رواية خيانة لا تغتفر الفصل التاسع بقلم جمانه السعيدي
نازك...بقيت مغمضه عيوني واني اسمع كل كلامهم
قرب عليه بسام
بسام...حبيبتي عيوني شلون صرتي
نازك...كلامه ينزل مثل السم على كلبي اول مره اسمعه
يتغزل بيه ومااصدك كلامه
بسام....لوبس اعرف شبيه وليش صار وياها هيج جاا ارتاحيت
نازك...مغمضه عيون وافكر اريد مبرر واحد للشي الي سوو بيه ثنيبنهم
بلنسبه البسام اني احبه وماعندي مشاكل من اي نوع وياا
حياتنا حلوه
راد فلوس انطيته حتى ذهبي مال عرسي والي مشتريه قبل عرسي ماستخسرته بي
احبه واموت علي جمانه السعيدي ولا يوم سمعته غير كلمة حاضر
واخذني على حب ذبح نفسه عليه
بعد ليش هيج يجازيني
والمصيبه الأكبر مريم عمري ماحسيته صديقتي بلعكس كنت أخاف عليه اكثر من نفسي
واحاول اخليه سعيده ودائما احسسه اني سند اله بهاي الدنيا معقوله ما وكف بعينه اي شي
مل بسام من الكلام وهو يحاول يفهم شنو المشكله
بس اني بقيت مغمضه عيوني
اريد افكر اريد استوعب اريد اعرف اني شنو الغلط الي غلطته
بسام...اني ابقه يمها وانتم روحو ارتاحو
امي...لا اني ابقه يمه روح انت وباجر الصبح تعال اطمن عليه
بسام...خاف تعبانه
امي...لا موتعبانه
طلع بسام وبقت بس امي ونجلاء يمي
امي...روحي ماما نجلاء انتي هم شعندج باقيه مناك زوجج وابنج جاي تشوفينه نايمه
نجلاء...شلون اعوفج وحدج
امي...قابل اني شعندي روحي للبيت
طلعت نجلاء جمانه السعيدي وامي حاولت تكعدني تريدني اكل
نازك..مااريد اي شي
امي....حبيبتي اكلي شويه لان نزفتي هواي وموزين عليج
نازك...تعرفين صار شكد منتضره هذا الخبر
تعرفين شكد صار احلم اكون ام
تعرفين من سمعت هذا الخبر احس الدنيا كله مو بكد فرحتي
امي...وشنو الي صار
نازك سكتت
امي ...احجي اريد اعرف شنو الي صار
نازك....مااعرف شنو صار
امي...شلون ماتعرفين شلون طلعتي من المستشفى وشلون وكعتي باب المستشفى
نازك...مااعرف ولا تسئليني ماعندي جواب
امي...ميخالف حبيبتي مادام صار حمل اكيد راح يصير مره ثانيه
نازك...بعد ماكو مره ثانيه
امي...ليش ياستار بعدج طفله وزوجج شاب
نازك....اني اكلج بعد ماكو حمل
سكتت امي لان حست اني تعبانه نفسيا وجسديا ومارادت تكمل عليه
ثاني يوم رجعو اجوني كلهم
اول شي بابا ونجلاء وزوج نجلاء اجا يطمن عليه
وبسام جاب ريوك واجا
بسام....هلو حبيبتي فدوه اللج كلشي بس ترجعين سالمه
حضني وباسني حسيت اكرها واكره كلشي بي حتى النفس اكرها
شويه واجت الحيه شايله ورد بيدها وجايه
كل عمري اشوفه حلوه بس هلمره شفته كلش مو حلوه
باستني
مريم...الحمد لله على سلامتج حبيبتي
باوعت عليه وسكتت هاي من كل عقله جايه تمثل عليه
وكفت بصف بسام كل الي بلغرفه كانومخبوصين بيه
وهي كل شويه تندس بسام
يمكن مايعجبه تشوفني يمكن تتمنى تخلص مني
حتى بسام يبقى بس اله
بسام...اني اترخص منكم
مريم...اخذني وياك
طلعو ثنيبنهم اول مره اشوف وجوهم الحقيقيه
امي...يمه نجلاء ابقي يم نازك واني اروح للبيت اسبح واغير ملابسي وارجع جمانه السعيدي
اجا بابا حضني وباسني
بابا...يفداج الكون كله حبيبتي الغاليه ضحكتج بلدنيا كله
بقينا بس اني ونجلاء
نجلاء...يله نتريك اني وياج
كعدتني وكامت توكلني شويه شويه
نجلاء....اي هيج صيري قويه
نازك...ومنيين اجيب القوه
نجلاء....شنو آخر الدنيا خوما اخر الدنيا ربج الي رزقج مره
مراح ينساج ابد
نازك...والنعم بلله
للعصر الدكتور كال تكدر تطلع حالته احسن بس انتبهو
عليه اي زعل موزين عليه
اجا بسام واخذنا بسيارته
بسام...ترحين الاهلي واني اداريج بعيوني
اشرت النجلاء لا وياج
نجلاء...لا أخذنا البيت اهلي ترتاح فتره وترجع البيتكم
وصلت البيتنا ودخلت غرفتي اذكرت بعرسي شكد جنت فرحانه من طلعت من هاي الغرفه
بس هسه اتعس وحده بهاي الدنيا
نجلاء....مادام صرتي زينه ممكن افهم شنو صار وياج
امي...اي ولله اني هم اريد اعرف
بابا...عوفوها ترتاح لا تلحون عليه
بليل اجا بسام يشوفني وجايب كرزات وحلويات
كعد وسولف عليه واني ولا كلمه
ماعندي كلام احجي كمية الخذلان الي جاي احس بيه موطبيعيه
شكد حاول وياي واني ولا كلمه
اخير شي كال حبيبتي ترحين وياي
اشرت براسي لا
طلع من غرفتي كمت طفيت الضوه اريد انام
اتمددت اجت امي سويت نفسي نايمه
طلعت وطبكت باب الغرفه
راسا تخيلت بسام وهو رايح على مريم ونايم وياها
ويسمعها نفس الكلام الي جاي يسمعني ايا
اكيد هسه الجو خلا الهم براحتهم يمكن يتمون يخلصون مني للابد
ياترى منو الغلطان
اني لان انسانه صادقه واتعامل وياا الناس بمشاعر صادقه
يعني شلون اغير مشاعر
بس اني كنت احب مريم وتعاملت وياها بحب
اكيد اني الغلطانه
لان جبته وقربته على بسام
هي جانت تخطط تريد تاخذه مني
واني صدكت كلامه وشغلته ويااا اني قدمتله هاي الفرصه
لا مو اني الغلطانه هي انسانه استغلاليه ونتهازيه
ودائما تحب تاخذ الاشياء الي عندي
زين بسام اني تعاملت وياا بكل حب وقدمتله كلشي عندي
شلون اناطا كلبه يغدرني
وويامن وياا صديقت عمري
ليش مانبهني ليش ماكال هاي صديقتج تريد تغدر بيج
بس قربت علي فرح واخذها بالاحضان
اني شنو ناقصني ليش يزوج عليه
علمود الاطفال بس هو ابد ماحاول يعالجني لو يعرضني على اي دكتوره
اصلا مايحجي بموضوع الاطفال ابد
اذا هذا الموضوع يهمه حيل ليش كلما اسئله يكول
عادي اني مااريد اطفال
ليش مااخذني ايده بايدي وكال تعاي نشوف علاج
لو بس جايني وكايل اني اريد ازوج اريد اطفال جان انطيته الف عذر يمكن ازعل شويه
بس اعذره من حقه يصير عنده اطفال
لو مزوج وحده غير مريم يمكن الموضوع جمانه السعيدي مايتعبني هيج
على الاقل الخيانه من جهه وحده
بس هيج الضربه ضربتين زوجي وصديقتي بوقت واحد
بس ولله مااخليكم تتهون
على كل لحظه استغفلتوني بيه واستغليتو ثقتي وطيبتي
حتى رب العالمين يكول هل جزاء الإحسان إلا الاحسان
ثنيبنكم غدرتو بيه
وضحكتو عليه واني اكلكم احذرو الحليم اذا غضب
راح اخليكم تشوفون هاي الانسانه الطيبه
شراح تسوي بيكم
ثاني يوم الصبح دزلي مسج بسام
...هااا حبيبتي شلون صرتي
نازك....احسن
...اجي اخذج
....لا
...اذا تحتاجين شي اتصلي عليه اني اليوم امر عليج
الضهر اجت نجلاء تشوفني هي وابنه
كعدت كبالي وكالت لا اليوم احسن
نازك...الحمد لله
نجلاء...مادام صرتي احسن ممكن افتهم شنو صار وياج
نازك...اني محتاجه احد احجي ويااا
نجلاء...يله احجي اسمعج
نازك...هذا الحجي يكون سر بيني وبينج
نجلاء...اكيد
نازك....كومي سدي الباب
نجلاء...مبينه الشغله جبيره
نازك...اكعدي وسمعيني زين
نجلاء...هاااءه فتحت اذاني
نازك....بسام ومريم مزوجين ابيتي بلسر
نجلاء...اوكفي خل استوعب مريم صديقتج وبسام زوجج
مزوجين بلسر ببتج هاي شلون رهمتيه
نازك....مريم من رجعت من الخارج اني قربت عليه حيل
كمت اشتريله وانطيه فلوس
وقربته من حياتي وكمت احجيله كلشي عني وعن بسام
نجلاء.. يااا عزاااا.شكد غبيه
نازك...اعرف اني غبيه بس اريد اخذ حقي منهم بذكاء
نجلاء...وبعدين
نازك... مريم طمعت بسام ودخلت عليه بحيله
اربد اشتغل واخاف الناس تطمع ببه اريد اشتغل وياا بسام
اني كتله عادي
ورحت البسام حتى يشغله ويااا وكتله تنطيه راتبه ليكدام
نجلاء....انتي صاحيه تعرفينه من زمان استغلاليه ومصلحجيه شلون تقربيه على زوجج
نازك...امس من حللت وطلعت حامل رحت حتى افرح بسام
بي وصلت شفتهم طالعين سوا
رحت وراهم طلعو ساكنين بيتي واني الي سلمت المفتاح بايدي البسام
نجلاء...انتي مو سحبتي قرض وبعتي الذهب وانطيتي
نازك...اي
نجلاء ...وشلون راح ترجعين كلشي يلشاطره
راح تبقين اسددين القرض من راتبج
نازك...فكري وياي شلون اكدر اطلع فلوسي منهم
نجلاء...ولله ماادري
نازك...اريد اخذ حقي منه واطلك هسه اذا عرف بسام
اني عرفت زواجه من مريم كلشي مااحصل منه
لازم اخذ حقي وبعدين اطلك
نجلاء...تعاي نفكر بخطه شلون نرجع فلوسج
نازك...اي ساعديني ثار ابني اخذه من عيونهم
شكرا لزيارتكم عالم روايات سكيرهوم
