رواية الوجه الاخر للحقيقه كامله جميع الفصول بقلم جمانه السعيدي
نبدي قصتنا ويااا حجي عداي وهو داخل المركز الشرطه
حجي عداي رجال عمره بلستين
رجال تربوي تقاعد قبل كم سنه
حالته النفسيه تعبانه حيل
بعد ما مات ابنه الجبير اثير اثر حادث دهس
شخص دهسه بدراجته
الدراجه كانت بدون ارقام
والشخص كان ملثم
محد كدر يتعرف علي
من كد ما انقهر حجي عداي على ابنه
كعد بلبيت وقليل كلش يطلع للشارع
حجي عداي عنده بنات ثنيين غير اثير
ثنيبنهن مزوجات
نرجع الهذا اليوم الي قرر حجي عداي يروح المركزالشرطه
ويقدم شكوى ضد زوجة ابنه اثير
حجي عداي يسكن بااحدى محافظات الجنوب
اما زوجة اثير من اهل بغداد
تعالو ندخل للمركز ونشوف حجي عداي ليش جاي يشتكي على زوجة ابنه اثير الله يرحمه
الضابط....تفضل حجي بيش اكدر اخدمك
حجي عداي....اريد اقدم شكوى ضد زوجة ابني المرحوم اثير
الضابط....اي تفضل اسمعك
شنو شكوتك
حجي عداي....اني عندي شك هذا الطفل مو حفيدي
الضابط...اي طفل
حجي عداي....ابن اثير الله يرحمه
الضابط....شلون ابن اثير وتكول مو حفيدك
حجي عداي ....هسه جابك بلكلام
الضابط...الطفل شكد عمره جمانه السعيدي
حجي عداي... سنه وست اشهر
الضابط...وعلى شنو بنيت هذا الاتهام
حجي عداي....الطفل نسخه من زوج امه
الضابط.....امه ازوجت
حجي عداي....اي بعد سنه وشهر من وفاة ابني ازوجت
واحد اسمه حميد
الضابط....وعلى شنو بنيت هذا الاتهام
حجي عداي....على الشبه الجبير بينه وبين زوج امه
الضابط...ابنك الله يرحمه ماعندا اطفال غير هذا الولد
حجي عداي....لا ماعندا بس هذا الطفل
الضابط...عندك دليل لو بس شك
حجي عداي....اكو دليل اكثر من الي كتلك على
الطفل مايشبه ابني يشبه زوج امه
الضابط...حجي احنا منطقه عشائريه صح القانون ماشي
على الكل
بس مهما يكون مجرد شك مايصير
حجي عداي....ابني اني متأكد هذا الطفل مو حفيدي
اني ليش اجيتكم
حتى تساعدوني اني وحدي مااكدر اثبت هذا الشي
واكو تحليل يثبت صحت كلامي
بس ماكو بمحافظتنا اله بغداد
اني مااكدر امشي بهاي الاجرائات وحدي
الضابط....حجي تعرف انت راح ادخل نفسك بمشكله جبيره
هذا الشك اذا ماتكدر تثبت شي منه
زوجت ابنك تكدر ترفع عليك قضيه تشهير وسب وقذف
وهاي عليها سجن
وتكدر تكاومك عشائريا وتاخذ حقها مربع منك
ليش ماترجع للبيت وتنسى هذا الموضوع
بعد ابنك مات
ليش تشوه سمعت زوجته
شراح تستفاد اذا شوهت سمعتها
جمانه السعيدي
حجي عداي.....افهم وليدي اني صار اكثر من شهر مااكدر انام
مرتاح
من ازوجت كوثر واني حالي كله انكلب
بعد زواجها واني اروح كل أسبوع مره اشوف حفيدي واطمن علي
اروح بيت ابني حتى اشوف حفيدي لان كوثر ازوجت بيت ابني الي عافه الها هي وابنها
من شفت الشخص الي ازوجته
واني مريض تعبان
كلما اشوف حفيدي واقارن بينه وبين زوج امه
اتخبل
الطفل نسخه من زوج امه
الضابط....حميد زوج كوثر اقاربكم
حجي عداي...لا مو اقاربنا واني مااعرفه ولا شايفه قبل
هو صح من محافظتي هاي
بس اني ماشايفه قبل
بعد وفاة ابني كوثر رفضت تترك بيتها بقت بي هي وابنها
وتصرف من راتب ابني
حتى سياره عافلها
واني كنت اطمن عليها كل يوم
واشوف اذا ناقصها شي
الحد ماكملت سنه
من اروح عليها ماكنت احسها حزينه لو متأثره بوفاة ابني
وكانما الموضوع عادي بلنسبه الها
بعد سنه من وفاة اثير
تفاجئت بيها جايه تكول اجا واحد طلب ايدي واني اريد ازوج
اني بعدني زغيره ومن حقي ازوج
اني مراح اكدر اكمل وحدي
رغم هي كلشي ما ناقصها عدها بيت وسياره وراتب
يعني مامحتاجه تتزوج
قابل زوجها شراح يقدملها اكثر من الشي الي عدها
جمانه السعيدي
اصلا هذا الي ازوجته يشتغل عامل بسوبر ماركة
وقبل كان يشتغل عامل توصيل
طردو من الشغل مااعرف ليش
حجي عداي....اني طبعا رفضت هاي الزواجه
هي مامحتاجه شي ليش تتزوج
الضابط...شكد عمرها كوثر
حجي عداي...حوالي سبعه وعشرين سنه اوكثر مااعرف
الضابط...كوثر اقاربكم
حجي عداي...اي ابوي وجدها ابو ابوها ولد عم
الضابط...اي كمل حجي ليش زعلت
حجي عداي....اي هي مامحتاجه تزوج من اجت وحجت
وياي بهذا الموصوع
اني رفضت ابني صار سنه وحده من مات
وهي تريد تزوج
قبل امهاتنا تحزن سبع سنوات وتبقى لابسه اسود
وما تطلع لا عرس ولا مناسبه
ولا تخلي حنه ولا تحف وجها ولا تتعطر
سبع سنوات وجها ما ينشاف من كد الشعر
وبس واحد يجيب ذكر زوجها تبجي
وكوثر عبالك تعد الايام يمتى تخلص السنه حتى تزوج
أنت ماشايف اثير شلون جان يعاملها
وشلون يخاف عليها
مداريها مثل المي بلصينيه
بس هي ماكانت تحبه
الضابط...شلون عرفت هي ما تحبه
حجي عداي...ماشفت شلون بس كملت السنه كبل كالت اريد زواج
الضابط...ترا كوثر زغيره حسب ماعرفت عمرها منك
من حقها تزوج حتى ابنها زغير
حجي عداي...شنو من حقها تزوج على الاقل تتحمل سنتين اتلاثه
شنو ماصدكت
بعدين احنا بعدنا مانعرف منو الي قتل اثير
الضابط...انت مو تكول حادث دهس
حجي عداي....اي لو حادث عادي ميخالف
بس اني اكول هذا متعمد يقتله لان الدراجه بدون رقم
ولولد ملثم
شنو برائيك هاي صدفه
مستحيل تكون صدفه
الضابط....حجي وبعدين شصار بعد مازعلت عليها
لان تريد تزوج
حجي عداي....ما خلتلي اعتبار
ولا سمعت كلامي
الولد راح طلبها من امها وأخوانها عبالك ماصدكو
كبل وافقو علي
ازوجت بدون موافقتي عافتني وراها
قاطعتها شهرين واني مارايح شايف حفيدي
بس كلبي ما انطاني
رحت اشوفه اول مره بعد زواجها بشهرين ونص
بيومها ما شفت زوج كوثر
دكيت الباب طلعتلي لابسه وكاشخه والعطر وفاتحه الشعر
كوثر...اهلا عمو تفضل شلونك
حجي عداي....اريد اشوف ابن اثير
كوثر...اي تفضل ليش واكف بلباب
حجي عداي....لا اريد اخذه وياي للبيت
كوثر ...هسه أبدله واجيبه
حجي عداي....سمعت صوت زوجها صاح منو
كوثر...هذا عمي عداي
حجي عداي.....احس الدنيا شالتني وضربتني بلكاع
هذا الحيوان كاعد بيت اثير
ويعاشر زوجته ويشيل ابنه
ليش ياربي ليش هيج
ليش اثير ينحرم من هاي النعمه
كمت ابجي بلباب وهذا الأفندي حتى ما كلف نفسه يطلع ويكول تفضل عمو ليش واكف بلباب
طلعت كوثر شايله حمودي
مسحت دموعي اخذته منها
كل الطريق ابجي اني رجال جبير ومااكدر على هذا
الحزن
احس كلبي انمرد
ليش هذا الحيوان كاعد بيت اثير
ساعته فكرت ارجع واكله اطلع من بيت ابني
لو اروح اشتكي واطلب حصتي من بيت اثير
اني اليه حصه بيته وبراتبه وسيارته وكلشي يملك
ساعته باوعت بوجه حفيدي وتعوذت من الشيطان
اني عندي خير من الله
رب العالمين ساتره وياي
بس كلبي شلون بي مايقبل بهذا الوضع
من رجعت حمودي هم ما شفت زوجها
اني الصراحه مااريد اشوفه اني بس سمعت صوته متت
قهر اله اشوفه بعيني
يمكن اموت بمكاني
جمانه السعيدي
الضابط...وبعدين
حجي عداي....كل أسبوع اروح اجيب ابن اثير
يبقى عدنا يوم واحد وارجعه
بس ماادخل بيت اثير من الباب اخذ حفيدي وارجع للبيت
الضابط...وبعدين كمل
حجي عداي.....الحد قبل شهر واحد بلضبط
دكيت الباب وفتحلي زوج كوثر
حجي عداي...اريد حمودي كبل كلت هيج بدون حتى ماسلم علي
هو هم دخل ومارد عليه
طلع شايله بحضنه صفنت عليه شويه
الطفل بي شبه منه
مادققت حيل بيومها لان هو جان ضايج من وجودي
انطاني الطفل ودار وجها
بيني وبين نفسي كلت لا اني يتهيئلي
اني ماركزت زين
بس بقه كلبي يلعب والأفكار بعقلي تروح وتجي
من رجعت ما طلعلي
لان بلشغل طلعت كوثر اخذته توسلت بيه ادخل للبيت
بس اني ماقبلت
ثاني يوم حتى اطلع الشك بليقين
رحت للمكان الي يشتغل بي
سويت نفسي مااعرف هو يشتغل هنا
من شافني حيل ضاج
اني ماسلمت علي دخلت كبل افتر بلمكان اشوف البضاعه
وهو عينه عليه
اجو زباين للمكان واني وكفت ورا الرف
واخذتله صوره من بعيد بدون مايعرف
هو الشي المميز بي اذاناته كبار وطالعات برا
وعيونه شويه مسحوبات ليجوه
المهم اخذته صوره وحفضتها
كلشي مااشتريت وطلعت من المكان
ثاني يوم رجعت على ابن اثير اجيبه من شافتني كوثر استغربت من جيتي
لان اني كل أسبوع اروح اجيبه مره
بس اني اول امس رجعته عليها
كوثر.. هااا عمي خير اكو شي
حجي عداي.. جاي اشوف حمودي اكو مشكله
كوثر لا ماكو مشكله هله بيك اصلا هو ضايج من طلع حميد لسه يبجي
همزين اجيت تاخذه
دخلت جوه جابت حمودي اني اخذته ورجعت للبيت
