رواية بنت الحرام الفصل التاسع بقلم جمانه السعيدي
جمانه:::::
اي بدت الايام السودة والي مجنت متوقعته يصير صار..بعد شهر..ونص..مجتني الدورة..وكلبي يدوك بسرعة..واحس نفسي كولشي ما اشتهي وتعبانه..شكيت بنفسي حامل بس شلون اتأكد والله. احتاريت لان ما اريد احد يعرف واحتمال..المحللين عليهم ازدحام واتأخر اذا رحت بوحدي..فكرت ماكو غيرها اكو جهاز تحليل منزلي يبيعوه بالصيدليات..وانتظرت الى ان صار الظهر..ضرار..بغرفته نايم..وامه وعمو هم نايمين والبنات بغرفتهن..لبست الحجاب والعباية وطلعت ع السريع رحت للصيدليه الي ع الشارع العام جبت الجهاز وجيت..بدون ميحسون عليه..بس..اخذت الجهاز ودخلت للحمام..وادعي ياربي كون مو حامل..ياربي برد كلبي..بجاه..رسولك الكريم..ياربي محد الي..واذا طلعت حامل..راح..ادمر..اذا...عرف ضرار..احتمال يطلكني ويشمرني..بالشارع واحد مثله مغرور..وميهتم لمشاعر احد..ويكره كل الناس اكيد..مراح يقبل يصير عنده طفل من وحدة بنت حرام..خصوصا هو..ممتزوجني لان يريد يستقر ويكون عائلة لا..تزوجني لان مكدر يوصلي بالقوة..ولان هددته انتحر..فاضطر يتزوجني..صح هو حنين وحباب ويايه..بس..مستحيل واحد مثلة يقبل بهالطفل..الجاي اذا جنت حامل ..فعلا..والاسوء..
اهله..وخصوصا امه اذا عرفت احنا متزوجين بالسر وجايها حفيد..من بنت ..ضرتها..يمكن تنجلط..لو..تكلب الدنيا..وتخليه يطلكني من الصبح..لا..لا..مستحيل..اخلي احد يعرف اذا طلعت حامل..فتحت الجهاز وقريت التعليمات واستخدمته..وحسيت هاي هيه حياتي انتهت..من شفت خطين..بالجهاز..يعني اكو حمل..مؤكد..هالكد..مرتبكت طلعت من الحمام لغرفتي افرفح..عيوني تجري دمع ونسيت الجهاز بالحمام..بقيت كاعده بغرفتي مرة ابجي.ومرة..اصفن..اكول لنفسي هاي هيه..الفرح..خلص..وكته..يعني..بعد ما..اشوف ضرار..لان اكيد راح اطلك..بعد ميحضني..ولا احس بحنانه راح انحرم منه..بس اذا شمرني بالشارع وين اروح اني وهذا الطفل الي ابطني..شلون راح اعيش يعني راح اخلفه..واشمره..واحتمال اني حامل..ببنيه..بعني راح يصير مصيرها مثل مصيري..تنباع وتنشره..شلون بيه شسوي هسه..ياربي..شوفلي حل..ياربي..معندي غيرك..التجأ..اله..انت لطيف ستار..حنان..منان..وسعت رحمتك..كولشي..صار المغرب واني بغرفتي مطلعت بعدين سمعت باب غرفتي تندك..وصوت سلسبيل:
جمانه..شو مثرمتي الكباب..مو صار المغرب:
هاااا..اي..اي جايه..
مسحت دموعي وطلعت من الغرفة..رحت للمطبخ بعدني دا اطلع اللحم من..الثلاجه..جان احس احد جرني من نفنوفي..التفتت..هاي. ام ضرار..بيدها..جهاز التحليل..
متت..بدمي..اصلا احس كلبي وكف من سمعتها..تكول:
هذا..الج..احجي!
سكتت..ما اعرف شكول..ضربتني راشدي!
مادام..سكتي يعني الج..
عيونها طلعت من مكانها من العصبيه فتحت المجرات مدري شدور اني كمت ارجف..يا الله شيخلصني منها..بعدين..شفتها جابت الجفجير وادنت يمي:
ولج..انتي حبلة..اي حبلة هذا التحليل بي خطين اني مو غشيمة..حبلة..اي حبلة!.
وكامت تضرب بيه ع متوني..الجفجير ستيل..ويوجع بس اني..اتوجع ومخليه ايدي ع حلكي..
شافتني مخليه ايدي ع حلكي عصبت اكثر..كامت تصيح:
ولج..احجي..احجي..ليش لصمتي حلكج..ويامن سويتي هاي الدكة السودة..وشوكت اشو..النهار كله عيونه..عليج ولج احجي راح اموت.
مكدرت احجي..خليها تموتني ولا اكلها حامل من ابنج ومتزوجين بالسر..بس هي تشوفني ساكته تكوم تفور بالزايد:
ولج كولي..منو حبلج..احجي..يا..يمه..يا..يابه..شلون مصيبة ونزلت على راسي..شحطلها واطيب..شلون احلها..شتكول ..الناس عايشه ابيت..ام ضرار..وحبلت..لا..يمكن يكولون حبلها الشايب..لو ابنه..وبصير العار..عارين..ولج احجي..منو حبلج..خلي..ضرار..يروح يجيبه..من اذنه..سحل.... وياخذج..ويستر عليج..
بعدين كعد كبالي وبيدها الجفجير..عود..تحجي ع كيف!
خاله..بس احجي كولي..منين هذا الحبلج..من منقطقتنا..لو بعيد حتى لو..بعيد اخلي ابني..يجيبه..تسحول وياخذج..بس احجي..
شافتني..محجيت رادت تضربني بالجفجير ع وجهي من قهرها..رفعت ايدي حتى متصير..الضربه بوجهي..صار.الضربه بين اصابعي..حافة..الجفجير...فتحت ايدي..والدم..ضل يجري..كمت ابجي..خليت ايدي بحضني لان تجري..دم..
كامت كعدت ع الكرسي ...وكام تصيح ع بناتها:
ولجن..جيبن الموبايل المصخم خلي ..اخابر..ابوجن..اخوجن يجون يشوفون المصيبة الطاحت على روسنا..بلكي هاي الفوصه..تخاف منهم وتحجي..
انطنها الموبايل اتصلت:
ولك..يمه ضرار..عزل المحل..وتعال انت وابوك..تعال..شوف المصيبه
وسكتت..
لا..ما اكدر احجي هسه ..نفسي انكطع تعال للبيت انت وابوك..
سدت الموبايل..وطا حتلي شتايم وغلط...عشر..دقايق..واجه بس ضرار.كبل فات للمطبخ..اني..محصورة بالزويه بين الثلاجة والكاونتر مخليه ايدي بحضني لان تجري..دم..سمعت ضرار..
شكو..يوم خير..شصاير..
بعدين انتبهلي كاعدة بالكاع:
رأسا..اجه يمي..
هاي شبيج..جمانه..منو وياج...لزم ايدي صار..بايده..دم:
لج..شنو هذا الدم منو وياج..
جان امه..تكول:
منو وياهه..اني وياهه..ولك..يمه..هاي..الغبرة حبلة..حبلة..كاعدة ابيتي وبين بناتي..ومأمنين بيها..وطلعت حبلة:
ولا عبالك يسمعها..اصلا ملتفت عليها..بس يباوع بعيوني:
جمانه..انت حامل:
ياااا..ويسألها..بعد..هاك..شوف..هذا جهاز التحليل مالتها..لكيته بالحمام..بيه خطين اكولك..حبلة..والله يمه حبلة..الزمها..موتها..اشبعها..كتل..خلي تعترف تكول..منو حبلها..ولك..يمه انكطع كلبي..شبعتها..كتل..ومتحجي..بلكي تخاف منك..وتكولك..منو..هذا ابو النغل الي ابطنها..
عافني..التفت..ع امه..عيونه.كامت تجدح مثل الشرار..:
انتي..يوم..انتي ضاربتها..هيج..مسويه بيها..ومخليه دمها..يجري..ليش..ليش..
شفت شراينه طلعت من ركبته هالكد ممعصب..اكيد ميكدر يرد ع امه..عصبيته طلع حركته..بالمطبخ..دفر الثلاجة...وبأيده فلش الكاونتر وكلب الطاولة:
ليش..اتضربيها..يوم..ليش..ضربتيها!
يمه..اهده..يمه..شبيك..تخبلت..اني ضربتها..لان ساكته متقبل تحجي..ردتها..تكولي منو..حبلها..حتى تروح تجيبه من اذنه..وياخذها..ونطمطم السالفة!
ها..اطمطمين السالفه..واذا عرفتي..اني الي محبلها..اي..ام ضرار..ابنج..المحبلها..شلون اطمطمين السالفه!
ولك..انجب..لتكول..اني!
ليش..انجب..اني حبلتها..والطفل الي ابطنها..ابني!
امه..رأسا..بجت..كعدت بالكاع..
ولك..اسكت..اسكت..لتكول..ابني...
اي..ابني..وهيه ما الها..ذنب!
ما الها..ذنب..شلون..قشمرتك..شلون..وانت ضرار..المتنجرع..شلون..قشمرتك..ونمت وياها بالحرام..لحد ماحبلت:
اسكتي ..يوم ما اسمحلج..جمانه..مرتي..ومقشمرتي..اصلا..اني الي جبرتها..تتزوجني..كافي..تظلميها..ما الها..ذنب..
جبرتها..شنو..تزوجتها..شنو...انت..تتزوج..بكيفك..بدون علمنا..وعفت بنات خالتك..الكاتلات نفسهن عليك..ملكيت غير بت ضرتي..تتزوجها..
اي..اني حر..محد اله حكم عليه..اتزوج..بكيفي..واعيش ويا الي اريدها..بكيفي..وذني..بنات..اخواتج..المجمعمرات..ما اريدهن.
ولك..اسكت..لتكول..اتزوجتها!
اي..تزوجتها..عاقد عليها شرعي وهي..مرتي..والي..ابطنها..ابني..ومو من..حق اي بشر يحاسبها..لو يعيرها..لان هي مسوت شي..غلط..بالعكس...اني الي جريتها..ع السيد..وعقدت عليها..واذا اكو غلط..فأني الي..مسوي مو هيه!
امه تفرفح:
ماشي..غلطت..وتسرعت..يمه..خلي ناخذها..لقابلة لو..دكتورة تنزله للطفل..وطلكها..ونشوفلها..اي..واحد..نزوجها..اله..ونسد السالفه:
اسكتي..يوم..شنو اطلكها..
اجه يمي..اني بس دموعي تجري..زمخ..بيه:
لج...ليش..سكتي..ليش..متحجين..ليش..خليتها..تضربج..شبيح..ماعندج..لسان..كوليلها..ابنج...حبلني..منين خايفه..
ضرار..اني..
خله ايدي المجروحة بين ايده..
خرب..خرب..ولج..ايدج..مفتوحة..تعالي..تعالي يروحي..خلي..اعقمها..واشدها..
امه..كالتله:
شبيك..كاتل روحك..على هاي العيارة..خوش ضاحكة عليك.وماكله راسك!
بس مهتم الها:
تعالي..خلي نصعد فوك..معليج..بالحجي..سكتي لتبجين..
فتح..الصيدليه المعلكة بالمطبخ طلع كطن..ولفاف وديتول..وصعدنه..فوك...كام ينظف بالجرح..بس اشوفه صاير..نار..كبره..كتله:
ضرار..فدوة..
اششش..اسكتي!
بس..اسمعني..ادري..بيك..معصب..لان صرت حامل..بس فدوه..لتسمع حجي امك..وتطلكني..فدوة..ضرار..خليني عندك!
لج..اسكتي سدي حلكج..
ماشي سكتت..
لف..ايدي باللفاف..اشوفه..راح ينفجر..من العصبيه..كعد ورث جكارة..ويفكر..يا الله بشنو يفكر..اخاف صدوك..يسمع حجي امه..ويطلكني..رحت ..كعدت بالكاع يم رجليه:
فدوه ضرار..بس اسمعني..
كتلج..سكتي..وسدي حلكج..
ماشي..اسكت..بس كولي بيش تفكر..يعني ..راح تسمع حجي امك..وتطلكني!
شمر الجكارة..ولزمني من متوني..
لج..سكتي..عبالج..اني ضايج..لان انتي..حامل..لو..لان اهلي عرفو
لعد..ليش..ضايج
لان انتي متحترميني!
اني..ما احترمك..عمت عيني..اذا..فديوم..محترمتك!
واذا..تحترميني..شلون اطلعين من البيت..بدون علمي..وترحين تشترين جهاز..اختبار..ولا..عبالك..عندج..رجل..وتحجيلة الي يصير..بيج!
يعني..انت ضايج..لان طلعت بدون علمك!.
اي..هذا المضوجني..اليوم طلعتي بدون علمي..باجر كولشي..تسوين واني ما ادري!
لا..لا..والله..اذا..تريد..احبسني..اقفل عليه..اني طلعت..وجبت الجهاز..لان..فكرت اذا طلعت حامل..اخاف..انت متقبل..اخاف..تعصب..وتطلكني!
اي..ولشوكت مفكرة..تضلين ضامه عليه..شنو هو الحمل..ينضم!!؟
لا..مينضم..بس..انت..متعرف..اني..بشنو دا افكر.متعرف انت شنو بالنسبه.الي..انت روحي..ضرار..روحي العايشه..بيها..اني..مو احبك..وبس..اني..مستعدة اخلي..امك..تذبحني..تموتني..بس..انت تضل وياي ..ومتعوفني..اذا ضايج..من الطفل ومتريده اني هم ما اريده!
لج..شنو ضايج..من الطفل هو..شنو ذنبه..واضوج..منه
اذا..انت مضايج..فأمك..متريده..سمعتها..كالت خلي..تذبه للطفل..وطلكها!
واني شنو بنظرج..هيج..ناقص..ومعندي لاكلمة ولاشخصيه..شتكولي..امي..اكولها صار..راح..اطلك..واشمر..ابني؟؟!!!
اكيد..راح تضغط..عليك..وتخليك..تعوفني..فدوة ضرار..لتعوفني..
هو..شاف..دموعي..شكد مجان عصبي..تغيرت ملامحة..وابتسم..وجرني خله راسي ع صدرة..
ههه..لج..والله ما اعوفج..اصلا ما اكدر اعوفج!
صدوك..صدوك..متعوفني..
متصدكين..ماشي..تعالي..وياي..
لزم ايدي ومشيت وراه..الى ان نزلنا..دخل لغرفة امه:
يوم..باجر..اسوي..عرسي..عزمي اخواتج..واخوانج..الهيبة خلي يجون!
لك..انجب..اطلكها..من..الصبح.ههه..اعزم اخواني..ع شنو اعزمهم..ع صخام الوجه..وهذا ياعرس الي تريد تسوي ابيتي!
ماشي لتعزمين احد..بعد احسن شسوي بهالشكولات..باجر اسوي عرسي..بالقاعة..واعزم..منطقتنا كولها..وانتي بكيفج..تردين تجين..متجين هذا شي..راجعلج
ضرار..تعاندني على مود هاي!
هاي..اسمها..مرتي..وام ابني..صار معلوم!
ماشي..اخذها..مهنه..بيها..بس..ما ارضة عنك..ليوم الدين
مهتم لحجيها..دخلني للمطبخ غسل وجهي لان..ايدي مجروحة..ورتب شعري..وباسني بكصتي..وكلي:
مو تحلمين بالبدلة البيضة..باجر تلبسيها..انتي مرتي..اني ميهمني العرس..وميهمني..احد يرضه عليه..لاابويه..ولا امي..ولا اخواتي..ومجنت متزوجج..بالسر..لان خايف من..
بس..لان جنتي تتحديني..تزوجتج..ع السريع..والشي الي متعرفيه..هو انه اني جنت مخطط اخذج لتركيا..واحجزلج...جناح بفندق هناك ع البحر الاسود..وهناك نسوي..عرسنا..بس شسوي جنت..مشغول..طلع ..عندي هوايه نقص..بالذهب..الي جبته من تركيا..وصارلي...شهر كامل طلايب الى ان..وصلنا..لاتفاق.قبل يومين.الخسارة تصير بالنص..
.فرحت بكلامة:
ليش..تريد تسوي عرسنا..هناك..!
لان..اني ممهتم لاحد.ولا مهتم اذا احد حضر بعرسي..وفرحلي..بمنو اهتم..بابويه الي باعج..الي..وكسر خاطرج..بيمن اهتم بامي..الي..تريد تزوجني وحدة..مجعمرة من بنات..اخواتها..والي مستحيل راح تفرحلي..اذا اخذتج..وهي كل..تفكيرها انتي بت ضرتها..وجايبتج..هم تكرب عليج..وهم..تكسب بيج..ثواب..
بس..انت اشتريتني..حتى..اخدم اهلك..بعد ليش..تلوم امك!
اشتريتج..وحد..واخذتج..مره الي وحد.!
يعني..صدوك..جنت مفكر تسويلي عرس!
اي..والله جنت مفكر اخذج..لتركيا..وهناك نسوي حفله بعدين ليش ما افكر يروحي..اني كلبي تره مو حجر..واعرف..انتي..حالج..حال البنات تردين تفرحين..ابدله العرس👰
وهسه شنو خربت مخططاتك..بالحمل!
لا..خربت ولاشي..اسويلج..زفه هنا..وهناك هم نروح..نحتفل..
بس امك..مراضيه!
معليج..ترضة بعدين من تشوف بنتي تلعب بالبيت..راح ترضة!.
بنتك!
اي..اريد..بنيه!
لا..لا..ما اريد بنيه..اريده.ولد..يشبهك..هيج عصبي..ومغرور..ومينجرع
ههههه..اني ما انجرع!
اي..متنجرع بس اني جرعتك..لان حبيتك..رغم انت..تزوجتني ع مود راحتك..مو لان حبيتني!
منو يكول!
اني..اكول!
متأكدة!
اي..لان اني يوميه اكولك..احبك...انت ولا مره كتلي!
كولشي بوكته..
هي كلمة..كولها..وريحني..
مو..وكتها!!!!
شنو مو وكتها..يعني انت..متحبني!.
لا..ما احبج..اني ما..اعرف..الحب!!
شكرا لزيارتكم عالم روايات سكيرهوم
