رواية المتمرد والصغيرة الفصل الواحد والخمسون بقلم رسل
_____
هذا انا بعدني انحب
و بعدني شما عتگ لوني ارد مثل اول اترتب
يما تدري الذهب مرغوب
لا يعتگ و لا ينذب
_____
كعدت الصبح لگيتة حاط راسة برگبتي مديت ايدي بشعرة ضليت احرك بي هوَ باسني ..
اديان : ليش تضربني والله اني احبك بس انتة صاير تكرهني بيك كلشي لو تغلط لو تسب لو تضرب و مستخطيني مو علمودي علمود الطفل يعني لو ما حامل چان ضليت تضرب
ابو فهد : و العباس تجبريني انتي
اديان : هسة اني شمسويتلك بس كتلك هاي اكيد راح تتزوجها و انتة تدري اني افراح ما تحملتها بالبيت مو هاي اكبر مني بشوية تصير مرتك غير اموت والله
ابو فهد : ما اتزوجها شبيج و القرآن ابوها و اخوتها رادو يذبحوها و انقهرت عليها و اليوم الگعدة مالتها ونشوف شلون تفض
اديان : خلي يتزوجها هذا الشردت ويا و فضو السالفة
ابو فهد : اخوتها ما يرضون لان احنة نعتبرها كسرة خشوم يعني نهبها و يجي يتزوجها ما يصرف عدنة هذا الحجي
اديان : لعد شون
ابو فهد : لو ياخذها واحد ويسترها غير الشردت ويا لو تنذبح
اديان : بس مو انتة
ابو فهد : وداعتج مو اني
اديان : الفصل وي تسوو
ابو فهد : اليوم يجون هنا
اديان : والله اضوج من عزايمكم
ابو فهد : دمشي لج ليشوفچ يگول واگفة فوگ الجدورة
اديان : ههههه اخاف اطبخلكم و تتعودون و بعد شيخلصني
ابو فهد : بلة بربچ انتي ام الاندومي لو غيرچ من خابروني الحراس يگلولي شيخ وحدة من بناتكم الصغار طابخة و طاگة عليها القنينة و انا ما عايف غيرچ بالبيت
اديان : ديلا يلا غير چنت ماعرف
ابو فهد : بلا بروح امچ شگتلي لروحچ من ما دبرتي حتى الاندومي
اديان : اهووووو
ابو فهد: اشاقة وياچ لچ حضريلي الدشداشة الجوزية و الغترة البيجية
... همزين كاويتهن مو مثل ذيج المرة
اخذتهن و انطيتهن الة لبسهن و نزل نزلت ورا البنية ماعدة يم فدعة و تريگو و محد طلع منتضرين الشيوخ
زيد : ابو فهد هاي كدام البت و كدامها كلها انا ماريد اكسر حچايتك بالمضيف مو تكربسوها براسي انا گضيت عمري كلة بدون مرة تالي اخذلي وحدة منهوبة
ابو سراب : حتى انا بعد اخوك لحد يكربسها براسي و اذا دگولون مو تريد جاهل لا عمي حتى جاهل ماريد بعد بطلت
اديان : و اني هاي گدامهم بس تصير حنين و تعقد عليها اكتل روحي و ابليك
.. طگوها ضحكة ...
ب 11 الظهر اجوي الشيوخ يمكن فوگ المية و خمسين رجال
بشرى : زيد شنسوي خوية چاي لو گهوة
زيد : ميصير خوية الا تفض الطلابة محد يشرب شي
... ضلينة كاعدين بالصالة لحد الوحدة و الصياح مال الزلم ما سكت بعدين صار رمي بالگراج و انفتح باب الصالة
زيد : طبن للمطبخ
.. دخلنة اني و بشرى و سراب و سليمة بقت فدعة و البنية كاعدات بالصالة دخلو اخوتها سحلوها من شعرها و واحد من الزلم لازم سچينة بأيدة المنظرر حيل چان يخوفف
و زيد و ابو فهد و ابو سراب لازمين اخوتها البقية اخذها واحد من اخوتها و سحلها من عبايتها
ابو فهد : لك بشار لا تذبحها حرام
بشار : وحق محمد اغسل عارها بيدي شتريد اخليها مگابلتني
ابو فهد : لك ادبها بس لتذبحها
.. اخذها و سحلها للكراج و كلهم طلعو ورا
شغلو السيارات و طلعو من البيت كلهم ومحد اجة بعد
ورا ساعتين اجوي ووياهم البنية دخلو للصالة احنة واگفين بالمطبخ
بشار : وحق القران تنذبح احسن
شيخ هدها بروح امك
ابو فهد : عوفها گتلك
الحجي : خابرو الشيخ خل نفض السالفة انفضحنة
بشرى : يا خية بس لا اخذها الشيخ
سليمة : هههه بعد ايدي
.. نزلت الردن مال الدشداشة و طلعت للصالة
اديان : شنو منو راح يعقد عليها
ولاء : ابو فهد بوية
اديان : تطلگني هسة و القران و هاي گدامهم اني ما ابقة على ذمتك
.. ركض علية هو وزيد طببوني للمطبخ
ابو فهد : امشي طبي بس اثبتلهم شريفة و اطلكها وروح امي
اديان : يابة و روح امي متعقد عليها و متاخذها اني شنو مالي وجود يومية جايب علية مرررة
زيد : اديان بوية بهداوة مالج دخل والقران يطلگها
اديان : لتصيررر حنين براسي ما اخذتها انتة لعد مو ممتزوج لو هاي اديان متحجي ماعدها اهل
ابو فهد : راح افلش وجهج و العباس لج گصري حسچ فضحتينة
و روح امي متبقة للدوم شبيج بس يردون يذبحوها
.. ركضت على الكاونتر اخذت سچينة و حطيتهة يم رگبتي
اديان : وروح امي اذبح نفسي بس تعقد عليها و شوف منو التفيدك
ابو فهد : شبيج اديان تخبلتي و القران متطول بس ست اشهر
زيد : لا بابا اديان هدي السچينة مالچ دخل و علي اذا ما طلگها اني اخلي يطلگچ و اسويلچ بيت وحدچ
اديان : مااااا مااااا و القران متعقد عليها والله متعقد انتة ليششششش هاي الحقاااااارة لان ماعندي اهل تستقوي عليةةةةة
ابو فهد : لج اديان الزلم برة نصي صوتچ و نزلي السچينة و حق محمد بس اثبتلهم شريفة لو لا
سجاد : السلام عليكم ام سراب ها خوية هاي شصاير بوية هدي السچينة الشيطان قوي بعد بيتي ما تطول بس نص سنة
اديان : ماااااا والله ميعقد عليها و القران بس يعقد اكتل روحي متاخذها انتة مياخذها زيددد لو الا اديان توكع بيها
سجاد : مو اطاهم حچاية يابوية ما يصير بعد اتحملي بس هالچم شهر هو گاللهم يطلگها
بشرى : حبيبة اديان بعد روحي روحچ و الجاهل يموت بلا ذنب ليش احنة كلنة وياج مالج غرض
اديان : انيييي ادري بي يعقد عليهاااااا من البارحة عرفتتتتت والله عرفتتتت بس و روح امي ما اسكت لو يطلكني لو اكتل روحي
.. و اني دا احجي ركض علية زيد يريد ياخذ السچينة ضليت اتلاوة ويا و اجة ابو فهد سحبها قوي من ايدي و ضربني راشدي ...
- هاي مودة جديدة مال الانتحار بت الكلب گتلج بس فترة و اشمرها على اخوتها
اديان : والقران تطلكني هسة بروح امك طلگني ماريد تعبت و حتى الطفل انطيكيا و القران بس عوفني
ابو فهد : لزموها بين اكمل الطلابة و اجي هاي كلشي تسوي
.. طلع هوَ و سجاد ابن عمهم لزمتني بشرى و زيد بقة ما راح وياهم
زيد : وروح امي الج الصافي مالچ غرض اني اخلي يطلگچ بس على كيفچ وي روحچ بلة و ذبحتي نفسج شتحصلين هو راح يعقد عليها و بعد انطاهم حچاية ميصير
و كلها الزلم كالت خلي يذبحوها و اخذها اخوها بچولة بس ابو فهد ما رضة تنذبح و محد رادها انجبر هو يعقد عليها و هي تگلهم و الله شريفة گاللهم اثبت شرفها و اطلگها و ترجع يمكم بدون لغوة زايدة و وافقو
.. ضليت ابچي و اشهگ لحد ما سمعت واحد گال اجة الشيخ دفعت بشرى و طلعت اركض لگيتة واگف يم باب الصالة
... عليك القران لتتزوجها بروح امك والله اموت والقران
حچة بصوت ناصي ..
ابو فهد : لج شطلعج انعل والديچ هسة
نزع غترتة و حطها ورا ظهري و سحبني لورة البيت و اجة زيد يركض
زيد : لج انتي شبساع طفرتي
ابو فهد : دمشي لا افلش وجهك هسة مو مخليك يمها
اديان : عليك الله لتتزوج شنو مينكسر خاطرك علية
ابو فهد : لج والقران انطيت كلمة بعد ما اكدر اذا اكلهم ماريد يكولون شيخ و مو گد حچايتة
اديان : زيد عليك القران اخذها انتة بروح امك
زيد : لا اله الا الله لج والله تلعب نفسي ما اگدر اتقبل هيج وحدة اصلا ردتهم يذبحوها لان نزلت راس اهلها
.. عفتهم و رحت گعدت على الصبة مال الحديقة ورا البيت ضليت ابچي لحد ما الله گال بس سمعت صياح بالبيت و بالكراچ صار صياح بعدين شغلو السيارات و طلعو ضليت ادگ و انوح
ما طبيت للبيت ابدد ورا نص ساعة سمعت صوت طلق بالشارع شلت الغترة مالتة و شمرتهة بالگاع و طلعت من الحديقة ركضت للدرج ماريد واحد يشوفني ابچي نمت على الچرباية و اني اشهگ
نمت... و گعدت على صوت الدوش شوية و طلع هوَ ينشف بشعرة
اديان : امشي اطلع برا يلا يلا مو خلصت من عدها و اجيت تسبح يمي اطللللللللع
.. ضربني راشدي ... بت الگو**يد هو منو اخذها ما اخذتها بت الكلب قنعت ولاء بتلث ملايين حتى ياخذها
اديان : و هسة عود اصدگ
ابو فهد : ليش متاكلين نعل و توخرين من وجهي بت النعال روحي واصلة لخشمي شو دوخري
.. عفتة و نزلت لگيت زيد. يسولف لفدعة
اديان : زيد بروح امك صدگ ما عقد عليها
زيد : يلا اودعناكم
اديان : اسفة و القران بس ردت احاچي علمود ميعقد عليها و طلعت من المطبخ
زيد : يلا ارتاحي ما عقد عليها
اديان : يعني صدگ
زيد : اي والله قنعنة ولاء بفلوس و ياخذها و يطلگها ست اشهر
بس ابو فهد ضايج ديري بالج لان واحد من بيت عمي جمال گال شيوخ اخر وكت و ابو فهد ضربة بوكس وهسة الولد بالمستشفى
فدعة : هذا الرمي چي طلعت شريفة
زيد : اي طلعت شريفة
فدعة : يا و الغسل شالفايدة عگبيش بعد ما نزلت راس اخوتها
زيد : ادبسزيات الله وكيلج الاهل تتعب و تكبر و الاخوة تشتغل و تجيبلهن تالي هيج ينزلن روسهم هسة هاي بعد حتى اخواتها وگفت قسمتهن و كل وحدة هيج تسوي تاليها تنكمش لو ورة عشر سنوات
فدعة : والله هي حتى مو راحة انا اباعلها ملعبة الحمدلله ما بقت هنا جان انسگمنة و اديان ما تكعد راحة
اديان : هسة اديان شعليها بكلشي طحتولها دگ
فدعة : ادبسزز چا شلون يگولون رايدة تذبحين رويحتچ و شلون تچفتين بنص الزلم و تحاچين الزلمة و الولد كلها تبصبص ما يصدگون يلمحولهم ضل مرة حمدي ربچ يحبچ و حامل والله چان گطعچ
زيد : خوب ما حچيت انا هاي صاحبتچ فدعة و تگلج السويتي غلط
اديان : والله مو بيدي مقهورة چنتً
زيد : يلا بوية بالريش
.. عفتهم و صعدت فوگ لگيتة نايم و كاط ايدة على عيونة
رحت گعدت على الچرباية تقربت على وجهة و بستة
هو رفع ايدة باوعلي و رجعهة
اديان : احبكككككككك والله
ابو فهد : ضايج منچ هواي وخري بوية
اديان : والله لان احبك ماريد تتقرب من وحدة غيري والله اموت ما اگدر و اني هاي من شفتها كرهتها مو النوب تتزوجها غير اكتل روحي
ابو فهد : شلون تردين تذبحين روحچ و شلون تجين بنص الزلم والله لو ما مكسور گلبي عليچ و على دموعچ جان نعلت والد و الديج لو مو حامل
اديان : بعد ما اعيدها والله و داعتك
ابو فهد : هسة ضايج گومي من يمي خل اگعد و اتحاسب وياج
اديان : قبل لتنام اتذكر اليوم ضاربني اثنين راشديات
ابو فهد :دگومي لا ارگعچ بالثالث وروح امي
.. عفتة و طلعت فرررررررررررحانة نزلت يم فدعة
فدعة : شني شو هم نزلتي
اديان : ضايج مني
فدعة : والله عمي حقة مرمرتي للزلمة
اديان : هسة اني غير لان احبة ماريد وحدة تجي بدالي
فدعة : انا ما اقصد طلابة اليوم اقصد كل يوم انتي يحبوبة صايرة ما تنجرعين و لسانچ طولان مو گبل جنتي خانسة ما ينسمعلج حس
اديان : الواحد من الضعف مرات يصير قوي
فدعة : دگومي لا اهفچ بالنفاضة
... عفتها و صعدت نمت يمة كعدت بالليل هو ماكو غسلت وجهي و نزلت جوة لگيتهم يشربون چاي
الحجي : چا شعجب اطيتوها لولاء
زيد : احسن يابة احنة نجيبلنة وحدة ناهبة و منزلة راس اهلها
الحجي : چا ليش قبلت بيها يبو فهد
ابو فهد : هيچ طخت براسي ما اريدها شلون بلة
الحجي : براحتك بوية براحتك
ابو فهد : امشي جيبيلي كلاص مي
.. رحت للمطبخ اخذت مي و انطيتة
ابو فهد : يلا اودعناكم
.. طلع للگراج و طلعت ورا
اديان : بعدك ضايج مني
.. عافني و شغل السيارة و طلع دخلت جوة تعشيت و نضفت المطبخ
و گعدت بالصالة جانت فدعة و سليمة و بشرى كاعدات
اديان : خطية اكو فد ناس اليوم فرحو تالي الله گاللهم اوگفو
سليمة : بختچ بولاء لو ما قابل چا هسة تدگين و تنوحين
اديان : المهم منو ضحك بالاخير يعيوني
سليمة : ترى مدام ماخذة ابو فهد يعني تتحملين مرات يطو نسوان هدايا لو فصليات لو مثل طلابة اليوم و هو لازم يضحي ف بعدچ بأول الطريق حبيبة
اديان : اششششش يلا سدي حلگچ
فدعة : تأدبن و كفن مشاكل و انتي كومي صعدي لغرفتچ لا اخلي يكسر عظامچ
.. عفتهن و صعدت للغرفة و قفلتها ضليت العب بالتليفون لحد 11 اندگ الباب گمت فتحتة دخل هو ضايج
- شونك
- حظريلي الحمام
... حضرتلة و سبح و طلع
اديان : شبيك والله اسفة
ابو فهد : مو كلشي يتصلح بالاسف بوية
اديان : لعد اني غير لان احبك ما اريدها بالبيت
ابو فهد : و صوتج العالي گدام الزلم و ركضتچ گدامهم و السچينة الازمتها ذني تردين هيج بساع اغفرهن الج
اديان : لعد شسوي و تقبل
ابو فهد : خليچ هيچ حبابة و هادئة و متحچين زيادة احسن انا عاجبني الوضع هيج
اديان : بس اني ما عاجبني
ابو فهد : اي حقج بوية متعودة على النگ و الصياح و النتر بعد هذا الوضع ما يصرفلج و جسمج هم تعود اذا ما ينضرب يكوم يحكچ
و انا هم بزعت بعد منچ
اديان : يعني هسة شنو
ابو فهد : يعني نامي و ماريد صوت
.. رحت تغطيت و نمت خلي زعلان احسن من ما متزوج چان هسة الطم
كعدت الصبح هو بعدة نايم نزلت سويت ريوگ وي بشرى
هم كعدو كلهم
الحجي : صدگ بوية اديان مبروك على الحمل چا ليش ما ندري
ابو فهد : على طاري الحمل بوية هاي گدامك و گدام الكل انا لو ضربت اديان و طاح الطفل على ايدي هم اگول سليمة مرتك و انا گايل اي غلط اشوفة يا تطلگها يا تاخذها و تطلع من بيتي
واليوم يجي ابو الكامرات بكل زاوية بالبيت احط كامرة لان مرة نغلبت و عديتها بس المرة الثانية لا زحمممة
سليمة : وروح ابوي ما گربلها بعد
ابو فهد : نشوف ماعدنة شي نگعد و نباوع
الحجي : مرتك هم لسان بوية
ابو فهد : هسة شجاب النعال بالسالفة انا جاي احجي على الجاهل و مرتي من تغلط تعالو كلولي يابة مرتك هيج و هيج و اني اعرف شلون ادبها
الحجي : تم بوية هايهية مايصير خاطرك الا طيب
.. مرت ايام و هو على نفس طبعة يحچي وياي بس من يريد شغلة بطني كبرت حامل خمس اشهر
الظهر ورا الغدة چان گاعد بالمضيف ما شرب چاي سويتلة چاي و دخلت للمضيف انطيتة الة
اديان : ترى مليت و الله مو خدامة تحاچيني بس من تريد شغلة
ابو فهد : مو خدامة هذا واجبج بوية
اديان : شنو جنت تريدها و من ما اخذتها تريد تطلع الحرگة بية
ابو فهد : لو رايدها اخذها فوگ راسج و انتي الممنونة بس انا ما الفي هيج زبل
اديان : لعد ليش متحجي وياي
ابو فهد : اريد اأدبچ شوية
اديان : تأدبت والله
ابو فهد : هههههههههههههه والله هوَ واضح بس بعدني ضايج منج
اديان : هسة شبيك مو زين اغار عليك
ابو فهد : لا وحق علي متصيرلج چارة
اديان : احبك وحگ علي
ابو فهد : هههههههههههه دنچبي و امشي صعدي هسة جايچ
.. عفتة و صعدت شوية و هوَ دخل حضني
ابو فهد : احلا شي بيچ من تمشين على السراط المستقيم و عرفت شنو دواچ
اديان : لعد وخر يلا
ابو فهد : هههههه والله خلصان من هاي الكلمة دمشي لچ انتي اجيتيني
اديان : غلطت من اجيتك و هسة وخر
ابو فهد : لا بعد ابوچ غلطة الشطار بألف شو تعاي
وووو ...
.. سبح و طلع سبحت ورا ورجعت نمت على ايدة
اديان : اريد اروح للدكتورة
ابو فهد : العصر
نمت .. وكعدت على صوتة لگيتة مبدل لبست الجبة متطب بية ..
انجبرت البس عبا لبستهة و نزلت باوعلي و ابتسم
اديان : ترى لان الجبة متصير علية
ابو فهد : هو بالعبا وهم حاير وين اضمچ
اديان : بوشية چفوف تريد
ابو فهد : والله تسوين فضل
.. صعدنة بالسيارة رحنة للعيادة سوتلي سونار
- شكد عندج بنات
اديان : ماعندي ولا طفل
- مبروك امي بيچ وليد و صحتة عالي العال بس هم ديري بالج
.. طلعت لگيتة واكف بباب العيادة
- بشري ولچ
- بية ولد
- يالله و صحتة شلونها
- زينة
- بوية اروحلچ فدوة انتي ويا
