رواية عروس منحوسه الفصل التاسع بقلم جمانه السعيدي
امنيه....بديت ادور شغل مجاي الكه شي
يناسبني اكو أماكن مااكدر اشتغل بيها مشبوها
واكو أماكن تطلب مؤهلات خاصه يعني يردون لبس
معين وشغلات مااكدر عليها
بقيت اسبوعين ادور ماخليت مكان مارحت
من اطلع دره تبقى يم سوسن
الحد مانزل زوج سوسن مجاز هلمره من مستلم الراتب
كايل الجماعته اكو وحده فقيره وعدها طفله معوقه
الي يكدر يساهم بمبلغ حتى تكدر تعيش بكرامته
وما تنزل من نفسها
مجمع مبلغ ٣٠٠ الف من نزل مجاز منطي السوسن
رحت اجيب دره منهم
سوسن...هذا المبلغ مجمعينه اهل الغيره جماعت احمد
ودازينه اللج يكول بعد كلما نستلم الراتب اجمعلها مبلغ
من جماعتي الحد ما تمشي امورها
امنيه....ولله اني عاجزه عن الشكر اني ماعندي اهل انتم اهلي الله يرزقكم ويوسع عليكم الف شكر
اجازيكم بلخير انشاء الله
بعد يومين رحت اخلي دره يم سوسن حتى اروح ادور شغل
احمد...هله ام دره شلونج
امنيه...الحمد لله الله يحفظك
احمد...ولد صديقي فاتح محل ملابس نسائيه من بيتهم ومحتاج مساعده من ينزل مجاز هو راح يجيب بضاعه للمحل
ومن يلتحق انتي بمكانه
وزوجته هم راح تكون موجوده بلمكان انتي وياها وحده تساعد الثانيه زوجته ماتكدر وحدها لان عدها جهال
وشغل البيت هااا شكلتي
امنيه...اي ولله الف رحمه الوالديك
احمد....يله تعاي ترحين شوفين المكان
امنيه رحنا للمكان محل جديد طالع من بيت بي ملابس
معروضه للبيع وحجابات ومكياج
زوجته عدها اطفال اتلاثه وما تلحك وحدها تريد مساعده
بس مايكدرون يشغلون اي وحده وياهم يردون وحده ثقه
يسلموها العمل
بس اني احمد كللهم بكفالتي
جمانه السعيدي
الدوام من الساعه ١٠ الصبح للسبعه بليل
اكدر اخذ اجازه من ينزل زوجها لان هو يساعدها بلمحل
الصراحه هذا العمل يناسبني
لان المحل طالع من بيت وزوجته توكف وياي
اتفقنا الراتب ٣٠٠ بلشهر صح قليل بس اني وافقت
لان تعبت ادور شغل وماكو
بعد اسبوع واحد من الدوام وبعد ماشرحت وضعي الصاحبة المحل قبلت اجيب دره وياي المحل عملي
نكعد الصبح اغسسللها وابدلها انطيها علاجها
اخذلها وياي
فواكه وشوربه اطفال لان اني فطمتها
تبقى وياي منا لمن نرجع سوا
الضهر ام نور صاحبت المكان تحضر غده بلبيت ونتغدا سوا
جهالها يلعبون وياا دره ياخذوها يمهم جوا ويلعبون وياها
اشتريتلها عربانه اطفال حتى اخليها بيها
لان كبرانه ومااكدر اشيلها
كل يوم احمد ربي الف مره واشكره على هاي النعمه
كنت محتاجه احد يساعدني
رب العالمين دزلي سوسن وزوجها وصاحبت العمل واطفالها كلهم يساعدوني وحنن كلب اصدقاء احمد زوج سوسن عليه كل شهر يدزولي مبلغ يساعدني
رب العالمين مو دزلي واحد دزلي جيش يساندني
حتى اوكف على رجليه واكدر اعتمد على نفسي
جمانه السعيدي
المهم بعد شهر من طلعتي من بيت عماد
اتفاجئت بي يتصل عليه
بلبدايه مارديت اتصل اكثر من عشر مرات
دزلي رساله اريد اشوفج ضروري
امنيه...ماكو بيني وبينك شي حتى تشوفني
عماد....من فضلج بس هلمره اسمعيني
امنيه...اني مشغوله مااكدر اسمعك
ام نور..ليش ما تشوفين شيريد منج
امنيه....اريد اعيش مااريد ارجع ليوره كافي اتحملته هو امه
ام نور...اسمعي مراح تخسرين شي
امنيه رجعت بليل للبيت اني وبنتي مخليتها بلعربانه وادفع بيها
لكيت عماد منتضرني بلباب
متغير شكله كله متغير ضعفان ومربي لحيه وشوارب
هو على طول كان يحلق لحيته وشواربه
حتى يبين عمره ازغر وحده من عيونه بياضه صاير احمر
واكف وخال ادي بجيبوبه
من قربت علي طلع ادي وابتسم ابتسامه خفيفه
عماد...شلونج ام دره
امنيه....الحمد لله
عماد....ساكنه هنا
امنيه...اي بلطابق الثاني
عماد...ممكن نحجي سوا
امنيه...اعتقد ماكو كلام بينا كلشي بينا انتهى انت طلكتني ودزيت ورقتي
عماد...بس ماكدرت انساج
امنيه....اني هم ماكدرت انسى لمن ضربتني بدون ما تسمعني وانت تعرف كلش زين اني مستحيل امد ايدي على امك لو اغلط عليها
عماد...راح نبقى واكفين هنا ونحجي
امنيه...ما اكدر اسمحلك تدخل بيتي انت هسه ماتقربلي اي شي
عماد...زين نكعد باي مكان اني محتاج احجي وياج
امنيه...ليش تلح موجاي اكول احنا ماكو اي شي بينا
عماد...زين نكعد بمكان محايد اي مكان تختاري
امنيه...احجي هنا اني مااكدر اطلع الاي مكان
عماد... اريد نرجع اريد ارجعج على ذمتي بعد ايام العده ما خلصت
امنيه...اسفه مااكدر ارجع
عماد...بس خلي احجي اني مستعد اصرف على دره
بس نخليها بمكان اي مؤسسه تهتم بهيج حالات
واني ادفعلهم واني وياج نرجع سوا واي وقت تردين تشوفيها ماعندي مانع
امنيه...وهذا رائيك لو رئي امك
اكيد رائيك لان انت فقدت الخدامه الي جانت تلبي كل طلباتك خدامه بيتك تخدمك انت وامك
مو بس خدامه لا ملطشه الامك
امك الي جانت تعيرني بلاكل وللبس وتحاسبني على النفس الي اتنفسه
هاي الخدامه المطيعه فقدتوها
وهسه اجيت ادور عليها
عماد...اسمعيني اني احبج وماكدرت انساج طول هاي الفتره
امنيه...هااا تحبني اي هم صدك
لو تحبني تقبلني مثل مااني مو جاي تتشرط عليه
تعاي عوفي بتج بدار رعايه وتعاي بس انتي اخدمينا
لو تحبني اضحي علمودي
تاخذلي حقي من امك تغلط عليه وانت أكف تتفرج عليه
ترا انت فاهم الحب غلط الحب تضحيه اني جنت بيتك
شأيلتك انت امك على راسي ومضحيه بصحتي ووقتي
وانت اخر شي تضربني وتطردني بلشارع
جمانه السعيدي
زين اسئلني كول انتي ضربتي امي لو لا
مو كبل تجي تضربني وتسحلني وتشمرني بلشارع
اني اريد اختصر عليك الطريق اني الك بعد ماارجع
شوف وحده غيري تكدر تتحملك انت وامك
فهمت لو لا وبعد لا تتصل ولا تجي هنا لان اني ساكنه جديد بلمنطقه ومالريد اتصير عليه سمعه
فهمت لو لا
امنيه.... طلعت دره من العربانه شلته ودخلت العربانه جوه
قفلت الباب وصعدت البيتي وهو بقه واكف برا
دخلت اجتني رساله من سوسن
سوسن...عماد جان هنا اجا يريد عنوانج بقه يلح
واحمد انطا العنوان يكول جايها بشغله تفيدها
امنيه..اتصلت على سوسن
هلو سوسن
.سوسن...هلو حبيبتي شلونج دره شلونها
امنيه...عماد اجا يريد يرجعني
سوسن...اي
امنيه...جايني انخلي دره بدار رعايه واني اصرف عليها وانتي ارجع على ذمتي
ايريد يتخلص من بنتي لان حضرت امه ما يعجبه تشوفها بلبيت
سوسن.... ايجوز يحبج صدك
امنيه...اي حب هذا الي كله شروط
حتى وهو جاي يصالحني يريد يرضي امه على حسابي
اني هذا البيت مستحيل ارجع علي
لو اكدي بعد ماارجع الهذا البيت
اني اكلج هو متوقع اني بعد مااطلكت مراح اكدر اعيش اني وبنتي ومراح اكدر اشتريلها علاج
قرر ينتظرني ارجع علي اتوسل بيده هو وامه حتى ارجع اسكن وياهم ساعته يكعد يملي عليه شروطه
من شافني اتاخرت مارجعت علي
سئل عني وعرف اني اجرت بيت وجاي اشتغل
اجا احساس راح يفقدني ومستحيل ارجعله بعد
جاي يقدملي هيج عرض
على اساس اني مستحيل ارفض هيج عرض
لو يموت ماارجعله بعد
جنت ابيته امه تهين بيه وبعمره مادافع عني لا اخذلي حقي منها رغم هو يعرف كلش زين هي ضالمه وماكو بكلبها اي رحمه
سوسن....حبيبتي شوفي شنو الي يريحج وسوي
انتي بعد لكيتي نفسج لا اضيعيها مره ثانيه عيشي
الحياة الي راحت منج
امنيه...بس انتي تفتهمين عليه احبج
سوسن...واني اموت عليج انتبهي النفسج
جمانه السعيدي
امنيه....رجع عماد دزلي رساله بليل
عماد....فكري زين بنتج مريضه ومراح اطول بهاي الدنيا
ليش اضيعين منج هيج فرصه
ارجعي واني اضمنلج امي بعد مااتاذيج ومالها شغل بيج
ارجعي واني اعوضج
امنيه....منو يكول عمرك اطول من عمر بنتي
خليك انت وامك اشبعو واحد بلثاني واني انساني
لو تبقى اخر رجال بلدنيا ماارجعلك
انسان ماعندك شخصيه
جمانه السعيدي
بس كملت كتابه حضرته حضرت رقمه
كل يوم نكعد اني وهاي الملاك دره نصبح على بعض
من تشوفني تفرح
نغسل ونبدل ونتريك ونطلع للشغل اخليها بلعربانه
ونطلع للشغل
من اوصل اخليها يمي ابدي انضف المكان وارتبه
ارتب البضاعه
شويه وتجي ام نور جايبه ذاك الجاي الطيب
نكعد نسولف من يكعدون الجهال ياخذون دره يمهم هي وعربانتها يلعبون وياها
احسها حليانه وصاير عدها استيعاب لان الجهال يلعبون يمها ولان نطلع اني وياها كل يوم
نرجع المغرب للبيت نتعشى ونغسل ملابسنا ونام
ارتاحيت احس ماعندي اي ضغوطات مثل قبل
شكد جنت خادمه امي بس ماكانت راضيه عليه
وشكد خدمة عماد وامه وماجانت ام عماد راضيه عليه
هسه ارتاحيت احس نفسي نولدت من جديد
رب العالمين فتحلي باب حتى اعيش حالي حال باقي الناس
رجع عماد دز عليه ناس يريدني ارجع طبعا وين يلكه وحده مثلي جنت شايلته شيل هو وامه
والبيت واطبخ عاقله وراضيه وصبوره
هلمره صار هو مطلك ٣ مرات وجبير ومايصير عنده اطفال
منو بعد راح تقبل بي
لذالك يحاول يرجعني
بس اني بعد ماارجعله ابد خلاص اني لكيت نفسي
ومراح اضيعها مره ثانيه
صار خمس سنوآت من مات مصطفى عمر دره اربع سنوات
واني حالتي النفسيه والماديه ممتازه
عايشه احسن عيشه
بيوم رن عليه احمد زوج سوسن
احمد...الو ام دره شلونج
امنيه...هله كل الهله انت شلونك
احمد....الحمد لله اكلج هذا واحد يكول صار فتره ادور على امنيه الها عندي امانه
اريد اسلمها الها
امنيه...امانه شنو هاي الامانه
احمد...مايقبل يكول يريد يشوفج ويحجي وياج
امنيه...انت تعرفه
احمد...لا مااعرفه
امنيه...خلاص باجر الصبح قبل لا اطلع للشغل اجي بيتكم
واشوفه منو وشيرين مني
احمد...تمام
امنيه...اليل كله ماكدرت انام بس افكر منو هذا
وشنو الامانه
اني مااعرف احد ياترى منو
بقيت بقلق كوه نمت
الصبح الساعه بثمانيه كعدت كعدت دره غسلنا وتريكنا بسرعه اتصلت على احمد
كال الموعد الساعه تسعه ونص الصبح بيتنا
امنيه ...تمام اني راح انزل اجي عليكم
احمد. اهلا وسهلا
القادم الاخيرمنو برائيكم هذا الشخص وشنو الامانه
شكرا لزيارتكم عالم روايات سكيرهوم
