رواية عشك فلاح الفصل الثامن 8 بقلم ورود الخالدي

جنة::

جانت مرت حسين تخبز..اني يمها صفطت الخبز خلصت كالت:

بعد اختج..لمي ..باقي الخبزات فوتيهن للمطبخ اروح ارضع كرير..كطعة الجوع هسه..

اي عيني روحي..اني المة للخبز..

هي راحت اشو دا اجمع بالخبز اخلي بالصينه سمعت صوت علي قريب:

ها..جنة...بنفسج..تبوسين حلكي؟؟

اني رأسا كمت:

شنو شكلت؟؟

مو انه الكلت انتي الكلتي كبل شوي..انه لو بمكان.... علي..ابوسه بحلكة؟؟

شنو هاي علي انت واكف تتنصنط علينه..

ﻻ..يابوي جنت مارك وسمعتج شني ماعندي شغل وعمل اتصنت عليجن..

اي بس اني جنت احجي ع عمه ام علي..مو ع نفسي؟؟

كلتي لو انه بمكانها..يالله ماكو فرق..اذا بنفسج..بوسه..تره انه يمج..واكيف..الله شاهد؟

يااااشنو تكيف علي..شهالحجي؟

شني قابل اجذب..اكيف احصلي بوسه..

يااااا..

شبيج مستحيه مني..مابيها شي..بوسي وانتي مغمضة

اني عاد شلت الصينيه وكمت..هذا شبي يمكن عقله لطش..

بعدني بس كمت كال:

على كولة اهل بغداد دانشي عقلج..وشوكت ماتردين البوسه انه حاظر..!!!!!!

ادانش عقلي شنو..والله يا الله..وهسه انت شلونك حتى ادانش عقلي ع مودك..؟؟

ضحك..

هههههه مابيها شي..فكري..                          

عفته وركضت ..وكتلة:             

صخونه..اي...والله صخونه تلفك..

 ودخلت جوة..افكر شبي علي شارب شي..شو يضحك..ويحجي شيش بيش..

صار العصر..احس راسي راح ينفجر..عندي صداع كولش قوي..وبردانه امي شافتني لمستني:

تكولي يوم جنه شو وجهج احمر.يااااا..شو مصخنة صايرة نار؟

ما.ادري راسي حيل يوجعني..واحس نفسي بردانه ..

عمه ام علي..كاعدة سمعتنا كالت:              

عمه خاف صاربيج تيفو..اذا راسج ثكيل يعني تيفو لبسي واخذج للعلوية تجويج؟

ﻻ..ﻻ عمة شنو العلويه تجويني مبيه شي بس صداع انام شويه واصير زينة..

ماما كالت:

تعالي نامي بغرفة علي ع الجرباية خلي اغطيج تعركين..وتفكج الصخونه:

ﻻ ماما اصعد فوك..عيب اخاف يجي..هو ينام بغرفته بالليل..

عمتي كالت:

ﻻعمة فوتي نامي ادثري بغرفة علي اذا اجه عود ينام بالديوانيه هو ومحمد الليلة..

نمت بغرفة علي بس شنو..الصداع زاد منقص..وميته برد..ارجف..متعشيت..والصبح هم كعدتني ماما جابتلي..ريوك..طلعت برة خسلت..ودخلت.جوة..بس بعدني ميته برد وراسي يوجعني..باوعت ع الريوك مشتهيت..ماما بقت تحجي:                

يوم البارحة بدون عشه وهسه متريكتي موزين عليج !!

اخذت الصيينه رادت تطلع ﻻكاها علي وجه بوجه..هو كلها:

شني عمة جنة مريضة؟؟...

اي والله مصخنة من البارحة..ﻻتعشت وهسه هم بقت.... بدون ريوك..اروح اسويلها شوربه بلكي تشتهي تاكل.. طلعت ماما هو..فات للغرفة ادنه يمي..جان يكول:

هاااا..تمرضتي..شفتي انه شلون بخيت واشور..هسه انتي مجبورة تدعين عليه ماتدرين ثلثين الدواعي على الداعي..شوفي الضخونه صارت بيج مو بيه..

كعدت عدل انتجيت ع المخدة..كتلة:

اي..تشمت..بيه تشمت..مي بارد ونزل على كلبك؟

اشو هذا كعد على طرف الجرباية حيل قريب..مني..وحجة بصوت ناصي:

هسه شني فكرتي..دانشتي عقلج؟؟

ع شنو؟؟

ع البوسه غير؟؟

انت من كل عقلك تحجي ..من كل عقلك اني ابوسك!!

اشو هذا فاجأني..مد ايده بسرعة..لركبتي دنه وجهي..يمه وكال..بصوت ناصي:

اذا انتي ما تردين..تبوسيني انه ابوسج..

وحسيته صدوك حيبوسني.!

يااا..علي..علي...ع

ومكملت رأسا عصر شفايفي بحلكة..اول مره حيل باسني مدري شلون حسيت شفتي ..حتنشلع..بعدين ..وخر..شويه باوع بعيوني اني مدري شبيه ارتبكت كلبي يدوك..يدوك..حيل..حيل يدوك..والرجيف اخذني بس هو معافني ابتسم ورجع يبوس بشفتي الفوك..وبعدين شفته غمض عيونه وجر شفتي الجوة وع كيفه ادنه وعافني وكام..اني احس..لساني انشل ما اكدر احجي..ارجف..ومتفاجئة مدا افهم شنو الي ديصير..شفتة وصل للباب التفت ابتسملي وكال:

العصر..اخذج للطبيب..  

وطلع من يمي...عزة..عزة...شنو جنت احلم لو الي صار من صدوك..هذا شلون تجرأ هيج يجي..يمي ويبوسني..ﻻ ويبوس بيه ورايح مندمج مغمض عيونه عبالك احنا..مدري وين شنو هالتصرف شنو هالجرأة زين مفكر..مخاف ماما تدخل وتشوفه ديبوس بيه اشو هادئ..ومترهي..عبالك الدنيا كولها اله والموضوع عادي...وليش هيج سوه..واني شبيه مدفعته وﻻعيطت...

لساني انشل مكدرت احجي بس ارجف بين اديه..شنو شو هذا بكيفة عبالك البوسه مالتي عادية..ماما دخلت شافتني..صافنه..كالت:

هااايوم..مفكتج الصخونة؟                     

هااااا...ﻻ..ﻻ..يوم صخنت بالزايد

الرجفه بعدها بجسمي..جتي يمي غطتني مكدرت انام..بس افكر بالي صارشنو يعني يجي براحته يبوسني واسكتله..بقيت بالغرفة..اسمعهم..يسولفون وهمه يتغدون ﻻن باب ممسدود مفتوح ع النص خالي كال:

بويه علي كبل الخمسه روح للبكشة حوشلك قفص عنب لحجي مطلك اليوم ﻻكاني وطلبة بلسانه

اي بويه صار..                     

مكدرت ابقى..ساكتة رغم مريضة ومصخنة كلت اله اروح احجي وياه وارزله ع التصرف السخيف الي سوا..الصبح ويايةصارت الساعة باﻻربعة وربع..كمت ماماشافتني اريد اطلع من الغرفة كالت:           

وين رايحة يوم؟

هاااا..راح اطلع شويه اختنكت بالغرفة..امشي رجليه من البارحة نايمة..

اي بس مو تمشين بالشمس..

ماشي..

طلعت من البيت.هذا المكان البيه العنب مو بعيد قريب..عن البيت ..دخلت جوة العنب ادور عليه..بعدين شفته يخلي عنب بالفقص..رحت يمه..شافني رأسا اجه يمي:

ها..جنة ليش طلعتي وانتي مريضة ومصخنه..هسه..ابدل واخذج للطبيب!

مد ايده ع كصتي نفضت ايده..

لتخلي ايدك عليه فهمت..ومعليك بيه اني مو مريضة وﻻ اريد تاخذني للطبيب..اصﻻ تصرفك الصبح هو الي مرضنني بالزايد 

هااااايعني انه المرضتج..مايخالف..هم نروح..للطبيب ومن نفوت..يمه عود..كليله...!

شأكوله..؟؟

اشو هذا كام يغني ويطوك اصبعتين....

كليله:

دكتور هذا المرضاني

انطيته كل عمري..ونساني

دكتور..ماكو مرض..بيه

من عنده هذا الصار..بيه

وشل دمع عيني وعماني

عود اني جاية ارزله انوب ضليت صافنه عليه صوته كولش حلو..وشلون يطوك باصابعة ومبتسم بوجهي..شكد حلو..شكله..بعدين خلصت اﻻغنيه انتبهت:

كتلة:

اكولك اني شنو جايه حتى تغنيلي واطوك اصبعتين وتسوي حفلة؟؟

هههههه..تكول تسوي حفلة..كولي انه اسمع ليش اجيتي..شتردين..تكولين جاية وانتي مصخنة وترجفين وصايرة خدودج طماطة من الصخونة..

انت..انت..شلون.شلون تبوسني هالشكل..شنو يعني.... عادي تجي تبوسني وتروح..مو انت الي تحجي بالمثاليات وتكول اني محد توكعني بالغلط..يعني شتشوف هذا الي سويته موغلط..

هم رجع ابتسم..طبعا هو مﻻمحة تصير دافيه وحلوة من يبتسم وسمعته يكول:

اي ادري..تصرفي غلط..بس هذا الغلط الي غاية..وقصد بي..

رأسا..تذكرت كﻻمة الي كالة قبل..عيوني حركني..دمعت..بسرعة وكتلة:

الك غايه وقصد..بيه...ها..بعدك..علي بعدك متغيرت..نفسها ذيج افكارك..

خنكتني العبرة..بس كملت كﻻمي:

بعدك معتقد اني بنيه موزينه وذابة نفسي عليك..مو..

اختكنت اكثر بعد ما اشوف وجهه زين من دموعي..بس شفته يدنه يمي..اني رجعت ليورة كم خطوة واني امشي حسيت شي جكني حيل بين اصابع رجلي بس مو جكة عبالك سجينه فاتت..برجلي رأسا.... صرخت..

اوي...اوي..رجلي..

وكعدت بالكاع اريد اشوف شنو دخل برجلي

بس هو بسرعة كعد يمي..واخذ..جف رجلي بيده..وكال :

شبيج جنة..

ورجع يباوع..وكال:

اهوووسﻻيه هاي..ﻻتتحركين راح اطلعها

بس حيل توجعني رجلي هو ﻻزمها بأيدة..بقوة متت حيل توجعت..

ﻻ..ﻻفدوة عوفها..اني..اني اطلعها:

ولج اوكفي اثبتي هسه بساع..اطلعها..

هو..طلعها بس وجعتني اكثر من طلعت..اني جنت ابجي كمت ابجي بالزايد

ردت اكوم بس مهد رجلي بقة ﻻزمها حيل..شفته طلع جكارة ورثها بالجداحة..وكال:

بس دقيقة ﻻتتحركين..

شنو شدتسوي بالجكارة...

اطيني صبر..شببج ملكوفة..

جان يخلي الجكارة عليها اني صرخت..بس مو بصوت عالي..ﻻن وجعتني الجوية هم..

عوفها علي تره حيل وجعتني..

هاهيه شبيج خوافة..من جويتها انتهت بعد ماتورم..

بقة يباوع بوجهي حيل خجلت من نظراته وﻻزم رجلي بيده بقوةمهدها ..عزة...عزة..هذا شبي ليش هيج يباوعلي...كتله:

علي هدها الرجلي خلي اكوم..

واذا ماهديتها شراح يصير..

شكد عيب خفت منه كلت ﻻزم ارزله:

انت شكد..متستحي..هسه عرفت انت شنو انت واحد فاسد..وادب..سزز                                  

هد رجلي رفع..ايده كلت راح يضربني بس نزلها بسرعة:

وكال:

حتى ايدي ماتاخذ عليج خره بساعة السودة..بس انه مو فاسد وﻻ ادبسزز..مثل ماتكولين..انه..خوش..زلمة....... معدل..وابن اودام..فﻻح..وابن فﻻح..واعرف الصح من الغلط..واعرف..الشرف مثل عود الشخاط..مايشتعل بس مرة وحدة...شلون تكولين عليه فاسد ..لو اريد شي من الي..ابالج..ترة ما اتعب..بحجايتين اجيبج للدرب..واخذ..اﻻريدة...وﻻ مفكر انتي موزينه..ومو خوش بت وونيتي العب عليج..انه..مو ناقص غيرة وشرف..كتلج الي سويته الصبح عندي غاية وقصد منه..بعدين تعرفي..

بعدين اعرفة شنو علي انت تعرف شسويت بيه..الصبح ترة اني ما ارجف بس من الصخونه انت حيل خوفتني لهسه الخوفة والرجفة بكلبي..من الصبح لحد..اﻻن...لتكولي بعدين تعرفين هسه تكولي شنو غايتك..وشنو قصدك..

اسمعيني...وافهمي زين..جدي..كالي..شوف يعلي النسوان اشكال والوان..بيهن الزينه وبيهن المو خوش..والبت..الماتخاف..وماترجف..من لزمة الزلمة اغسل..ايدك منها..ﻻن هاي ماشية بكل الدروب..وانتي يجنة..هسه كلتي بلسانج..من الصبح....

كلبج..يرجف..من لزمتي..يعني...انام رغد..ﻻن سدي امين؟؟

سدك...امين شنو ..ليش انت شعليك..بيه وليش هيج امخليني ابالك..وتريد تتأكد من اخﻻقي بنفسك..شعندي وياك وشعندك..ويايه..

انتي ماعندج شي..وياية..ادري كلش زين..

اذا تعرف معندي شي وياك..لعد شنو هالتصرفات ليش مهتم بهالشغﻻت..السخيفة..الي متخصك بشي..

دنك..شويه ورفع راسه

مني كلج ماتخصني..بشي ﻻتخصني وتهمني اكثر من كلشي بهالدنيه

يعني شنو مفهمت..

بعدين...بعدين تفتهمين كلشي جنة

ضجت..كتله:

ما اعرف انت شبيك ويايه بس هالموضوع مينسكت عليه واني راح اكول لماما..ولخالو..وهمة يتصرفون وياك..

عفته ومشيت..جان يكولي:

ههههه..تخوفيني..بماما..وبخالو..روحي..روحي كليلهم..والله..تسهلين عليه امر اذا كتليهم..ياريت يوصلهم الحجي..

رجعت للبيت امشي ع السريع يا الله هذا شعنده ويايه يحجي كوله بالالغاز..يكول تخصيني وتهميني وتفهمين بعدين..شنو..قصدة..والله حيرني..حتى من كتله..اكول لماما وخالو يضحك..ممهتم يكولي ياريت تكوليلهم..بس شلون قابل اكول لماما لو لخالو..علي باسني..ﻻ..ﻻ ...اموت وﻻ اكولهم استحي..شلون اكولهم..اسكت احسلي..واذا شفته يتجاوز حدودة اعرف شلون اوكفه عد حدة..