رواية أحزان قمر الفصل الثامن بقلم جمانه السعيدي
استمر يجي يوصلني لمدت اسبوع ويسمعني كلام حلو ومرات نكت جنت جدا سعيده بوجوده بحياتي خله الحياتي معنى ثاني كمت احب اكعد من الصبح واحب تفاصيل يومي علموده
كعدت من الصبح وبدلت وطلعت لكيت ابو علي جاي ياخذني
كلش ضجت ما ادري ليش ردت اسئله على علي بس استحيت كلش
خلصت الدوام واني ضايجه وماليه خلك لاي شي
طلعت من الدوام امشي مدنكه وصعدت بلسياره جان اسمع
...السلام عليكم عبالج تخلصين مني
رفعت راسي وضحكتي فضحتني وعليكم السلام
فضحني عيوني وهنه يكولن يمعود وين جنت
علي...الصراحه اليوم ماقبلو ينطوني اجازه زمنيه وماكدرت اجي الصبح بس هسه سويت روحي مريض وفلتت كوه
تعلمت اشوف هاي الضحكه الحلوه
...ضحكت ماكدرت اسيطر على ضخكتي والفرحه مبينه بعيوني
...اريد احجي وياج بموضوع بعد ما اكدر اصبر اكثر ولاتكولين مستعجل
...تفضل طبعا يسوق وعيونه عليه بلمرايه وبدا يحجي
...اني بلبدايه الفضول دفعني حتى اشوفج من كد مايحجي بيج الوالد يكولون الاذن تعشق قبل العين
حبيت اشوف هاي الانسانه الي عجبت ابوي ويحمد باخلاقها وجمالها
الصراحه لكيتج احلى بهواي من الوصف
اني ما اريد منج شي غير تنطيني فرصه اتعرف عليج وتتعرفين عليه
اذا صار بيناتنه اتفاق انشاء الله اني اريد اتقدملج
واذا اني ماعجبتج عادي انسحب من حياتج واوعدج بعد ماتشوفيني ابد
جمانه السعيدي
سكتت لان جنت كلش فرحانه بكلامه واحسه صادق
واني اول مره احس بلحب
اول مره احس هيج احساس
يويلي على الحب شكد حلوه كلمه وحده من الانسان الي تحبه تعدل مزاجك وتخليك سعيد
واذا ماشفته يكون نهارك ممل وحزين
علي...شو سكتي ليش ماتردين عليه اذا مامقنعه كولي عادي اتقبل الموضوع
...لا مو مامقنعه بس اريد وكت افكر
...من حقج اخذي راحتج وفكري اني مامستعجل
ممكن تنطيني تليفونج اسجل رقمي
اذا اقتنعتي حاجيني اني انتضرج
فتحت الجنطه وانطيته تليفوني سجل رقمه ورجعه اليه
وصلني للبيت وراح
ثاني يوم ما اجه ثالث يوم ماكو رابع يوم كوه مصبره نفسي
خامس يوم راح انفجر
معقوله هو هذا الحب ليش اني هلكد خايفه ومتردده
شلون ما اتردد واني مرت عليه مصايب اشكال
شفت المصايب كلها واني هسه يله عمري ٢٥
البنات الي بعمري توه تفكر تزوج بس شكول غير
الحمد لله على كل حال
بعد اليوم السادس كوه داومت ودي ما اروح للدوام
بليل جبت التليفون اريد اخابره
ترددت الف مره قبل لا اتصل بس بعد مابقه عندي صبر
جمانه السعيدي
رن التليفون مرتين
...الووووو تفضلو
....علي شلونك
...يابعد علي وكلبه كاعد على نار ياضالمه ست ايام واني ماكابل التليفون لمن قربت اصير احول من وراج
...هههعععع
...اضحكي انتي شهامج اني الراح يصير عندي ضغط من وراج شني هل ثكل يمعوده
بعد شويه ويصير بيه شي
طبعا جنت مقرر باجر اجيج الصبح اشوفج
صدكي بالله تعودت عليج
....اني هم تعودت عليك
...يالله واخير سمعت كلمه حلوه منج
...اني مقدر ترددج من موضوعنا لان انتي الشي الي مريتي بي مو شويه يخلي اي وحده بمكانج تتردد الف مره
بس ولله اني حبيتج وراح اخليج بعيوني بس انطيني مجال اثبتلج حبي
.....انشاء الله
...هسه ماعلينا ماتردين سايق يوصلج للدوام بس حتى يشوف هاي الضحكه الحلوه
...خاف يطردوك من الشغل وبعدين تكول انتي السبب
....واذا طردوني اهم شي عندي بلدنيا انتي
وفعلا جان ابو علي يوصلني الصبح وهو يجي يرجعني نهاية الدوام
وبليل نبقه نحجي اني ويا حجيت كل الضروف الي مريت بيها وكل الضلم الي تعرضت اله
وهو حجالي كل تفاصيل حياته
الحد ما اتفقنا يجي يتقدملي
وفعلا اجه ابو فاتح بابا بموضوعنا
بابا اخذ فتره يفكر وسئل عليهم وسئلني مليون مره مقنعه
ما اريد اضلمج مره ثانيه
رجعنالهم خبر بلموافقه
وحددنا موعد نكطع بي مهر
رحت للصالون واجرت بدله طلعت غير شكل
عقدلنا الشيخ ودخل يلبسني الذهب جانت الفرحه حيل امبينه علي كلها تكول عبالك اول مره يزوج
جمانه السعيدي
...شاورني ولج هاي شطالعه خرب يومج يصير اخذج وانهزم بيج لو ابوج يشتكي عليه
حتلو اشتكه هذا العقد بجيبي ماله يمي شي مرتي واريد اخذها
بشرفي اذا انهزم بيج هسه فلا ارجعج الهم ابد
ضل حاضني ويبوس بيه واني خجلانه كلش
اهله راحو وهو مايقبل يروح لازك بيه
مثل الي ما مصدك صرنا البعض
موبس هو فرحان اني هم فرحانه احس هلمره اختاريت صح
كدر علي يطلعني من الحاله الي جنت بيه
ويعلمني الحياة ماتنهتي يم احد
مادام الحب موجود الحياة مستمره
