويله تحليل
مو مثل ذيج المره كالت مريض وانطتنا شعر مدري المن
أأكد على هاي النقطه
رجع حجي عداي بس وصل للبيت اجا اتصال من اخو كوثر
اخو كوثر...حضر نفسك حجي كعده عشائريه
حجي عداي...اني قدمت طعن لمن نعيد التحليل ونتأكد
من أصل هذا الطفل اني حاضر
ترا ما تخوفني لا انت ولا عشيرتك فهمت لو لا
واني بنفسي راح اروح للشيخ
واطلب منه ينطيني مجال
اني متأكد هذا الطفل مو حفيدي
انتضر شهر واحد وكل الاختك هلمره اني اخذ الطفل بايدي
لازم اثبت الحقيقه
اخو كوثر...زين حجي وين ماتريد تروح روح
بلاخير راح تتعب وراح اخليك تدفع كلشي عندك حتى بس اسدد الفصل وماتكدر
انت جاي تطعن بشرف اختي وهذا الشي ابد مو سهل
حجي عداي.....لا خير بيه اذا مااطلع حق ابني
الضابط دز خبر الكوثر تحظر نفسها وهلمره ماكو مفر
الحجي ياخذ الطفل بايده للتحليل
اخذو مجال اسبوعين قبل التحليل الضابط كان ينتظر يصير صلح بينا وبين اهل كوثر
وتنحل المشكله عائليا
بس اهل كوثر بقو كل يوم يدزون تهديد البابا
يردونا يخاف ويبطل من هاي القضيه
بس بابا مصمم وابد مايخاف من تهديدهم اله مصمم يطلع حق اثير
لو يبقى يوم واحد بعمره
امي...اريد اعرف شلون طلع التحليل مطابق
حجي عداي...مااعرف هاي انسانه مو طبيعيه كلشي اتوقع منها
امي....اي بس شلون اريد افهم
حجي عداي....مااعرف راح اتخبل اني متأكد ابني مايخلف شلون صدكتها من كالت حامل
هلمره راح اقدم اوراق التحاليل مال اثير واخلي محامي
ابني عقيم شلون صار عنده طفل
لا مو طفل عادي يشبه زوج امه ولله هاي كارثه
مراح اسكت لو اخلص عمري كله بلمحاكم
جمانه السعيدي
اختي لمى دزت ابنها الجبير علي يكعد وياا امي وابوي
تقريبا عمره ثمن سنوات
حتى يرد الوحشه عليهم شويه
بيت اهلي رجع صعد بي التوتر مره ثانيه بسبب هاي القضيه
زوج لمى من أقارب امي
اجا وكف وياا بابا وكال اني امشي وياك بكل الاجرائات
ومراح اعوفك وحدك ابد
اذا راح اثير اني بمكانه
يمكن كوثر هلمره حست بلخوف لان بابا مصمم يعيد التحليل وماخاف من كل تهديداتهم
اذا كدرت بلتحليل الأول تطلع بدون خساير
ولعبتها صح هلمره مراح تكدر تطلع
اخوها اجا على زوج اختي بمكان دوامه
اخو كوثر ...شلونك ابو علي شلون صحتك
ابو علي...الحمد لله تمام
اخو كوثر...عرفتني اكيد
ابو علي....اي عرفتك شلون مااعرفك
اخو كوثر...اني جاي قاصدك بخدمه
ابو علي....تفضل
اخو كوثر....الحجي كبر وتعبان حيل وهاي السوالف ماتفيده ليش مصمم يشوه سمعت اثير وزوجته
ترا هو عمنا وسمعته من سمعتنا
عيب نصير سالفه بحلك العالم احنا متنازلين عن حقنا
بس خل الحجي يبطل
احنا ما خايفين بلتحليل الطفل طلع ابن اثير
ولو يعيد التحليل الف مره هم يطلع ابن اثير
اني ماريده يتفشل كدام الناس
تعرف العالم ما تصدك تلكه سالفه تعبانه اضل تسولف بيها
والحجي معروف وسمعته طيبه
ليش يخرب كلشي
شنو كوثر غريبه لو مايعرفها
غير هي بتهم وعاشت عدهم اربع سنوات قابل جايه من الشارع
احنا خالين خاطر الاثير الله يرحمه
وصل سلامي العمي وكله كافي عيب مايصير هيج
ابو علي...انشاء الله
شكرا لزيارتكم عالم روايات سكيرهوم
