رواية عروس منحوسه الفصل الثامن بقلم جمانه السعيدي
امنيه....من اروح الاهلي واحجي الامي عن تصرفات عمتي
ماتقبل عليه
امنيه...يمه ولله دمرتني اني عايشه بجحيم وياها
تحاول تغثني بكل طريقه
امي...اكعدي واسكتي حتلو تقطع منج لحم وذب للجلاب
اسكتي حتلو كل يوم تموتج تموت اكعدي واسكتي
ماصدكنا لكينا واحد.ياخذج
مزين يصرفون عليج وعلى بتج بعد شتريدين
اكعدي واسكتي
امنيه....يمه مو هيج كل النهار تغلط عليه تعيب على هاي الطفله
اذا هي كاعده بلمطبخ كون مااطلع بتي اغسللها تكول من اشوفها تلعب نفسي
ابقه بلغرفه منا لمن تدخل غرفتها يله اطلعها اغسللها
اذا طبخت توكف على راسي شنو هذا هذا ليش هيج
وشكد خليتي وليش بعدج ما مكمله
اطلع روحي ترا اني بشر من دم ولحم
هي شنو مستعبدتني مايصير هيج
واذا عماد حاجاني حجايه حلوه كدامها ذاك اليوم يصير يوم اسود عليه
تبقى تحجي وتعير بيه وتغلط على عماد منا لمن نتعارك يله
تسكت
انسانه مريضه مااعرف شنو تريد
ابنها يكله مزين قابله بيه وخادمتنا تكله ياا هي وين تحصل واحد نفسك
جمانه السعيدي
اني تعبت ولله تعبت كلشي كوم وعداوته الهاي الطفله
شي ثاني تتخبل اذا سمعت صوتها تبجي
تكول اخنكيها وخليها تموت حتى لا اسمع صوتها بلبيت
امي...ولو لو كلشي اسوي بيج اسكتي
وديري بالج تفكرين ترجعين هنا هذا البيت بعد ما يستقبلج
افتهمتي لو لا
اني ونعيم ماانريدج بهذا البيت
عيشي واسكتي
امنيه....رجعت من امي ضايجه اكثر من لمن رحت عليها
اريد واحد يقدر وضعي
اني بمشاكل طول النهار وياا عمتي
وكلما اسكت اكثر ادوس عليه أكثر تعرف ماعندي مكان اروح علي وماعندي فلوس اصرف على بتي
مستغله هذا الموقف ابشع استغلال
جمانه السعيدي
كلما اطول الفتره اكثر وعماد يعرفني على حقيقتي
يعرف اني نفسيتي طيبه ومااحب المشاكل
بلاضافه اني قايمه بكل واجباته حسب الاصول شيربد اكول حاضر ملابسه على طول نضيفه ومكويه
الغرفه كل شويه انضفها واعطرها
خاف يضوج من دره لو يكول اكو ريحه موطيبه
ويشوفني ساكته على امه ومتحمله هذا الشي خلا يتعلق بيه اكثر عمتي بدت ازيد المشاكل اكثر واكثر
ماتريد عماد يحبني ماتريده يتعلق بيه
هذا ابنها الوحيد وتريده يحبها بس هي ما يحب احد غيرها
صبري عليها وعلى مشاكلها خلاها تتوتر اكثر
لان حسب ماعرف زوجاته السابقات ماكدرن يتحملنها
وحده باقيه وياا سنه هاي السنه ٨ اشهر منهن بيت اهلها بسبب المشاكل هي وعمتها اخير شي طالبه الطلاك وخلصانه
والثانيه ست اشهر ومنهزمه البيت اهلها كايله الاهلها اذا ترجعوتني انتحر
امنيه..من شافتني صابره عليها وساكته رغم هي كل يوم ادوس بطني هذا الشي قلقه حيل
شلون هاي صابره ومتحمله وعماد مبين يحبها
لازم اخرب عليها
كل يوم ازيد المشاكل اكثر
حتى عماد من يدخل للبيت تخلي ينام بغرفتها ما تقبل يجي يمي تبقى تحجي عليه تريده يكرهني
اما مشاكل الاكل حدث ولا حرج
الاكل مالح تردين تموتيني
اكلج موطيب انتي اطبخين من ورا خشمج
ليش ما سئلتيني شنو اطبخين شنو انتي ام البيت تطبخين بكيفج
بدت بتي تكبر واضوج تبقى بلغرفه وحدها
اذا موجود يمها صوت وحركه تسكت
اذا ادخل للغرفه اسكتها من تبجي تكوم عمتي تحجي واصيح عليه
اذا اخذها وياي للمطبخ
تكول شنو اني مكابله هلشكولات مااريد اشوفها
لا اطلعيها من الغرفه مااريد اشوف شكلها
بدت حالتي النفسيه تتعب مجاي اكدر ارضيها ابد
ولا عماد يوكفها عد حدها
من احجيله عنها يسكت يكول ميخالف
امنيه.....هو شنو الميخالف اني مابقه عندي صبر بعد مااكدر اتحمل اكثر
عماد...هاي امي شلون اشمرها بلشارع علمودج
امنيه...لا ما تشمرها بلشارع بس احجي وياها خل تعوفني بحالي اني عندي طاقه مااكدر اتحمل اكثر
عماد...ماعندي حل أقبلي بهذا الوضع واسكتي
امنيه....اني اخلص كل الشغل والطبخ وكلشي بس هي تسكت ما تحجي وياي
هاي الطفله شنو ذنبها اني جاي اخدمكم وما مقصره بشي
بس بنتي مااقبل عليها
اذا اخذها وياي للمطبخ تكلب الدنيا امك اتصيح مااريد اشوفها
ادخلها للغرفه تبقى تبجي ادخل اسكتها تغلط عليها
وتعلي صوتها حتى الجوارين تسمع
عماد.. ماعندي حل اتحملي واسكتي
بيومها كلش انهضمت من كلام عماد انسان سلبي وماعنده شخصيه ومايكدر يدافع عني ولا ياخذلي حقي
عشت على اعصابي بس احس صبري نفذ وبعد مااكدر اتحمل اكثر
جمانه السعيدي
مره اني بلحمام وسمعت دره تبجي طاكه من البجي لبست ملابسي وطلعت بسرعه لكيت عمتي بلغرفه
تضرب بيها وتصبح عليها اسكتي دوختينا
صدك ضجت منها
اني تغلط عليه ميخالف بس هاي الطفله شنو والضرب
هي كلشي ما تفتهم
امنيه صحت عليها بعصبيه ليش اضربيها ليش هي بكدج وضربيها طفله زغيره ما تفتهم
عمتي...هااا انتي اصيحين عليه ولج انتي تعلين صوتج عليه اليوم لو اني لو انتي بهذا البيت
راسا كامت تعيط وتضرب بوجها وشكت دشداشها وفتحت الفوطه
كامت تعيط الحكو عليه زوجت عماد كتلتني الحكو عليه
تريد تموتني وتضرب وجها حيل
طلعت بلشارع وكامت تبجي وتصبح تالي عمري
جنتي تضربني
متحملتها ومتحمله جيفتها متحملين بتها المخبله
عيشتها علينا نزلت علينا بلاء
واليوم تضربني تريد تطردني من بيتي
امنيه...بقيت ساكته وصافنه عليها وعلى تصرفاتها صدك جذب احنا وين عايشين
هاي مو مره هاي شيطانه
اجمعو الجوارين وراحت وياهم البيتهم اتصلت على عماد تعال الحكلي زوجتك ضربتني وتريد اطلعني من بيتي
امنيه..... مااعرف شراح يصير بدلت ولفيت شعري وكعدت ارضع بتي واسكتها اباوع خدها احمر من الضرب
شكد ضجت عليها شلون انطاها كلبها اتمد ايدها عليها
مااعرف
شويه واجا عماد راح الامه عند الجواربن
هي من عيطت كامت تضرب وجها حيل
بس وصل عماد كلتله شوف زوجتك شلون ضربتني
هسه تاخذني للمركز اروح اشتكي عليها
جابها عماد واجا للبيت اني بدلت الدره من سمعتهم دخلو
كمت وكفت جان يدخل عماد من برا حامي عليه
ضربني راشدي حسيت فجي طك لزمني من شعري
وكام يضرب بيه
عماد..بت الكلب اضربين امي اطلعيها من البيت
ما تبقين دقيقه هنا يله برا برا وباجر توصلج ورقة طلاكج وحده قليلة الادب
امنيه...انهضمت حيل يغلط ويضرب بدون ماسمعني
ولا كال شنو المشكله سمع الامه وبس يريدها ترضا علي
حتلو على حساب كرامتي
شعري اتكطع لان لزمني منه وسحلني وجهي ازرك من قوة الراشدي ايدي توجعني لان حاولت اصد الضربه
وايدي التوت حيل
لميت ملابسي وماحجيت وياا ولا كلمه ولا دافعت عن نفسي بعد شيفيد الكلام جمانه السعيدي
الضاهر اني والفرح اعداء وما مكتوبلي الفرح ابد
شلت الجنط وطلعت الطفله وهوكاعد يباوع عليه
المشكله مااعرف وين اروح هاي الزواجه مادامت غير٨ اشهر ووين اروح امي حذرتني بعد ماارجع للبيت
وين اروح منو الي راح يتحملني
طلعت اجرت تكسي ورحت البيت صديقتي سوسن
الي حجيتلكم عنها هي تعرف كلشي عن حياتي اني مااضم عليها شي ارتاح من احجي وياها
امنيه....ممكن تتحمليني كم يوم الحد مالكه سكن
سوسن...طبعا اشيلج بعيوني
امنيه.. مااكدر ارجع بيت اهلي امي ما تريدني
سوسن....حبيبتي الله موجود ومراح ينساج ابد
امنيه...انشاء الله راح ادور سكن واعيش وحدي مراح أثقل عليج
سوسن ...ليش تكولين هيج انتي خيتي اذا ما تشيلج الكاع اشيلج بعيوني
امنيه...سلامت عيونج
زوج سوسن عسكري يغيب ١٥ يوم يله ينزل بهاي الفتره جان بلدوام بس هي واطفااها بلبيت
من ثاني يوم طلعت ادور سكن لازم الكه سكن اعيش بي
خوما ابقى عايشه وياها بيتها زين منها وستقبلتني
كنت اعوف دره عدها واروح ادور سكن
اسبوع اني افتر ومالكيت سكن يناسبني
اريد بيت زغير وايجاره قليل نزل زوج سوسن
خطيه فرح بينا كال سوسن دائما تحجي بيج كل الهله
البيت بيتج الله يعينج على ما ابتلاج
ام عماد بقت تلح علي طلكها طلكها الي مدت ايدها عليه وضربتني بعد ما ترجع الهذا البيت
مع انو اني ما ضربتها ولا مديت ايدي عليها
احنا ماعاقدين بلمحكمه راح للشيخ وطلكني دز ورقة طلاكي الاهلي
امي اتصلت عليه
امي.. انتي وين شسويتي يمعزايه الرجال طلكج
امنيه.. لا تخافين ماارجع اعيش وياج راح اعيش اني وبتي وحدنا رب العالمين الي خلقنا مراح ينسانا ابد
امي..هي كوه انتي منحوسه ماتكعدين وياا الرجال
انتي ما يبقى وياج رجال
امنيه. ماكو داعي لهذا الكلام لو عندي أهل بيهم خير ماصار هذا حالي كلشي صار وياي بسببج
فضلتي نعيم عليه لمن ضيعتيني
انسي عندج بنيه بعد مراح اخليج تشوفيني طول عمرج
طبكت التليفون بوجها وكمت ابجي
كلشي صار وياي بسببها
خطيه زوج سوسن اشتر علاج دره وجابلها ملابس
وحاير بينا اني وياها
يوميه اعوف دره يم سوسن واروح ادور سكن وادور شغل
الحد مالكيت مشتمل طابق ثاني مشتمل ازغير
وايجاره معقول
رحت بعت الذهب مال عرسي ودفعت ست اشهر مقدم
واشتريت كم حاجه ضروريه
بس الضروريات اشتريتهن طباخ عين وحده وقنينبه غاز
وفراش انام علي
باقي الشغلات جابتهن سوسن مواعين كدوره سلة ملابس
فراش للكاع
امنيه...انتي احسن من امي امي ماذكرتني وانتي حايره بيه
سوسن...هاي شبيج اني شسويت الصديق وقت الضيق
امنيه...الله يسعدك وينطيج على كد كلبج الطيب
سوسن...شكرا اذا تلكين شغل جيبي دره عندي واشتغلي
اني راح اساعدج
كل يوم اخليها يمي وروحي انتي اشتغلي منا لمن اثبتين نفسج بشغل
امنيه...الله يفرح كلبج مثل مافرحتي كلبي
عسا لا توكعين بضيج طول عمرج
سوسن...امين
