رواية الامل كامله جميع الفصول بقلم سلمي عبد الجليل
-ابني اتخطف ي ناااس حد يلحقنييي ابنيييي ي ناااس
الناس اتجمعت ف المول على البنت الي بتقول كدا و كانت عماله تصرخ وتعيط
: عنده كام سنه ي بنتي
-اربع سنين والنبي دورولي عليه
الناس فضلت تتلفت حواليها والي راح بسرعه يجري يدور المول كان في حالة زُعر م الي بيحصل
وبعد مده قليلة
- ماما
شدته لحضنها وفضلت تعيط
الناس فرحت لما الطفل رجع وابتدوا يهدوها وبعد شوية كله راح يكمل شغله
الطفل بابتسامه : ها لميتي كام
سُمية بفرح : مش عارفة ي واد ي زلطة اما نطلع نشوف
كملوا مشي لحد م بعدوا عن المول
سُميه بفرحة عارمة : ٧٠٠٠ جنيه اكيد المعلمة دعيالنا انهاردة ي زلطه
زلطة بفرح : الله دي فلوس كتيرة اوي اكيد هتنيميني انهارده ع الكنبة جنبك بق عشان انا عملت الشغل حلو
سُمية بصتله بحزن : انا نفسي نخلص م الي احنا فيه دا انا تعبت م الي بنعمله دا
زلطة طبطب عليها : يعني هنروح لمين ي سومة هو احنا لينا أهل وبعدين دا انتي بالذات المعلمه بتحبك لانك اول حد كان معاها من وانتي صغيرة ف متزعليش ، وبعدين م هي بتجيبلنا أكل حتى لو مش كتير بس ع الاقل مش بننام ف الشارع
سُمية سكتت هتقوله اي ... هتقوله انها كان نفسها تبقى مُتعلمة و تعيش حياة سعيده وسط أسرتها ، ولا تقوله انها نفسها تبعد عن المعلمه الي كل يوم والتاني تعرضها ع الشباب عشان يتجوزوها وتاخد منهم فلوس وهي بترفض دي لسه ١٨ سنه الي ف سنها دلوقتي بيتعلموا وكل همهم دراستهم ، هتقوله انها حزينة من ان كل الي بيشوفها معاها طفل من الاطفال الي معاها عند المعلمه بيفكروها امهم من شكلها المبهدل والحزن الي بابن ع وشها ، هتقوله انها كانت عاوزة تعيش طفولتها زي بقيت الاطفال تلعب وتفرح مش تروح تشحت من الناس وتجري من الحكومة ، هتقوله اي ولا اي ولا اي
زلطة هزها بالراحه : مالك ي سومة سرحتي ف اي
سُميه مسحت دمعه نزلت من عينيها : ولا حاجه ي حبيبي يلا نروح نجيب اكل لاخواتنا و نرجع الخرابة
راحوا جابو سندوتشات فول وطعميه ورجعوا
*****************************
{لا حول ولا قوة إلا بالله العلي العظيم}
المعلمه بضيق : الهانم كانت فين هي والحلو الي معاها
سُمية بقرف : كنت بجيبلك الفلوس
ورمتلها الفلوس قدامها ودخلت بالاكل للاطفال
المعلمه بصوت عالي : ٣٠٠٠ جنيه بس ي اختي ليييه كنتي بتشحتي من قدام باب السيده
سُمية قامت بعصبية وقفلت ع الاطفال الباب وطلعتلها
- بقولك اي ي ولية انتي انا خلقي ف مناخيري لوحدي ف متخليش جناني يطلع عليك دلوقتي ي تحمدي ربنا ع الي جالك ي تطلعي تجيبي فلوسك بنفسك
المعلمه بتهكم : والله وطلعلك صوت ي اختي
سميه بضيق : آه طلعلي صوت ومن انهاردة مش هخليكي تعملي مع العيال دول حاجة والشغل الي بتخليهم يوزعوه دا والله العظيم لو حسيت انهم رجعوا يعملوه لهبلغ عنك حتى لو انا كمان هتسجن
المعلمه بصتلها بقلق ولكن حاولت تداربه : ولا هتعرفي تعملي حاجه دا انتي عيله لسه مطلعتيش م البيضه
سُمية ببرود : العيلة الي لسه مطلعتش م البيضة دي هتوريكي هتعرف تعمل اي لو قربتي لحد من العيال الي جوه دول عندك شحطين وراكي يعملولك الي انتي عاوزاه وانا وبطلع اجيبلك فلوس ، العيال ملهمش ذنب انا مش هسمحلك تعيشيهم العيشة الي عيشتيهالي
المعلمه بسخربة : ومالها عيشتك ي اختي قال يعني جايه من بيت العمده وانا عيشتك عيشه متلقش بيك ؛ م انا جيباكي م الشارع زيك زيهم والشحطين الي ورايا دول هتختاري واحد يكتب كتب عليكي بكرة عشان حالك كدا معدش عاجبني
سُمية بكُره : دا ع جثتي
المعلمه ببرود : وعلى جثتك ليه ي حبيبتي هيبقى برضاكي عادي لما تلاقيني بشمم العيال م الي ببيعه
سُمية بصريخ : انتي اي ي شيخه .. جبروت .. اي القساوة الي جواكي دي ، احنا محدش فينا بيقولك لا ع اي حاجه ، بتعاملينا معامله زي الزفت وبردو مبنعترضش ، بتخلينا نعمل حاجات مينفعش نعملها وبردو مبنتعرضش انتي عاوزة اي مننا بقى هتبقي انتي والزمن علينا
المعلمه بصتلها ببرود : انا شايفة ان محروس مناسب ليك اهو راجل حمش يشكمك
سُمية ببرود : نجوم السما اقربلك مني
سابتها ودخلت الاوضة الي بينامو فيها ، كانت اوضة اشبه بمخزن صغير فيها ٢٠ طفل بمختلف الاعمار من ٤ سنين لما ١٨ سنه الي هي اكبرهم سُمية
سُمية فضلت تعيط
شوقية راحت عليها : مالك ي سومة في اي
سُمية بحزن : اتخانقت معاها كالعادة يعني
جت سماح من وراهم : متسعليس (متزعليش) ي سومة احنا بنحبك مس بنحبها
شوقية حضنت سماح طفله عندها ست سنين
اتكلم مختار بجدية : م تهربي ي سُمية
اتكلمت سُمية بحزن : واسيبكوا لمين انا الي مخليني هنا اني مش عاوزة اسيبكوا لوحدكوا انا هنا بحاول احميكوا ع اد م اقدر
مختار بحنان : متخافيش انا معاهم انا بقيت ١٥ سنه يعني مش صغير وهقدر احميهم كلهم
زلطة بدموع : يعني هتسيبينا ي سومة
سُمية حضنته بحب : لا ي حبيبي ي نمشي سوا ي نفضل سوا
مختار بهدوء : يلا ي حبايبي ناموا متخافوش هي مش هتسيبكوا
كل الاطفال حضنوا سُمية قبل م يناموا ، الاوضة فيها سرير واحد بيتناوبوا عليه الاطفال وسُميه كانت شريالهم شلته كبيرة عشان ميناموش ع الارض ولكن بيكونوا كتير بس هي بتحاول تساعدهم ع اد م تقدر
مختار بهمس : جمعتي اد اي انهارده
سُمية بنفس الهمس : ٧٠٠٠ جنيه
مختار بفرحة : بجد وشيلتي منهم كام
سُميه طلعت الفلوس من جيبها : ٤٠٠٠ جنيه وفلوس الاكل من الفكة الي بنصرف منها متقلقش
مختار : حلو اوي كدا انا مجمع ٥٠٠٠ جنيه لان انا طلعاتي بتبقى فلوسها قليلة دي تجمعية ٤ سنين وانتي دلوقتي بق معاكي حوالي ١٥٠٠٠ صح
سُمية بسعاده : ايوة
مختار : يبقى بكرة ننفذ خطتنا
سُمية : انا خايفة ي مختار
مختار : متقلقيش انا هبقى معاكي يلا قومي نامي عشان نبقى فايقين الصبح
سُمية : تصبح ع خير
مختار : وانت من اهل الخير
سُمية سالت زلطة ونيمته جنيها ع الكنبه
مختار بضحك : اي ي بنتي بتشيليه ليه هو صغير مش هيفرق سواء قام او نام معاهم
سُمية بابتسامه : قايلي انه عاوز ينام معايا ع الكنبه مقدرش ازعله
مختار بحب : ع طول مغرقانا بحنيتك ربنا يخليك لينا
سُميه بحنان : ويخليكوا ليا يارب واقدر اخرجكوا م الي انتو فيه دا
خدت زلطه جنبها ونامت ع الكنبه و مختار نام ع الإياس الي ع الارض
**************************
{سبحان الله وبحمده سبحان الله العظيم}
تاني يوم الصبح
المعلمه : انتي ي ست هانم نايمه لظا للساعه ١ اي نموسيتك كانت كحلي
سُمية صحت وكانو كل الاطفال صحيوا هما كمان
سُمية بقرف : انام براحتي شغلك بيبدا العصر غير كدا متطلبنيش
المعلمه بزعيق : انتي بتتأمري عليا كمان
سُمية ببرود : والله مش بتأمر انا بعرفك بس مش اكتر
المعلمه بغيظ : طب قومي اعمليلي اما اكل
سُمية : انا هنا عشان الشغل مش عشان اخدمك اطلعي يلا وسيبيني اكمل نوم
خرجت المعلمه بعصبيه : ي محروس انت ي زفت ي محروووس
محروس جه بسرعه : اي ي معلمه خير
المعلقة بعصبيه : هتكتب ع البت دي انهاردة وتبقى توريني هتهرب ازاي
سُمية بحنان : يلا ي حبايبي قوموا ادخلوا الحمام عما اجهزلكوا السندوتشات بتاع الفطار
سمعوا الكلام وقاموا واحد ورا التاني بعد م هي جت وبدات تعمل السندوتسات
ياسر بحزن : سومة انا عاوزة اقولك ع حاجه
سُمية بقلق : خير ي ياسر في اي
ياسر بدموع :المعلمه هتجوزك ل محيوس
سُمية بصدمة : ايه يعني هي مش هتغير قرارها طب ماشي
عملتلهم بقيت السندوتسات وطلعت للمعلمة
سُمية بعصبيه :الي سمعته دا صح
المعلمه ببرود : اه ي حبيبتي م انا قايلالك امبارح
سُمية بتفكير : طب انا عاوزة انزل الشغل
المعلمه بسخرية : هبله انا يعني عشان اسيبك تنزلي وتهربي ليه حد قالك اني مختومة ع قفايا مش هتخرجي من هنا ي حبيبتي
سُمية سابتها ودخلت الاوضة
فضلت تفكر كتير هتعمل اي ، اكيد مش هتبلغ البوليس لان ف اللحظة دي كلهم هيتحبسوا المعلمه معاها سلاح ، طب تخلي الولاد يهربوا وهي تبقى تهرب بعدين ، الولاد كدا هيتوهوا لوحدهم فضلت تفكر كتير لحد م عرفت هتعمل اي
سُمية : مختار عاوزاك انت وياسر
مختار وياسر راحوا جنبها : بس ي مختار انت هتروح تنفذ خطتنا الي كنا ناويين نعملها وهتيجي تقولي التفاصيل ، انما انت ي ياسر ف هتجيبلي منوم م الصيدلية وتقول للي ف الصيدلية انك عاوزه قوي عشان مامتك مش بتنام وانت مش معاك فلوس تجيبلها الدكتور ولو سالك اسئلة كتيرة اجري وروح صيدلية تانيه فاهمين؟
الاتنين : فاهمين
العصر اذن وياسر ومختار خرجوا
المعلمه : يلا ي حلوين كل واحد ياخد حاجته ويوزعها زي الاتنين الي خرجوا
سُمية ببرود : وانا قولتلك العيال مش هيوزعوا حاجه
المعلمه بضيق : بقولك اي انا مش فايقالك اخفي من وشي وانت ي زفت انت وهو وهي قوموا يلا الناس مكلماني ومحتاجين حاجتهم مش هنعطل شغلنا عشان عَيلة
سُمية باصرار : وانا قولت مش هيخرجوا من هنا ع جثتك ي معلمه
المعلمه بصدمه : ع جثتي انا
سُمية بتأكيد : اااه ع جثتك انتي عاوزاهم يطلعوا هيطلعوا يوزعوا بس قصاد روحك اي رأيك صفقه حلوة جدا والله
المعلمه كانت تعابير الصدمه ماليه وشها ومشت من عند الاولاد
سُمية بصتلهم بفرحة : من انهاردة مفيش شغل تاني ي حبايبي
سُمية ف نفسها : ياااه كنت مستنية اللحظة دي من زمان اوي الحمدلله يارب
*******************************
{الا إله إلا أنت سبحانك إني كنت من الظالمين}
ع الجانب الاخر
ياسر : عمو ي عمو
الصيدلي : ايوة ي حبيبي
ياسر : عاوز منوم عشان ماما تعبانه ومش بتنام
الصيدلي : طب فين الروشته ي حبيبي
ياسر : مش معايا يوشته هي قايتيي (قالتلي ) يوح قوي (قول) ي عمو ايي (الي) ف الصيديية عاوز منوم قوي عشان ماما مش عايفة تنام
الصيدلي بصله بشك : طب خدني وديني لماما ي حبيبي وانا هكشف عليها
ياسر جري بسرعه زي م سُمية قايلاله وبعد عن المنطقة الي هو فيها
وفضل الحال ع كل الصيدليات الي راحها
قعد بتعب ف جنينه ف الطريق وحط وشه بين كفوفه وفضل يعيط
شخص : مالك ي حبيبي بتعيط ليه
ياسر بدموع : المعيمه هتجوز سومة لمحيوس وهو بيضيبنا (بيضربنا)
تميم : انا مش فاهم حاجه فهمني بالراحه ي حبيبي
ياسر استوعب الي قاله ف اتكلم بسرعه : مفيش حاجه ي عمو مفيش حاجه
تميم : متخافش مش هعملك حاجه انا بس عاوز افهم يمكن اساعدك
ياسر : هتساعدني بجد
تميم : اه والله
ياسر : طب قوي يعمو ايي(الي) ف الصيديية يجيب منوم لماما عشان هي تعبانه هما مش ياضيين يدوني عشان انا صغير
تميم بحزن : حاضر ي حبيبي
تميم جاب العلاج لياسر
تميم بابتسامه : اتفضل ي حبيبي اسمك اي
ياسر : اسمي ياسي
تميم : اسمك جميل ي حبيبي عاشت الاسامي انا تميم
ياسر : شكيا ع ايعياج (العلاج) هو بكام ؟
تميم : انا صاحبي ف الصيدلية اداهولي ببلاش ي ياسر مش بفلوس
ياسر : تمام شكيا
سابه ومشي تميم فضل يبص عليه وهو ماشي اد اي هو صعب عليه دعى لمامته وكمل مشي
*****************************
{لا حول ولا قوة إلا بالله العلي العظيم}
ف الخرابة
ياسر بفرحة : جبتلك الحاجه الي انتي عاوزاها
سُمية حضنته بسعاده : شكرا اوي ي ياسو انا بحبك اوي والله
ياسر : وانا كمان
كمل بتساؤل : انتي هتعميي بيها اي
سمية : هتفهموا بعدين ي حبايبي
فضلت تستنى مختار لحد م وصل
سُمية بتوتر : هاا عملت اي طمني
مختار : للاسف.....
