رواية حب بعد الطلاق الفصل الثامن بقلم جمانه السعيدي
مصطفى...كملت غدا وصعدت تمددت واخذت موبايل سما ورجعت احاول افتحه شويه واجا اتصال على موبايل سما
مكتوب امي الغاليه
مصطفى...الووووو
سما...منو
مصطفى....طبعا اني ادري بيها سما بس ردت اشلع كلبها
...انتي متصله
سما...العفو هذا تليفوني
مصطفى...ومنو يكول تليفونج
سما...ولله تليفوني ويمكن وكع مني عفيه رجعليا
مصطفى...ارجعه بشرط
سما...تريد فلوس انطيك بس رجعه
مصطفى...اريد رقمج او صفحتج على الفيس او لانستا
سما...شكد جريئ رجعه لا اشتكي عليك
مصطفى...شتكولين بله وشلون توصليلي
سما...على هاي المكالمه يحددون مكانك
مصطفى...احبج ولله احبج والملائكه احبج والاديان السماويه احبج ومن يوم شفتج وانتي ماتفاركين بالي
بس انتي عنيده وماتقبلين تنطيني مجال ابين الج هذا الحب
جمانه السعيدي
سما...ياااا مصطفى يمعود خوفتني همزين التليفون عندك
مصطفى...لاتفرحين ما ارجعه اله تنطيني رقمج
وتنطيني فرصه احجي وياج
سما...لاتشاقه عفيه اريد تليفوني
مصطفى...واني ما اتراجع عن شرطي شتريدين تسوين سوي
سما...ميخالف رجعلي التليفون واني انطيك الرقم
مصطفى باجر انتضرج باب المدرسه ولو اطلعين قبل وكت يكون افضل
سما...الله كريم اشوف ضروفي
مصطفى...الساعه ١١ تلكيني واكف باب المدرسه
سما...زين اتفقنا
جمانه السعيدي
مصطفى بقيت احاول افتح تليفونه بعدين كلت محاوله اخيره افتحه على شكل حرف s اول حرف من اسمها
وفعلا انفتح
واخذت رقمها وعرفت اسمها بلفيس وبلانستا
وبقيت اكلب بلاستوديو وشفت صورها
اخذت كم صوره منهم
اعرف جاي اسوي شي غلط
بس ولله نيتي وياها شريفه وما مقرر ااذيها بكد الشعره
ياريت تحبني وترجعلي
سما...تمددت واني كلامه يرن باذني وخاصه من كال احبج
ياربي ليش رجع طلع بحياتي
اني اعتبرته صفحه ونتهت
معقوله بعدا يحبني
شلون راح يرجع الحياتي واهلي الماخذين موقف منه شراح اكوللهم
جمانه السعيدي
مصطفى...ثاني يوم كعدت الصبح واني كلي نشاط تريكت وبدلت وطلعت للدوام
اباوع الساعه تمشي على كيف شبي الوقت اليوم مايخلص
الساعه عشره طلبت اجازه وطلعت
رحت للمدرسه ووكفت قريب على الباب واني انتضرها تطلع
سما بقيت محتاره شراح اكول للمدير شلون اطلع شنو الحجه الي اكولها
بعدين استجمعت قوتي وكتله استاذ امي اليوم تعبانه اكدر اطلع من وكت يعني اطلع الساعه ١١
المدير...ميخالف بس اني ما احب الاعذار اريدج تنتبهين للدوام وخاصتا انتي مصار هواي من داومتي
سما...صار استاذ هاي اخر مره
وفعلا طلعت الساعه ١١ لكيته منتضرني طلع من السياره وفتحلي الباب
لابس قاط رصاصي وقميص ابيض ورباط نيلي والعطر موطبيعي
سما....هلووو مصطفى
مصطفى...اهلا وسهلا
صعدنا بلسياره ومشينا
مصطفى...وين تردين انروح
سما...وين انروح انطيني تليفوني ووصلني للبيت
مصطفى...لابله تردين تاخذين التليفون وتنهزمين اني عازمج اليوم نتغدا سويه
سما...ولله اني ماطالعه هيج طلعه قبل اخاف احد يشوفني
مصطفى...محد راح يشوفج اني اندل مطعم خرافي ومستحيل واحد من اهلج يندله
سما...بس مو نتاخر
مصطفى...لا مانتاخر
سما...انطيني تليفوني
مصطفى تفضلي
سما...نسيت اشكرك لان وصلتني البارحه البنات يكولن ما اجه الخط وكلهن ماجرات تكسي
مصطفى...موتدللين سمسم
سما...ضحكت من زمان محد مدلعني سمسم
وصلنا للمطعم وطلبنا اكل وكعدنا نتغدا
مصطفى...اريد احجيلج شنو صار وياي وليش احنا انفصلنا
اني بعدج حيل صحتي ادهورت وتعبت كلش
جنت احس مثل المخنوك وحتى الغرفه ما اكدر اصعد الها
بعدين حيدر صمم ياخذني الواحد سيد ويشوف ليش هيج وضعي
بلبدايه ترددت بعدين وافقت لان جان يلح بشكل موطبيعي
السيد اول مشافني كال انت وزوجتك معمولك عمل تفرقه
وهو سبب المشاكل الي بينكم
والعمل بغرفتكم وواحد او وحده هو الي مخلي الكم بغرفتكم
سما...تحجي صدك
مصطفى...اني هم انصدمت مثلج وطلب مني اتخلص من كلشي بلغرفه لان العمل بعدا موجود
وفعلا تخلصت من كل الجراجف والمناشف والعطور
مجرد ماشمرته حسيت بتحسن موطبيعي
سما..ومنو تعتقد اله مصلحه يفرقنا
مصطفى...اني شكيت بتغريد لان هي من البدايه ما عاجبها هذا الزواج ويمكن السحر بلعطر الي جابته هديه ولله اعلم
لان هي مو من عوايدها تشتري عطر غالي وجيبه هديه
سما...واني مره بلسبعه مالتي صعدت لكيت طكعه دهن سوده وريحته كريها على الجرجف ومن سئلت نسرين
كالت بس اني وتغريد صعدنا للغرفه
اني شلت الجرجف وشمرته لان لعبت نفسي من ريحته
مصطفى...ماتدرين شكد متندم على هذا الطلاك بس اني جنت مو بوعيي ساعته
سما...بعد صار الي صار ومايفيد الندم
مصطفى...اذا اتقدملج مره ثانيه توافقين
سما... انت فاجئتني اني ما متوقعه تطلع بحياتي مره ثانيه
واني رافضه فكرت الزواج
والمشكله الأصعب
.اهلي رافضينك ومستحيل يقبلون ابد
مصطفى ...زين خليني اشوفج ونفكر سوا بلكت نلكي حل
اني مستعد الاي حل
سما...خليني امهد الجووو واشوف بس اكيد محتاجين وقت اولا نتاكد من مشاعرنا لان اني ما اريد اغلط مره ثانيه
مصطفى...اخذي الوكت الي يكفيج
سما ...وبعد لاتوكفلي باب المدرسه اني اخاف على سمعتي واخاف يوصل خبر الاهلي
مصطفى...وشلون اشوفج
سما...اتصل عليه ونتفق يله رجعني للبيت
جمانه السعيدي
صعدنا بلسياره ورجعنا نزلته براس الشارع ماقبلت اوصلها الباب بيتهم
بليل
دزيتلها رساله هلووو حبيبتي مشتاق
سما....هلو مصطفى يمته لحكت تشتاق
مصطفى...كل لحضه اني مشتاق
سما...خف علينا بلحب روميوووو
مصطفى...عود رميوووو يحب حبيبته اكثر مني مستحيل
اريد اشوفج
سما...شكلنا ماكو مقابلات يوميه
مصطفى..واهون عليج
سما....يمعود لاننكشف قبل لا نلاكي حل
مصطفى...ولله باجر اجي اوكف بعيد واتامل الجمال
سما...الله بهديك
مصطفى...الله يهديج عليه وترجعيلي كل هذا الوقت ينحسب من عمرنا وجاي يضيع
سما...القدر الي خلاك كبالي مره ثانيه اكيد راح يجمعنا
بس كول يالله
مصطفى...يالله لاتضيع هاي البنيه الحلوه من ايدي مره ثانيه
سما...يلله اريد انام باجر عندي دوام
مصطفى....اوكي حبيبتي احبج موت
سما...تصبح على خير
مصطفى...وانتي من اهل الخير
سديت التليفون واني ما مصدك كلش فرحان وكانما اول مره احب بحياتي
ماجاي اكدر اسيطر على مشاعري ابد
سما كلبي كلش مطمئن المصطفى يمكن لان اعرفه من زمان
ويمكن لان عرفت السبب الحقيقي الي فرقنا اني ويااا
شكد حقيره تغريد
انشاء الله تنرد عليها بصحته وبحياتها
الله يدمر حياتها مثل ما دمرت حياتي
شكرا لزيارتكم عالم روايات سكيرهوم
