رواية الوجه الاخر للحقيقه الفصل التاسع بقلم جمانه السعيدي
ليلى...ابوي اخذ زوج اختي وراحو يشتكون على كوثر
ابوي اخذ ويا كل التحاليل الي تثبت اثير عقيم
وراح يطالب يسوون تحليل للطفل وياا زوج امه
وتحليل للطفل وياا حجي عداي حتى يشوفون منو اكثر مطابق
وساعتها راح يبين الحق
طبعا اوراق حجي عداي واضحه ومبينه
الشي الحلو الي صار ويا حجي عداي
مدير المحكمه الاتحاديه جان طالب عنده وجان عايش بنفس المنطقه الي عايش بيها عداي
كان جيرانهم وأهله قبل عشر سنوات انتقلو البغداد
الولد جان حيل متفوق وماخذ ماجستير ودكتورا
كدر يتقدم على كل زملائه بشطارته
طبعا هو عرف حجي عداي ورحب بي بس الحجي هلكد ماشاف مصايب ماعرفه
واكيد مراح يكدر يذكر كل الطلاب الي درسهم قبل
الحجي...ولا زغرا بيك بس ماعرفتك اعذرني
محمد.......اني محمد ساجت كنت طالب عندك جيرانك بلشارع الي قبلكم
حجي عداي...اهلا وسهلا واعذرني هلكد مامريت بظروف صعبه زين واذكر اسمي
قبل أسبوعين الله طلعني من محاولة قتل
ماكان بيني وبين الموت غير شعره
جمانه السعيدي
محمد........سلامتك الف سلامه
حجي عداي...اعتبر نفسي محظوظ لان طلعت انت بطريقي
انت اكيد تعرف اثير ابني وتعرف اخلاقه
علي.. اكيد اعرفه
حجي عداي...اني راح احجيلك مشكلتي وارسدك تساعدني
لان اشتكيت بمنطقتي بس محد وكف وياي
وزوجة اثير جاي تلعب عليه
ابني اثير ازوج بنيه بت حلال و وبقت وياا ٣ سنوات
بس ماصار عدهم اطفال
محمد.........لا وبعدين ماكو علاج شي
حجي عداي...جايك بلكلام ماخليت مكان مااخذته بدون فايده
بعدين انفصلوووو خوش بنيه وبت حلال الله يرضا عليه
بت عمه كانت كاعده بيتنا تدرس
كالتله اني احبك واني ازوجك ومااريد اطفال
اقتنعنا كلنا موبس اثير وازوجها خلصت دراستها براسه
بعدين طلعو بيت وحدهم
هو بيت اثير القديم
كامت تلح على موضوع الاطفال رغم هي من ازوجته تعرف هو عقيم ورضت بي وكالت مااريد الاطفال
اقترحت علي يرحون الواحد.سيد معروف هنا بغداد بمنطقه الحسينيه اخذته وراحت
اني وامه ماكان عدنا علم بهاي السالفه
السيد قابل يطردهم هو عايش على هاي الشغله
انطاهم حرز وسبوحات وشغلات من هاي الي عايشين عليها الساده
البنيه بس رجعت أسبوع واحد وكالت حامل
شلون حامل مااعرف
الولد عقيم وعندي كل التقارير الطبيه الي تثبت هو عقيم
احنا ماكلنا شي كلنا ايجوز رزق من رب العالمين وسكتنا
مارحنا سوينا تحليل وتاكدنا لا الفرحه غلبت علينا
وعفنا موضوع العقم ورانا
جمانه السعيدي
اثير أتعرض الحادث دهس ومات
وزوجته قررت تزوج
علي...وبعدين هاي شلون مصيبه
حجي عداي....اني كل هاي الفتره ماعندي شي وياها
ولا قصرت بمصرف لو سوال
والاشكيت بيها ولا بتصرفاتها هاي بت عمه شلون اشك بيها
ازوجت غصبا عليه
زعلت عليها وقاطعتها ولا شفت زوجها ولا اعرفه
بس من ازوجت يله انتبهت الطفل نسخه من زوجها
قدمة عليها بلاغ ورحنا سوينا تحليل تطابق
بيوم التحليل ماقبلت تروح ويانا بحجت الطفل مريض
انطتنا شعر بكلنسه أخذنا ورحنا
محمد.......بس مايصير هيج لازم الطفل يحضر كدام الطبيب المختص وياخذ منه عينه بنفسه ويطابقها
حجي عداي...واني شمدريني شمعرفني اني قدمت طعن
بس محد مشى بي هسه هي انهزمت هي وزوجها
يعني انتقلت من بيتها شالت غراضها وعافت بيتها
واني اريد اعيد التحليل
محمد....وين انهزمت
حجي عداي...اعتقد هنا البغداد لان اهلها هنا
محمد....اي بسيطه
حجي عداي.......اريد تحليل اني والطفل وتحليل الطفل ويا زوج امه
تكدر تساعدني بهاي المشكله
صدكني قبل اسبوعين حاولو يقتلوني حتى تنسد هاي القضيه
وما ينكشفون وحاولوا يدزولي ناس حتى اسحب هاي القضيه وبعد مااحجي بيها لان شافوني مصمم عليها
بس اني اريد حق ابني
اذا تكدر تساعدني اكون ممنون منك
جمانه السعيدي
محمد.......بس هاي مو بسيطه من عيوني
اريد الاسم الثلاثي الكوثر واسم زوجها الثلاثي
اني راح اعمم مواصفاتهم داخل بغداد وراح اشرف على هذا الموضوع بنفسي اطمن حجي
حق ابنك مراح يروح ابد
تعرف أي يوم اجو البغداد حتى اشوف اسمهم بلسيطرات
حجي عداي.. من يوم ٤ اليوم ٧ تقريبا من هذا الشهر
محمد...تمام
حجي عداي...الله يبارك بيك ويحفظك انت الإنسان المناسب بلمكان المناسب
لان بمنطقتي محد نصفني وبقو يماطلون بلقضيه لمن البنيه انهزمت واذا بقت مهزومه ومحد كدر يوصل الها
يعني اني ماسويت شي
لان الطفل يبقى باسم اثير واني اريد اخلص ابني من هذا الطفل
محمد........حجي هسه راح اجري اتصالاتي ومايكون خاطرك اله طيب
حجي عداي...ابقى هنا بغداد انتظرك
محمد......تعال بيتنا اني اضيفك وبيك خير ودلل
حجي عداي....لا راح ااجر فندق واكعد بلكاظميه
وهذا رقمي إذا جد شي اتصل عليه
محمد...... انشاء الله
حجي عداي....انت أبوعلي ارجع الاهلك لو اجيب الحجيه بيتكم لو تجون انت ولمى تكعدون وياها بلبيت
الحد ما تخلص هاي القضيه
ابو علي...ليش ماابقى وياك عمي
حجي عداي...لا بيتك وبيتي ثنيبنهن فارغات واني اخاف على خالتك وزوجتك وجهالك
ارجع حتى تبقى يمهن ونتواصل بلتليفون
اذا احتاجيتك اتصل عليك
تمام
ابو علي...اي شي بس اتصل عليه تلكاني كبالك
حجي عداي...الله وياك دير بالك على خالتك
ابو علي...صار من عيوني
جمانه السعيدي
طلع حجي عداي وراح للأمام الكاظم حتى يزور
ويدعي رب العالمين يساعده ويطلع حق ابنه
مرن ٣ ايام وكلشي ماكووو اتصل حجي عداي على القاضي علي
حجي عداي...هااا بويه بشرني
محمد....جاي نطلع الأسماء الي دخلت بغداد بليوم الي كلت علي الناس الي اجت شايله غراض تحديدا
وبس يطلع اسم حميد ارجعلك خبر
حجي عداي...اني عندي فكره أسهل واسرع
محمد...كول حجي
حجي عداي...اني انطيك عنوان اخوها بس تلزمو وينكتل كتله معدله هو الي راح يوصلكم البيت اخته وهو المنون
محمد.......وين جنت ضام هاي الفكره ليش مخلينا صار ٣ ايام ندور على حميد
حجي عداي...اليوم اذكرت اخوها وكلت مو معقول مايعرف مكانها
محمد.........هسه راح ادز الولد يجيبونه
حجي عداي...قبلك الضابط الي بلمركز اتصل علي وكال مااعرف مكانها لا تتساهل ويااا
لان شيطان اكثر من اخته
محمد.......اليوم اخلي يعترف حتى على امه وابو
للعصر اتصل القاضي علي على حجي عداي
حجي عداي....هااا بشرني
محمد.......جبنا وانكتل كتله زينه واعترف بمكانها هنا بغداد
بمنطقة النهروان كاعده بيت ايجار
راح نجيبها هي وزوجها ونجي
تكدر تجي تنتظرنا هنا بلمركز حتى التحقيق يصير كدامك
حجي عداي...الف رحمه على اهلك هسه جايك اني منتظر هذا اليوم بفارغ الصبر
فعلا طلعت دوريه على البيت الي كاعده بي كوثر
لان دنيا ليل لكوها هي وزوجها كاعدين بلبيت
خلوهم بسيارة الشرطه وجابوهم المركز الشرطه
شويه ووصل القاضي محمد. للمركز حتى يحظر التحقيق
محمد.......من رخصتك حضرت الضابط اني اريد احقق وياهم
الضابط...اي تفضل
بس وصل حجي عداي وشافو بعيونهم كامو ينطون اللوان
محمد......هله بكوثر وين مختفيه
كوثر...ما مختفيه موجوده
محمد.......وليش عفتي بيتج واجيتي كعدتي ايجار
كوثر...لان قريبه على اهلي
محمد.......بس انتي مو قريبه على اهلج وكاعده بمنطقه بعيده عنهم
كوثر...ماكو بيوت بمنطقتهم
محمد........اي احجيلنا ليش انهزمتي من التحليل
كوثر...ماانهزمت اني سويت تحليل وطلع مطابق
محمد.......بس الحجي طعن بلتحليل
بعدين هذا الشغل شغل كلاوات وين اكو تحليل هيج
لازم الطفل يحظر والدكتور نفسه ياخذ منه عينه
كوثر.. ابني جان مريض
محمد...... وليش مااجلتي التحليل
كوثر...عمي واكفلي وكفه
محمد........باجر هنا وتحت اشرافي اريد ثنيين تحاليل
واحد الطفل ويا الحجي وواحد الطفل وياا زوجج حميد
والحد باجر زوجج راح يبقى هنا يمنا منا لمن ناخذ منه عينه
واني بنفسي راح اروح ويااا
واشرف عليهم من ياخذون هاي العينه
وانتي تبقين بيتج وراح اخلي شرطي بلباب حتى لا ترحين منا لو منا
جمانه السعيدي
كوثر.. اني ارفض هذا التحليل اني سويت تحليل وخلاص
محمد....... اذا تمتنعين عن التحليل اذن كلام حجي عداي صحيح هذا الطفل مو ابن اثير
كوثر.. اني سويت تحليل ليش ما تمشون علي
محمد....... لان هذا تحليل كلاوات شلون مجان
كوثر.. وانت شمدريك
محمد...اني عرفت كل التفاصيل وباجر ينعاد التحليل
الا اذا
كوثر.. اذا شنو
محمد....... اعترفتي بكلشي وريحتينا من هذا التعب
لان احنا راح نبقى حاجزين زوجج منا لمن يطلع التحليل
خاف ينهزم
كوثر.. اني راح اشتكي واخلي محامي اني سويت تحليل
وبعد مالكم شي يمي
محمد........لا مو بكيفج لو تخلين عشر محامين
مجرد مانكول الولد مراح للتحليل وهي انطتنا شعر كاصته مسبقا ومحضرته راح يبطل التحليل
كوثر...اني عفت المحافظه كلها وهجيت من حجي عداي ليش جاي وراي
عفت كلشي ليش مصمم يكبر السالفه
حجي انت شتريد مني بلضبط ترا عفتلك كلشي وهجيت
حجي عداي...اعترفي هذا الطفل مو ابن اثير
واني راح ابتعد عنج وبعد ماتشوفين وجهي
كوثر...اثير مات تفهم شنو مات شراح تستفاد اذا ثبتت هذا الطفل مو ابنه
موزين اكو طفل يحمل اسم ابنك
ابن مات ليش تريد اضيع ذكرى
موزين اكو طفل يحمل اسم اثير
حجي عداي...اكيد موزين لان ابني عقيم ومايصير عنده اطفال
كوثر...هسه اذكرت ليش ماحجيت من جان اثير موجود
حجي عداي... جنت مصدكج وأكول بت عمه هاي مستحيل تكذب علينا
الشي الي خلاني احجي
الطفل نسخه من حميد
كوثر....ترا مو شرط يطلع يشبه اثير
حجي عداي.. اني ماكلت يشبه اثير يطلع يشبهج
يشبهني يشبه اخوج امج
بس شلون طلع يشبه حميد جمانه السعيدي
انتي اذا ماعندج شي ليش خايفه
التحليل هذا راح يبرئج من هاي التهمه
وترحين تعيشين حياتج مثل مااتردين
بس اذا انتي مسويه شي غلط تخافين ينكشف
كوثر...انت منيين طلعتلي مو جنت عايشه حياتي
حجي عداي....اني اصلا موجود ورب العالمين خلاني اشوف شي كدام عيني وماكنت منتبه علي
كوثر...حجي عوفني بروح اثير اذا عزيز عليك عوفني
بحالي كلشي مااريد منك عوفني
حجي عداي....اعترفي هذا الطفل مو ابن اثير واني اعوفج
خليني اطلع اسمه من اسم اثير
خلي ابني يرتاح بكبره
احجي الحقيقه وراح ينتهي هذا الكابوس
كوثر...تعبت ولله تعبت بعد مااكدر اقاوم اكثر
من يوم بدت هاي القضيه واني عيني ماشايفه النوم
اريد ارتاح اريد اخلص
اني راح احجي كلشي وبعد ماكو داعي للتحليل
شكرا لزيارتكم عالم روايات سكيرهوم
