رواية كيد الرجال الفصل التاسع بقلم جمانه السعيدي
علي...صورت المحادثه ودزيتها اللطيف
لطيف....تمام بعد آخر خطوه باجر الصبح حتى تستسلم
علي...باجر كلشي ينتهي لاتخاف
لطيف....اخوي وسندي الله يحفظك اليه
علي...الي يرشك بماي ارشه بدم
اني بلخدمه من شفتك تبجي ومنهار بذيج اليله حلفت اله اساعدك حتلو اقدم كلشي املكه
دمعتك عزيزه ماتهون عليه ابد
لطيف...تسلم ياغالي
سمعتها اجت خليت التليفون وغمضت عيوني
لطيف...سويت نفسي نايم
سحر....لطيف نمت اريد احجي وياك
لطيف...على باجر لان تعبان وعندي شغل
سحر...عفيه هسه مااكدر للصبح
لطيف....زمخت بيها حيل شبيج مو كلنا باجر الصبح
اريد انام ماتتحملين للصبح
سحر....مادام صرت عصبي خليه للصبح
اذا عصبي يعني ما نتفاهم
جمانه السعيدي
لطيف...كعدت الصبح بس سمعت صوتي كعدت
سحر....صباح الخير
لطيف...شعجب كاعده من الصبح
سحر...احضرلك الريوك
لطيف...يالله مو كتلج هسه نرجع مثل قبل واحسن
سحر...خل احضر الريوك علما تغسل
وبعدين نحجي
لطيف...اعرف هي شتريد بلضبط بس لازم استغبي
حتى اجيب آخرها وياي وتستسلم
غسلت وبدلت وهي واكفه تحضر ريوك
كعدت خلت الاكل كدامي
لطيف...شنو هاي هذا كله اليه الله يخليج حبيبتي
سحر...اريد اطلب منك طلب
لطيف...من عيوني
سحر...اريدك اطلكني بدون مشاكل
لطيف....صحت اهوووو بصوت عالي ودفعت الصينيه
من كدامي
سحر...لا تصير عصبي اني اكدر ارفع عليك دعوة طلاك
بس مااريد سمعتنا تصير على كل السان
لطيف...بس المحكمه مستحيل اطلكج غصبا عليه
راح ندخل على الباحث الاجتماعي
وتتاجل شهر وشهرين واربعه ووخمسه ويجوز حتى سنه
وهم مااطلك
احبج مو بيدي
اكيد انتي تعرفين شكد اني احبج مو سحورتي
سحر...زين اني اتنازل عن الاطفال
لطيف...ولو مااطلك اني وجهالي راح نتبهذل من دونج
ووين نروح انت لا متنا حبيبتي
سحر... انت شتريد بلضبط مامعقوله تعيش وياا وحده ماتريدك
لطيف....كلت بكلبي شكد طماعه تريد تفرط بلجهال و الفلوس والبيت لا تعبد الفلس
راح العبج لعب سحر هانم
جمانه السعيدي
سحر....شو سكتت ليش ماجاوبني
لطيف....شنو شتريدين
سحر...ليش متمسك بيه اني مااريدك
لطيف....احبج اموت عليج انتي الحب الاول والاخير
وصابر عليج عسى ولعل ترجعين سحر القديمه الي حبيتها وتعلقت بيها
سحر....ابد مراح ارجع مثل قبل طلكني وخلصني يااخي
مااحبك مااريدك افهم مااريدك هي كوه
لطيف...اني راح الوكت عليه من ارجع للبيت
نتفاهم على هذا الموضوع
سحر...بس اسمعني
لطيف...موكلت من ارجع
طلعت من البيت وهي تتوسل بيه اسمعها
بس طلعت اتصلت على علي
لطيف...صباح الخير
علي...صباح الخير
لطيف...مو تنسى الي وصيتك علي
علي...الساعه عشره احرك الجو حرك
لطيف.. تمام
علي الساعه عشره رحت السوك الذهب
علي...السلام عليكم
.الصايغ ....عليكم السلام
علي....اريد أغلى تخم عدكم اصوره الحبيبتي
اني راح ازوج حبيبتي واخيرا راح ازوج حبيبتي
هسه بس اصوره واذا اقتنعت اجيبها واجي تختار واحد
ممكن اصوره لو بيها ازعاج الحضرتك
الصايغ....بلخدمه
علي...مو رخيص غالي
الصايغ...تدلل
علي...تقبل افتح فديو وانت تحجي عن وزن الذهب وسعرا
كدامها ماريدها تكول جابلي شي رخيص
الصايغ...شي اكيد تدلل
علي...خل اتصل على حبيبتي
الصايغ...براحتك
علي. طلعت التليفون واتصلت عليه اول مره ماردت
ثاني مره ردت تحجي وهي نعسانه
علي....صح النوم اني مانمت البارحه من الفرحه
ومن الصبح طلعت حتى اشتريلج ذهب عرسنا
من سمعت هاي السالفه كعدت على حيله
سحر....ذهب انت وين هسه
علي...يم الصايغ راح افتح كامرا حتى تختارين السيت الي يعجبج
بس لا تصيرين كدام الكامرا لو غطي نفسج
سحر....تحجي صدك
علي...شنو القصه قابل اشاقى وياج افتحي كامرا وشوفي
فتحت كامرا
علي....ياا هله بهلصباح الحلو
سحر....حبيبي ياصباح الخير ياوجه الخير كله
شوفي هذا محل ذهب
كمت ادور الكامرا بلمحل حتى تتاكد
وهذا الصايغ المعدل راح يشوفج ااموديلات
وانتي اختاري الي يعجبج ولا تهتمين للسعر
حتلو تاخذين اكثر من قطعه مايهمج
جمانه السعيدي
علي...التفتت على الصايغ حبيبي عدك الماس
الصايغ....اكيد عدنا
علي...ولو ازعجك شوفني كم موديل
الصايغ...تدلل
بدا الولد يعرض بلذهب والماس الي عندا
والأسعار خياليه
حتى مااعرف احجيهن كلبي يوكف
علي...هاا حبيبي عجبك شي لو نروح مكان ثاني
سحر.... اني مامصدكه عيوني هذا صدك يحجي
امداني اي ولله ذهب عرسي كم قطعه وضامته الف ضمه
اني راح البس الماس
علي....يله حبيبي عجبج شي
سحر....الماس اليه
علي...انتي ليش تنقصين من نفسج
بابا انتي ماتعرفين قيمة نفسج زين شنو الماس شنو ياقوت
يله اختاري لان عطلنا الولد عن شغله
اختارت سيت كامل الماس ٥٠٠ مليون
علي...وهذا الذهب بيش حبيبي
الصايغ...هذا ٣٠ مليون لان وزنه ثكيل وشغل خليجي
علي...تمام هاي هي حبيبتي افتنعتي
سحر.... اني يمكن احلم
علي....لا ماتحلمين انتي تستاهلين اكثر
عن اذنج اتفق وياا الولد وارجع اتصل عليج
سديت التليفون
علي....شكرا اني اخذت من وقتك ممكن كارت المحل
واذا عدكم علاكه عليها دعاية المحل
الصايغ اي اكيد
علي...باجر اجيبها الصبح واسحب المبلغ من المصرف
واجي اتفق وياكم
الصايغ...تدلل حبيبي يمتى ماتجي هله بيك
علي .انطاني كارت المحل وعلاكه دعاية المحل
علي... اريد ثنيين علب ذهب كبار فراغات اشتريهم منك
لان اريد اروح احفر اسمي واسمها عليهن
الصايغ....تدلل انطاني علب كلش كبار
علي...شكد السعر
الصايغ...خليهن علينا
علي...مايصير اله ادفع فلوسهن
دفعت الفلوس وخليت العلب فارغه داخل علاكة الدعايه
اخذت صوره اللعلاكه من برا وصورة العلب ثنيينهن
دزيتلها الصوره مبروك حبيبتي الف مبروك
سحر....الله يبارك بيك
علي...خل اوصل واتصل عليج حتى تحجيلي شصار
سحر.. اي انتضرك
علي...اتصل بلطيف وحجاله كلشي صار ويااا
وسحر...ركض سبحت وبدلت وتعطرت وتمكيجت
حتى تغري علي اكثر
ويتمسك بيها ومايعوفها
ماعدها سلاح غير جمالها وبس
اما عقل ماعدها ابد عقلها ماخذ اجازه
جمانه السعيدي
علي... وصلت للبيت
اتصلت عليه
علي...هلو حبي
سحر....ياروحي انت
علي....يله احجيلي
سحر... افتح كامرا
علي...مااكدر اكو ناس عندي
احجي بسرعه شسويتي
سحر....عود ردتك تشوف ملابسي
علي....غير وكت احجي
سحر......مايقبل يطلك
علي...ليش
سحر... اخر شي راح اموته واخلص
علي...انتي كتيله اني اتنازل عن كلشي بس اطلك
سحر...هاا اي كتله اعوفلك الجهال
علي....لا زعلت هلمره صدك زعلت اني حارك نفسي علمودج
وانت متمسكه بيت وفلوس وذهب
بابا انتي تحجين صدك
انتي شبيج اني اغركج فلوس وذهب
الضاهر انتي ماترديني
سحر...بس افهمك
علي...باعي اليله ااشر جواز سفري
لو انتي وياي حتى اخذج ونسافر باجر او بعد باجر
او انتي متمسكه بيتج وزوجج وجهالج
عوفيني اشوف حياتي
اني اكلج مع السلامه
اعتبري كلشي انتهى بينا
جمانه السعيدي
علي... طبكت التليفون وغلقته
سحر.... يااا هذا قفل التليفون لايكون يسافر ويعوفني
صدك غير اكتل روحي
بقيت اتصل علي وادز مسجات اعتذر واتوسل
بدون فايده
يمه راح يضيع مني كلشي
سحر...فدوه لا تعوفني اموت إذا عفتني
....بس افتح التليفون
...اني راح اتنازل عن كلشي واجيك
....فدوه اسمعني بس هاي المره
....لا تعوفني
علي... ساعه وفتحت التليفون لكيت كم هائل من الرسايل
كلهن تتوسل بيا مااعوفها
دزبت الها رساله
علي... من تحلين مشاكلج يله تتصلين عليه انتي جاي تتسلين بيه اني مو لعبه بايدج
اخر موعد باجر بليل
اذا مااتصلتي وكلتي اني انفصلت عن زوجي
انسيني نهائيا
راح اسافر الامريكا وبعد ماارجع ابد
بعد ماارجع للعراق حتى لا اذكرج
انساج للابد
علي.....صورت كلشي ودزيته اللطيف
علي...مبروك اخوي حقك راح يرجعلك الف مبروك
لطيف....الله يبارك بيك لوما انت ماكدرت ارجع اي شي
علي...بلخدمه يمتى ماتحب اني بخدمتك
لطيف... تسلم انت اخوي صدك
بهاي الاثناء تليفون لطيف احترك حرك
اتصال من سحر
لطيف....نعم
سحر... يمتى ترجع اريدك هسه تجي فورا
لطيف...خير انشاء الله
سحر....فدوه ارجع هسه ضروري شغلة حياة اوموت
لطيف....منو راح يموت الله يستر
سحر....ابوس ايدك ارجع بسرعه
ولله لو تسمع شنو اريد انطيك راح تفرح
الله يخليك ارجع بسرعه الخاطر جهالك ارجع
اني منتضرتك
لطيف....الجهال ببهم شي
سحر....لا مابيهم ارجع الله يخليك ارجع
لطيف...اي جاي عرفت هاي هي سحر هاي نهايتها
فعلا طمعهم قتلهم
طلعت من الدوام رجعت للبيت
بس دخلت للبيت
سحر....همزين اجيت
لطيف....شببج شصار ليش هيج حالج
سحر....اذا اتنازل عن البيت والجهال والفلوس والذهب
كلهن انطيك اياهن اطلكني
كلهن لطيف اطلع بطرك ثوبي اطلكني
فدوه كول اي الله يخليك الله يخليك طلكني
اريد اخلص
