رواية بنات نعمة الجزء الثاني (الدرويش) الفصل الثامن
اسمعي يابلد ( من هنا ورايح قانون الدرويش هو الحاكم
الناهي ، ال معانا سلم شرنا ، وال مش معانا ياويله مننا
معاكم 10 دقايق مشوفش محل في الشارع فاتح وال بيفكر
يخالف الأمر يوريني نفسه هاااااااااا حد عنده إعتراض ،
اسمعوا يارجالة بعد 10 دقايق المحل ال تشوفوه مفتوح
ولعو فيه وصاحبه يتعلق قدامه )
هدي كانت قاعدة في محلها وحد من صبيان المحل جه
يجري عليها ويبلغها ،ردت عليه وقالتله غور ياض شوف
شغلك ، والغريب إنها قعدت على مكتبها بكل ثقة وكأن نار
جهنم ال قايدة حواليها لا تعنيها في شيئ
أما الدرويش فكان ماشي في الشارع بيتفاخر بخوف الناس
وكأن صوت أبواب المحلات وهي تغلق بخوف لحن موسيقي
يطرب أذنيه ، ظل على هذا الحال حتي وصل أمام محل نعمة
نظر إليه بغضب ثم توجه للدخول إذا به يرى هدي جالسة
مبتسمة بكل ثقة ، نظر اليها الدرويش وتبسم ثم تعالت
الأبتسامة ال ضحكة غليظة ليخبط بكفيه على المكتب
وينظر لهدى نظرة شيطانية تحمل جحيم بداخلها
نظرت هدى ليديه بعد ما رزعها على المكتب وقامت وقفت
وكان رد فعلها
هدى .. وحييييييي هههههه
الدرويش .. ه هه ههههههههه لا حلوة ياااا ياحلوة😡
هدي .. هه تصدق خفت من بصتك ههههههه تصدق انك
بتضحكني
الدرويش .. اصبري بقى لما تشوفي الفعل هيموتك من
الضحك هه ولعولها في المحل
هدي .. بص بعينك في الشارع كده ، شايف الرجالة ال موجهة
سلاحها علينا دي ، اهم دول بقا مستنين إشارة من صوباعي
بعدها رصاصهم هيعملك شبكة صيد
الدرويش بص وراها لقي كمية رجالة بسلاح واقفة وفعلا
ناصبين سلاحهم عليه هو ورجالته ، بص لهدى والشرار بيطق
من عينه
هدى .. ها مش ناوي تكون قد كلمتك وتولع في المحل هه
الدرويش .. حسابك معايا عسير، وافتكري إنك دخلتي عش
الدبابير برجليكي
هدي .. مش قولتلك إنك بتضحكني هههههههه يلا ياشاطر من
هنا قبل ما الشيطان يلعب في مخي وااااااا هههههههههههه
الدرويش .. ماشي يابنت نعمة 😡
________________
شوية ورياض وصل على المحل
رياض .. خير في ايه ، العيال كلموني في التلفون وقالولي إن
الدرويش كان هنا
هدى .. اهدا كده وخد نفسك ومتقلقش انا بميت راجل برضو
رياض .. عملتي ايه معاه !
هدي .. مفيش ،طلعته قفاه يقمر عيش
رياض .. هههههه بقيت بتطمن على المحل وانتي فيه
______
صابر .. هروح الوكالة وال يحصل يحصل
نظيمة .. لا ياأخوي أعقل وإهدا مرسي مش ماشي بدماغه
مرسي بيتصرف بكيف الدرويش
عثمان .. هدي كان عندها حق ياعمتي
صابر .. فعلا ال قالت عليه هدى بيحصل الدرويش طايح في
البلد زي الكلب السعران وناره هتاكل الكل
ابراهيم .. من قدم الأزل وانتم بتعاندو بعض وبتعادو بعض
والأخ بيستحل دم أخوه قبل ماله
توحيد .. اخرس ياواد ايه الكلام الماسخ ده !!
ابراهيم .. معادش ينفع السكات ولولا اني عاجز على كرسي
بعجل كان زماني بقا ليا وقفة تاني
كوثر .. اهدا ياابراهيم يابني مش كده برضو
ابراهيم .. انا مش طايق اقعد في البيت ده ودوني عند هدي
كوثر .. عايز تسيبنا ياابراهيم 😥
ابراهيم .. هتودوني ولا اكلم هدي اخليها تيجي تاخدني ؟!
عثمان .. انا هوديك بس اهدا ياخوي
__________
عند الكبير
الكبير .. في ايه يامغاوري !!؟
مغاوري .. الواد ال اسمه فؤاد عمال يزعق ويقول عايز اخرج
من هنا صدع ابونا ياكبير
الكبير .. في ايه ياد انت عامل دوشة ليه؟!
فؤاد .. انت عايز مني ايه ! حابسني ليه !؟
الكبير .. هههه حابسك عشان عليك دين كبير وجه وقت
السداد ولا نسيت
فؤاد .. سيبني أخرج أرجوك وال أنت عايزه هنفذو بالحرف
الكبير .. عارف ياد ياأهبل إني عامل فيك جميلة عمرك ما
هتنساها داااا لو اتبقى عندك عمر ههه البت بت نعمة قالبة
الدنيا عليك وبمجرد خروجك من هنا هتبقا تحت سكينة
هدي وما ادراك ما هدي اقل واجب هتعمله معاك هتولع فيك
وتعمل على جتتك شاي 😅😅😅😅😅
_________
ريهام .. ازيك النهاردة ياناصر
ناصر .. الحمدلله
ربهام .. تعالى يلا نفطر مع هدي وتغريد
هدي .. ازيك ياناصر
ناصر .. بخير ياهدي
تغريد .. دي ريهام ياعم واقفة في المطبخ من الفجر بتحضر
في الفطار وكأنه لحد مهم اوي 😅
ريهام .. شفتي تغريد وال بتقوله ياهدي
هدي .. اتلمي يابت ياتغريد
تغريد .. بالله عليكي ياعني ياهدي لو عليا انا وانتي ريهام
هتقوملنا من الفجر تعمل الفطار 😅
هدي .. بصراحة لأ حتى لو كان واصفهولنا الدكتور ☺️
ريهام .. حتي انتي ياهدى😡
تغريد .. 😅😅😅😅😅😅😅
ريهام .. ايه ! ناصر بيبتسم ! مش معقول 😅😅
هدي .. إشمعنا هو ميضحكش على هبلك 😅
ريهام .. ياجماعة انا عارفة إني كسولة بس مش لازم
تفضحوني مرة واحدة كده 😅
هدي .. خلينا بقا في المهم
ريهام .. خير ياست هدي
هدي .. تغريد ترجع بيت جوزها النهاردة
تغريد .. ليه ما أمك عملت البيت الكبير ده وقالت اننا انا
ورياض لازم نسكن معاها
هدي .. طب وجوزك مش بيجي يبات معاكي ليه !؟
تغريد .. هو بس مش فاضي وبيستقرب البيت القديم
هدي ..المهم شوفولكم حل يايجي هنا ياتروحي هناك
الباب خبط
هدي .. قومي افتحي ياريهام
ريهام .. اهلاااااا ده عثمان وابراهيم😍😍😍
فعلا دخل عثمان وابراهيم وسط ترحيب جميل من اخواتهم
وابراهيم قالهم انه مش طايق يعيش في بيت المغازي وإنه
هيعيش مع معاهم
_____________
في وكالة مرسي
الدرويش .. اااااااااه منك ياهدي ياويلك مني
مرسي .. لااااا طول بالك امال هههه الناس دول حبالهم
طويلة ومش بيموتو بسهولة اسألني أنا هه ياابني أنا عملت
كل حاجة في الدنيا عشان اموت الوليه دي وبرضو مامتتش
بالعكس أنا ال هموت مجلوط بسببها
الدرويش .. لااااا نعمة حاجة والحية ال اسمها هدى دي
حاجة تانية اقل ما فيها نعمة كانت بتاخد على دماغها
وبتسكت أما دي مش هتسكت ولازم ناخد بالنا كويس
_________
تليفون هدي رن
هدي .. الو مين معايا
الدكتور .. انا ياهدي اسمعيني وركزي معايا
هدي .. الدكتور !!! في ايه !!؟
الدكتور .. تجيني بسرعة على المزرعة ال بره البلد
هدى .. ليه !!!!!!!!
الدكتور .. عرفته ياهدى عرفته وشايفه قدامي بأمتار
هدى .. ايه ال عرفته ؟!!
الدكتور .. ( الكبير ياهدى )
