رواية دار الايتام الجزء الثالث (اللقاء المنتظر) الفصل التاسع
عشق....سولي حبيبي مش عايزه شقاوه انهارده ومش عيزاك تعيط كتير وتبقي شطور أتفقنا
هتوحشني اوي ياقلب مامي لحد ما أرجع هحاول متأخرش عليك أنهارده زي ما أتفقنا ماشي انت عارف بقي ان انهارده هفاجئ بابي زي ما قولتلك اوعي تكون قولتله هخاصمك وأزعل منك ومش هقولك سر تاني أبداً
سليم...بابا با با
عشق...بأبتسامه هاديه براڤو عليك انت كده حبيبي وصاحبي و هقولك كل الأسرار علي طول
أسكت بقي عشان شكله خارج.
فتح ليل باب الحمام وخرج بعد ما خد شاور.
ليل....بتعملي ايه مع الواد ده🤨
عشق...يلا ياسولي عشان بابي بيغير يلا بينا ننزل ونسيبه
ليل...بقت كده يعني.
عشق...ايوه في أعتراض يلا انا هنزل أشوف الفطار جهز ولا لأ وادي سليم للناني بتاعته وهستناك متتأخرش.
ليل...هكمل لبس واحصلك علي طول يا حبيبي.
عشق....ماشي يا حبيبي.
خرجت عشق بسرعه وقابلت نوح ونور نازلين.
عشق...صباح الخير
نور...صباح السكر علي الحلوين
نوح...صباح الفل.
عشق...نوح بقولك ايه متأكد ان كل حاجه تمام.
نوح.... عيب عليكي مجهزين كل حاجه من امبارح زي ما أتفقنا
عشق...طيب تمام انا هروح بسرعه علي الدار وبعدين هكلمه بس خايفه ميجيش
نور...لا هيجي ان شاء الله متقلقيش.
نوح...قوليله زي ما قولتلك وهو يجي هوا.
عشق...لا طبعا مقدرش حرام هيخاف جداً وياريتها تيجي علي الخوف انت مش عارف اخوك هيقلب الدنيا قبل مايجي هيكلم السواق وهيتصل بالجارد وهتبقي مشكله.
نوح....طيب هتقوليله ايه.
عشق....بتفكير والله يا نوح ما عارفه🤔
نور...انا عندي فكره.
عشق...قولي.
نور...انا شايفه انك تتصلي بيه وتقوليله انك عملاله مفجأه وتبعتيله اللوكيشن بتاع المكان يجيلك فيه هيجي من غير قلق وفي نفس الوقت مش هيعرف غير لما يجي.
عشق...انا فكرت في كده.
نوح...خلاص يبقي تقوليه كده فعلا عشان ليل فعلا او قولتيله انك عندك مشكله وتعالي الحقني هيطربق الدنيا.😂
عشق...ايوه خصوصا بعد اللي حصل اخر مره في الشركه خلينا في الامان احسن.
نور...اشطا😎
عشق...يلا ننزل احسن يخرج ويشوفنا مش هيسيبنا غير لما يعرف كل حاجه.
نوح...وانا هعترف من قبل اول قلم😂😂
نور...بضحك علي طول بتبيعنا كده😂😂
عشق....يلا بقي بلاش رغي.
نزلوا وبعدها بشويه نزل ليل و فطروا مع بعض وشويه وخرجوا
راحت عشق ونور علي الدار
ومشي ليل ونوح علي الشركه.
............
ادم....يلا بينا يا زهره
زهره...يلا يا حبيبي انا خلصت خلاص كنت بطمن علي تولين بس
ادم...طيب يلا بينا
زهره...بقولك ايه انت هتروح لعشق صحيح.
ادم...مش عارف والله بس غالباً لأ مش هينفع كلنا نسيب الشركه
زهره...ماشي يا حبيبي يلا بينا.
ادم...يلا بينا.
...........
صحيت تمارا علي صوت المنبه بتاع جاسر
قام جاسر قفل الصوت ودخل علي الحمام من غير ما يكلمها
قامت تمارا طلعت هدوم ليهم هما الأتنين كان باين عليها الحزن لكن
بتحاول تبان طبيعيه.
بعد وقت بسيط خرج من الحمام من غير ولا كلمه
دخلت تمارا تغير لتيا و تظبطها قبل ما تسيبها شويه وخرجت بيها لبستها ونزلت تحت نزلتها للداده بتاعتها و لمني مامت جاسر وطلعت تاني عشان تغير
عدي وقت بسيط كانت تمارا خلصت لبسها وخرجت من اوضه اللبس لقت جاسر مش موجود
اتنهدت بحزن ونزلت علي تحت
لقيته قاعد بيفطر في هدوء ومش
مستنيها كالعاده قعدت بهدوء وهي مبتسمه في وش والدته
و أتكلموا في كذا حاجه عادي
وبعد وقت بسيط خرجوا مع بعض..
ركب جاسر العربيه وبصلها لما لقاها واقفه ساكته.
جاسر...هنتأخر.
تمارا....جاسر انا راحه الدار مش الشركه شكلك نسيت.
جاسر...بتذكر اممم طيب هتيجي معايا أوصلك ولا تاخدي العربيه.
بصتله تمارا بحزن لا يا جاسر روح انت عشان متتأخرش انا هروح
جاسر...بأقتضاب اوك يلا باي.
ركب العربيه بسرعه من غير ما يبصلها ولا حتي يديها فرصه للكلام ودور العربيه وطلع
اتنهدت تمارا بحزن وراحت عالعربيه بهدوء.
..............
اما عند سيلا وبدر.
صحيوا ونزاوا يفطروا مع نوني
كانت صاحيه سيلا مش قادره تاكل واول ما نزلت مسكت النسكافيه وفضلت قاعده قدامهم من غير اكل.
نوني...بقي كل ده يحصل يابدر ومتقوليش.
بدر..مرضتش اقولك عشان متقلقيش يا نوني ولما جينا كنتي نايمه.
نوني....انا شويه وهروحلها
بدر....طيب هتروحي لوحدك ازاي انا رايح الشغل وسيلا كمان رايحه
نوني....ايه اول مره يا سي بدر اسوق العربيه ولا ايه
بدر...لا مش قصدي بس عشان ميبقاش تعب عليكي.
نوني...ولا تعب ولا حاجه اديني بمشي رجلي شويه
بدر...خلاص يا نوني اللي يريحك لو عرفت الحقك بقي هشوفك هناك.
نوني...ماشي بصت لسيلا انتي مش بتاكلي ليه.
سيلا...مش جعانه يا نوني
نوني...هو ايه اللي مش جعانه وايه كبايه القهوه دي كلها اعملي حسابك مفيش خروج غير لما تاكلي مفهوم ولا عايزه تتعبي زي ريم.
بدر....سيلا كلي.
نوني...فيك الخير لسه فاكر انها مش بتاكل😒
بدر...بضحك تصدقي يا نوني بدأت أشك ان هي اللي بنتك مش انا وبعدين انا مش واخد بالي انها مش بتاكل عشان انتي بترغي معايا يا نوني🤨
نوني...برغي شايفه قلت الأدب عالصبح🤔
سيلا...بضحك معلش يا نوني حقك عليا انا أمسحيها فيا بقي
نوني...لا مينفعش كده انا معرفتش اربيه😒
بدر....صراحه يا نوني انتي تربيتك مش تمام 😎
سيلا...بضحك اسكت بقي انا بدافع عنك وشكلها هتقوم تضربك وانا مش قادره أحوش عنك بصراحه😂😂
سيلا...اضرب ايه وهو زي التور كده ده ايدي تتكسر لو لمسته.
بدر...🤨انا تور يا نوني.
نوني...اه تور😒
بدر...بأبتسامه غمزلها بس قمر صح
أبتسمت نوني وهي بتبعد عينها
بدر...قمر مش كده ..قرب ايده من وسطها يزغزها بضحك صح يانوني
نوني...بضحك بس يارخم بغير.
سيلا...بضحك ضحك عليكي يا نوني.
بدر....خليكي محضر خير😂
نوني...ده رخم وانتي كمان يلا كلي بدل ما ادور فيكم الضرب
بدر...كلي بقي دي مبيهمهاش هتقوم تضرب فينا.
سيلا...بضحك حاضر.
كلوا مع بعض وشويه وودعوا نوني ومشي بدر علي بيت يوسف يوصل سيلا هناك عشان تاخد عربيتها و راحت علي شغلها.
........
صحيت روكا من النوم لقت عامر مش جمبها استغربت.
روكا...راح فين ده ليلتك مش فايته يا عامر بتمشي و بتسبني من غير ما تاخدني معاك
فتحت باب الأوضه سمعت صوت تحت
روكا...عاااامر عاااامر انت تحت
عامر...من تحت ايوه يا روكا يلا قومي بقي عشان منتأخرش
روكا....انا صحيت اهو هاخد شاور والبس بسرعه ونازله.
عامر...لو اتأخرتي همشي واسيبك
روكا....متقدرش هقتلك🤨
عامر....ماشي يا شرير😉
دخلت روكا بسرعه خدت لبسها ودخلت خدت شاور بسرعه
دقايق بسيطه وخرجت كانتخايفه يمشي ويسيبها
خرجت لبست چيب قصيره لونها رمادي غامق وعليها شيميز أبيض
وليه رابطه شبه الفيونكه علي الرقبه.. سرحت شعرها وحطت ميكب هادي جدا وحطت النضاره علي شعرها من فوق
و خدت شنطتها ونزلت اول ما نزلت لقت عامر واقف في المطبخ
وهو لابس بيحضر في الفطار وبيحطه علي رخامه المطبخ.
روكا صباح الخير.
قرب منها عامر خده صباح السكر
باسته روكا في خده انت بتعمل ايه.
عامر...انا قولت انزل اجهز الفطار بسرعه لحد ما تصحي عشان منتأخرش.
روكا...ياسلام كمان فطار من ايد عامر باشا.
عامر...عدي الجمايل🤨
روكا....بس انت عارف اني مش بفطر.
عامر...لا وحياة صفيه انا مقومتش قبلك عشان احضر الفطار وفالاخر تقوليلي مش هفطر
روكا...بضحك طيب واشمعني انهارده يا سي عامر.
عامر...وهو بيبوسها من خدها وبيسحبها من ايدها قدام الفطار
عشان متقعيش من طولك يا قلب عامر انا عارف انك عندك شغل كتير انهارده.
روكا....طيب عملتلي القهوه
عامر...اهي عالنار يلا بس ناكل الاول
وقفت روكا جمبه وبدأوا ياكلوا وهما واقفين بسرعه.
عامر...ايه رأيك🤨
روكا...تسلم ايدك الاومليت يجنن
عامر...انفع يعني🤨
روكا....طبعاً
عامر...معندكيش طيب عروسه ليا😉
روكا...عروسه في عينك🤨
عامر...القهووووه🏃🏃
روكا...بضحك احسن😂
عامر...بردو هتشربيها🤨
روكا...هشربها وأمري لله.
عامر...بقولك ايه انتي أجلتي فعلا معاد العرض.
روكا...بالعافيه قدرت اخليه الخميس بدل الاحد.
عامر...انا مش فاهم اصلا كنتوا مخلينخ الاحد ليه
روكا...وانا مالي هو انا اللي بحدد المهم انه اتأجل
عامر.....هتروحي لريم.
روكا....المفروض بس امته مش عارفه امبارح سبت الشغل ومعرفتش اتابع والدنيا متدربكه فوق راسي عندي شغل كتير انهارده.
عامر...خلاص لو معرفتيش متروحيش انهارده.
روكا....مش هينفع طبعا بص خليها بظروفها انت رايح.
عامر...اه هروح بليل ان شاء الله اكون خلصت
روكا...ماشي هكلمك بردو.
عامر...طب ايه يلا بينا
روكا....يلا ياقلبي.
شالت روكا الاطباق بسرعه هي وعامر وخرجوا مع بعض علي بيت ريم عشان يجيبوا عربيتها.
.............
اما عند يوسف وريم كانوا صاحيين
الدكتور دخل اطمن علي ريم وطمنهم علي كريم انه كويس
راحوا شافوه مع بعض كان صاحي و بيلعب بايده ورجله وافضل من الاول. كانوا فرحانين جداً
شويه ورجعوا تاني علي الاوضه.
ريم...يوسف روح شغلك يا حبيبي انا كويسه والله وشويه وهلاقي حد من العيال جاي متقلقش عليا
يوسف....انا تمام متقلقيش مظبط كل حاجه ومتابع المهندس يعني قاعد معاكي.
ريم...اسمع بس كلامي
في اللحظه دي رن موبايل يوسف.
يوسف...لحظه خليكي معايا...الووو.
إبراهيم...اذيك يا يوسف
يوسف...بأبتسامه هيما حبيبي الحمد لله انا بخير عامل ايه يا حبيبي.
إبراهيم في نعمه الحمد لله طمني علي مراتك وابنك مهاب لسه قايلي والله زعلت اوي.
يوسف...حبيبي يا هيما احسن الحمد لله كتير أدعيلهم انت بس.
إبراهيم....ربنا يطمنك عليهم يا حبيبي هيبقوا زي الفل ماقلقش هما بيشوفوا غلاوتهم عندك بس.
يوسف...بأبتسامه لريم غاليين والله بس يقوموا بالسلامه.
إبراهيم...ان شاء الله يا حبيبي
انا شويه وهاجي مع ريم عشان نشوفهم ونطمن عليهم.
يوسف...خليك يا راجل ياطيب متتعبش نفسك كأنك جيت والله.
إبراهيم....انت فاكرني عجزت ومبخرجش ولا ايه يا واد وبعدين لو مكنتش اجيلكم انتوا هاجي لمين بس.
يوسف....يا هيما ده انت لسه شباب بس بردو مش عايز اتعبك.
إبراهيم ...ولا تعب ولا حاجه اعتبرها خروجه انا قاعد علي طول في الڤيلا مش بتنقل.
يوسف...خلاص يا حبيبي هستناك عشان تنورنا.
إبراهيم....الله يخليك يا حبيبي سلم علي ريم لحد ما اجيلها.
يوسف...يوصل يا حبيبي.
إبراهيم..في حفظ الله يا يوسف.
يوسف....مع السلامه يا هيما.
..........
عند دياب ولمار..
لمار....دياب دياااب
دياب...ايوه يا حبيبي
لمار...تعالي خد زين عشان افضي النسكافيه.
دياب...حالا جاي اهو لحظه.
لبس دياب الجزمه بسرعه وخرج شال زين.
دياب...عايزه اي مساعده
لمار...لا روحوا يلا عالسفره هفضي القهوه و جايه وراكم.
دياب...تمام يلا يا زينو نفطر ونسيب مامي.
لمار....بقي كده ماشي يا سي دياب
فضت لمار القهوه وراحت وراحت
دياب...تسلم ايدك الفطار شكله حلو مامي متوصيه بينا يا عم زين
لمار....ان جيت للحق اللي متوصى بينا هو صاحبك.
دياب...اه والله معاكي حق
لمار....انت هتروح معاه لصاحبه زي ماقولت.
دياب....اه هقابله بليل اروح بس اخلص مشوار الداخليه ده الاول
وارجع هنا تاني وبعدين انزل لما يعرفني مينفعش بدر مش بيتأخر عليا في اي حاجه ابداً و أديكي شوفتى اللي عمله معايا قولتله علي الشقه وفي نفس اليوم كلمني
وقالي تمام وبعدها راح جاب حجات كتير عشان عارف اننا اكيد جايين مش معانا اي حاجه ده غير الشغل اللي شايله علي كتافه رغم شغله الصعب وعمره ما أشتكي
حتي انس لما نزل مره هنا طلبت منه يبقي معاه مسابهوش خالص
بدر جدع وديما لما بحتاجه بلاقيه
وطبعا رغم انه كان ملخوم امبارح طول اليوم مع صاحبه إلا انه مسابنيش و جالي
لمار...بصراحه هو فعلا باين عليه انه جدع جداً بيفكرني بكارمن ديما معايا وقت ما بحتاجها.
دياب...عشان كده مينفعش ماروحش دي اقل حاجه اعملها عشانه وأردله لو جزء من اللي بيعمله بس انا مش عارف المفروض اخد ايه وانا رايح انا مليش في زيارات المستشفي دي.
لمار....عادي يعني ممكن بوكيه ورد شكله حلو وعلبه شكولاته شيك.
دياب...بأبتسامه امممم حلو كده خلاص هجييب الشكولاته وانا جاي وانا رايحله هجيب الورد المهم انتي مش محتاجه اي حاجه اجيبهالك.
لمار....لا يا حبيبي كل حاجه تقريبا موجوده بس لو فضيت بكره ممكن نجيب حاجه من السوبر ماركت🙄
دياب...حاجه ايه ده بدر جايب حجات ليه و للزمن.
لمار....مفيش بطاطس يا دياب انت عارف زين بيحبها وشويه خضار كده.
دياب...ماشي يا ستي لو علي استاذ زين انا عيوني ليه.
لمار...هو بس🤨
دياب...هو واخته الكبيره😉
ابتسمت لمار وكملوا اكل وشويه ونزل دياب راح علي الداخليه.
.............
عند أنس و كارمن.
كانت كارمن قاعده هي وانس بيفطروا فضلت تأمل لينا وهي سرحانه مش بتاكل ولا ليها نفس
أنس....حبيبي مش عايزه حاجه اجيبهالك وانا جاي.
فضلت كارمن سرحانه وساكته.
أنس...كارمن كوكي.
كارمن..هاااا
انس...انتي مش معايا خالص ولا حتي شايفك بتاكلي.
كارمن...لا ابدا بأكل لينا بس كنت بتقول ايه.
أنس...كنت بسألك عايزه حاجه أجيبهالك.
كارمن...لا يا انس شكرا
انس.....طيب هتروحي اي مكان انهارده ولا ايه.
كارمن ..لا انا هقعد مش راحه اي مكان.
انس...طيب ما تاخدي لينا وتروحي عند طنط مني وتقعدي معاها هي واخواتك انهارده انا احتمال اتأخر عشان متزهقيش
كارمن...مليش مزاج والله يا انس انا هقعد هنا النهارده.
انس....وبعديني يا كوكي هتفضلي كده كتير.
كارمن....انا كويسه يا انس في ايه بس.
انس...لا مش كويسه يا كارمن وانا عارف انك مش كويسه وانا كمان علي فكره مش كويس هو انتي
فاكره يا كارمن ان فراق دياب سهل عليا احنا من يوم ما أشتغلنا مع بعض عمرنا ما اتفارقنا حتي العمليات اللي كنا بنطلعها كنا ديما مع بعض فيها عمليات بسيطه بس اللي مكناش فيها سوا ده حتي اي تحقيق دياب كان بيعمله كنت ببقي معاه فيه صدقيني يا كارمن عارف ان الموضوع مش سهل بس دي حاجه غصب عننا لازم نتأقلم
عالوضع الجديد.
نزلت دموع كارمن وهي بتأمل لينا
كارمن....بس انا مش عارفه يا انس.
انس...ده احنا لسه في اول يوم يا كارمن امال لما يعدي وقت هتعملي ايه.
كارمن...غصب عني صدقني مش بمزاجي والله العظيم مخنوقه وقلبي بيوجعني وحاسه كأن في حمل كبير ضاغط عليه
أنس...عشان كده ياحبيبي بقولك اخرجي غيري جو طيب اقولك روحي ودي لينا عند مامتك واخواتك واخرجي اعملي شوبنج روحي الكوافير احجزلك تعملي يومك كامل اصبا وسونه يعني حاجه تساعدك انك تفكي شويه.
كارمن....مش عايزه والله يا حبيبي انت بس روح شغلك وان شاء الله انا هبقي كويسه وزي الفل.
أنس...اروح واسيبك كده يا كارمن
كارمن...بأبتسامه مسحت دموعها صدقني هبقي كويسه يمكن عشان زي ما قولت لسه اول يوم اكيد هتعود بعد كده.
انس...ماشي يا كوكي بس لو غيرتي رأيك عرفيني بس
كارمن...حاضر يا حبيبي.
انس...هقوم انا بقي عشان متأخرش
قام انس وقف باسها من راسها وباس لينا وسلم عليهم وخرج
اول ما قفل الباب وراه نزلت دموع كارمن بوجع وفضلت تعيط
كارمن....يارب 😢
.............
وصلت عشق الدار..
هي ونور
دخلوا علي المكتب بتاعهم.
ودخلت وراهم موظفه من الدار مسؤوله عن سن 14 سنه.
عشق....خير يا ناديه قولتيلي امبارح انك عيزاني اجي ضروري وفي مشكله حصلت.
ناديه...خير يا أستاذه عشق هحكيلك
عشق...لحظه قبل ما تحكي نور عيزاكي تروحي تمري كده في السريع علي اوض البنات و تطمني ان كل حاجه تمام وشوفي بنفسك يا نور قسم البيبيهات في اي حاجه ناقصه حد تعبان
نور...تمام يا عشق بعد اذنكم
عشق...اتفضلي
ناديه...اتفضلي.
عشق..اقتدي يا ناديه خير
ناديه...خير ان شاء الله امبارح حصل مشكله في اوضه رقم سته و رقم تمانيه البنات بقالهم يومين كأنهم بيستحلفوا لبعض وكان في شد بينهم وقت البريك فا طبعا عشان نخلص الخلاف ده عاقبتهم وخلتهم طلعوا و مكملوش البريك
عشق...بس انا قايله يا ناديه مفيش عقاب من اي نوع قبل كده ولو في مشكله ترجعولي او تكلمي الاخصائيه الاجتماعيه تحل الموضوع لحد ما اجي.
ناديه....عملت كده والله يا استاذه عشق والاخصائيه قعدت معاهم الكلام ده كان اول اول امبارح وسألتهم في ايه البنات متكلموش وقالوا يعني كلام عادي ان واحده زقت التانيه ووقعت والبنات فضلوا يضحكوا عليها واصحاب البنت اللي وقعت دافعوا عنها المهم المشرفه صالحتهم بس اول امبارح في البريك شدوا مع بعض والموضوع وصل لمد الايد عاقبتهم زي ما ماقولت لحضرتك
لان الاخصائيه كانت مشغوله في الوقت ده وعندها شغل كتير ومكانش في ايدي انا و الدادات غير اننا نسيطر عالوضع و نحرمهم من البريك.
المهم عدينا اللي حصل و امبارح بقي اتفاجئت بصريخ في الحمام
والبنات جايين بسرعه يصرخوا ويقولوا الحقوا رنا واصحابها
عوروا سجده في الحمام جرينا بسرعه لقينا البنت واقعه في الارض ومغم عليها و كف ايدها متعور و بينزل دم
بصتلها عشق بصدمه😳😳
ناديه...اطمني هي كويسه الحمد لله الجرح مش كبير اوي بس يظهر لما شافت الدم اغم عليها
الدكتوره عملت اللازم وبعدها بلغت حضرتك امبارح بليل اننا محتاجينك
عشق....طيب يا ناديه انا عايزه البنات دي حالا قدامي
ناديه...هجيبهملك يا استاذه عشق بس حاولي تعرفي منهم السبب لأن البنات دي اصلا كانوا صحاب وديما مع بعض مش عارفه ايه اللي قلبهم بالشكل ده
عشق...انا هتصرف يا ناديه بس عيزاكي تبعتيلي استاذه اميمه الاخصائيه تكون معايا.
ناديه....حالا مش هتأخر عليكي.
عشق...اتفضلي.
.........
في الجريده عند سيلا.
دخلت سيلا علي مكتبها وبعد وقت بسيط اتصل عليها مراد
سيلا....صباح الخير يا مستر مراد
مراد...صباح الخير يا سيلا عرفت
انك وصلتي عايزك تجيلي المكتب
سيلا حالا يا مستر.
ثواني وكانت سيلا في مكتب مراد.
سيلا...بأبتسامه صباح الخير يا مستر مراد.
مراد...صباح النور ياسلا اقعدي
سيلا...خير شكلها كده قضيه جديده.
مراد...قرب منها ورق امسكي يا ستي الورق اللي في ايدك ده وصلي من شويه بسيطه جريمه قتل حصلت في المهندسين من شويه بسيطه لراجل عنده حوالي خمسين سنه. ساكن في برج في الدور ال12 اتصاب بطلق في دماغه الشرطه بيقولوا انهم جالهم بلاغ ان في ريحه مش حلوه جايه من شقته لما راحوا لقوه قاعد علي كرسي جمب الشباك علي طول المشكله بقي انه متصاب في راسه من الخلف برصاصه وهو كان قاعد عالكرسي ووشه للشباك يعني المفروض ان الرصاصه جاتله من باب الشقه بس المشكله انهم قالوا ان الرصاصه دي صابته علي بعد 30 متر واصلا المسافه بين مكانه وبين باب الشقه ميكملش 12 متر
سيلا....طيب ازاي اكيد جاتله من الشباك.
مراد....المفروض بس المشكله يا سيلا ان الشباك كان مقفول كويس جداً من جوه ومفيش اثار لكسر في الزجاج وزي ما قولتلك هو وشه للشباك والرصاصه في دماغه من ورا والمسافه من وراه اقل بكتير من المسافه اللي اتحددت
في لغز كبير في القضيه دي زي ماقولتلك لسه مفيش اي إعلان عنها ده حد حبيبي هو اللي جابلي المعلومات دي وعايزك بقي قبل ما الخبر يتنشر تتابعي القضيه دي بنفسك واي حاجه توصليلها تبلغيني بيها فورا عشان نكون احنا اول ناس منفردين بالخبر كامل
سيلا...تمام يا مستر مراد انا هتحرك فورا علي هناك.
مراد...بأبتسامه تمام يا سيلا بالتوفيق.
سيلا...بعد اذنك.
خرجت سيلا من المكتب وفضل مراد باصص لطيفها واتنهد بحزن
مراد قدر يستسلم للأمر الواقع وقدر انه يتفهم حب سيلا لبدر وحاول يظهر انه تقبل ده لكن مكانش قادر يكدب قلبه اللي عمره ما بطل يحبها صحيح من جواه مبسوط ليها وفرحان انها سعيده في حياتها لكن الحب عمره ما كان بأيدنا ولا المشاعر مجرد زرار نقدر ندوس عليه وننسي اللي بنحبهم...كمل مراد حياته عادي لكن فضل زي ماهو من غير جواز
لانه بأختصار مش قادر يشيل حب سيلا من قلبه رغم انه بيتعامل معاها بكل أحترام وكل كلامه معاها عالشغل وبس.💔
........
خبطت ناديه علي مكتب عشق اذنتلها عشق بالدخول
دخلت ناديه ودخل وراها 7 بنات
ووراهم اميمه الاخصائيه.
اميمه...صباح الخير ياأستاذه عشق.
عشق...بعمليه صباح الخير يا استاذه اميميه اتفضلي.
ورحي انتي يا ناديه شوفي شغلك
ناديه...تمام بعد اذنكم.
عشق...اتفضلي.
فضلت عشق باصه شويه علي البنات وهما عينهم في الارض محروجين منها.
عشق....عايزه حد فيكم يقولي اللي حصل ده حصل ليه
فضلوا كلهم ساكتين وعينهم في الارض.
عشق...ايه مكسوفين من اللي عملتوه ولا شايفين ان اصلا مكانش في حاجه تستدعي اللي حصل ده. قوليلي يا سجده انتي ايه اللي حصل.
سجده....انا معملتش حاجه والله رنا واصحابها بقالهم كام يوم بيضايقوا فيا من غير اي سبب ولما استغربت طريقتهم معايا روحت عشان اكلمهم رنا زقتني و وقعتني غي الارض والبنات كلهم ضحكوا عليا لما قومت عشان أزعق واقولها ليه كده كلمتني بطريقه وحشه وكانت هتمد ايدها عليا وطبعا انا معرفتش اسكت زقتها وهي كمان وقعت وبعدها قامت عشان تضربني صحابي وصحابها اتدخلوا والدادات حاشونا عن بعض وطلعونا من البريك تاني يوم كنت في الحمام خرجت لقتهم واقفين علي الباب هما الاربعه وفجأه لقيتهم بيكتفوني ورنا طلعت من جيبها سكينه اول ما شوفتها فضلت اصرخ واحاول افك نفسي منهم البنات اللي معاها خافوا لما صرخت سابوني وقبل ما تضربني بالسكينه مسكتها بأيدي واتعورت وبعدها اغم عليا.
عشق....الكلام اللي بتقولوا سجده ده صحيح يا رنا.
فضلت رنا موطيه راسها وساكته
عشق...بغضب ضربت عالمكتب ردددددي.
اتفزعت رنا من صوت عشق وبصتلها ونزلت دموعها
رنا...ايوه حصل بس والله مكنتش قصدي كده خالص
عشق...يعني ايه مكانش قصدك انتي عارفه انتي عملتي ايه انتي كنتي داخله و ناويه عالشر يعني كان ممكن تموتيها وتقضي اللي باقي من عمرك في السجن والاهم من كل ده تعيشي بذنبها العمر كله
قوليلي يارنا ايه السبب القوي اللي يخليكي تعملي حاجه زي دي مستحيل يكون تلكيكه بين بنات وخلاص عملتي ليه كده.
رنا...بدموع انا من يوم ما جيت هنا من سنه وانا بتعامل معاهم كلهم علي انهم اخواتي لما هربت من الدار اللي كنت فيها كنت كارهه حياتي كلها عشان كنت بتعذب في الدار ويمكن لما جيت هنا حسيت بالفرق و حبيتهم كلهم والله العظيم بس من فتره وكل الناس هنا بيعاملوا سجده علي انها احسن مننا وافضل مننا عشان هي شاطره في دراستها
عشق...بس انتي كمان شاطره وانا هنا معنديش بنت افضل من التانيه كلكم واحد يارنا وانتي عارفه كده كويس.
رنا...عارفه بس سجده هي افضل واحده في البنات وديما حضرتك اول واحده بتكفئيها ديما هي المميزه انا بعمل كل اللي عليا وبذاكر بس المشكله ان المس اللي بتدينا الماث مش قادره تفهم اني بقالي كام سنه بدرس بالعربي مش بالانجلش وان ده صعب عليا استوعبه في سنه واحده ديما تقلل مني وديما تقولي انتي غبيه وعلي طول تقولي شوفي سجده شوفي هنا شوفي مريم شوفي حتي صحابك كلهم اذكي منك انتي غبيه يمكن سجده طيبه وانا بحبها بس حسيت فجأه اني بقيت اكرها بسسب مس ندي وطريقتها معايا مابقتش بعمل اي حاجه غير اني عايزه أذيها وبس لكن والله العظيم مكنتش قصدي.
انهارت رنا من العياط في الوقت ده.
بصت عشق لاميمه...اظن الوقت يا استاذه اميمه عرفتي اصل المشكله اتفضلي انتي وانا هتكلم مع البنات شويه وهيبقالي كلام معاكي واكيد مع مس ندي.
اميمه....تمام يا استاذه عشق بعد اذنك.
عشق...اتفضلي.
خرجت اميمه وبصت عشق للبنات
اتفضلوا اقعدوا.
قعدوا البنات كلهم علي الكنبه جمب بعض وقامت عشق من مكتبها سحبت كرسي وقعدت قدامهم.
عشق....انا م هقول ان اللي حصل ده مش هيتكرر تاني لاني مش هسمح تحت اي ظرف انه يتكرر
ولا هعاقب اي حد وطبعا انتي ياسجده بره كل ده.
بصي يارنا انا عارفه انك حد جميل وطيبه ويمكن انا استغربت واتصدمت من اللي سمعته عنك لاني عارفه انك مش كده
بس المفروض يا حبيبه قلبي لما تحسي ان في حد بيعاملك وحش او بيفرق بينك وبين اخواتك تجيلي او تتكلمي مع مس اميمه
وانا هتصرف لكن انك تقرري مع نفسك انك تنتقمي من اختك ده اللي متوقعتوش بصوا يابنات انا هقولكم علي حاجه يمكن لاول مره اقولها في منكم اللي ممكن يكون عارفها في منكم لأ.
في يوم من الايام انا كنت هنا مكانكم ويمكن يا رنا اتعرضت لأسوء بكتير من اللي انتي اتعرضتيله في الدار اللي كنتي فيها كان في مديره ماسكه الدار وللاسف كانت محوله حياتنا لجحيم في بنات هربت و مستحملتش في بنات كانوا بيعملوا حجات غلط الدار كانت مليانه مشاكل وهي كانت عارفه ده وديما بتحاول تظهر قدام الناس بره ان الدنيا تمام مع ان البنات كانوا بيضربوا بعض ويعوروا بعض كان فيهم جزء متحول كأنهم بلطجيه وده للاسف مش ذنبهم ذنب اللي كانت مسؤوله عننا و مسؤوله انها تراعي ربنا في تربيتنا. ولما كانت تشوف مشكله بعينها كانت بتقرر انها تعاقبهم و اجاركم الله من عقابها اللي كان قادر يحولنا من بني ادمين لحيوانات بس انا واللي كانوا زيي قربوا من ربنا ودعينا اننا نخرج علي خير ونبقي حد صالح والحمد لله عرفنا نعمل كده
وبقينا زي ما انتوا شايفين
انتوا عارفين ان انا لا هعاقب ولا ده اسلوبي انتوا اخواتي واصحابي وولادي اللي مقدرش ابدا أمسهم بسوء بس اكتر حاجه توجعني اني اشوفكم بتقطعوا في بعض و بتخذلوني انا قولتلكم اني مستعده اعمل اي حاجه عشانكم عشان يوم ما تطلعوا من هنا تطلعوا وانت ا معاكم شهاده وسلاح في ايدكم تطلعوا وانتوا في ايدكم حلم بدأ يتحقق تطلعوا وانتوا قد الدنيا مش الدنيا كبيره عليكم. تطلعوا وانتوا سند وضهر
وتكونوا لبعض العيله اللي الدنيا حرمتكم منها.
نزلت دموع عشق بوجع.
لو انتوا بتحبوني بجد حبوا بعض وخافوا علي بعض خلكم ايد واحده ساعدوا بعض انكم تكونوا الافضل بلاش يكون في بينكم تفرقه انانيه كرهه ادعموا بعض واللي عنده حاجه يفيد بيها التاني ميبخلش بيها ابداً علي التاني
اقفي مع رنا يا سجده واعملي كل اللي تقدري عليه عشان تشوفي اختك افضل منك حبيلها الخير عشان هي تشيل جميلك في قلبها العمر كله حبي نفسك بس وانتي بتحبي نفسك اعتبري ان البنات هما نفسك وقتها مش هتقدري تشوفي حد فيهم واقع وانتي يارنا خافي علي سجده حبيلها الخير أساليها لو مش عارفه مش عيب انك تروحي تقوليلها تفهمك وكملت وهي باصه علي صحاب رنا وانتوا بدل ما أيدكم تكتفها عشان في لحظه شيطان رنا تأذيها خلوا ايدكم دي بدل ما تكتف تكون بتسند وتقوي تنصحوا رنا تستغفر وتبعد عن شيطانها تدافعوا بيها عن سجده انتوا هنا كلكم نفس الظروف ونفس الوضع لو مكنتوش هتخافوا علي بعض جوه الدار هتعملوا ايه لما تطلعوا من الباب ده وتتفاجئوا بالدنيا الكبيره عليكم عشان خاطري اوعوا تحسسوني بالوجع ده مره تانيه.
قاموا البنات كلهم في اللحظه دي حضنوا عشق و اتأسفولها وانهارت رنا من العياط وجريت علي سجده حضنتها وفضلت تعتذرلها
عشق..بابتسامه اهو انتوا كده فرحتوا قلبي من اللحظه دي مش عايزه اشوفكم غير في ضهر بعض واطمني يا رنا مس ندي مش هتتعرضلك بأي كلمه من هنا ورايح اتفقنا.
رنا...بابتسامه اتفقنا.
عشق....يلا ياحبايبي شوفوا اللي وراكم خدي اختك يا سجده في حضنك واوعي تسبيها ابداً
ابتسمت سجده والبنات ومسكوا ايد بعض وخرجوا.
ابتسمت عشق ومسحت دموعها
وبعد شويه قابلت ندي وفهمتها غلطتها اللي كانت هتتسبب في موت بنت من الدار اعتذرت وفهمت غلطتها ووعدتها انها هتحتضن رنا ومش هتضايقها ابدا.
اتنهدت عشق براحه وقامت مشيت هي ونور عشان تكمل مشوار المفجأه بتاعت ليل.
.............
عشق....الووو
ليل...حبيبي وحشتيني الشركه وحشه من غيرك.
عشق...معلش يا حبيبي كان في مشكله صغيره مع البنات في الدار كان لازم احلها المهم انت فاضي
ليل...اه في حاجه ولا ايه انتي كويسه.
عشق...متقلقش كده انا بخير بس بصراحه عملالك مفجأه ولازم اشوفك حالا.
ليل...مفجأه ليا انا خير🤨
عشق...بضحك خير ياعم براحه بقولك مفجأه هبعتلك عنوان هتجيلي عليه علي طول من غير اي نقاش مفهوم.
ليل...ماشي ياستي مفهوم.
عشق...متتأخرش
ليل....مقدرش اتأخر هجيلك علي طول.
عشق...اوك يا حبيبي هستناك
باي
ليل...بحب باي يا حبيبي❣️
مشيت نور عالشركه وراحت عشق عالمكان بعد ما بعتت العنوان لليل.
وبعد وقت بسيط وصلت وفضلت مستنياه.
وصل ليل بعد وقت بسيط وهو مش فاهم اي حاجه العنوان قريب من الڤيلا عندهم ومش عارف في ايه كان مستغرب اتصل علي عشق بمجرد ما وصل
ليل...الووو انتي فين انا وصلت
عشق...انا شوفتك بص وراك
بص ليل وراه 😳😳😳
