رواية دار الايتام الجزء الثالث (اللقاء المنتظر) الفصل الثامن
الكلمه الطيبه آثرها يدوم طويلاً
في الذاكره فا كن من أصحاب الكلمه الطيبه وأترك آثراً جميل في ذاكره البشر
ولا تتفوه بكلمه سيئه حتي لا تترك آثراً أليم في قلوبهم لا ينسي ولا يغتفر👌
................
نزل بدر من العربيه اول ما شاف دياب وقف بالعربيه و ابتسم ليه من بعيد.
ركن دياب العربيه ونزل قرب من بدر و خدوا بعض بالحضن
دياب وهو يخبط علي ضهر بدر بقوه. وحشتني يا سياده العقيد
بدر...بأبتسامه انت اكتر يا باشا مصر اخر حاجه كنت أتخيلها انك تيجي تقعد هنا.
دياب....كل شئ مكتوب يا صاحبي جيت عشان اقعد علي قلبك انت ومهاب😂
بدر...ده فرحان اوي انك جاي نورتنا يا صاحبي.
دياب... منوره بيكم يا بدر تعالي اعرفك علي مراتي و الباشا الصغير.
كانت نزلت لمار هي وزين و واقفه مبتسمه من بعيد لما قربوا ليها قربت منهم
دياب....دي بقي ياسيدي لمار مراتي وبنت عمي ❣️
بدر...بأبتسامه بسيطه مد ايده اهلا يا مدام لمار نورتوا القاهره
مدت لمار ايدها بأبتسامه...ميرسي منوره بأهلها.
دياب...ده بقي ياستي العقيد بدر
الخياط صاحبي و اشطر ظابط فيكي يامصر من غيره القنابل هتنتشر في مصر كلها😂
لمار...بأبتسامه طبعا غني عن التعريف انا قابلته مره واحده بس لما جيت معاك قبل كده.
بدر...بضحكه بسيطه والله انا سايبه يعرفنا علي بعض قولت ما قطعش اللحظه بتاعته.
دياب...بضحك ايه ده تصدق فعلا عموما ياعم زياده الخير خيرين
وده بقي الباشا الصغير زين دياب الدالي.
بدر...اهو زين باشا بقي اول مره اشوفه فعلا لما جيتوا مكانش معاكم.
لمار...فعلا كان في اسكندريه وقتها
قرب بدر ايده من زين واول ما مسك ايده رمي زين نفسه علي بدر.
بدر.. اهلا اهلا اهلا ايه الحلاوه دي اللهم بارك ربنا يحميه شكلنا كده هنبقي صحاب.
دياب...زين عشري و بيتعود علي الناس بسرعه.
بدر...ربنا يخلي يا صاحبي ويفرحك بيه..طب ايه يلا اوريكم الشقه شكلكم مرهق.
دياب....احنا تقريبا من امبارح منمناش كويس.
لمار...والطريق كان متعب اوي زين جنني لما صحي.
بدر...طيب يلا بينا.
لمار...طيب هات زين.
بدر...اتفضلي.. مسك زين في كتفه
لمار...بأبتسامه بقي كده يا زينو 😳
دياب....واضح ان زين لقي صاحبه😂😂😂
بدر...بضحك طيب استني انادي حد من الامن يشيل معاك الشنط
دياب....تمام.
راح بدر للامن وجه معاه واحد شالوا الشنط من العربيه ودخلوها الأسانسير
شكره بدر وطلعوا بالاسانسير للدور اللي قبل الاخير في البرج.
دياب..في الاسانسير ايه ياعم احنا طالعين السما ولا ايه🤨
بدر...لا بقولك ايه انت هتتشرط انت قايلي امبارح اللي لاقيته قدامي. بس بقولك ايه متقلقش هتعجبكم اوي.
دياب....اما نشوف🤨
ضحكت لمار علي دياب.
بدر...🤨 بتضحكي جوزك مستبد.
لمار...بضحك لدياب عنده حق ده بدل ما تشكره😂😂
دياب...بضحك اطلعي انتي منها احنا حبايبي متسخنيهوش ابنك في ايده😂😂
بدر...بضحك لا خلاص احنا بقينا صحاب مش هعمل فيه حاجه😂
وصلوا الدور اللي فيه الشقه
خرج دياب الشنط
وخدت لمار زين وشال بدر مع دياب الشنط قربوها من الشقه
طلع بدر المفتاح فتح الشقه ودخلوا الشنط جوه.
فتح بدر انوار الشقه كانت عباره عن ڤيلا صغيره من دور واحد شقه كبيره اوي وذوقها عالي جداً
دياب...لا جامده
بدر...ايه رأيك🤨
دياب...حلوه بجد اوي وذوقها عالي صاحبها شكل دماغه متكلفه
بدر...ليل السيوفي اكيد طبعا يعني ذوقها هيبقي عالي.
لمار...حلوه بجد اوي
بدر...طيب ياعم حمدالله علي سلامتكم امسك مفتاحكم اهو
هسيبكم بقي ترتاحوا وتتفرجوا علي الشقه براحتكم و هبقي اكلمك
دياب...استني هنا انت هتكروتني ولا ايه انا ملحقتش اقعد معاك.
بدر...ياعم الايام جايه كتير ارتاحوا بس انهارده وأكيد يعني مش هسيبك في حالك.
دياب...والله ابدا اقعد بس عايزك والله
لمار...خليك معاه يا استاذ بدر وانا وزين هنروح نتفرج علي الشقه
بدر...اولا يعني بلاش استاذ بدر دي بالله عليكي مبحبش الالقاب دي خالص انا بدر وبس ثانيا أكيد هنشوف بعض كتير
دياب...والله لا هتقعد شويه اقعد بقي متضايقنيش ياجدع
بدر...وادي قاعده🤨
لمار...طيب هسيبكم انا بقي وهروح انا وزين نتفرج عالشقه.
بدر...بابتسامه بسيطه أتفضلي.
خدت لمار زين واختفت من قدامهم.
...............
دياب...ايه ياعم ما تقعد هو انا لحقت اشبع منك.
بدر....اطمن هقرفك وانت ليك حد هنا غيري🤨
دياب...لا حاسب هو انا مستغناش اه بس انا بردو باشا مصر يا بابا مش باشا أسكندريه بس يعني ليا معارف في كل مكان🤨
بدر....بضحك طب ياعم خلاص براحه شويه😂
دياب...قولي بقي مالك صوتك متغير ليه.
بدر....مفيش بس حصل حاجه من الصبح ضايقتني وطول اليوم كنا في المستشفي وكده يعني
دياب...بأستفسار ليه بس كده في ايه؟ مراتك تعبانه ولا ايه ولا أوعي تكون نوني.
بدر...لا لا هما زي الفل بس مرات صاحبي يوسف وصاحبت مراتي
قلق عليها اتصل بمرات صاحبنا التاني راحت تشوفها لقتها هي والولد واقعين هي مغم عليها والولد نايم من كتر العياط والمشكله انها كانت تقريبا بتحميه وملحقاش تلبسه فضل الولد مرمي جمبها اكتر من 3 ساعات لونه ازرق وتلج طبعا التهاب رئوي ضيق تنفس والتهاب احبال صوتيه من كتر العياط ده غير ان الدكتور بيقول عنده صداع نادر كده يعني ليله كبيره غير هي طبعا تعبانه و محجوزه نقص حجات كتير جدا في جسمها
دياب...لا اله الا الله ايه كل ده طيب الولد عامل ايه الوقت؟
بدر...والله يا دياب محجوز تعبان اوي الدكتور بيقوله انه بقي احسن بس طبعا لسه متركبله أكسچين ومحاليل وليله كبيره كده انا سبتهم والله وجيتلك وراجع عليهم تاني.
دياب...لا الف سلامه ربنا يطمنه عليهم ان شاء الله هو ده اللي عنده شركه عقارات تقريبا
بدر...عامر لا ده يوسف صاحب شركه البرمجه.
دياب...الف سلامه عليهم ان شاء الله يبقوا زي الفل هما مطولين في المستشفي.
بدر...والله ما عارف يا دياب يعني كام يوم كده.
دياب....طب ايه انت رايحلهم بكره.
بدر...اه ان شاء الله هعدي عليهم بكره بعد الشغل.
دياب....خلاص هشوفك بكره واجي معاك
بدر...ياعم خليك انت لسه واصل
دياب....هو انا بقولك هروح انهارده بكره ان شاء الله بس اسمع صحيح انا عايز اروح لي ليل السيوفي عشان اشوف حوار الشقه ده واشوف حسابه
بدر...خلاص هكلمه و هاخد منه معاد نروحله بكره بعد ما نخلص عند يوسف ولو كده نطلع عليه
هو كده كده اصلا مستني مننا معاد بخصوص حوار الحراسه اللي قولتلك عليه.
دياب...بس كده يبقي كلمه واتفق معاه و عرفني
بدر...انت هتبدأ شغل امته
دياب.... المفروض ان شاء الله اول الاسبوع الجاي يعني لسه قدامنا اربع ايام بعد بكره هروح الداخليه أدي التمام و هستلم من اول الاسبوع.
بدر...علي خير طيب وحوار الڤيلا هتعمل فيه ايه هتأجل شويه ولا ايه.
دياب...والله ايدي علي كتفك يا بدر انا لو هلاقي حاجه تمام من بكره معنديش مشكله بس انت عارف حوار السكن ده عايز لف كتير.
بدر...ولا لف ولا حاجه انهارده الاتنين يوم الجمعه اشوفك بدري ونلف سوا كده علي كذا مكان معاك جمعه وسبت انا اجازه فيهم وان شاء الله هنلاقي حاجه كويسه اختار كام واحده وخلي مراتك تيجي تختار بينهم ولو تمام تنقل علي طول لو حابب تستني شويه لحد ما تستقر بردو تمام
دياب....انا مش عايز استني يابدر الشقه هنا شكلها حلو وكبيره وواضح انها مجهزه بس انا عايز اطمن علي لمار وزين انت عارف هما هنا ميعرفوش اي حد وانا حابب لما انزل الشغل واستقر هما كمان يبقوا مستقريين في البيت
وزي ما قولتلك حابب المكان يكون قريب منكم عشان انت عارف شغلي رخم عايز اكون مطمن عليهم وسطكم.
بدر....من الناحيه دي اطمن انا عارف ان حواليا في ڤلل كتير
وبردو ناحيه الواد عامر في ڤلل
دياب...هو انتوا مش جمب بعض.
بدر...يعتبر جمب بعض لكن مش نفس المكان اوي لكن قريبين يعني اللي بيني وبينه تلت ساعه واللي حوالي 25 دقيقه يعني مش اكتر من كده
دياب...طيب كويس اوي خلاص يبقي انت حط عينك علي كام ڤيلا كده وقولي و نشوفهم الجمعه بأمر الله.
بدر...طيب اتفقنا علي حوار الڤيلا واتفقنا علي مشاوير بكره
اعمل حسابك بقي ان يوم الجمعه بليل هنتعشي سوا كلنا ومش عايز اي نقاش ولا رفض.
دياب...بضحك لا رفض ايه؟
انا لاجئ هو انا ليا حد هنا غيرك
بدر...بقرف 😏امال اللي انا باشا مصر وليا معارف في كل داهيه قام وقف وهو باصصله
دياب...بضحك يا جدع اقعد ميبقاش خلقك ضيق😂😂😂
بدر...اوعي هي ناقصه تناكه ياعم🤨🤨🤨
دياب...ياعم ليا معارف كتير بس مش صحاب الله يخربيت عقلك😂😂😂
بدر...ايوه كده أتعدل المهم هستناك الجمعه بليل
دياب...ما قولنا خلاص انا كده كده هبقي معاك من بدري يعني
بدر...تمام هطير انا بقي.
دياب...استناني لحظه هنزل معاك
بدر...انا عارف الطريق هتعمل فيها بتوصلني وكد🤨
دياب...اوصلك ايه انت صغير انا رايح اشوف سوبر ماركت قريب اجيب شويه حجات🤨
بدر...بصله بقرف طب جاملني قول لا والله ما ينفع كفايه اللي عملته معايا😏
دياب...بضحك هو اللي بيشتغل شغلتنا دي يعرف يجامل.
بدر...هتقولي😏 المهم خليك يا اخويا قاعد هتلاقي عندك في التلاجه والمطبخ حجات كتير
دياب...حجات ايه؟🙄
بدر....يعني حجات للفطار جبن ولبن توست شاي قهوه مناديل من الاخر كل حاجه هتحتاجها اليومين دول ولو نسيت حاجه هتلاقي اول الشارع في فرع ماركت صغير تحت.
دياب....انت بتهرج يابدر جبت الحاجه دي امته.
بدر...امبارح لما خدت المفتاح من ليل مشيت وافتكرت ان البيت فاضي واني مش هعرف اجي الصبح وهقابلك علي طول بليل وعارف انك هتيجي علي اخرك
ايه ناوي تأكل مراتك وابنك عفش البيت😏
دياب...بضحك مش بقولك اللي في شغلاتنا دول دبش😂😂
ربنا يخليك ليا يا صاحبي مش عارف والله ارد جمايلك دي أزاي.
بدر...لا يا اخويا مش عايز منك رد مش الأسكندرانيه بس اللي جدعان ياباشا بتوع القاهره بردوا مفيش اجمد ولا اجدع منهم 🤨
دياب...بأبتسامه ماشي ياعم
ابتسم بدر بحب وحضنه نورت الدنيا ياصاحبي اشوفك علي خير
دياب...تسلملي يابدر
بدر...سلملي علي زين
دياب...حاضر يا حبيبي يوصل
مشي بدر وقفل دياب وراه وراح يشوف لمار وزين.
...............
عند ليل.. وصلوا المطعم وطلبوا الاكل وبداوا ياكلوا
ليل....كل ده أكل طالبه🤨
نوح...انت هتبصلنا في اللقمه ولا ايه وبعدين مش انت اللي متعصب عليا الصبح و مزعلني أشرب بقي🤨
ليل....مانا لو اعرف ان الصلح بتاعك يخسر كده مكنتش زعلتك.
نوح...خلاص ياليل باشا 🙄 العزومه دي عندي
ليل....كفي نفسك يالا 🤨
نوح بصوت واطي لأدم اهو انت بس قوله ليل باشا وخد اللي انت عايزه بعدها😂😂
ليل...ليه ياروح امك 🤨هو ليل ينفع يتقاله حاجه غير باشا ولا ايه😡
جاسر...بضحك ايوه بقي يا باشا اهو قلب عالوش التاني😂😂😂
نوح...🙄🙄🙄وهو انا قولت حاجه يا باشا لا لا ياليل انت مش عاجبني اليومين دول وشكلك متوتر مين مزعلك بس قولي.
ليل....متخلقش يا اخويا اللي يزعل ليل السيوفي😏
عشق...بأبتسامه هاديه نوح ممكن تاكل وانت ساكت انا والله قاعده متوتره حاسه ان تربيزه الاكل دي كلها هتلبس في وشنا🙈
ضحكوا كلهم علي عشق
وبصلها ليل وهو بيضحك مين بس اللي يقدر يوترك
عشق...بأبتسامه من غير زعل انت اللي موترني🙄
ليل بحب طب خلاص هسكت بس خلي الرخم ده يسكت
نوح...تصدق بالله مش انت اخويا بس عشق خساره فيك مفيش ميكس بينكم خالص.
ليل...ضيق ليل بين عينه وبصله بأبتسامه وهو بيجز علي سنانه
نوح...🙄🙄🙄
جاسر...بقولك اطفح وانت ساكت عشان بدأ يجز علي سنانه وعلي رأي عشق وربنا هنلبس التربيزه دي .
ادم...انت باكل وانا ساكت يا ليل مليش فيه🙄
ليل....ما كفايه يا اخويا اللي هببته
جاسر...يا ابني ما تاكل وانت ساكت انت كمان هي نقصاك بقول ايه يا عشق ما تبدلي معايا المكان اصل انا اللي قاعد في وشه والتربيزه هتلبس في وشي انا
ضحكوا كلهم و ضحكت تمارا بصوت عالي نسبياً
وفضل نوح وادم يرخموا علي ليل
قرب جاسر من ودن تمارا بهدوء وهو مداري غضبه ورا أبتسامه بسيطه
جاسر...واللي خلقني وخلقك يا تمارا اخر مره هلفت نظرك لضحكتك بعد كده هتزعلي مني بجد تمام يا وحش الحته😉
بصتله تمارا بطرف عينها بهدوء وهي خايفه من جواها وفهمت ان الابتسامه دي وراها غضب كبير
بدأ جاسر يهز رجله جامد وشاركهم الحوار عادي كأن مفيش حاجه وشويه وولع سيجاره وفضلت رجله تتهز وتمارا حاسه بيه وعارفه ان الليله مش هتعدي
خصوصا لما لمحت عروق رقبته بارزه من الغضب🙈
رن تليفون ليل وهو قاعد
بص علي الموبايل لقاه بدر فتح الخط.
ليل....بدر باشا
بدر...حبيبي ايه الاخبار
ليل...كله تمام الحمد لله ايه صاحبك وصل.
بدر...لسه موصله من شويه
ليل...حمدالله علي سلامته.
بدر...الله يسلمك المهم مش هعطلك انت فاضي بكره.
ليل...بكره امته بالظبط انا عندي شغل كتير بكره بس لو بليل انا تمام.
بدر...هو فعلا هيكون بليل لان انا كمان عندي كذا حاجه بكره شغل و كام مشوار فا هشوفك بليل
ليل....خلاص هنتقابل فين.
بدر....هبلغك عالموبايل
ليل....خلاص هستني منك تليفون
بدر...ان شاء الله ياباشا يلا هسيبك انا بقي تشوف اللي وراك.
ليل...مع السلامه يا باشا.
بدر...سلام.
.........
دخل دياب اوضه من الاوض يشوف لمار وزين لمحها واقفه في البلكونه بتطل علي النيل والمنظر يجنن وزين نايم عالسرير.
دياب...ايه ده هو ايه اللي نيمه انا فكرتكم بتتفرجوا عالشقه
لمار...بأبتسامه ما احنا أتفرجنا ووقف معايا شويه هنا يظهر الهواء نيمه.
دياب...طيب قوليلي القمر سرحان في ايه هو المنظر صراحه جامد
لمار...فعلا المنظر حلو اوي والنيل شكله حلو سرحت معاه.
دياب...وداكى لحد فين.
لمار...بأبتسامه حزن ذكريات تفتكرها تبتسم بس لما تركز فيها تتوجع.
دياب....ده ايه الكلام العميق ده😉
لمار...بأبتسامه مش عميق ولا حاجه وقفت قدامه وهي شعرها طاير من الهوا قرب منها دياب لف ايده علي وسطها والايد التانيه رجع بيها شعرها ورا ودنها.
دياب...امال ايه؟
لمار....بصت للسما وهي بتتنهد ورجعت بصتله تاني عمرك جربت انك تشوف حاجه تفكرك بموقف حصل في حياتك و ذكري كنت فاكر انها جميله ولما تركز فيها تحس بوجع.
دياب....امممم جربت طبعا بس قوليلي انتي شوفتي ايه وفكرك بأيه.
بصت لمار عالنيل والمراكب الصغيره اللي ماشيه بأنوارها الجميله... شايف المركب اللي هناك دي.
دياب....شايفها.
لمار...في يوم ركبت واحده زيها من سنين كتير كانت المره الاولي والاخيره اللي اجي فيها هنا
كنت مخلصه أمتحانات ونجحت في الاعداديه.وجبت مجموع حلو
وقتها ماما قالت لي.... بصتله لمار بوجع.. وكملت قالت للراجل اللي كانت متجوزاه لازم نكافئها
هو معترضش ونفذ والغريبه انه نفذ بحب وتاني يوم كنا في القاهره قضيت يوم المفروض انه كان من احلي ايام حياتي زورنا فيه كذا مكان و ختمنا يومنا بمركب زي المركب اللي هناك دي
يمكن ركبت حجات شبهها في أسكندريه بس في النيل كان ليها طعم تاني وقتها كنت حاسه بحب ودفا وفرحه متتوصفش او كان بيتهيألي اني اسعد بنت في الدنيا
لما جيت وقفت هنا افتكرت تفاصيل اليوم ده ولما شوفت المركب افتكرت كل حاجه وكل ضحكه كانت من قلبي في اليوم ده و لاقيت نفسي ابتسمت ولما افتكرت ان كل ده كان كدبه كبيره
حسيت وقتها بالوجع
ابتسم دياب بحزن وقرب من خدها باسها بهدوء ورجع بصلها
دياب...هو مش احنا اتفقنا اننا ننسي كل حاجه وحشه عدت يا لمار مش قولنا ان اللي فات كله يتنسي ونعتبر نفسنا أتولدنا من جديد.
لمار ..بأبتسامه بحاول يا حبيبي
بس غصب عني 18 سنه من عمري ضاعو وانا فاكره نفسي اسعد واحده في الدنيا.
وفوقت علي كابوس مش بسهوله اقدر انسي.
دياب....هتنسي وطول ما انا عايش هنسيكي يالمار اتفقنا
لمار...بحب ابتسمت اتفقنا هو بدر مشي صحيح
دياب اه مشي خلاص.
لمار...طيب.
دياب...طيب ايه هتسبيني جعان كده ولا ارمي نفسي من هنا و ألبسك مصيبه وتبقي قضيه رأي عام🤨🤨
لمار...بضحك لا وعلي ايه الطيب احسن. بس حضرتك كده لازم تروح تجيب اي حاجه ناكلها البيت لسه فاضي.
دياب...فاضي بذمتك دي كلمه تقوليها دياب الدالي بيته يبقي فاضي احنا جامدين اوي علي فكره🤨 تعالي معايا
لمار...علي فين
دياب...تعالي بس.
لمار...بضحك استني بس يا مجنون هتوقعني استني طيب اقفل البلكونه احسن زين يصحي ويبص منها.
دياب...وادي ياستي البلكونه اهي.
تعالي بقي.
خدها دياب وراحوا عالمطبخ كان مطبخ مفتوح علي الريسبشن
بص دياب علي رخامه المطبخ كانت مليانه حجات.
لمار...ايه ده كل ده
دياب...ادي اللبن والسكر وشاي و ده كمان شاي بس بأطعمه مختلفه
و نسكافيه وقهوه ودي قهوه فرنساوي
لمار...في مكرونه ورز واندومي وده دقيق ودي توابل ايه كل الحجات دي انت جبتها امته انا سرحت جوه كتير ولا دي هديه مع الشقه😂 😂
دياب...بضحك هديه مع الشقه😂لا ده بدر اللي جابها شيلي بس اللبن ده في التلاجه احسن يبوظ
وفي علب عصير اهي كمان
مسكت لمار اللبن وفتحت التلاجه
برقت 😳 ايه ده الحق يا دياب
بص دياب علي لمار وقرب منها😳
دياب...الله يخربيت عقلك يابدر ايه كل ده احنا لو عرايس مكانش عمل كل ده.
لمار...ده في لبن وعصير تاني في التلاجه مفيش مكان
دياب...يبقي هو سابهم بره عشان المكان بجد اتضايقت جايب حجات كتير اوي.
لمار...ده بيض وجبن كتير وفاكهه وفي طبق حلويات كمان
فتحت الفريزر لقت فيه كام علبه للاكل السريع
لمار...وفي اكل هنا كمان.
دياب...لا هاتي التليفون ده عايز يتروق عاللي عمله ده.
لمار....بجد جايب حجات كتير اوي
مسك دياب موبايله وكلم بدر.
بدر....بضحك لا بقولك ايه مش معني اني فرحت انك جيت فا تقرفني 😂😂
دياب...علي فكره انا مش بهزر انا بجد زعلان منك اوي.
بدر...ليه بس يا باشا مصر🤨
دياب...والله يابدر ما ينفع اللي انت عامله ده ايه كل اللي انت جايبه ده.
بدر...ياعم خضتني فكرت في حاجه
دياب...مينفعش كده يابدر بجد انا فكرتك جايب حاجه نمشي بيها اليوم يا ابني انت جايب خزين شهر خد بالك احنا هنتحاسب علي كل ده كفايه اوي اللي انت عملته.
بدر....بنبره جاده صلي عالنبي كده و أهدي وقول هديت عيب الكلام ده دي شويه حجات بسيطه تمشوا بيها نفسكم لحد ما تستقروا وتعرفوا تتعاملوا.
دياب...بس ده كتير اوي يا بدر انت مش ناسي اي حاجه.
بدر...ولا كتير ولا حاجه مفيش حاجه تكتر عليك يا صاحبي
دياب...ربنا يخليك ليا وكمل بضحك بس قولي يابدر انت امته بقيت ست بيت شاطره كده😂
بدر...🤨🤨🤨 بقولك ايه انا وانت متفقين علي ان اللي شغالين في مجالنا دبش ومش بيعرفوا يجاملوا بس نسيت ازود معلومه اننا لسانا طويل وبنقول الفاظ زباله ومن الاخر متربناش😒
دياب...بضحك حصل احنا فعلا متربناش😂😂 بس عملتها ازاي قولي.
بدر....بضحك والله ابدا روحت الماركت وسيلا كانت معايا عالتليفون وكل اللي كانت بتقولي عليه كنت بحطه في العربيه بتاعت السوبر ماركت😂😂
دياب....يعني انت براءه😂
بدر...براءه ياعم علي فكره هتلاقي عندك مناديل كمان ومنظفات شوفتها.
دياب...لا فين دي 😂😂
بدر...لا دور بقي والله ما فاكر حطتهم فين وهتلاقي كمان لب وسوداني وشويه حجات من بتاعت القرود دي😂😂
دياب...بضحك اردهالك في الافراح يا صاحبي.
بدر...وبتقولي بقيت ست بيت امته مالك ياض قلبت علي ستي وستك كده ليه اقفل يا دياب اقفل بدل ما اجي احدفك من عندك
دياب...بضحك الله يخربيتك ماشي يا صاحبي تسلميلي ياحبيبي.
بدر....حبيبي يلا روح كل
دياب...حاضر يلا سلام
بدر....سلام.
بص دياب للمار كانت فضت الشنط كلها.
لمار...جايب حجات كتير جدا بجد
دياب...بيقولي في مناديل ومنظفات ولب و مكسرات
لمار...اه لقيتهم بجد ذوق جدا و احرجني خالص
دياب...بدر جدع وطيب.
لمار...صحيح هو انتوا اصلا اتعرفتوا علي بعض أزاي.
دياب...لا ده حوار طويل انا هروح اخد شاور و حضريلنا بقي حاجه ناكلها ونبقي نرغي واحنا بناكل
لمار...ماشي ياسيدي هعملك احلي عشاء😍
دياب...تسلم ايدك 😘
..............
في المستشفي
نامت ريم بتعب وإرهاق بعد ما صممت تشوف كريم رجعت منهاره وفضلت تعيط لحد ما نامت.
روكا....هو بدر اتأخر ولا انا بيتهيألي.
سيلا....كلمته وقال في الطريق.
سما...انت شكلك جعانه اوي يا روكا.
روكا...اوي فاضلي دقيقه واترمي هنا واحصل ريم.
عامر....قولتلك انزل اجبلك اي حاجه من الكاڤيتريا لحد ما بدر يجي قولتي لأ.
روكا...مانا لو كلت مش هقدر اكل معاكم.
مهاب...تيمووو ولا يا تيموو
سما....سيبه بقي عشان ميزنش هو اصلا مهيس خالص.
روكا....شكله عايز ينام ومأريف
مهاب...لا يا ستي ده شكل هيما وحشه.
سما...انت بتقول فيها والله فعلا وحشه علي التهييس اللي هو فيه ده بس لو شافه هيبقي عايز يقوم يتنطط.
عامر...ايه يا چو ساكت ليه.
يوسف...بأبتسامه مفيش تمام
خبط بدر في الوقت ده ودخل وهو شايل علب فيها بيتزا.
روكا...🤨نعم يا سي بدر طبعا البيتزا دي عشان سيلا هانم بتحبها.
بدر...🤨🤨 شششش ايه قطر امسكي الكيس ده في اكل تاني والله جبته عشان عارف لسانك.
عامر...بضحك جيبالنا الكلام كده علي طول😉
روكا....اصلي عرفاه قدام ست زفته بتحب البيتزا يبقي الكل ياكل بيتزا.
سيلا...زفته في عينك🤨
عامر....تعيشي وتعلمي عليهم يا قلبي😉
بدر...طب يلا كلوا واتكلوا علي الله بدل ما اقبض عليكم الوقت والبسكم قضيه😒
روكا...بضحك اخص عليك يابدر ده احنا حبايب.
بدر...بلا حبايب بلا نيله بقي وبص علي مهاب لقاه بيقفل عينه وبيروح في النوم
بدر...بضحك الحق.
عامر...مسك ورقه من بتوع الاكل كورها في ايده وعض علي شفايفه وحدفها عليها🤨
فتح مهاب عينه بسرعه ينعل ابو شكلك يا عامر
عامر...حد ينام وهو قاعد كده😂😂😂
مهاب...ملكش فيه عيل رخم هات الاكل انت كمان.
بدر...امسكوا يلا وانت ياعم الساكت قوم يلا كل.
بص يوسف ناحيه ريم.
يوسف...روكا صحي ريم عشان تاكل.
بدر...هي ينفع تاكل عادي.
عامر...اه عادي هي عامله عمليه
بدر...ياجدع مشوفتش ارخم منك انت ومراتك😡
عامر...بضحك اصل هو ايه ينفع تاكل هي محتاجه تاكل اصلا.
روكا...بضحك مال مراته يابدر.
بدر...رخمين زي بعض وبعدين مقصدش يا بارد اقصد يكون مانع عنها الاكل عشان المحلول.
سيلا...ملكش دعوه بيهم يابدر هما اه رخمين زي بعض وعموما هي مش ممنوع عنها الاكل ياحبيبي.
يوسف...أفضلوا ارغوا ورخموا علي بعض ماتخلصوا😏
بصله بدر بقرف ماتقزم يا اخويا هز طولك وصحيها انت
روكا....اه قوم انت صحيها.
مهاب....وهو بياكل صحوها بدل ما تقتله هو خايف يقرب منها اصلا
يوسف...بغضب كل وانت ساكت بدل ما احطلك البيتزا في بوقك بالعرض😡😡
ضحكوا كلهم علي يوسف صحيت ريم من الصوت.
بدر...اهي صحيت لوحدها.
روكا...يلا يا ريمو قومي كلي.
بعدت ريم عينها عن يوسف مش جعانه كلوا انتوا.
سيلا...بقولك ايه لو مكلتيش مش هاكل وذنبي في رقبتك انا من ساعت ما فطرت الصبح والله ما كلت.
ريم...مش عايزه والله يا سيلا
بدر...يلا يابت قومي كلي🤨🤨
انا وقفت كتير لحد ما الاكل ده اتعمل لو مقومتيش والله ياريم هسحب الاكل ده كله واخرج اديه للممرضين و ذنبهم كلهم في رقبتك
روكا...قومي ده مجنون و يعملها والله اخلصي بقي
قامت سيلا ساعدتها عشان تقعد
و ادتها الاكل بتاعها
وبدأوا كلهم ياكلوا وهما بيتكلموا
ويضحكوا وبيحاولوا يغيروا المود
بعد وقت عدي بيهم نامت روكا علي كتف عامر.
وسيلا علي كتف بدر
وسما سندت راسها علي راس تيم
ونامت تاني ريم.
يوسف...يلا ياعامر قوم روح وانت يابدر قوموا كلكم دول ناموا ومرمين في كل حته.
روكا...وهي مغمضه عينها مرمين في عينك.
يوسف...بضحك مش عارف تقطع لسانها ده شويه
بدر...انتي لسه عايشه.
رفعت روكا راسها وهي عينها كلها نوم.
روكا....انا مريحه شويه بس انتوا عارفين انا مش بعرف انام لا في طريق ولا وسط ناس.
يوسف...طب يلا بقي قوموا.
روكا....انا هبات معاها
يوسف...يلا ياعامر خد مراتك عشان متغباش عليها
روكا....اصلا عربيتي عندكم وليلتكم مهببه لسه هروح اجيبها
عامر...طيب ماتسبيها ونروح سوا عادي
روكا...بكره لازم انزل بدري انهارده ملحقتش اخلص الشغل وبكره هيبقي في شغل كتير جدا.
عامر....سبيها والصبح هوصلك في طريقي تاخديها وتمشي.
بدر....وسيلا كمان عربيتها هناك
مهاب...وانا عربيتي في الشغل ده يومكم مهبب 🥴
يوسف...بضحك احسن والله فرحان فيكم عشان تخبوا عليا اوي.
عامر...الحق علينا ياواطي.🤨
بدر...سيلا سيلا يلا يا حبيبي
عامر...يلا بينا قبل ما نطرد من المستشفي دي بقت فندق
بدر...ليه قاعد مع سوسن🤨
وبعدين الساعه 11 لسه
عامر...طيب يلا يا عم الجامد
وقف عامر وبص لروكا يلا.
مدتله ايدها بتعب
عامر...اشيلك ياقلبي😉
روكا....بدلع ياريت🙈
بدر.....لمهاب اتصل يا ابني علي بوليس الاداب😒
عامر...بضحك لو غيران اعمل زينا🤪
وقف ا كلهم وراحوا البنات باسوا ريم بهدوء عشان متصحاش.
روكا..خلي بالك منها واياك تضايقها😡
يوسف....حاضر يا حماتي.
سيلا....لو قالتلك حاجه كده ولا كده عديها😡
يوسف...حاضر يا حماتي.
سما....تفضل صاحي جمبها ولو طلبت اي حاجه تنفذها😡
يوسف....حاضر يا حماتي.
مهاب....بضحك ريا وسكينه وحسب الله😂😂
خرجوا كلهم وسلموا علي يوسف ومشيوا.
.........
دخل يوسف الاوضه من تاني قرب من ريم باس راسها وغطاها كويس وراح قعد عالكنبه بأرهاق وحاول يغمض عينه شويه يمكن يعرف ينام.
..........
مشي جاسر وتمارا وطول الطريق
ساكت وباين عليه العصبيه بيشرب سجاير وعينه عالطريق
وتمارا جمبه ساكته خايفه تنطق
بعد وقت بسيط وصلوا الڤيلا
كانت مني نامت هي و تيا
طلعوا علي أوضتهم دخل جاسر خد شاور من غير ولا كلمه شويه بسيطه وطلع ودخلت تمارا بعديه من غير اي كلام.
خرجت بعد مده بسيطه لاقته نايم عالسرير وماسك الموبايل بيلعب بيه.
وقفت صلت وبعد ما خلصت راحت جمبه من غير ولا كلمه
واول ما قعدت عالسرير ساب جاسر من ايده الموبايل وقفل النور جمبه ونام.
حست تمارا بالغضب رغم انها عارفه انها غلطانه
تمارا...علي فكره في حاجه أسمها تصبحي علي خير😡
سكت جاسر ومردش ولا بصلها
زاد جنون تمارا اكتر😡
تمارا....انا بكلمك علي فكره.
جاسر....نامي يا تمارا وعدي يومك علي خير.
تمارا....هو ايه اللي نامي وعدي يومك علي خير يعني انت غلطان ومش عاجبك كمان جاي طول الطريق ساكت وهنا ساكت و بتنام من غير حتي ما تقول تصبحي علي خير ومش بترد وزعلان اوي.
جاسر...اللهم طولك ياروح نامي يا تمارا ربنا يهديكي
تمارا...هو ايه اللي ربنا يهديكي هو انا مجنونه ولا بشد في شعري مثلا😡
عامر....هي الهدايه للمجنون وبس ومع ذلك ماشي ربنا يهدينا جميعا
و تصبحي علي خير يا ستي حلو كده.
سكتت تمارا شويه وهي هتموت منه و مضايقه عشان تجاهله ليها
تمارا....لا مش حلو يا جاسر انت بتاخدني علي قد عقلي ولا بتسكتني يعني مش فاهمه.
جاسر...استغفر الله العظيم مش فاهم اعمل ايه اقوم واسيبلك الاوضه مثلا عشان ترتاحي
تمارا...هو ده اللي عندك ده اخرك يعني يا جاسر وبعدين مينفعش اكون بكلمك وتفضل مديني ضهرك كده😡😡
قام جاسر مره واحده زي الوحش بكل غضب ومسك ايدها بعنف وبصلها وهو شياطين الدنيا بتتنطط في وشه.
اتصدمت تمارا ودب الرعب في قلبها من هيئته هي كانت بتستفزه عشان يعاتبها ويتصالحوا مكانش قدها تعصبه زياده لكن واضح انها لعبت في عداد عمرها🥴🥴
جاسر...بغضب هو ايه اللي مينفعش هاااا مينفعش اديكي ضهري وانام و اخليكي تبعدي عن شري يا تمارا صح بس ينفع تضحكي بعلو صوتك ولا أجدعها رقاصه قصاد الناس وكأن جوزك ده مش موجود او ملهوش لازمه.
تمارا....انا رقاصه يا جاسر
جاسر....ياريتك كنتي رقاصه يا تمارا مكنتش هتفاجئ عادي متوقع منها اي حاجه ما هي رقاصه انما انتي ايه هاااا ولا شيفانى ايه مش راجل مثلا
كام مره حذرتك تضحكي بصوت واطي كام مره اقولك بلاش ضحكتك دي لكن ازاي متقدريش
وبعد كل ده انا حاطت الجزمه في بوقي وساكت وكافي شري خالص
وانتي مش مبطله زن زن زن عايزه ايه عيزاني اتخانق طب يلا ياتمارا اتبسطي اديني اتخانقت
تمارا...بدموع انا مكنتش عيزاك تتخانق يا جاسر بس عالاقل تتكلم معايا مش تتجاهلنى.
جاسر.. اتكلم معاكي لما اكون بلفت نظرك لأول مره انما انا طول الوقت بقولك الضحك الصوت ومفيش كأني مش بقول اي حاجه
يبقي اتجاهلك افضل كتير من اني انفجر في وشك😡
تمارا....بدموع سيب ايدي يا جاسر من فضلك.
جاسر...من هنا لحد ما تتعدلي يا تمارا متتكلميش معايا ابدا مفهوم
تمارا...بدموع هو انت شايف الموضوع مستاهل كل ده يا جاسر.
جاسر....بغضب دي تبقي مصيبه لو انتي شايفه ان الموضوع سهل وانا اللي مكبره نامي يا تمارا نامي وخلي الليله دي تعدي علي خير
ساب ايدها بغضب ورجع نام من تاني فضلت تمارا قاعده ماسكه ايدها ودموعها نازله و بتأنب في نفسها عشان وصلته للحاله دي.
حاولت تنام مكانتش عارفه دموعها نازله وحاسه بخنقه
اما جاسر فضل يتحرك كتير في السرير وبعد حوالي ربع ساعه من الصمت التام قام جاسر بهدوء وخد علبه السجاير ودخل قعد في البلكونه كانت متبعاه بعينها وعامله نفسها نايمه
وبعد وقت مش طويل دخل وغمضت عينها بسرعه راح نام عالسرير وشويه بسيطه وراح في النوم وهي نامت بعديه بشويه.
..................
اما عند روكا وعامر
بعد ما وصلوا البيت دخلت روكا خدت شاور و لبست لانچيري قصير وخرجت مسكت السجاير بتاعتها كان بقالها كتير مشربتش عشان كانت في المستشفي
دخلت قعدت في البلكونه عالكرسي ودخل عامر ياخد شاور.
سرحت روكا في أحداث اليوم
وبصت للفراغ بحزن وهي بتأنب نفسها
روكا....يا تري اللي حصل ده كله بسببي انا أتمنيت اكون ام بس متمنتش ريم وكريم يجرالهم حاجه انا عارفه يارب ان ده رزق
وانا والله مبصتش في رزق حد
انا أتمنيت مش اكتر زي اي واحده في الدنيا تتمني انها تكون ام
زي ما بشوف في عيون سيلا
ديما انها هي كمان تكون ام
انا مقصدتش اني استكتر الرزق علي ريم ابدا يارب انت عارف مكانتهم في قلبي وعارف اني عمري ما ببص لحد في رزقه وعارف كمان اني دايمه مكتفيه باللي عندي بس انا ناقصني اهم حاجه عند اي ست وهي اني احس اني ام و مسؤوله يارب أحفظ كريم وخليه لريم ويوسف
متوجعش قلبي وقلب امه عليه
انا بحسه ابني هو وتيم والله العظيم مقصدتش يارب خالص احميه واحفظه من المرض احساس الذنب ملازمني يارب بس انت الوحي اللي أعلم باللي جوايا🥺
خرج عامر في الوقت ده كان لابس بنطلون ومش لابس تيشرت
خرج وهو بينشف شعره وحط الفوطه علي كتفه ودخل لروكا
وطي عليها وهي قاعده باسها من رقبتها.
عامر....بتعملي ايه
روكا...بأبتسامه بسيطه ولا حاجه يا حبيبي بشرب سيجاره وداخله.
عامر....طيب مالك شكلك مش مظبوط ليه.
روكا...ابدا بس مضايقه عشان اللي حصل لريم وكريم
عامر....ان شاء الله هيبقوا كويسين متقلقيش عليهم.
روكا....يارب يا عامر
عامر....فكي البوز ده بقي🤨
روكا....بدلع انا عندي بوز😔
عامر...يالهوي عالبوز طب ده انا مستعد اضيع عمري كله عشانه😉
روكا....عشان ابه بالظبط🤨
قرب عامر من شفايفها بهدوء وكمل بصوت هامس عشان ده.
روكا...عامرر
عامر...قلبه😉
روكا....ابعد
عامر...مش قادر وحشتيني.
روكا...بدلع انا طول اليوم معاك وحشتك ازاي بس.
فضل عامر يبوسها من رقبتها ومن خدها بهدوء
عامر...انتي علي طول وحشاني
روكا.....طيب يلا امشي مش هينفع.
عامر...ليه بس
روكا...بضحك مش عايزه أصدمك
عامر...وهو بيبوسها الله يحرقها هي لحقت.
ضحكت روكا بصوت عالي طيب وانا مالي😂🙈🙈
عامر...طيب مش مهم بس تعالي خديني في حضنك.
روكا...مزعلتش يعني.
بصلها عامر بحب وكان قاصد كل كلمه بيقولها عشان عارف انها بتفكر كتير ومتوتره.
عامر...مقدرش ازعل منك ياروكا اكيد ببقي مبسوط وانا في حضنك بس عمر جوازي منك كان واقف عند النقطه دي وبس انا اتجوزتك عشان انتي شبههي اتجوزتك عشان بحبك علي بعضك كده اتجوزتك عشان قلبي بنتمي ليكي انتي وبس صحيح انا كلمت بنات وستات و عكيت كتير وانتي عارفه كل حاجه عني كويس بس انا ملاقتش نفسي غير معاكي.
وانا معاكي ياروكا بحس اني راجل كامل عمري ما حسيت بالنقص معاكي ابدا عمري ما حسيت ان ممكن احب ست تانيه غيرك عمري ما تخيلت اني اصحي من النوم الاقي حد غيرك جمبي
روكا انا مكتفي بيكي مش بس من ستات الدنيا بحالها
انا مكتفي بيكي عن العالم كله.
بصتله روكا بتأثر ونزلت دموعها غصب عنها..
روكا....و الولاد ياعامر🥺
بصلها عامر بتأثر و لف ايده علي رقبتها دخلها في حضنه جامد
عامر....لو ربنا رزقنا بيهم هبقي أسعد راجل في العالم ولو مرزقناش انا مكتفي بيكي زوجه وام واخت وصاحبه وبنتي اللي ببقي اسعد واحد وانا بلاعبها وبتجنن معاها.
مسكت روكا في ضهره وفضلت دموعها تنزل بصمت وهو حاسس بدموعها علي صدره
رفع وشها بهدوء ومسح دموعها
عامر...روكا حبيبتي انا مش بقولك كلام أهديكي بيه انتي ست ذكيه وبتقدري كويس تعرفي كلام اللي قدامك اتعاملتي كتير و شوفتي كتير واكيد عارفه ان اللي طالع مني مش مجرد كلام صدقيني ياروكا من بين ستات الدنيا كلها أكتفيت بيكي زوجه و بنوته ومش عايز غيرك بحبك يا احلي روكا في حياتي❣️
أبتسمت روكا بحب ونزلت دموعها
روكا....وانا محبتش حد في حياتي غيرك ياعامر حضنته جامد بحب
وفجأه لقت نفسها مرفوعه من الارض وفي حضن عامر قرب من السرير حطها بهدوء وراح قفل البلكونه ورجع قفل النور ونزل تحت البطانيه وخدها في حضنه
علي قد حزن روكا علي قد ما حست انها طايره في السما❣️
..........
في المستشفي فتحت ريم عينها
لمحت يوسف نايم عالكنبه وهو قاعد بصتله بحزن وأبتسمت بحب
عارفه انه مكانش قاصد بس هي أتوجعت منه كان نفسها لما تحس بالخوف هو اول واحد ياخدها في حضنه ويطمنها.
قامت بهدوء عشان متقلقهوش ومشيت براحه لحد ما وصلت الحمام دخلت وقفلت وراها بهدوء
دقيقه وخرجت من تاني وهي بتفتح عملت صوت
فتح يوسف عينه بسرعه وبص عليه وقام جري ناحيتها.
يوسف...انتي ايه اللي مقومك
ريم...وهي مش بصاله كنت فالتويلت.
يوسف...طيب مش تصحيني.
ريم...محبتش اقلق اسفه عالصوت
يوسف...تقلقيني امال انا قاعد معاكي لزمتي ايه بس تعالي
ريم....انا هروح لوحدي انا كويسه.
يوسف...بلاش عند ياريم
ريم...من فضلك يا يوسف روح نام وسبني انا اصلا مطلبتش من اي حد يقعد معايا انا كويسه.
يوسف...وانا مش حد ياريم.
ريم...مقصدتش بس مش حابه اتعبكم معايا انا بخير ولو عالمستشفي انا لو لوحدي كان زماني قولت للدكتور يكتبلي خروج بس انا مش هخرج وكريم هنا لوحده.
يوسف...انتي مش هتخرجي عشان انتي تعبانه مش عشان كريم واصلا مفيش خروج غير لما الدكتور يقولي بنفسه انك احسن
بصتله ريم شويه وسكتت
يوسف...بأبتسامه رفع حاجبه وضربها براحه في وشها انتي بتبصيلي كده ليه🤨
مشيت ريم وسابته
يوسف...كمان بتمشي و بتسبيني خدي هنا🤨
ريم...روح نام يا يوسف وابعد عني
يوسف...تصدقي ان انتي معندكيش دم انا نايم علي كنبه نص متر وانا بطولي ده. بدل ما تقوليلي تعالي يا حبيبي نام وارتاح عالسرير وانا انام في الكنبه😒
ريم....محدش قالك اصلا نام معايا هنا.
يوسف....انا مش نايم معاكي اصلا يارخمه انا نايم مع حبيبتي🤨
ريم....روح دور علي حبيبتك في حته تانيه هنا مفيش غير واحده مهمله ومقصره في حق ابنك
قرب منها يوسف بحزن مسكها من كتفها ورفع وشها ليه وقول ما بصت في عينه نزلت دموعها🥺
يوسف...لا لا لا عشان خاطري بلاش عياط والله العظيم ما كنت اقصد وحيات ربنا ما قصدت ازعلك ريم انا كنت قلقان عليكي
لما جيت وسمعت الكلام اللي الدكتور قاله عنك انتي وكريم قلبي وقع ولما دخلت وشوفتك
كنت هتجنن ولما تخيلت شكلك انتي وكريم وهي روكا بتحكي والله ربنا اللي كان عالم بيا وعشان متفكريش بطريقه غلط وتفكري اني عملت كده عشان كريم. والله ماكنت شوفته انا شوفته بعد ما خرجتيني وطردتيني بره الاوضه🤨
ريم...بدموع بس انا كنت خايفه اوي لما صحيت وكنت محتجالك جمبي.
يوسف...بحزن انا جمبك يا حبيبي والله واوعي تفكري اني انا زي اي راجل مصري اصيل بيتعصب علي مراته لما ولاده يحصلهم حاجه
عشان عارف زي ما قولتي ان مفيش ام بتقصد انها تهمل في ابنها بس انتي اهملتي في نفسك قبل كريم يمكن مكنتش عارف اللي بتفكري فيه يا ريم ودي غلطتي بس صدقيني انا خوفت عليكم انتوا الاتنين وحياتي ما تزعلي مني لو فعلا بتحبيني متزعليش وبعدين لو علي كريم اهو نايم زي القرد هناك اهو انتي اللي تعبانه
ريم...من بين دموعها ماتقولش علي ابني قرد🥺
يوسف..بأبتسامه حقك عليا قولي بقي انك مش زعلانه.
ريم...خلاص مش زعلانه
يوسف...طب لو مش زعلانه بجد نيميني جمبك وسطي اتكسر من الكنبه😭
ريم...قول بقي انك بتصالحني عشان انيمك جمبي.
يوسف...بأبتسامه 🙄صراحه اه😂
ضربته ريم في صدره براحه
ضحك يوسف وخدها في حضنه و باس راسها بحبك يا مجنونه
طلع يوسف نام جمبها وشويه وراحوا في سابع نومه.
في صباح يوم جديد😳😳😳
