رواية مهجت روحي الفصل السابع بقلم جمانه السعيدي
سيدجمال... طلعت للشغل بس مااعرف ليش صورته وحركاته انطبعت ابالي
تمنيت اكعد اكثر بلبيت واتحرش بيه ونتعارك
ياربي ماشايف وحده هيج اداهر
شكد حلوه وثكيله
حسيته رغم الحجي الي صار بينا بس رزنه مو خفيفه
لليل رجعت بس دخلت عيوني يدورن عليه دخلت للمطبخ
ماكووو
دخلت غرفتي بدلت وطلعت لاكتني طالعه من الحمام وبيدها ملابس يمكن جانت تغسل ملابس بلغساله
سيدجمال...هلو مهجه شلونج
مهجه...الحمد لله
حجت الحجايه ومشت بطريقه ولا عبرتني
ياربي اني مخبل نص البنات كل الي تشوفني تتحرش بيه
طول وجمال واشكر وجسمي حلووو
وعندي شغله محترمه وخريج
ووحده مثل هاي هيج تتجاهلني
طبعا صوجي اني ليش معبره اصلا
خل ابتعد عنه احسلي
غفران... الله يساعدك
سيدجمال...اهلا وسهلا
غفران...بس يجي سيد حسين احضر العشى
سيد جمال ...براحتج
جمانه السعيدي
كعدت بغرفتي شويه واجا سيد حسين
وبدت غفران تحضر بلعشى
سيد حسين اتصل على امي ومريم واني رحت حتى احجي وياهن اطمنا على وضعهن
كم يوم ويرجعن للعراق
شويه وغفران حضرت العشى صاحت علينا
كعدنا صاحت على مهجه كالت مااشتهي
كعدنا..من اول لكمه ماكدرنا ناكل الاكل مالح بشكل مو معقول
سيد حسين...هاي شني الاكل مالح كلش
سيد جمال...اي ولله مالح
غفران....يااا صدك مالح بس ولله اني ضابطه الملح شنو قابل اليوم اول يوم اطبخ
سيد حسين...يله ميخالف ايجوز نسيتي وملحتي مرتين
غفران....لا شلون من كملت طبخ ضكته لكيت ملحه هاي هي
سيد جمال....عادي لا اضوجين هاي هي
غفران...هسه اسوي عشه غيره
سيد حسين....لا مايحتاج اتعبين نفسج راح اطلب دجاجه مشويه من المطعم ونتعشى
غفران حيل ضاجت حست نفسه بموقف محرج كدامهم
رغم هي تطبخ من زمان ومستحيل تخربط بلملح
ماتعرف هاي اول حركة من مهجه تريد تكره سيد حسين
باامه بلكت تكدر تفرقهم وترجعله امه
جابو عشى جاهز ومهجه ماقبلت تاكل
مهجه...اني اريد اروح ابات بيتنا وباجر ارجع
غفران... ليش ماتبقين يمي
مهجه...مو كافي مركضتني طول النهار اريد اروح انام بفراشي مااعرف انام بيتكم
غفران...خل يجي سيد حسين ويوصلج
مهجه...اروح وحدي شعليه
غفران...شلون وحدج بهليل اصبري شويه
سيد جمال رحت اشرب ماي
غفران...فدوه سيد بلا زحمه عليك هاي مطنكره تروح تبات بيتهم واني مااكدر اطلع اوصله السيد مايقبل
نروح اني وياك نوصله
سيد جمال....اني اوصله ارتاحي انتي
غفران...ولو اتعبك ويانا
سيد جمال...ماكو اي تعب هاي سيارتي موجوده
خمس دقايق ونوصل
جمانه السعيدي
غفران....يله مهجه سيد جمال يوصلج
جمال...رحت شغلت السياره وكعدت انتضرها
طلعت لابسه رداء وشامره الشال شمر على شعرها
نص شعرها طالع لازمه جنطه بايدها
فتحت باب السياره الورا وكعدت
سيد جمال.. منو كالج اني السايق مال الخلفوج
مهجه....شكووو
سيد جمال.. تعاي اكعدي هنا واحترمي نفسج
مهجه....وشنو الفرق
سيد جمال....الفرق اني جاي اوصلج مجامله الامج الي هي زوجت اخوي مو سايق مااجريني عدكم
مهجه...ومنو كالك وصلني اني اروح وحدي
سيد حمال...انزلي روحي وحدج يطبج مرض ابد ماشايف وحده السانه أطول منه
اني كلت هيج اهدده
هي نزلت وطبكت الباب ومشت بسرعه وعافتني واكف
سيد جمال...شغلت السياره ولحكته
...هي وين رايحه اصعدي لا انزل اطشر كرامتج بلشارع
مهجه...وكفت انت شتريد مني انت لا ابوي ولا اخوي
ولا ابن عمي ولا خطيبي عوفني بحالي يااخي
سيد جمال....مو السان عبالك قاذفه صواريخ اصعدي
ولا تمشين وحدج اصعدي اوصلج وهاي اخر مره اوصلج
اني شورطني وكلت الامج اوصلج
نزلت من السياره وصحت بيه بصوت عالي اصعدي
مو بنيه مصيبه وتمشي على الكاع
خافت من صحت بيه بصوت عالي
راسا فتحت باب السياره الكدام وصعدت
وصلته البيتهم بدون مانحجي اني وياها اي كلام
نزلته ورجعت للبيت
جمانه السعيدي
ثاني يوم طلعت من البيت قبل لا توصل
ومن رجعت لكيته واكفه بلمطبخ اجاهلته وماحجيت وياها ابد رغم المداهر وياها حلو
بس اريده تحترم نفسه وتحترم الناس الي تتعامل وياهم
شويه وحضرت غفران الاكل وكعدنا ناكل طبعا من عداها هي مااجت تاكل ويانه
بس خليت الاكل بحلكي مالح وبي فلفل حار هواي
اني ماحجيت بس سيد حسين
سيد حسين...ليش هيج الاكل مالح وحار ماينقبل ابد
غفران....ولله اليوم ابد ماخليت فلفل والملح خليته اخير شي وضكت الجدر وطفيته
شلون صار مالح وحار هيج
سيد جمال.. احد طبخ وياج
غفران...لا ولله مهجه ماتعرف تطبخ ولله متاكده اني ماخليت فلفل والملح قليل
سيد حسين كام بدون مايحجي اي كلام بس مبين علي ضايج طبعا سيد حسين مايحب اكل المطاعم يحب اكل البيت
اني هم كمت من الاكل وهي بقت كاعده خطيه ضايجه بنص هدومه من الخجل
اني رحت اغسل لكيت مهجه مسويه زلا طه وتاكل
ماحجيت وياها ابد
مهجه...هااا ماعجبكم طبخ امي
سيد جمال....لا طيب
مهجه...وليش ماتاكلون
سيد جمال شبعنا الحمد لله
حسيت من كلامه وكانما شامته باامه
بعدين كلت لا مستحيل تشمت باامه
بعدين سيد حسين طلع الراتب مالة امي من جيبه لان هو عندا توكيل يستلمه بمكانه
وانطا الغفران وكالله ضمي عندج
اخذته ودخلت غرفته
طلعنا للشغل ثنيبنه وبقت غفران ومهجه بلبيت
من رجعنا للعشى كالت اني شويت دجاج وماخليت ملح ابد كملته ودخلت استراح شويه
هسه احضر الاكل
راحت اطلع الدجاجه لكته محتركه وصايره سوده
غفران....يااا صدك جذب ولله طفيته قبل لا ادخل غرفتي
شلون صارت هيج
سيد حسين....لا هذا الوضع ماينحمل اذا ماتكدرين اطبخين كولي واني اجيب اكل من برا ليش هيج يوميه
الاكل لو محترك لو مالح
ترا هذا الوضع ماينحمل ابد يمته ترجع مريم ونخلص من هذا الوضع التعبان دفع الصينيه دخل بدل وطلع
راسا طلع من البيت
خطيه غفران كامت تبجي
سيد جمال...ولا يهمج ميخالف اني مقدر وضعج انتي حامل وتعبانه بعد لا تطبخين اني اجيب اكل وياي من برا
جمانه السعيدي
غفران من كد الضوجه والحجي وزعله من كلام سيد حسين
اتخربطت وصعد ضغطها
اني اتصلت على سيد حسين
سيد جمال....سيدنا ارجع غفران تخربطت
سيد حسين...اي جاي
بس وصل وشافه هذا وضعها
أخذها للمستشفى حتى يجيك ضغطها لان بخاف عليه
واني كعدت بغرفتي شويه طلعت اريد شاحن
جان اشوف مهجه مدري شضمت علاكه دفعته جوا الطخم
الي بلهول
بس شافتني كعدت وسوت نفسه تكلب بلموبايل
اني طلعت جبت شاحن ورجعت
من رجعو سيد حسين وغفران
سيد جمال...هااا شلون صارت
سيد حسين. ضغطها صاعد طبعا كلش موزين عليه وعلى طفله
سيد جمال...بعد لا ادخلين المطبخ ولا تطبخين اني اجيب اكل جاهز واني اعتذر منج بمكان سيد حسين خاف زعلج
سيد.حسين...ارتاحي حبيبتي كلشي لا تسوين
ولا اتضوجين مني
شويه سيد حسين... غفران ووين راتب امي اريد اصرف
هاي الخمسين شفت بي خرده
دخلت غفران الغرفتهم وماطلعت
اتاخرت وسيد حسين لحكه ووين صرتي يمعوده
غفران...اني خليت الراتب هنا وماكووو
سيد حسين...شنو ماكووو شو ابتعدي شنو يعني ماكووو
خاف خليتي بغير مكان
اني سمعتهم انخبصو خبص
ومهجه كاعده بلهول وتكلب بلتليفون وكأنه بعالم ثاني
سيدجمال...شكووو
غفران..كعدت على الجربايه ولزمت راسه ولله العضيم خليته هنا
وسيد حسين كلب الكنتور يدور وماكووو
سيدحسين....هم اجانا احد اليوم منو دخل بيتنا
غفران...محد اجانا ولا واحد دخل بيتنا
سيد حسين....خاف احتاجيتي لو احد اتقرض منج اذكري زين
غفران....منو يتقرض مني شحتاج اني مااطلع
وانت مامخلاينا ناقصنا شي
سيد حسين اذكري زين
سيد جمال ...شو خل اني ادور كمت ادور بلكتتور
سيد حسين يدور بلمجرات والميوزه
غفران....سيد انت تشك بيه طول عمرك تخلي فلوسك هنا
هم لكيتهن يوم ناقصات
ولله اني عيني مليانه وماعندي هيج سوالف ابد
غفران.. مهجه جيبلي ماي راسي راح ينفجر
راحت مهجه دخلت للمطبخ
واني شكيت من كميت برود مهجه
معقوله امه هيج اتخربطت والفلوس ماكووو وهي حتى
ماكالت ادور وياكم
رحت للمكان الي شفته خلت العلاكه بي
مديت ايدي وطلعته
فتحته شفته راتب امي بعدا بي ورقة المصرف
اخذته ودخلت عليهم للغرفه مالتهم
واجت مهجه وراي شايله الماي ونطته الامه
