رواية الشك يلاحقني الفصل التاسع بقلم جمانه السعيدي
قرر همام يسئل عليهم بلمنطقه قبل لايتقدم يخطب منهم
وفعلا راح وسئل وكل الناس تحمد باخلاقهم وسمعتهم الطيبه
وعرف زينب مخلصه اعداديه
كلهن بناتهم للاعداديه ويكعدن مايقبلون يدخلن كليه
اخواتها الاكبر منها حنان مزوجه غريب وهاجر مزوجه ابن عمها اخو جنتهم
همام...سمعتهم طيبه وكل الناس تحمد بيهم
ام همام...اي بعد شكو خل افاتحهم بلموضوع بلكت الله ويجعلها من قسمتك
همام...ولله يا امي لو ما ملحتج هاي فلا ازوج طول العمر
ام همام...كول يالله وخل اروح العصر واشوف شنو ردهم الله يقدم الي بي الخير
جمانه السعيدي
وفعلا راحت البيت ابو اركان
ورحبو بيها بشكل موطبيعي
ام همام....اليوم جايين نطلب ايد بتكم زينب الهمام وجابتنا السمعه الطيبه
ام اركان...اهلا وسهلا بيكم كل الهله بس الراءي الاول والخير الابوها وخوانها
واذا اكو قسمه تصير انشاء الله
ام همام...ولله اني حبيتكم حيل واتمنى نصير اهل
ام اركان بس اريد اسئل سوال شعجب لهسه مامتزوج
ام همام....ولله يا ام اركان ما اخفي عليج جان مزوج وزوجته ماتت
ام اركان...يااا ماتت شني مريضه
ام همام...اي مريضه مرض ماله طبيب اله الموت اقصد ما اله شفاء وماتت الله يرحمها
ام اركان الله يرحمها
ام همام لاتتاخرون علينا
ام اركان ....انطي خبر الابوها وخوانها وارجعلكم خبر
اني اخابرج انشاء الله
جمانه السعيدي
زينب من سمعت جايين يخطبوني طرت من الفرح لان همام حيل عجبني شخصيته وثكله وادبه
الصراحه مواصفات كل بنيه تحلم بيها
يارب يوافقون علي
ويصير من قسمتي واهم شي اطول مني لان اني شطولني خفت لا اخذ واحد كصير
يارب تعقدت من طولي بلبيت كلهم يصنفون على طولي
رجعت ام همام للبيت
وسولفت كل الي صار الهمام
همام...الله كريم
شويه ودك التليفون اباوع علي العامل الي جان يشتغل عدنا
همام...هلو علي شلونك
علي...هله اخوي العزيز شلونكم الوالده شلونها وحسن كلكم شلونكم
همام...بخير انت شلونك تشتغل كاعد
علي...فتحت محل زغير ابيع جهاز اطفال والحمد لله
همام...يستاهل الحمد والشكر
علي...جايك بطلب ولاتردني
همام...كول عيوني الك
علي باجر حنتي وعكبه الزواج والحجي ابوك جان دائما يكول اني ازفك بايدي وهسه اريدك انت تزفني
اني اتبارك بيكم طلبتك لاتردني
همام مو تدلل باجر من الصبح اني يمك وشايف كل الخير مقدما
همام...تدلل اخوي العزيز
جمانه السعيدي
ثاني يوم رحت البغداد وصلت الصبح البيتهم لكيته متحضر يريد يروح للحلاق لان بليل الحنه
كتله اني اروح وياك
وفعلا صعدنا السياره ورحنا للحلاق بلطريق اكو اشاره مرور وكفنا يمها
جان اشوف شي ابد مامتوقعه
بلبدايه شفت شي وماصدكت عيوني بقيت اباوع زين اي ولله هو
خالد على كرسي مقعد ولحيته شطوله ومبهذل وملابسه كلها وصخ ويجدي بلتقاطع
همام...علي هذا مو خالد
علي...اي خالد ربك يمهل ولايهمل بعد ما انت صوبته بركبه
اثنيينهن نقلو للمستشفى وماكدرو غير يطلعون الرصاصه ويوكفون النزف
لاكن رجليه اثنيينهن بعد مايكدر يمشي عليهن محتاج عمليه بلخارج
وزهراء اطلكت منه واهلها طالبو بفصل
باع كلشي حتى يسدد الفصل
ونحكم فتره وطلع وسمعت حتى خوانه متبرين منه
وصار فتره اشوفه بلتقاطع يجدي
كلما اشوفه اكول عاشت ايدك همام هذا استحقاقه
جمانه السعيدي
همام منيلك هاي المعلومات كلها
علي...صديقي جيرانهم
وابو زهراء ضربته جلطه من الي صار
همام...اللهم لاشماته اللهم استرنا بسترك يارب
ما اخفي عليكم هاي الاخبار فرحتني حسيت الله اخذ حقي منهم
كمل عرس علي ورجعت للبيت
وحجيت كلشي صار الامي
ام همام...يمه لاتتشمت اني اعرف هاي الاخبار بس ما ردت اضوجك لازم ننسا الي فات ونفتح صفحه جديده
الله يقدم الي بي الخير
ورا اربع ايام رجعولنا خبر موافقين على هاي الخطبه
ورحت افتهم طلباتهم شنو
ابو اركان...ماعدنا اي طلبات احنا مشترين رجال وانت سمعتك سابقتك تريد تجهز بالف تريد تجهز بعشره
الفلوس ماتقدم ولاتاخر
همام...لا خاف البنيه عدها طلبات
ابو اركان ماعدها اي طلبات اي شي اجيبه موافقين علي
واذا ماعندك كبعها واخذها
همام...والنعم منكم عمي
ابو اركان...الفلوس ماتقدم ولاتاخر اهم شي المعامله الطيبه
اهم شي تحافظ عليها وتصونها هو هذا مهرها
همام..اتشكر منكم عمي يفيدكم الجمعه هي خطبه هي مهر
ابو اركان...هاي هي الجمعه موافقين
ورجعت ودزيتلهم فلوس يشترون ذهب وملابس على ذوقهم
واشتريت غرفه تركيه ونصبتها
اجا يوم المهر ورحنا واخذت وياي اثنيين رجاجيل من منطقتنا وثنيين موضفين وياي بلدوام
عقدنا وكالو تعالو لبسها الذهب
بيومها شفت فرحه بعيون امي ماشايفه ابد
يمكن لو تمشي جان حارت شسوي بلركص
شلعت بيتهم بلهلاهل
دخلت وهي وكفت لابسه بدله جويتي وهي بيضه والشعر سرح نازل على متونها والبدله صدرها دلع ولابسه تاج زغير فضي على شعرها
اول مره اركز حيل بيها طالعه تخبل حسيت امي ابد مابالغت بلوصف
طويله وحلوه وخجلها محليها اكثر
بستها براسها لبستها الذهب وطلعت حددنا الزواج بعد شهر
خلال هذا الشهر صبغت بيتنا ورتبت غرفتي وشتريت ملابس جديده
بس ابد ما خابرتها ولاحجيت وياها
ما اعرف من شنو جنت اشرد
خفت اتعلق بيها وارجع انصدم مره ثانيه
خفت احبها وماتحبني جنت اقنع نفسي واكول اني راح ازوج الخاطر امي
اني رغم عايش حياتي بس بعدني ماطالع من الصدمه الي مريت بي موهين ابد
قرب موعد الزواج وجانت اذا تريد شي تتصل على امي
وامي تكلي شرايده
ما كان عدهم طلبات هواي بس خابرت امي على شعرها
اذا حاب لون معين لو كصه
كتلها لاتعوفا هيج ما اريد اي صبغ
كل موقف يمر عليه يذكرني بلماضي زينب ماعدها اي شروط ومروه كعدت تتشرط
زينب ماعدها اي طلبات رغم امي يوميه تخابرها وتسئلها
ومروه ضلت تقط بيا منا للزواج حتى ملابس خواتها وامها عليه كلشي جان يمر بسرعه وسهوله
بس جنت خايف من شي واحد
خايف اضلمها
خايف مااكدر اعيش حياة طبيعيه وياها
التجربه الي مريت بيه ابد مو هينه
صار اكثر من اربع سنوات واني بعدني اعاني
اكو حزن داخلي مااكدر اتخلص منه ابد
احس روحي مكسوره
قررت الزواج يكون بفندق رحت حجزت ليلتين
بيوم العرس كنت متوتر كلش
وابد ماحاس نفسي عريس
كلشي جاي يصير غصبا عني
