رواية الوجه الاخر للحقيقه الفصل الثامن بقلم جمانه السعيدي
ليلى....اجا ابو علي زوج اختي وصل كل كلام اخو كوثر البابا
حجي عداي....ابد ابد حتلو اخسر اخر فلس بجيبي لو ابيع بيتي
لازم أبين حق اثير
امي...ليش يتوسلون بعد ماجانو يهددون ويتوعدون
ابوي....هلمره اني هددتهم مااروح للتحليل اله الطفل وياي
خاف ذيج المره لعبت عليه
امي.. الي محيرني منيين جابت هذا الشعر حجي
خاف احنا ضالميها ايجوز صدك هذا الطفل ابن اثير
حجي عداي....مستحيل اني أخذت اثير اكثر من مركز طبي
وماخليت مكان ولا علاج ماجته اله
كل الدكاتره أكدو اثير مستحيل يصير عنده اطفال
بس شلون كوثر لعبتنا شلون ضحكت علينا ماادري
شلون اني صدكت وسكتت
كان المفروض بوقتها اخذ اثير اسويله تحليل
مااعرف ليش سكتت
جنت فرحان اثير راح يصير عنده اطفال ومراح يبقى محروم
امي....ولله اني مااريد اي احد يتاذه بس اريد الحق يبين
اريد اعرف هذا الطفل ابن اثير لو لا
ولله كلبي مفرفح علي بس اكول خاف صدك تضحك علينا
حجي عداي....اني متأكد هذا الطفل مو حفيدي
اسمع ابو علي اذا رجع عليك اخو كوثر مره ثانيه
كله الشغله يم الحجي وقافل عليها
يريد تحليل هلمره دم مو تحليل شعر حتى بعد ماعدهم اي حجه
ثاني يوم اتصل اخو كوثر على ابو علي حتى يسمع الرد
ابو علي...اني حجيت ويا الحجي بس الحجي مايقبل
هلمره يريد تحليل دم
وأقل من تحليل الدم مايقبل اذا اختك ماعدها شي ليش تخافون
اخو كوثر....شنو نخاف مااسمحلك عود ردنا نحلها بينا عوائل احسن ما تتفرج العالم علينا
خلاص هو الخسران بلاخير
جمانه السعيدي
ليلى...اخو كوثر راح للضابط وطلب منه يتأجل االتحليل
لان اكو سعي بين العائلتين حتى تنحل القضيه
بابا كلما يروح للضابط يسئل عن موعد التحليل
الضابط يكول بعد ماجاي كتاب الطعن بلتحليل
شهر كامل واحنا كاعدين على نار
بيوم ابوي رجع من برا بس فتح باب السياره ايريد ينزل صار علي إطلاق نار
من دراجه ماشيه بلشارع
بس رب العالمين ستر ابوي رجع قفل باب السياره
وطلع مسدس جان خاله بلسياره
ورجع فتح الباب وبدا بطلق نار على هذا ابو الدراجه
ابو الدراجه انهزم بس بابا ضربنا طلقتين وحده بجدار البطن من الجهه اليسرا
ووحده فاتت قريب وجها شالت جلد وجها وكصت اذنه
ابوي نجا من هذا الهجوم بااعجوبه
الله ستر علينا وعلي لو ميت شلون بينا
ابو الدراجه كان خايف بس شاف ابوي فتح الباب ورما علي
راسا انهزم يخاف يقتله
اما ابوي
ماكان يبعده عن الموت غير شعره
اكو معجزه نقذته من الموت
طلعت امي على صوت الطلق
بس شافت ابوي ينزف لمت الناس بلعياط
اجتمعت الناس الخيره واخذو ابوي للمستشفى
الحمد لله الاصابات ماكانت حيل قويه
اصلا الرصاصات ثنيينهن مستقرات بلسياره
بس جارحات الجلد
اجا المحقق يستجوب بابا اذا كان يعرف منو الي ضربه
بابا جان شاك بثنيين اخو كوثر وحميد
اكثر ثنيين من مصلحتهم بابا يموت وما تنكشف الحقيقه
بس بابا مااتهمهم لان ماعنده دليل عليهم
الي ضربه كان ملثم والدنيا ليل
امي مكابلته وتبجي
حجي عداي...ليش تبجين ضربة اغم كلشي مابيه
شوفي جرح بسيط
امي...لو ميت اني شراح استفاد
منو اليه شلون راح اعيش من دونك بناتك منو الهن
حجي عداي...هااا تحبيني
امي...اسكت بعد ماتروح تسوي تحليل هاي الناس تخوف
مثل ماراح اثير ماعدهم مانع يقتلوك
حجي عداي...وداعتج مايصير غير الشي الي كاتبه الله
اذا اليه عمر محد راح يكدر يقتلني
اني حلفت مااعوف حق اثير
جمانه السعيدي
ابو علي....عمو اني اخاف عليك
حجي عداي....لاتخاف مراح يصير شي حق اثير لازم يرجع
تعرف همه هسه بهاي الحركه كشفو نفسهم
اذا كنت شاك بيهم ١٠٠/٥٠ اني هسه شاك ١٠٠/١٠٠
هيج حركه بينت اني على حق وهمه خايفين مني
مستحيل انسحب
ابو علي...اذا متأكد منهم ليش ماااشتكيت عليهم
حجي عداي...ماعندي دليل وانا اشتكيت عليهم وطلعو
بدون ماتثبت عليهم الجريمه
راح يتقوون عليه خليهم هيج خايفين من ردت فعلي
بس اريدك تنشر خبر بين الناس
كول حجي عداي يعرف منو كتاله بس يصير وضعه احسن ياخذ حقه بايده
اريدك تحجي بثقه بين الناس اريد هاي الاخبار توصلهم
اريدهم يخافون ويتهورون اكثر
امي...يااا حجي هلمره مراح يعوفوك اله تموت يله
حجي عداي...اجبن منهم ماكوووو لو اسباع يجوني وجه الوجه مو هاي التصرفات مال الزعاطيط
مالج شغل بعد محد راح يقرب عليه
ابو علي مثل ماكتلك تمشي وتكول حجي عداي يعرف كتاله وراح ياخذ حقه بايده
بعد اريد منك شي ثاني
اريد واحد يراقب بيت اثير كون من جوارينهم حتى مايشكون بي حتلو يريد فلوس ميخالف
ابو علي ...ماشي عمي تدلل
ليلى.. اني ثاني يوم يله أجيت اني وزوجي
شبعت بجي على بابا لو ميت شلون بينا منو النا
كل فلوس الدنيا ما تعادل نفسه بلدنيا
الله لايوفقج كوثر لا انتي ولا حميد
طلع بابا للبيت وبدت الناس تجي تطمن علي وكل الي يجي يسئل عنه ويشوفه يسئله صدك حجي تعرف منو الي حاول يقتلك
حجي عداي.. اي اعرفه ومراح اعوف حقي
الناس تسئل ليش مااشتكى علي
ابوي يجاوب الشرطه ماتاخذلي حقي اني اخذ حقي بايدي
الشرطه ضيعت حق اثير وماعرفو منو قتله
بس اني الي راح اطلع حقه بايدي
جمانه السعيدي
بعد اسبوع من تحسن حالة ابوي يعني ورا الحادث بأسبوع واحد
اجو مجموعة رجال كبار بلعمر
كبار عشرتنا حتى يطمنون على ابوي وهم يدخلون
بين ابوي وكوثر ويحلون هاي السالفه حتى لا تكبر اكثر
سئلو بابا انت شتريد بلضبط
حجي عداي...حق اثير
....شنو حق اثير
حجي عداي....اثبت هذا الطفل مو ابنه وأثبت على زوجته قضية الزنا واخذ كلشي منها وتدخل للسجن
هذا اقل شي اذا ما طلعت مشتركه بقتل اثير هي وزوجها حتى يخلالهم الجوووو
.....اكو حل ثاني تتفاهمون بينكم وتنحل هاي الشغله بدون مشاكل
حجي عداي....اني ماعندي حل ثاني اني هلمره اخذ كل الأوراق الي تثبت عقم اثير وياي
اذا ما تنصفني المحكمه هنا اروح اشتكي بلمحكمه الاتحاديه بغداد وبمكان المحامي اخلي عشره
.. ..احنا نحله بينكم
حجي عداي....شلون تحلوها
.. كوثر تتنازل عن حصتها بلبيت وتنطيك السياره
بس الراتب تاخذه تعيش بي هي وابنها
وتروح تعيش بغداد يم بيت اهلها
وبعد ما تشوفها لا هي ولا ابنها
حجي عداي... لا
....بس كوثر تكول هو محاربني علمود البيت والسياره
خل ياخذهن ويعوفلي الراتب
حجي...عداي شنو اني فكر ماعندي ماشايف يابيت هذا الي محاربها علي ياسياره
كل ملك الدنيا مايسوه نضره لعيون اثير
اني انطيها كلشي املكه واعيش بلشارع بس خل ترجعلي اثير تكدر ترجعلي اثير
...هسه حجي انعل الشيطان وخل تنحل هاي السالفه بستر
ليش الفضيحه كدام الناس
حجي عداي....تنحل بس بطريقه وحده تروح وياي المركز الشرطه وتعترف هذا الطفل مو ابن اثير
ساعتها راح تنحل المشكله
واريد توصيلهم شي ثاني
اني اعرف منو الي ضربتي ومراح اسكت عن حقي
راح اخذ حقي مربع منهم كلهم ووصللهم هذا الحجي
.......... زين اخذ وقت فكر جمانه السعيدي
حجي عداي.....لو شما تبتعد كوثر مراح اعوفها
يعني من كل عقلها تاخذ الطفل وتعيش بغداد
هيج هيه شاطره هذا الطفل يبقى مسجل باسم اثير وباجر تكعد وتتربع وتكول اريد حصة ابني من املاك حجي عداي
هذا الشي مستحيل ومن سابع المستحيلات
لازم ابيض اسم اثير من هذا الطفل
اثير ماعنده اطفال هذا اخر حجي عندي
ليلى.. طلعو الزلم بدون ماياخذون لا حق ولا باطل من ابوي
ابو علي.. عمو اني خايف عليك
حجي عداي.. اني اول مره بحياتي مااكون خايف على نفسي اول مره احس نفسي قوي
مادام اني اطالب بحقي مراح اخاف منهم
ابو علي راح واتفق وياا واحد صاحب محل يراقب بيت كوثر وراح ياخذ اتعابه واي شي يطلبه
بعد يومين من كلام ابوي وياا الناس الي اجتنا
الرجال ابو المحل اتصل وكال كوثر شالت من بيتها
ابو علي. .عمو كوثر شالت من بيتها
حجي عداي...لو اطير للسما هم اجيبها واسوي تحليل
واطلع هذا الطفل من اسم اثير
اتصل ابوي على الضابط
حجي عداي.....حضرت الضابط اني اريد انقل هاي القضيه البغداد انتم جاي تساعدون المتهمه تفلت من العقاب
الضابط....حجي مو اخوها يكول اكو صلح بين العائلتين
حجي عداي...ماكو اي صلح تكدر تتصل على المتهمه
وتشوف وين شالت
لان يمكن انهزمت واني أحملك المسؤليه كامله
رجع اتصل الضابط بابوي
الضابط....حجي مجاي ترد علينا رقمها مغلق
حجي عداي... اي طبعا تنهزم اذا بقيتو تماطلون بلقضيه
الضابط...حتى زوجها مايرد علينا
حجي عداي.... راح ادزلك رقم اخوها واتصل علي
اكيد يعرف اخته وين راحت
رجع اتصل الضابط على اخوها
اخوها كال مااعرف هي وين ولا اعرف شالت من بيتها اصلا
الضابط اضطر يعمم اسمها واسم زوجها على السيطرات
حجي عداي اخذ ابو علي وراح البغداد
يقدم شكوى بلمحكمه الاتحاديه
ويقدم كل الأوراق الي تثبت اثير عقيم
شكرا لزيارتكم عالم روايات سكيرهوم
