رواية جارتي الفصل الثامن بقلم جمانه السعيدي
رنده...خلصت اجازة احمد ورجع بدون ما نتصالح
وهذا الشي قهرني اكثر
ليش اني مالي قيمه عنده ولا حاول يراضيني
اذا هو فعلا ماعنده شي
ليش خايف ليش مايرجع الرسايل
اكيد عنده شي ومايريدني اعرفه اني هلمره مصممه
لازم اعرف حقيقة الرساله الي اجتني
مامعقوله تكون رساله عاديه
وهو راد على صاحبة الرساله يعني ما متجاهلها
حنيين...هلو رنده... مارجعتي
رنده...ماتصالحنا
حنيين.. عفيه صيري قويه لا تتنازلين عن حقج
رنده...بس تعبانه مامرتاحه بيت اهلي
حنيين...اصبري بس ترجعين يضيع حقج وبعد احمد
مستحيل يحترمج ويخليج قيمه
رنده...كمت اخاف منه الضاهر عنده شغلات مااعرفها
حنيين...اكيد ابد مو سهل
رنده...تعاي خل اشوفج
حنيين...اكيد راح اجي اطمن عليج حتى الجهال مشتاقتلهم
رنده...انتظرج
اجت رساله صوتيه
احمد...باعي هذا الأسلوب مو وياي ومستحيل اعوفج تخربين حياتي اني احب زوجتي وجهالي
اذا قربتي عليهم اكلج بسنوني
فهمتي لو لا
....مراح تخوفني لازم اخذ حقي منك
احمد...هاي سالفه الرسايل ماتاكل عندي وزوجتي مامصدكتج
........صدك....ههههه لعد ليش راحت بيت اهلها
رنده...سمعت الرساله وتخبلت اكثر هسه اتأكد شكي بلموضوع
احمدعنده علاقه سابقه وخايف تنكشف
اتصل عليه احمد مارديت علي
يريد يقشمرني بكلمتين اني بعد ماارجعله
اريد اطلك لازم اطلك
كل يوم يتصل مرتين اتلاثه وماارد علي
قبل موعد نزلته بيوم اجتني حنيين تطمن عليه
شكد فرحت من شفتها
جمانه السعيدي
كعدنا نسولف وحدنا بلغرفه حجيتلها كلشي
وهي جاي تشجعني حتى اصمد بمكاني ومااتنازل عن حقوقي
رنده...حنيين كاعده وخاله علاوي بحضنها وتسولف عليه
مااحس اله دخل علينا احمد
احمد طلب اجازه يوم ويا اجازته يعني نزل قبل اجازته بيوم رجع حتى يصالحني ويشوف الجهال
دك الباب
امي...منو
احمد...اني خاله
امي...هله ابو علاوي كل الهله
احمد...شلونج خاله
امي...الحمد لله انت شلونك
احمد...زين...
امي شعجب قبل الاجازه نازل
احمد...طلبت يوم اجيت ارجع رنده البيتنا بس كون ارتاحت ذيج المره جانت ضايجه حيل واني عفتها براحتها
امي ..الله يهديكم جوه بغرفتي
احمد...وحدها
امي...لا حنيين يمها
احمد...زين راح ادخل عليها
احمد كان يريد يسوي مفاجئه الزوجته
(بس هي فعلا مفاجئه) لان دخل شاف حنيين وبقا واكف بمكانه
رنده...احمد ؟؟؟؟؟
حنيين...وكفت لان تفاجئت بااحمد ابد مو وكته
ليش اجا هيج فجئه
احمد...انتي انتي شسوين هنا
رنده...شبيك احمد ليش هيج تكول
احمد...من يمتى تعرفيها
رنده...هاي حنيين دائما احجيلك عنها
احمد...من يمتى تعرفيها
رنده...انت شبيك هاي حنيين انت تعرفها قبل
احمد...اطلعي برا اطلعي برا
رنده...يااا صدك تحجي شنو اطلعي برا
حنيين...لا عوفي خل يحجي الي بخاطره
رنده... هذا مو بيته ممنوع يتصرف هيج
احمد...كتلج اطلعي برا ومااريد اشوف وجهك هنا
حنيين...نزلت علي من حظني وأخذت جنتي وطلعت
حرامات كشفني قبل لا انتقم منه
رنده......حنيبن اوكفي لاتزعلين اوكفي
حنيين...مازعلانه باوعت بعيون احمد وكلت راح ارجع قريبا
احمد...اذا قربتي على عائلتي اكسر رجليج
طلعت حنيين من بيت اهل رنده
جمانه السعيدي
رنده...رجعت عصبيه على احمد حنيين حبابه
وحنينه عليه وعلى جهالي شلون تتصرف وياها هيج
رنده...انت تخبلت شلون تطردها
احمد...هاي حيه خرابت بيوت
رنده...انت تعرفها من قبل
احمد...خليها تولي بعد لا تحجين بيها
رنده...شلون مااحجي بيها هاي صديقتي وجارتي
احمد...يله جيبي ملابسج وخل نرجع البيتنا
رنده...بهل بساطه كومي جيبي ملابسج نرجع ونرجع
لازم تفهمني انت منيين تعرف حنيبن
وليش انفعلت من شفتها
احمد...مااريد احجي بهذا الموضوع ترجعين لو لا
رنده...طبعا ماارجع اله افتهم
احمد...اهوووو بكيفج اني رايح راح اروح الاهلي اخلص الاجازه هناك
طلع احمد عصبي نار
رنده...بس اني لازم افهم هو ليش هيج عصبي
اتصلت على حنيين ماترد
امي...يمه ليش طلع احمد عصبي ليش مارجعتي وياا زوجج ليش تكبرين الموضوع
رنده...يمه انطيني مجال جاي اتصل على حنيبن
امي...شبيها حنيين
رنده..ماترد ماترد عليه
امي...شبيها حنيين فهميني
رنده...احمد بس شافها تخبل وطردها من البيت
امي...طردها من بيتنا
رنده...اكيديعرفها من زمان اني لازم اتحقق من هذا الموضوع بنفسي
مراح ارتاح اله افهم شكو بينه وبين حنيين
ليش خاف وصار عصبي من شافها
ياربي ماترد ليش ماترد
رنده...يمه اني راح اروح ورا حنيين اني لازم اعرف شكو بينها وبين احمد
امي...يمه اكعدي وين رايحه ليش تردين تخربين ببتج
المره العاقله لازم تسكت وتتغاضا وتصبر ووتجاوز
حتى تمشي حياتها
مايصير واكفه على الكلمه الاحمد
زوجج خوش ولد لا اضيعينه من ايدج
رنده...ماارتاح اله اعرف شنو الي بينه وبين حنيبن
راح اغير ملابسي واطلع انتبهي للجهال
رنده...غيرت ملابسي وأخذت تكسي وكبل البيت حنيبن
جمانه السعيدي
دكيت الباب طلعت حنيبن
حنيين...هلو رنده
رنده....هو سوال واحد شنو الي بينج وبين احمد
حنيين..تعاي ادخلي
رنده...جاوبيني شنو الي بينج وبين احمد
حنيين...اسئلي هو مو زوجج اسئلي
رنده...سئلته عافني وطلع راح بيت اهله
حنيين...اني مصممه تسئلي اريد اعرف شنو راح يكون جوابه
رنده...حلفتج بكل عزيز عليج احجيلي احمد زوجي واعرفه زين مستحيل يحجي
واذا حجه مراح يحجي الحقيقه انتي مو صديقتي
احجي شنو بينج وبين احمد
انتي من البدايه جنتي تعرفين احمد
واجيتي صادقتيني علمود تقربين منه
حنيين....اني ضايجه بس على شغله وحده
حرامات انكشفت من وكت جنت ناويه ادمر حياته
مثل مادمر حياتي
رنده....انتي تعرفي من زمان احمد جان حبيبج لو زوجج
حنيين...ثنيينهم مايتخيرون واحد على الثاني
ثنيبنهم زباله واحد انكس من الثاني
بس على الاقل زوجي كنت اعرف هو موخوش انسان
بس العتب على حبيبي الي وثقت بي
وحبيته دمر حياتي ومشا
رنده...احجيلي الله عليج احجيلي
كلشي اريد اعرف كل القصه
لا اضمين عليه شي
حنيين....ليش ما تسمعين منه احسن
رنده...اني اصدك بكلامج احجيلي انتي
حنيين...اني مو حنيين اني مريم بنيه توها متعينه
وفرحانه بنفسها حيل
اول سنه اليه اداوم معلمه بمدرسه ابتدائيه ما مصدكه نفسي
بلصدفه شفت احمد واكف بابنا شكله حيل جذبتي
وكانما اغرمت بي من اول نضره
جنت راجعه من الدوام
وصلت يم بابنا ابتسمت وكتله تفضل
احمد...شلونج
مريم...ابتسمت لان الكلمه حانت طالعه وياها ابتسامه تخطف الكلب
...اهلا وسهلا تمام
احمد...مرتضى موجود
مريم...هسه اشوفه
دخلت جوه للبيت مالكيت مرتضى بعد ماراجع للبيت
طلعت للباب
مريم...مرتضى بعده مارجع للبيت
احمد...ممكن تكوليله احمد اجا عليك
جان يحجي وعيونه ادقق بملامحي عيونه كلهن اعجاب
ترا احنا النسوان نعرف الرجال الي ينضر نضره حلوه
رديت علي
مريم.. اكيد بس يجي مرتضى اكوله احمد وبس لو اكو شي ثاني
احمد....لا اكو شي ثاني اني غيرة رقمي انطيج الرقم الجديد تنطي اله
مريم...اي الصراحه كنت فرحانه لان راح اخذ رقمه
طبعا بعدين طلعت هاي حركه منه حتى ينطيني رقمه
لان هو اصلا عنده رقمين
واني الغبيه وكعت بلكمين
اخذت الرقم وبقيت واكفه مثل الثوله لمن صعد بلسياره وطلع
مااعرف اوصف احساسي حب تعلق وكانما كلبي يكول هو
هذا الإنسان الي اني اريده
من رجع مرتضى للبيت
مريم...مرتضى اكو ولد اسمه احمد سئل عنك
مرتضى...اي هسه اتصل علي
مريم...يكول غيرة رقمي وانطاني الرقم الجديد
مرتضى..دزي برساله
مريم.. حبيت اعرف معلومات عن حياته
مريم...هذا صديقك ماشايفته قبل
مرتضى...لا هذا صديقي من زمان جنا ندرس
سوا بس هو مشغول دائما نلتقي بلصدفه
اكيد اكو شي ليش اجا عليه
شكرا لزيارتكم عالم روايات سكيرهوم
