رواية خواطر رجل كامله جميع الفصول بقلم جمانه السعيدي
حبيت احجيلكم قصتي
اتمنى تكون بيه عبره للولد والبنات اني غلطت وهاي الغلطه كانت اكبر غلطه بحياتي
اسمعو قصتي وحكمو عليه
اني ياسر من عائله متوسطة الدخل اني اكبر واحد بعائلتي عندي ثنيين خوان وثنيبن خوات ازغر مني
من اني زغير وحلمي اصير محامي
اهم شي عندي ادرس واتفوق بدراستي ابد ماعندي سوالف
وخرابيط
كنت ام ااجل كلشي للتخرج وابد مادخلت باي علاقه
من اي نوع
كل اقاربي يضربون بيه المثل
بلهدوء والعقل والشطاره
ابوي موضف بدائرة الري وامي ربت بيت
عدنا بيت قديم ماجرينا على راتب ابوي وعايشين
واني بلعطله اشتغل
اشتغل عامل بمحل كهربائيات حتى اكدر اجمع فلوس
للكليه
جمانه السعيدي
كلشي عندي بحساب وحريص وماابذر ابد
اشوف الشباب الي وياي تلبس وتكشخ
كل يوم لبس جديد وكل يوم ساعه جديده والاحذيه من كل موديل
بس هاي الاشياء ماتهزني ابد
دائما اكول بعدين كل هاي الاشياء تجي بعدين
اهم شي انجح
هسه راح احجيلكم عن شكلي
اني رشيق وطويل حنطاوي ملامحي حاده شعري اسود
عيوني سود
وجهي طولاني حواجبي ثخان صاحب لحيه وشوارب
سنه ثالثه كليه قانون اتعرفت على ولد بالصدفه
الولد احتاج مساعده
اكو ماده مافاهمه وبما ان اني المتفوق واحصل أعلى درجات طلب مني اساعده
شرحتله الماده وامتحن وجاب درجه عاليه
من هذا الموقف صرنا اصدقاء وقوة العلاقه بينا
اسمه احمد طبعا هو شخصيته كلش حلوه
تحسه رجال بمعنى الكلمه
صاحب مواقف حلوه
قوة علاقتنا بشكل مو طبيعي اني وياااا
خلصنا المرحله الثالثه ونجحنا طبعا اني بهاي المرحله حيل ساعدته بحيث نجح بدرجات عاليه
طبعا مو أعلى من درجاتي
جمانه السعيدي
بيوم طلعت اشتري شويه شغلات
نزلت من الخط مشيت شويه واسمع واحد يصيح عليه
التفتت شفته احمد وويا وحده الله يستر عليه شكد حلوه
ملامح طفوليه
عيونه كبار خدوده حمر شفايف تخبل الشعر رافعه بطريقه
تخبل طوله تقريبا ١٦٥
احمد لازمه من ايدها ويمشون
مااعرف ليش جذبت انتباهي وركزت عليه حيل
رغم اني ابد مااباوع على البنات
وكانما سحر يعني احسه سحرتني خطفت كلبي مني
من اول لحضه شفته
من قربو عليه دنكت يمكن خطيبته او حبيبته
احمد....هلو ياسر شلونك
ياسر... هلو احمد الحمد لله
احمد... وين
ياسر....محتاج شويه شغلات
احمد....يله احنا هم رايحين نشتري هديه الست مرام
ماطلع علينا نجاح من السادس خبصتنا خبص من امس لليوم
نسيت اعرفك اختي مرام
هاي المدلله وشايخه علينا وطلباته اوامر لان الوحيده
على ثنيبن ولد
ياسر....حسيت ماي بارد ونزل على كلبي همزين طلعت اخته
مو خطيبته اوحبيبته
....اهلا وسهلا
مرام...اهلا وسهلا
احمد....يله نمشي
ياسر....نمشي ونسوالف اني واحمد بس صدكوني نص الكلام ماسمعتهه مااعرف شبي وليش هيج جذبتني
وكانما اني ماشايف بنات كل عمري
خفت احمد يحس عليه
تمنيت الوقت مايخلص ونبقى نمشي سواااا
احمد....اذا مانعطلك تعال ويانه اربد اشتربله هديه فد قطعه ذهب
ياسر...لا ماعندي شي
احمد....انت شنو جاي تشتري
ياسر.. صفنت نسيت اني على شنو جاي حسيت بلاحراج
وخصوصا هما ثنيبنهم عينهم عليه
بعد شويه كدرت اسيطر على الموقف وكتله
...لا هيج شغله مو مهمه
احمد....خاف نعطلك
ياسر...لا ماراح تعطلوني امشي وياهم واريد اذكر اني على شنو جاي نسيت شني القصه اني شبيه
ليش هيج صار وياي معقوله حبيته من اول نضره
وصلنا للصايغ همه دخلو واني بقيت واكف برا انتضرهم
بس جانت فرصه بلنسبه اليه لان جاي اباوع عليه وادقق بملامحه واشوف حركاته
وكانما اريد احفظ ملامحمه زين
شويه وطلع احمد وبيده محبس
احمد....هااا شنو رائيك حلو
ياسر....اي حلوه
احمد....هذا ذوقي
ياسر...عاش الذوق الايد الي تلبسه هي الي راح تحلي
مرام...شكرا
صمم احمد يعزمنا نكعد بمكان ونطلب عصير وكيك بمناسبة نجاح مرام
فعلا كعدنا بكافي وطلب احمد عصير وكيك
وكعدنا ناكل
هي طلبت عصير خوخ وكيك فانله
واني طلبت كيك شوكلا ونسكافي واحمد طلب مثلي
هي صارت كبالي كلما ارفع عيني تجي عليه
احمد يسولف وهي ملتهيه بلموبايل
ولا يمنا ولا تعرف شجاي نحجي
كعدنا ٢٥ دقيقه وكمنا
بعدين هي قربت ومااعرف شحجت ويااا احمد
احمد.....مرام تربد ملابس هي ندسته وخنزرت علي
احمد....اي غير تردين ملابس
ياسر....اخذو راحتكم اني اترخص
اترخصت لان حسيته تريد تشتري اشياء خاصه واني ضيف ثقيل عليهم ولا زلكلهم لزك
بقيت امشي وحدي وماا اذكرت اني شنو اريد اشتري
رجعت للبيت واني فكري سارح بغير عالم
عقلي وكلبي راح وياها
وبس جسمي بقه هنا
