رواية بنت الحرام كامله جميع الفصول بقلم جمانه السعيدي
عمو ليش متاخذني لعمامي لو لخوالي مو احسن!
بنتي..شنو احسن..اني ما أأمن اخليج بعيدة عليه..وانتي تعرفين علاقتي بأهل امج..الله يرحمها مو هالكد..واهل ابوج..مستحيل يقبلون..اجي اشوفج لو اطمئن عليج بعدين همه ماعدهم مكان يادوب البيت مكفيهم.
اشوف عمو ابو ضرار..حيل مصر على كلامه بس اني كلبي ممطمن يعني افكر بعائلته شلون راح يتقبلوني..لان همه مشايفيني وميعرفوني..واسمع عن ظلم نسوان الاب.وفوكاها عموابو ضرار..مو والدي يعني زوجها لماما..لان معقولة زوجته الاولى راح تقبل تخلي بنت مرت..زوحها تعيش عدهم عادي الي عرفته من عمو..ومن ماما الله يرحمها انه زوجته..حيل..اعصاب..ومتمكنه يعني..عمو ما اله كلمة عليها..وجانت حيل..منغصة حياته لهذا اتزوج ماما عليها..والشي الثاني عمو..ابو ضرار عنده بنات 3وابنه ضرار..معقوله حيتقبلوني اعيش بيناتهم..والله شنو ابوهم مربيني..اوووف..الموضوع ابد ممريحني..حيل قلقة..
عمو..اني اشوف روحتي لبيت عائلتك كولها غلط..خليني عايشه هنا بالشقة..وانت مر عليه بين فترة وفترة!
بنيتي شلون اخليج وحدج بالشقة..شلون كلبي يأمن..قبل جانت المرحومة عايشه ومأمن هسه من راحت امج..ما اكدر اخليج وحدج
عمو انت متأكد عائلتك..يقبلون اعيش يمهم!
بنتي مو كتلج حجيت ويه ضرار..ومادام ضرار راضي..محد يكدر يفك..حلكة بكلمة
اعرف عمو..بس زوجتك..شلون راح تقبل!
انت ليش كلبج..يلوب كتلج الحل والربط كوله بيد ابني ضرار
وبناتك..عمو؟.
بناتي شنو..اصلا ميكدرن يفكن حلكهن بكلمة كدام..اخوهن بعدج متعرفيه لضرار..
والله عمو ..شكد متحجي اني ممرتاحة فدوة عمو..خليني..هنا..والله احسلي!
بنتي اله اكلج اني الشقة بايعها!
بايع الشقة!؟ليش!!؟
لان..امج من سفرتها لايران تتعالج احتاجيت فلوس وبعتها..والي اشتراها انطاني مهلة..6شهور..وهذا اخر شهر..اذا مطلعنا يشمر غراضنا بالشارع!
عمو..بس..ماما الله يرحمها محجتلي..
امج..مسكينه عبالها تصير زينه..وندبر حالنا ونأجر شقة بغير مكان!
عمو والله حيرتني!
لا حيرتج ولاشي..لمي ملابسج..وحضري نفسج حتى اخذج العصر..
عمو..خلي نأجر شقة بغير مكان اني ممرتاحة لروحتي يم عائلتك!
ما اكدر اخليج وحدج تباتين مستحيل..واذا خايفه من عائلتي اني ادزلح ضرار بنفسه..حتى ياخذج للبيت..
ماشي عمو بكيفك..
وطلع..عمو..لميت ملابسي..اني لابسه اسود لان ماما صارلها..15يوم من توفت..وعمو بقة يمي من توفت لحد الان ويوميه ابنه يتصل عليه..حتى يروحلهم..لان عمو جان مقسم..وقته اسبوع يمنه واسبوع يمهم..اني مشايفه عائلته ولا اعرف احد منهم ..لان ماما ابد مجانت..تحب احد يجيب طاريهم كل معلوماتي عنهم انه همه عائلة جبيرة ومعروفة بالكاظمية..يعني ابنه الجبير يشتغل صايغ..بمحلات امه وخواله..ومرت عمو اهلها حيل زناكيل..بس الي اشوفه عمو ممبين..عليه زنكيل صح هو..الي رباني وكبرني..وخلاني خلصت كلية بس..جان دائما..يتناقش هو وماما ويكولها لزمي ايدج ..بالمصرف..ما اعرف ليش..المفروض هو حالته زينه بما انه ابنه صايغ..وفوك..ومرة..اتعجبت سيارته شخطها واحد ابو ستوته..راحلة لبيته وتعارك وياه وكله تدفع فلوس..
تصليحها..بقيت افكر يعني..هو طبعة هيج ..بخيل لو معنده فلوس..ومرة سألت ماما..كتلها..يوم ليش عمو..بخيل علينا..هو مو يكول عائلتي زناكيل..وعدهم محلات ذهب..تكولي اسكتي..خلي الرجال ساتر علينه عيب تسألين هيج اسئلة مدام ممقصر ويانه..مجنت فاهمه وضعه ابد..
ورة ساعة..سمعت..باب الشقه اندكت:
منو؟؟
اني..ضرار
هذا ضرار..ابن عمو ابوضرار..اكيد جوي ياخذوني..خلي افتحلهم الباب:
فتحت..الباب..تفاجأت بشكلة بقيت صافنه هو هذا ضرار..صلوات هذا شلون شاب..شنو هالاناقة..لابس..جاكيت..ابيض..وقميص اسود..وبنطرون هم اسود..وحذاءه تلمع..الساعه شنو..الزنجيل بركبته..شنو..تسريحة شعره لحيته..اويلي..ملك جمال . طويل..وجسمه مفصل. عبالك..جاي من الافلام..بقيت صافنه بوجهه نزع نظاراته..وكال:
شبيج صفنتي شنو شفتي جني!
هااا..لا العفو..العفو..اهلا وسهلا!
بقه..صافن بوجهي شويه...وكال:
شنو..راح نبقى واكفين بالباب!
هااا..لا..لا تفضل.
دخل..باوعت وراه:.
لعد عمو وينه!؟
عمج بقه بالبيت..يتناقش ويه الوالده نقاش حاد!
قصدك..والدتك!
اي..
دخل وكعد ع القنفه..وكال:
تعالي كعدي هنا..اريد احجي..وياج!
صوته..يخوف مثل الي يتأمر..عليه رحت كعدت ع الكرسي الي مقابيله..سمعته..يكول:
اسمج جمانه مو!
اي..اسمي جمانه
اي..جمانه..احجيلي شنو معلوماتج عن عائلتنا
عائلتكم!
اي عائلتنا..
اكولك..تره اني كتله لعمو..مستحيل عائلتك يتقبلوني..بس عمو مصر..اعيش عدكم..واذا..
بعدممكملة قاطعني:
اعتقد مو هذا جواب سؤالي!كتلج شنو تعرفين عن عائلتنا!
هذا شبي..شنو عندي امتحان..وديعيد عليه السؤال حتى افهم!
بصراحة..ما اعرف هوايه اشياء عنكم..لان ماما ابد متحب احد يجيب طاريكم..كل الي اعرفه انه عمو متزوج..بالكاظميه وزوجته عايشه وعنده ابن جبير اسمه ضرار..وبنات..3وهو يشتغل..صايغ..ويه ابنه..وحالتهم زينه..وبس..هذا كل الي اعرفه..
ههه..هو ابويه كلج..يشتغل صايغ ويه ابنه!؟
لا..بس الي عرفته..هو صايغ وياك!
معلومة غلط..ابويه..ميشتغل وياي..ابويه يشتغل عندي!..عامل..بالمحل!!..ويوميته..25الف..بس!
شنو؟؟يشتغل عندك! ؟؟؟
بالضبط!
شنو هالجرأة الي عندك..شنو تكول ابويه يشتغل عندي موعيب عليك..
لا موعيب..الحقيقة مو عيب!
اني اشتغل بمحلات امي..الى هي اساسا محلات جدي..ابو امي..والحلال الي بيها كوله ملك..امي..وابويه قبل ميتزوج امج المصون..جانت المحلات بيده..بس من حست هو غدر بيها وتزوج بدون علمها ورضاها..سحبت البساط من جوه..رجليه..وطردته..من البيت..
اخ..ضرار..شكرا ع هالمعلومات..فهمت الي تريد توصله الي..اصلا اني معندي نيه اجي اعيش عدكم..وانت عيب عليك تحجي ع ابوك بهالاستهزاء..وهالطريقة السخيفة.
وكمت..فتحت باب الشقه..كتله:
تفضل اخي..روح..اني ما اسمحلك تحجي ع عمو وانت كاعد ابيته!
اشو هذا كام طبك باب الشقه حيل وكال:
سدي حلكج..ولتقاطعيني من احجي..
وانت هم لتصيح عليه..اذا ابوك يشتغل عنك..تره اني ما اشتغل عندك!
هههه..راح تشتغلين..عندي لتستعجلين!
مفهمت..شنو اشتغل عندك!
راح كعد ع القنفه خله رجل ع رجل وطلع جكارة ورثها..وكام يدخن:
تعالي كعدي كبالي وانجبي وسدي حلكج..واسمعيني للنهايه..
رحت كعدت بس كمت ارجف من القهر بودي اركعه بالمزهريه اليمي..بس صبرت ع نفسي
شنو انجبي..شنو هالاسلوب..
زمخ بيه..
تعالي كعدي يمي!
لا..انت مبين موطبيعي..شنو انجبي شنو..كعدي يمي تره انت..هوايه تتجاوز حدودك..
اشو هذا..كام..جرني..من..نفنوفي وكعدني كباله وزمخ بيه:
بس خمس دقايق سدي حلكج..تكدرين لو افلشها لسنونج!
اوووف اللهم طولج ياروح..عمي..احجي..بابا احجي..شكو عندك..خطبة..غاندي؟!.و.خابص نفسك !؟
وحسيت اذني انسدت..من..كال:
بسسسس..سكتي!
ماشي سكتت..
انتي راح تعيشين عدنا..خلي يكون عندج علم..ماكو اي فرد من عائلتنا متقبلج..و
ومنو جابركم!؟
خرررب..خرررب..لج..لتقاطعيني..راح اخنكج..والله ..محد جابرنه..بس....
هاي هيه لعد..ابقه هنا..
احس عيونه طلعت من مكانها..بسرعةخله ايده ع حلكي..وايد ع ركبتي حسيت ركبتي طكت:.
ولج..سكتي اسمعني..حيوانه..اسمعيني..
ردت اوخر ايده ضغط ع حلكي حيل وكال:
عبالي..آدميه وتسدين حلكج الظاهر ميفيد وياج بس هالطريقة..اسمعي..لج..احنا محد جابرنه او اني بالاخص محد جابرني..بالعكس..اني الي جبرت امي واخواتي حتى يقبلن تعيشين يمهن!!
ردت احجي مكدرت لان ساد حلكي..
اعرف..هسه تكولين ليش تجبرهم..اني اكلج..لان ابويه من تزوج امج..بعد ما اله كلمة بالبيت..صار حاله حال الغريب..وامي رادت ..تتطلك منه عده مرات بس جدي مقبل..لان ميريد احد يكول عن بنته عدها كومة جهال ومطلكة ومن كبرنه..وتوفه جدي..بعد مكدرت تتطلك منه لان ماكو فائدة من الطلاك..بس..مخلت اله اي..دور بحياتنا..قبل اسبوع اجه حجالي عنج..رفضت..بالبداية..بس..من..شفته..متحير..وافقت..وجبرت اهلي يوافقون....لان ردت شويه ارجع كلمة ابويه بالبيت..ردت..ارجع مكانته..افتهمتي
وخر ايده من حلكي:
كتله:
معقوله هالكد عمو..ما اله كلمة عليكم!.
بالضبط!
اخويه ترة اني مو طفله حتى تجي تسد حلكي وتخوفني بصوتك..وبعيونك..وتكولي انت راح تتفضل عليه لان راح اعيش عدكم!
جنت احجي..وااشر عليه بأيد..لزم ايدي ومرد اصابعي..صرخت:
اخ...ايدي اخ..
اسمي..ضرار..مو اخويه..واذا كلتي اخويه..اكصه لسانج..وشغله متفضل عليج..اي..متفضل عليج..وغصبا ع راسج
بشنو متفضل عليه..محد..اله فضل عليه غير..ماما..وعمو..فهمت..واني اشك انت مو..طبيعي..ولوما اني مخليه خاطر لابوك..جان والله هسه صرخت ولميت عليك..الجوارين..انت شنو..مداتحس ع نفسك..شنو..تزمخ عليه وتسد حلكي..لو تجرني من نفنوفي لو تمردو تعصر اصابعي..تره عيب عليك..محترمتك..لان من اقارب عمو ولان انت ابيتي..
اخ..يابه..خفت..رفن زروري!
شهالحجي..انت وين متربي!
لتشوفيني كاشخ..والمع وكيوت..تره اني متربي. بالسوك..وشغلتي صايغ..يعني اشتري..منج..ذهب وابيعج فضة!.
ادنه..يمي..ادنيت لورة الصراحة خفت منه..هذا شبي..
هذا صوتج..اذا يعله لسانج اكصه..واوكلجياه..ومن احجي تسمعيني للنهايه راح تمشين وياي للبيت سكته صوتج..مينسمع..اسمع صوت النملة وصوتج..ما اسمعه..وامي..الها الطاعة..تكولج..موتي تموتين..تكولج عيشي تعيشين..واخواتي..ابد ما اريدج..تختلطين بيهن..لو تبيعين وياهن ميانه..وتحسبين نفسج وحدة منهن..!
ردت ابجي..بس صبرت ع نفسي كتلة:
ليش..ليش يعني..اني مو بشر..مثلكم!
اي انتي بشر..بس مو مثلنه!
ليش..يعني بشنو..افرق عنكم..لان يتيمه..يابه..اشكركم..ما..اريد اعيش عدكم اروح اعيش خدامة يم..عمامي..لو خوالي!
ههههه..عمامج وخوالج..ههههه..والله ضحكتيني..ليش..منو منهم يريدج..اكو احد منهم اجه..سأل عنج..شكد صار..من توفت..امج!
15يوم
اهااا..15يوم..ليش..ابويه مكلج!
شنو يكولي!
مكلج..هو صارلة اسبوعين يتوسل بعمامج وخوالج..الهيبة ومحد يرضة يستقبلج ابيته!
شنو!
ههه..اكيد مكلج!
ليش..ليش اني شبيه..وميستقبلوني شمسويه!
لا..ممسويه..شي..بس..الظاهر فهمج على كدج..شكد
لسانج طويل..بس..عقلج..عقل سمجه!
مفهمت!
الايام راح تفهمج..يله..كومي..جيبي غراضج خلي نروح دوختيني!
لا ما اروح وياك!
ههه..ليش..عندج مكان ثاني ترحيله!
يعني بعد هذا حجيك كوله وتريدني اروح..وياك واني مرتاحة!
ما اضمنلج ترتاحين عدنا..بس اذا استخدمتي عقلج يمكن ترتاحين شويه!
شلون يعني
.اشو هذا بقه صافن بوجهي وبعدين كال:
يعني شغلي عقلج..اكو شغلتين لازم تعرفيهن..وهنه:..ضرار.اولا.والي يريدة ضرار.ثانيا
مفهمت:
ههه..لتخافين راح تفهمين ..كولشي..بعدين!!!!!
لا..انتظر عمو يجي واحجي وياه انت تخوف..وحجيك ابد ميطمن
دوختيني..راح فات للغرفة..وينهن غراضج..
ع كيفك شبيك مستعجل..اني اجيبهن!
يله استعجلي..
ماشي لتصيح..
اخذت الجنطة..وطلعت نزلنا للشارع..راح فتح باب سيارته..تخبل حديثة..وخلة الجنطة..بالسيارة..وفتح الباب:.
صعدي!
هاااا...لا اكعد بالكشن الورة..
جرني من ايدي وكعدني بالكشن الكدام ومشت بينا السيارة..شويه والتفت عليه وكال:
اني طالع لدهوك..ومناك طالع لتركيا..عندي شغل..راح ابقةاسبوع..وارجع ومن ارجع ما الكاج لابسه اسود!
شنو؟
مثل مسمعتي
صفنت بوجهه
ليش انت شعليك البس اسود لو..الوان!
لج لتناقشيني ارجع الكاج ملابسه اسود افتهمتي؟
لا والله مفهمت بس اني مراح اتعب نفسي واجاوبك الى ان احجي ويه عمو..
ههه..ماشي..شنو نوع العطر الي تستخدميه..
عجيب امرك..انت شعليك..بالعطر مالتي!؟
لج جاوبي ع كد السؤال
معندي نوعيه..معينه شنو تجيب ماما اخلي منه جنت
ماشي خلي يولي العطر..اي نوع ميك آب تفضلين..اي ماركة تعجبج؟؟
ما اخلي مكياج..شنو هالاسئلة لخاطر الله؟؟
اشو هذا..لزمني من حنجي وفر وجهي..وضل يباوع بوجهي:
اي..صح..حلوة حيل حلوة..ممحتاجه مكياج!.
اكولك..تره اسئلتك مو منطقيه..شنو هالصفاقة!!
ههه..صفاقة!!
اي..صفاقة..وميانه..ما الها..داعي..اني عرفتك..قبل شويه شنو هالاسئلة الخاصة..شنو تسألني ع العطر وماركة الميك آب انت شعليك!
ماشي..خلي يولي..العطر..والميك اب..شكد قياس ملابسج الداخلية!!!!!! ؟؟؟؟؟؟؟؟؟
