رواية الشك يلاحقني الفصل الثامن بقلم جمانه السعيدي
ضلينا نمشي ونصيح باسم امها
بكل مكان نوصل وماكو قررنا انبات بلطريق
رحنا ويه ناس نبات
امي ورشا اخذن زينب وياهن
واني وحسن رحنا المضيف الزلم نفس البيت
جمانه السعيدي
زينب ماقبلت تاكل وضايجه كلش
ام همام...لاتوضجين حبيبتي اذا مالكيناها اني اوصلج البيتكم بايدي
يله غسلي وتعاي تعشي ولاتخافين انتي بحمايتنا مانعوفج ابد
اكلت زينب قليل وغسلت عباته وجواريبها ونامت
ثاني يوم طلعنا نمشي
زينب تباوع بلوجوه ادور على امها بلكت تلكاها
وصلنا بداية كربلا
وراح همام يصيح على امها من موكب قريب
شويه ورجع كال اكو مره
جايه ادور على بتها
تعاي وياي زينب ادخلي يم النسوان بلكت تطلع امج
همام اخذ زينب وراح وياها والبقيه بقو ينتضرون على الشارع كاعدين على الكراسي
وصل كاللها ادخلي واني انتضرج هنا اذا امج اطلعي طمنيني
واذا مو هي ارجعيلي بسرعه
زينب...اي هسه بس لاتعوفوني فدوه خاف تطلع مو امي
همام...لا منتضرج هنا
دخلت زينب بقت تقريبا عشر دقايق وطلعت تبجي
همام...ليش تبجين
زينب...مو امي
همام...ميخالف هسه نلكاها لاتخافين انتي جبيره وتفتهمين
وتندلين بيتكم اني اوصلج البيتكم
يله خل نرجع منتضرينا
رجعنا
ام همام هااااا
زينب...مو امي هسه تلكيها متخبله عليه ابوي ماقبل
اجي وياها بس اني جلبت بيها
جمانه السعيدي
ام همام...ميخالف حبيبتي بس نوصل كربلا اذا ملكيناها
نرجع ونوصلج البيتكم
استمرينا بلمشي وصلنا كربلا وزرنا وهي ويانه وصحنا بين الحرمين وماكو
كملنا زياره وصعدنا ورجعنا للكوت
واخذناها كبل البيتهم لان هي تعرف المنطقه والشارع
دكينا الباب وطلع اخوها الزغير
وسلمنا علي هي شافته وكامت تبجي
صمم اله ندخل ويشكر منا
لكينا امها راجعه واخوها الجبير رايح يدور عليها بكربلا
اجت امها وكعدت يمنا وكامت تسولف علينا
جمانه السعيدي
ام زينب كالت طلعت من المغاسل ولحكتهن مشيت هواي وبعدين خابرتهن وندليت مكانهن طلعن صاعدات بستوته
واني هم صعدت يله وصلت الهن
من وصلت دنيا ليل كاعدات بيت وصلت يمهن ماكو زينب
كالن هي رجعت عليج متوقعينها وياج
واني تخبلت وين ادور بهل ليل
عيني لاغمضت ولانمت
الصبح احنا بكربلا
صحنا بلسماعه ودورنا وماكو صعدنا ورجعنا وراح اخوها
يدور عليها
راسا خابرو اخوها وطمنو عليها
صممو نبقى يمهم نتغدا لكن احنا رفضنا تعبانيين ونريد نستراح
خجلونا من كد مايتشكرون من عدنا
طبعا بيتهم بعد عنا شارعين
اخذوا عنوان بيتنا واخذو رقم الوالده لان حابين يتواصلون ويانه
ورجعنا البيتنا غسلنا وتغدينا ونمنا
ماكعدنا اله بليل من التعب والارهاق
ورا هاي الحادثه بشهر جان عندي خفاره بلمستشفى
وجابو مره متخربطه
ودخلوها للطوارء
اجيت اجيك ضغطها جان اشوف زينب واخوانها اثنيينهم وابوهم واكفين
زينب لازمه ايد امها ووجها اصفر
اني راسا سلمت عليهم لان بس شافوني عرفوني
قست الضغط والسكر طلع ضغطها هابط واكعه مثل حالة الاغماء صايره عدها
شكلنالها مغذي مالح حتى تصحصح شويه
وخلينا بي ابره
واكف اعدل بلمغذي ما احس اله زينب طاحت من طولها
شالوها خوانها ومددوها على السديه الثانيه
رحت اقيس ضغطها هم هابط
جبتلها مغذي وشكلتا بايدها شويه وصحصحت وكعدت
همام...لاتكومين خل يخلص المغذي شدعوه هلكد خايفه
مابيها شي امج ابد لاتخافين
كمل المغذي زينب كامت مابيها شي
بس امها حيل تعبانه وعت بس بعدها مالها خلك
الساعه بلاربعه الصبح طلعو من المستشفى للبيت
جمانه السعيدي
من رجعت للبيت وسولفت الامي صممت تروح عليهم للبيت تشوفهم
وفعلا راحت ثاني يوم تطمن على ام زينب
لليل رجعت من المحل لكيت رشا محضره العشى
بس كعدنا امي كامت تحمد بزينب كدامي
شكد حلوه والشعر يخبل بس كعدنا جابت الجاي والكيك
الجاي ماينشبع منه والكيك اطيب من الجاهز
وامها تكول الشغل كله على زينب
زوجت اركان بس الخبز عليها ماتلحك عدها جهال
همام....يمه من الاخير شرايده
ام همام..هاي البنيه دخلت كلبي من اول مره شفتها
اريد اخطبها الك
همام...اني ما ازوج ابد
وهذا الموضوع لاتحجين بي ابد
ام همام...هذا شني من حجي
بعدك شاب وتجربه فاشله مو نهاية العالم اذا تحبني ازوج اريد اشوف جهالك قبل لا اموت
همام..عمرج طويل حجيه بس لاضغطين عليه
اني فكرت الزواج شايله من بالي نهائيا
اذا تحبيني عوفي هذا الموضوع ولاتحجين بي ابد
ام همام....اذا تريد تفرحني بعد سنيين التعب والضيم
اقبل بلزواج وخلي اخطبلك زينب لان عاجبتني
واذا تريد انت اختار واني اروح اخطب
ماعندي مانع يايمه راح اموت واني بالي مشغول عليك
همام...اني اختار مره ثانيه شحصلت من اختياري الاول
اصلا اني ما اعرف اختار ابد
ام همام....اني اختاريتلك ونستخير رب العالمين
ونروح نخطب
همام...انطيني مجال خل افكر
ضلت ام همام يوميه عايده هذا الموضوع علي لمدت شهر
الصبح والعصر تحجي بي
واني احس نفسي مااكدر اختار
عندي صدمه من الاختيار السابق
اكو عقده بنفسي ومااكدر احله ابد
بس امي ماتهون عليه ابد
حقه تخاف عليه
وتريدني اطلع من هاي الازمه
همام...خلاص موافق بس ما اضمنلج حياتي وياها تكون طبيعيه لان الصدمه القديمه غيرتني خاف افشلج ويا اهل زينب
ام همام....انت جوهرك نقي داخلك صافي وطيب تحتاج وكت وتتعود على زينب
الله يقدم الي بي الخير انشاء الله
شكرا لزيارتكم عالم روايات سكيرهوم
