رواية عشك فلاح الفصل التاسع 9 بقلم ورود الخالدي

علي:::

مشت من يمي..بساع خطية تعرج من رجلها..هههه..تهددني بابوي وبعمتي..اووف..ياريت..تروح تكلهم ساعتها..اطكها الحجاية البكلبي بوجوهم واكلهم احبهه..ورايدهه حﻻلي..بس هاي ماتسويهة ادري بيها ..تستحي بس تتهدد..بالحجي..بعد رويحتي شلون اجتني كلبها يركض ماراضية ابوسها..عمت عين روحي مصخنه وخدودها..طماطة..تكلي كلبي يرجف من الصبح..شسوي بعد ما اكدر اكض روحي منها..ع اﻻقل اخذلي بوسه تبرد كلبي راح اتسودن من عشكها..الليل كله احلم بيها وبالنهار..صفنه تاخذني وصفنه تردني ..بعد ماضل صبر عندي..ﻻزم اكلها خوما اضل هيج احترك وحدي بسكته..اخذت الفقص ورديت للحوش فتت لغرفتي الباب..ﻻن الباب مفتوح وامي وعمتي كاعدات بالكاع وجنه نايمة ع.. جربايتي ومدثرة..كلت لعمتي:

عمه بدلن خلني اخذ جنة للطبيب

هي وخرت البطانيه كالت:

هاااﻻمبية شي باجر الصبح اصير زينة 

عمتي كالت:

مابيج شي شنو من امس واليوم صايرة نار..وﻻ اكل وﻻشرب كومي يوم بدلي خلي..علي ياخذنه للطبيب

ماما..مبية شي..صخونه وتروح الصبح

امي كالت:

يمة جنه..ليش تشلعين كلب امج كومي للطبيب..هلبت يطيج..دوة زين.

هي كامت بس ادري كوة عليها تروح وياي..ﻻن..ضال بخاطرها..مايخالف..خليها..تدلل...اخذتها للطبيب..كتبلها دوة..وطلعنا عمتي كالت:

عمه علي اريد..امشي للسوك البصف شارع الدكاترة ما ابطي بس اخذلي جم متر قماش 

اي..عمه هسه افتر من ذاك الشارع منا ازدحام..

ﻻعمة..ضل هنا تانيني..الشارع مو بعيد وجنة مالها.... خلك حتى تنزل..ابقو هنا انتظروني ربع ساعة ما اتعطل..

شني..عمة بعدج تندلين السوك...صار سنين ماجايه؟

يااااشبيه ما اندل بعد عمتك اكو واحد مايندل وﻻيه اهلة..ياما..وياما جدك جابني لهذا السوك؟

بكيفج خاله ..بس اذا بطيتي..افتر للسوك مناك اﻻكيج..

ﻻ انشالله ما ابطي..

نزلت عمتي وضلينا..وحدنا..هي دايرة وجهها تباوع ع الناس..ردت احجيها:

ماراضية اخذج للطبيب كوة اجيتي..وياي..

ماجاوبت ضلت دايرة وجهها جنها ماتسمعني...كلت هين ..ماتحاجيني بس اعرف شلون احجيها:

شني جنة شو محد اجاني ﻻامج وﻻابوي ﻻواحد عاتبني وﻻسمعت شي شو سكته..موكلتي اروح..اكل لماما..ولخالو..وتتهددين..لو بس شاطرة بالحجي؟؟

التفتت عليه بساع:

شنو قابل..شكولهم يعني..اكولهم علي باسني!!!!!

هالله..هالله..شو عيديها هاي مال علي..باسني!!

هي سكتت بقت تباوع بعيوني..انه هم فهيت...وكتلها:

الله يساعدة كلبك..يعلي..ع هالضيم..والصبر..

هي..غمضت وجرت حسرة وكالت:

علي رجاءا..كولي مباشرة شعندك ويايه..وشنو هالتصرفات ترة اني مدا افهمك..احاول افهمك بس صدكني مدا اكدر..انت شبيك..هاﻻيام شعندك وياية:

بعد ما اتحمل كلت خلني اكلها..البكلبي واليصير يصير..فكتلها:

جنة..انه..انه..

وكبل ما اكمل حجايتي شفت عمتي ردت للسيارة فتحت الباب..

هاااعمه شو رديتي؟

ياعمة شو الشوارع متغيرة..خفت اتيه خليت ورجعت..

راح افتر من ذاك..الشارع ونزلي اشتري التردينه

بعد عمتك..تعبتك..؟؟

شالسافة تعبتني..هنه شارعين..

افتريت ع السوك..نزلت عمتي بس صارت وكفتنا كبال القماش يعني ما الحك اكمل حجيي ويه جنة..رجعنا للحوش..

مر اسبوع وانه ما ﻻكي مجال اكعد وياها خطيه جانت مريضة صارلها يومين من طابت..بعد روحيتي..الخميس ابوي وداني ع شركة الحبوب اجيب كيماوي لان كربنا الكاع وانريد ننثر..رحت بس انشلع كلبي الظهريه كلها مشتول يالله حصلت..جياس السمادات..رديت الدنيا عصر شو من فتت الحوش..سكته..شني هاي شو محد وين راحواهلي..فتت..للمطبخ لكيت انعام..كتلها:

شو سكته شني..محد هنا بس انتي؟؟

اي كلهم طلعو..ضليت بس انه وفروخي..

كلهم طلعو..خير..وين راحو..

عمي..وحيدر وحسين مشو..لبيت حجي مطلك مطهر..ابن ابنه وعزمهم على عشه راحو من وكت يتعللون ويتعشون يمة تدري بيه عمي مايخلي بخاطرة

جا امي وين والبنات..؟؟

هااا..عماتي مشن هنه والبنات ومرت حسين لبيت..عمتي تسواهن..اجت هنا وزعلت تكول ليش محد يمر بيه..

هههه..جا كلهن يرحن بويه عيب من رجلها..

ﻻ هيه جلبت بيهن..واخذتهن وياها..

ها...ومحمد وين راح وياهن لو ويه ابوي..

يااااانسيت اكلك محمد..اخذ جنة ومشو للشط..شصة بيده ويكول ..اريد اصيد سمج..

شني شصه بيده شلون امي خلته ياخذ البت ويمشي..هالمنطوط..

مو هو خﻻهن طلعن ومشه..

وجنة ليش ما راحت..ويه امها لعمتي..

شمدريني مارضت تروح وياهن..

وانتي شلون تخلينه يأخذ البيت فرخ هاطوله ماكدرتن عليه وهاي جنة المسودنة شلون تمشي للشط..وياه؟؟

مو هوراد يروح وحدة..هي ركضت وراه..تكلة ﻻتروح اخافنك..تغرك..بس هو..خله وطلع وهيه لحكته..

فتت لغرفتي بساع ذبيت دشداشتي وغترتي وضليت بالفالينه والسروال ورحت..للشط..بس كلبي يلعب..محمد ما اخاف عليه يعرف يفوج..ما يغرك..بس جنة..ماتعرف اخافنها..تزلك لو توكع بالماي مثل ..ذيج المرة....وتغرك..بوووية جنة تموت وتخليني..غير اموت وراهه اوصلت بساع مشيت على راك الشط لكيته كاعد ذاب..شصة بالماي وجنه كاعدة ليغاد..بسد النخﻻت تباوع عليه..مشيت..وصلتلهم..

ولك..منطوط..شعدك جايب..البت..وجاي للشط..

هو عاف شصة واجاني..

بوية ماجايبها هيه اجت وراي..حسبالها اغرك..انه..

وانته شني محتام ع السمج..وجاي تصيد..

بويه ..جدي كلي..اخذك نصيد اجه حجي مطلك اخذاهم هو وعمامي ومشه..

وانت..ماصدكت..يمدهور..خليت الوادم طلعت واجيت ركض للشط..

والتفتت على جنة..وانتي شني اجيتي وراه شني اذا غرك..اطلعينة؟؟انتي روحج ماتعينيها..

مو خفت عليه ليروح يوكع بالمي..

محمد طكاها ضحكة..

ههههه..عمتي تخاف علي ماتدري بيه افوج احسن من ابوي..

هااااه انت ولك..تفوج احسن مني؟؟

وعلي بويه ماتغلبني..اذا سبحت..

هيه تضحك..علينا جا نداهر انه وابني..

انت ولك تغلبني عمت عيني اذا صدك؟؟

شو هذا خرط..دشداشته..

يالله بويه خلنه نفوج وشوفني اغلبنك..يو ﻻ.؟؟

وجات..بالماي..سمعته..تكول:

عفيه..عفيه علي طلعه من المي ليروح يغرك الطفل..

هذا موطفل..محمد زلمة ماينخاف عليه .

وجيتت..وراه بالماي....هو يفوج..يكلي:

بويه بروح جدك خلنا نعبر الشط..

بقينا نفوج وصلنا للنص..شفت الماي عالي لزمته من ايده..وسبحنا لذاك الصوب وصلنا للكيش..هديتا..سبح جدامي..وعبر..طلع من الماي ويومي لعمته.انه طلعت.....من.. الماي كعدنا ع الراك..كالي:

هابويه شفتني شلون غلبتك:

ما اريد اكسر بعزمة..فرحان حسبالة غلبني..كتله:

اي بويه سبع مثل ابوك..

هههه..عمتي جنة..اجت تركض وراي من الحوش..لهنا..ﻻتروح..وﻻتروح..اخاف عليك..ﻻتغرك.

اي غير تعزك وتخاف عليك..

شني تخاف عليه انه زغيرون قابل؟؟

ﻻ..بويه..جبيرون!!

وفكرت.يكول جنة اجت تركض وراي..اجت وراه تخاف عليه..تعزة..خوما مثل حظي ماتدري عني..وﻻتعرف الله بياكاع حاطني..كلت بكلبي هسه اذا اسوي روحي غركان جدامها شتسوي ..اي هسه تبين المعزة..كلت لمحمد:

بوية تذكر..من اجينا للشط.وجدتك ويانا..وضحكنا عليها وكلناتها..جدك..غرك..

هههه..اي بويه ضلت تردح..وتلطم..جا غير متنه من الضحك.!!

بويه جا خلنا نضحك على عمتك جنة من نرد لذاك الصوب انه اغط..وانت فوج للراك..كلها..الحكي عمه ابوي غط وماطلع يمكنه غرك..خلنه نشوفها شتسوي؟

هههه..اي بويه..يالله خلنا نرد لذاك الصوب ..ونشوفها شتسوي..

جيتنا بالماي..بعدنا ماواصلين الراك..انه غطيت وطلعت لبدت بسد الكصبات حتى ماتشوفني بس قريب...عليهم اكدر اشوفها هي ماتشوفني..وشفت..محمد طلع من الماي يركض؟؟

عمة..عمة..جنة..ابوي غط..وماطلع..ابوي غرك..عمة..

اباوعلها واسمعها..كالت:

شنو..واجت ركض للشط..

علي...علي..علي..

وذبت روحها..بالماي..ﻻ يامسودنة يابت المسودن..ماتعرف تسبح شلون ذبت روحها بالماي خفت عليها..سبحت بساع خطية راح تشبع ماي..وصلتلها طلعتها..من الماي..هيج حاضنها باثنين..

اديه طلعتها..هي تكح ..وتباوع بعيوني..وﻻزمة فانيلتي حيل..بس ساكته تخردلت..خافت حسبالها غركت..صح هيه مسودنه..بس..انه كلبي..طار..فرحت..هيج تخاف عليه..وذبت روحها بالماي..هي ماتعرف تسبح..و ماخافت على روحها ﻻتغرك..

محمد يضحك ويطفر..

هههههه..ضحكنا على عمتي جنة..ضحكنا عليها حسبالها ابوي غرك..صدك..

وبعدني ﻻزمها..التفتت عليه:

بويه محمد اخذ..شصك..وروح للحوش جدامي..هسه نجي وراك

محمد اخذ..شصه وخيوطة وراح يركض..انه هديتها..هي خطيه صافنه ...بعدين.صرخت بوجهي:

شنو..شنو يعني جنتو ناصبين عليه..ليش..ليش خوفتوني مو حرام عليكم..

جنة:::

طلعني علي من المي وكفني يم النخلة بالفي يباوع بوجهي..كتله:

صدوك..جذب..اكو واحد يسوي هيج..

هو..خرب ضحك وكلي:                              

ههههه..واكو وحدة عاقلة تذب روحها بالماي وهيه ماتعرف..تسبح؟؟

مو..مو..محمد كلي..انت غركت..اني ردت..ردت اطلعك؟؟

ههههه..حتى لو غركان صدك..انتي ماتكدرين اطلعيني..شني عقلج مايشتغل..شلون فتي للماي..مافكرتي..بروحج....النوب الشط..شكبره..شعرضة..مافكرتي..شلون تلكيني..

هااا..ادور عليك..بالمي..بلكي الكاك..

اووف ادورين عليه هيج انه عزيز..وماهمتج روحج..ع مودي

مو....مو مسألة عزيز بس ..اقصد..شلون يعني قابل اشوف احد يغرك كدامي واخلي يموت؟؟

اشو هذا رفع ايدة وخر..شعري عن ركبتي..وكلي:

جنة...احبج..♥♥

شنو..

احببببببببببببج..

اني..معرفت شأحجي..صدوك الكلمة فاجأتني وصدمتني..بعدين..شلون كالها وهو فاتح عيونه ع النص عبالك ديحلم..بعدين شافني ارتبكت..والهوه خﻻني رجفت...بقه يباوع بوجهي بس نظراته حيل تخجل...دنكت كتله:

ﻻ..ﻻ..فدوة علي لتباوع عليه هيج الله يخليك..بعدين شنو هالكلمة الكلتها؟؟

شكلت..كلت..احبج..وانه صدك..احبج..وعاشكج عشك..ﻻصار وﻻيصير مثلة 

حيل..خجلني ردت انهزم من نظراته وكﻻمه..حاولت امشي خطوة بس لزمني من زنودي وكفني:

علي..فدوة خلي نرجع..شنو هالحجي بعدين ...لتباوع علية..هيج..والله عيب ..

ليش عيب ..العشك مو عيب جنة..مو عيب..♥♥

علي فدوة هدني خلي نرجع للبيت..والله كلبي حيوكف من حجيك..و..و

ﻻ..ﻻ..مانرد..هسه خلي تنشف هدومج.ما اريد احد..يشوف حﻻلي..والهدوم ﻻزكة عليه..

اخذ..شالي عصره..من المي وخﻻ على راسي..كتلة:

حﻻلك..شنو؟؟

اي..انتي حﻻلي..جنة..ذني عيونج..الحلوات حﻻلي ربج..خلقهن حتى اغرك..بيهن واضرب خيال..ياخذني بعيد..لغير دنيا...وشفايفج..الحلوات..مايوصلن بس لحلكي..الي وحدي..وهذا جسمج الماخذ روحي مني..ومخليني..احلم بيج الليل كله احﻻم ماتتسولف..هم ربج خالقة الي..وماتلزمة غير ايدي..ومايلفة غير حضني..

هو يحجي بهدوء..يرتب الكلمات على كيفة اني متت..بدمي متت من المستحة..كتلة:

علي هاي..شبيك شهالحجي..

هذاهو..الحجي البكلبي..احبج..جنه..وعشكج..عايش.

بروحي وادري بيج..ماتحبيني..وما..اجي ابالج..حسبالج انه ناسي..ﻻ..يجنة ما ناسي من كلتي اكرهك..واحتقرك..وانت مابيك..خير..لهسه حجاياتج..تمرد..بكلبي..مرد...بس..انه..مثل ماكتلج..كبل..خوش زلمة وبراسي كل الخير..ومو كل زلمة تخونه..مرته..وتلعب من وراه..مابيه خير..ﻻن المرة المو خوش..لو زلمتها..نبي..هم تضل مو خوش..وتخون..وماتهمها..الفضيحة..ومايهمها..تنزل روس اهلها..ومايهمها..من تخلي زلمتها..من ورة فضيحتها..يضل..حجاية بحلوك..الناس..

حسيت هو شكد..متألم من يحجي..حسيت اني شكد..جارحته وكاسرة كلبة من كتله اكرهك..واحتقرك..وانت مبيك..خير..رأسا..دموعي جرن.كتلة:

علي اني اسفه..والله اسفة ﻻن هالكد جرحتك وكسرت خاطرك..اسفه والله سامحني!   

ههههه..تكول سامحني..ولج انه اكدر..ازعل عليج جتى اسامحج..كلبي..هذا..يكدر..يشيل..عليج..غيض..

شلون كلبي يشيل غيض..وانتي هيج..ماخذته كله وكاعدة بيه..مشتريته فﻻحة مﻻجة..جنة ادري..بجيتج هواي ذيج اﻻيام..وتهمتج بالباطل..بس مو بيدي..بعد..الصار بيه..من وره السوته فاطمة..ما اثق بكل مرة...اعذريني بجيتج هواي..وكسرت خاطرج..صح انه احب عيونج من يدمعن....بس ضحكتج..عندي احله..هيج ضحكتج..مرسومه جوه رمش عيني..ومخليتني وين ما اكعد اتصفن..وحسج هذا الناعم..وحجاياتج.. الحلوات..هيج..يطبن بأذني يرحن كبل وعدل لكلبي..

بعدين سكت بس بقة يباوع بوجهي..ياالله شلون يحجي عبالك شاعر..وديلقي قصيدة غزل..كلماته دافيات ومﻻمحة من يحجي..خلتني بس اباوع بوجهه..ممصدكة علي هيج يحجي..يالله معقولة هالكد يحبني واني..ممنتبهتله..احس نفسي دا..احلم..

بعدين...لزم ايدي اني رجفت..ردت اسحبها لزمها..اقوى وكال:

صح..احبج..وعشكج..مسودني..بس انه..ما اجبرج....

ﻻن المحبة مو بالكوة..بس فكري..بيه..جنة..واعرفي..شكد..احبج..شوفي هذا الشط..شكد بيه ماي ويجري..ترة يخلص الشط..وعشكي الج يزود..ماينكص..موشرط..تحبيني بكثر ما احبج..يعمي..لو بكلبج..استكان زغير..محبة الي هم كافي..عليه..

اني ضحكت..بسرعة..

ههههه..يكول استكان حب كافي عليه..

خرب..خرب..عشيرتي...ولج ﻻتضحكين هيج..ولج ماتدرين ضحكتج شلون تنعل والدية..يمعودة..خليني اكمل..الحجايتين العندي..ﻻتضحكين..وتعطبين..كلبي وتخلنني الكف شفايفج..وبعدين تزعلين وتبجين..

يالله بعد..ما اضحك خلي نرجع..علي..تأخرنه..

اي نرجع..بس فكري..بالحجيته..انه ما الح عليج .بس ضلت بعد ورة كلبج..بعد...                  

ماشي بس فدوة..هد..ايدي..وخلينا نرجع..

هدني..مشيت..كدامة جرني من ايدي..

ولج ﻻتمشين جدامي..وهدومج.ﻻطشه عليج..امشي

عليج..امشي..بصفي..حتى ما اشوف شي..ولج هيه روحي ثاكبة وبﻻ عزة..معزاية..

الفصل العاشر من هنا