رواية الهاويه كامله جميع الفصول بقلم جمانه السعيدي
بطلت القصة حابة تقدم درس مجاني الكل البنات وكل الامهات
ممكن اتابعون القصه وتاخذون منه درس
عمر الحب الزواج مايكون مبني على التضحيات من طرف واحد الحب والزواج يكون مبني على التضحيات والصبر
والتقدير من الطرفين
صاحبت القصه ضلت تقدم تضحيات من طرف واحد الحد مآ الطرف الثاني اعتبر هاي التضحيات حق مكتسب
وبقى يطالب بيها العمر كله
لمن حطمها وحول الحب بكلبه إلى كراهيه
نفذ صبر صاحبة القصه وبدت تكتشف الوجه الحقيقي
للطرف الثاني
مااريد احرك الأحداث تابعو القصه للاخير
رجاء بدون تجريح الصاحبة القصه الحب خلاها
تتنازل منا لمن انهارت واخيرا حبت تحجي قصته للمتابعين
اني نور مواليد ٨٩ من اسره متوسطه
اب كلش حنون فوك ماتتصورون يمكن ماكو اب بحنيته بلدنيا بس القدر خلا يزوج امي
انسانه نرجسيه واستغلاليه ومتقلبه ماعرفت شلون
تربي ابنائه
حطمت حياتنا
دمرتنا وخلتنا كل واحد مايحب الثاني وكل واحد منا
بمكان
اني ماانطيه العذر الام لازم تكون ام حتلو أصعب الضروف مرت بيه
امي من هي زغيره ابوها وامها انفصلو
عمرها سنه وتركوها امها وابوها
تركوها تتربى بلبيوت عاشت عقدت النقص والخوف
من كل مكان عاشت بي تعلمت شغله
ولهذا السبب طلعت نرجسيه وشخصيته مامستقره ابد
لان ماحصلت الحنان الكافي بزغره
مااحتوتنا بلعكس كانت تنتقم منا لان تحس احنا عايشين ضروف احسن من الضروف الي عاشته بزغرها
ماعرفت تنطينيا الحنان
بلعكس كانت تكرهنا وواحد بلثاني
مثل ماااخوتها من ابوها وامها يكرهونها
ومابحبوها
جمانه السعيدي
احنا كنا ضحيت امي
احنا ٣ اولاد و٣ بنات
كل هذا العدد من الأبناء ماتحب اي احد بينا تحب اختي الجبيره وبس
هاي عبالك نازله من السما
كل الحب والتقدير والمصرف الها
بينما اني واختي الزغيره كانت تعاملنا اسوء معامله
ولمن نسئله ليش تكول مااحبكم
هيج تكول كدامنا
ضلت تفرق بلمعامله بينا منا لمن كرهنا اختنا الجبيره
بلمقابل اختنا طلعت وحده انانيه ماتحبنا تحب نفسه وبس
كل هذا بسبب امي مو كل ام تستحق لقب ام
كل عمرنا اااللبس الحلو والاكل الطيب والمعامله الحلوه كله
الرزان اختنا الجبيره
اما اني ونورهان الأخت الازغر النا بقايا الأشياء الي ماتريدها رزان تتفضل بيها علينا
جمانه السعيدي
اني ماكنت اسكت كنت اشكي هذا الوضع البابا
بس ماكان يحب المشاكل وكان يريد هذا البيت يبقى عامر
مايريد هذا البيت ينهار
كان يصبرنا بكلمة ميخالف
يعرف كل سوالف امي وساكت لان يعرف اذا طلعت امي من البيت بيتنا ينهار وامي ماله احد تروح تسكن عندا
اهل امي بعمرها ماذكرو ها ولا سئلو عنها ضلت كل عمرها تعاني من النقص والوحده
وبمكان ماتجمعنا حواليها كانت تعاملنا بنفس الأسلوب الي اهله كانو يعاملونها بي
معاملة امي القاسيه خلقت شعور النقص بداخلي
كنت احس بلنقص نقص الحب نقص العاطفه نقص الاهتمام وكنت اغار اي اغار
ليش تعامل اختي الجبيره هيج واحنا ماتقربنا اله وتعاملنا نفس المعامله
كنت اموت من القهر من اسمع البنات شلون يحجن عن أمهاتهن والاهتمام الي عايشات بي
ليش اني شمعنا اني واختي الزغيره مو هيج حالنا حال البنات
جمانه السعيدي
بلتسيعينات كان عمري ١٥ سنه يمكن اكثر شويه كان بوقتها الفلوس الطبع
لمن صار الحصار على العراق وصدام طبع الفلوس
الفلوس صارت ماله قيمه ابد
يعني الي يبيع خروف بنطونه كونيه فلوس
الي يبيع ببت ياخذ ٣ كواني فلوس
يمنا بنيه انخطبت مهرها كان كونيه فلوس لان الولد كان يحبها وطلبو علي مهر عالي
كان مهرها بوقتها كونيه فلوس
ابوي كان يشتغل خير من الله ويجيب الفلوس بكونيه
بعد الفلوس إذا بوكيه وبن تنضم
كان يخليه بلكنتور ولمن يرجع ياخذها يلكاها ناقصه
هذا الموضوع اتكرر اكثر من مره وهنا ابوي بدا يشك
بيوم رجع لكاها ناقصه هواي صار عصبي وكام يصيح على امي
ابوي...ليش الفلوس جاي تنقص منو ياخذ منها
امي.. شمعرفني ايجوز الجهال ياخذون منه
ابوي....شنو الجهال تاخذ هيج مبلغ شسوي بي
امي...اوووي ليش اصيح مااعرف
الحد مااني مره شفته بعيني تاخذ من الفلوس وادز الأخواتها
كانت تربد تشتري اهتمامهم بلفلوس
الفلوس الي ابوي تعبان بيهن وشابع ضيم
كانت امي تقدمهن الاخواتها الي بعمرهن ماعرفنها ولا سئلن عنها
بس حتى تحصل اهتمامهن بيه
وفعلا صار الي رادته امي
اخواتها نزلت عليهن المحبه مره وحده
وبدن يسئلن عنها ويذكرنها ويطمنن عليه
لا تستغربون بهذا الوقت الفلوس تصنع المعجزات
فجئه الحب والمحنه نزلن عليهن وكمنا تشوفهن يجن ويدخلن بيتنا
انعل ابو الحب الي يجي بلفلوس
لا وفلوس حرام امي جاي تبوكهن من تعب ابوي وتقدمهن الهن بس حتى يسئلن عنه ويذكرنها
اني من شفت امي اكثر من مره تاخذ من ابوي الفوس
ودزهن الخواته
جمانه السعيدي
قررت مااسكت ابد لازم ابوي يعرف هذا الشي
ليش تعبه يروح الغيره على الجاهز
انتضرته لمن رجع من الشغل ورحت كعدت يمه
نور...اربد احجيلك شي شفته بعيني
ابوي...شنو
نور...اني عرفت منو ياخذ فلوسك امي جاي تاخذهن ودزهن الخواته
حتى يكومن يحبنها ويسئلن عنه
امي سمعتني واني جاي افتن عليه الابوي
اذا قبل تكرهني وبس هسه كامت تكرهني مووووت
دخلت امي علينا وكامت تصيح عليه
حقيره جذابه شنو اخذ فلوس ليش تحرضين ابوج عليه
خاف انتي تاخذين الفلوس وتردين اذبيها براسي
نور...اني شفتج بعيوني وانتي تاخذيهن ودزيهن الخواتج
امي...الله يطيح حظج جذابه
نور.. اني مو جذابه ابوي لازم يعرف الحقيقه
ابوي....اسكتي بابا اسكتي
امي...مامربايه
طلعت امي من الغرفه لان عرفت من نضرات ابوي الها
ابوي صدكني وكان اصلا شاك بيه من قبل تاخذ فلوسه
نور....بابا ولله هي تاخذ فلوسك اني شفته
ابوي...اعرف هي تاخذ الفلوس بس مااريد مشاكل
مااريد هذا البيت ينهدم
مااريد الناس يكولون طلع ام جهاله علمود الفلوس
مبخالف اني راح اكون حذر منه اكثر
