رواية دخيل في بيتنا كامله جميع الفصول بقلم جمانه السعيدي
القصه قديمه من الزمن الجميل ابطال القصه حاليا جد وجده
بطل القصه مواليد ٦٨ والبطله مواليد ٧٠
رغم هاي القصه فات عليه زمن يعني أحداثها سنة ٨٧
بس اكو سبب خلا أبطال هاي القصه يستذكرونه
وتقرر البطله تحجي أحداث قصته بعد مافات عليه
اكثر من ٣٧ سنه
اني سعاد بطلة هاي القصه مواليد ٧٠
بما ان اني نويت احجي قصتي مع التحفظ على بعض الأمور الخاصه لان اني حاليا صرت بيبي
والقصه كلش قديمه
بس مااعرف ليش احس اريد احجيها
اذا احجي قصتي لازم ابدي من البدايه كلش يعني من حياة امي وخالاتي قديما
لان القصه متسلسله
حياة امي وخالاتي أثرت على حياتي
بيبي ام امي عدها ٣ بنات فقط ماعدها ولد وكل الاهل والاقارب كانو يعيرونها بهذا الشي
وينادونها ام البنات والنسوان تخاف تقرب عليه خاف تعديهن بخلفة البنات
ومايعزمونها بلاعراس خاف العروسه تتاثر بيها وجيب بنات
رغم الاولاد والبنات رزق من رب العالمين
جمانه السعيدي
كانت أضم بكلبه حزنه وتسكت مجتمع متخلف
يعتبر الوالد الكارت الرابح
والبنيه عيبه ونقص
بيبي عدها ٣ بنات خالتي الجبيره زهره وزينب وفاطمه
اما بيت حماها عدهم ثنيين ولد وماعدهم بنيه ابد
العائلين سواء عائلة امي او بيت عمها
عايشين حياة الفقر الابعد حد
الفقر الي مابعده فقر
ماعدهم غير قوت يومهم وبس عايشين بغرف طين
والباب بطانيه قديمه
والملابس كل واحد عنده قطعة ملابس شتويه وحده
صيفيه
ماكو ملابس هواي يعتبرون الملابس كماليات همه مايكدرون يشترونها
الي يسبح يبقى لاف نفسه باي شي منا لمن ملابسه تنشف
الصيف اهون اله الشتا كان بارد بشكل مو طبيعي
والملابس ماتنشف بسرعه
لذلك كان السبح كل عشر ايام اواكثر بلشتا
لان البيوت مكشوفه وبارده والماي يرحون يجيبون من الشط ماكو مي اسأله متوفر بلبيوت
اما الاكل اهم شي موجود خبز وباقي الاكل مو مهم
يعني ممكن تكون وجبة الاكل خبز وجاي فقط
او خبز وخضره او خبز وخيار واذا اشترو ركيه
ذاك اليوم يكون احتفال
اما الحم او الدجاج يعني بين فتره وفتره يمكن ياكلون مره
احجي على وقت الاقطاعيين الي كانو منتشرين بلعراق
كانو كل الرجال يشتغلون بارض الاقطاع من الصبح لليل
علمود قوة يومهم وبس
يعني يشتغل كل اليوم علمود اكل يوم واحد بس
من يخلص شغل اخر اليوم ينطونه حنطه شويه
يرجع للبيت وزوجته تطحن الحنطه او الشعير بمطحنه يدويه
وتعجنه وتخبزه بنفس الوقت حتى ياكلون
اغلب البيوت كانت تربي الدجاج والبط حتى تكدر تاكل
شي وياا الخبز
واذا اي احد اتجرء ومد ايده على اي نوع من المحصول
ينضرب ضرب قاسي ويتعلق بلشجره بدون ملابس
للصبح
واذا واحد لزمو اكثر من مره ياخذ برتقاله او رمانه
احجي قطعه وحده مو اكثر
يشدون بي حجر جبير ويشمرونه بلشط يعني يقتلو
حتى يكون عبره الغيره
والناس تخاف تمد ايدها على اي محصول
والشغل بهيج أماكن اجباري والي يمتنع عن العمل
تعرفون مصيره شنوووو ينضرب ويتعلك بلشجره بدون اكل وماي
يومين او ينقتل خلاص
( تدكرون تتأكدين من هاي المعلومات من الناس الكبار وخاصه بلمناطق الجنوبيه )
بهذا الوقت كان الاحتلال البريطاني هو الي لازم الحكم بلعراق ومسلط الناس الي ماترحم على الشعب
الي همه الاقطاعيين
بريطانيه مكنت الاقطاعيين من الأراضي الزراعيه
وكل المحصول يروح البريطانيه
اما الشعب المسكين كان يحصل فتات الاكل
نرجع العائلة امي ٣ بنات جميلات بشكل مو معقول
بياض وعيون كبار كحيله وقوام رشيق
وابتسامه تاخذ العقل كانن جميلات على بيبي
بيبي بقت جميله الحد عمر الثمانينات يعني توفت بعمر ٨٥
وهي أسنانها حلوات وابتسامته تخبل
وشعرها ال هسه اذكره
كصايب ثنيين يخبلن كانت تخليلهن حنه دائما
وبسبب الشيب صار لونهن برتقالي
كتلكم امي وخالاتي جميلات على امهن
بس هنا ممنوع يطلعن من البيت
قبل البنات ماتطلع اله شغله مهمه
وتكون وياها امه او ابوها
جمانه السعيدي
الي يخطب لازم يسمع بت فلان شريفه محد شايف طولها
محد شايف طولها يعني ماتطلع من البيت
المهم عايشات وراضيات بيبي كانت عدها مغزل تغزل الصوف وتبيعه حتى تساعد بلعيشه
لان كتلكم شغل جدي بااراضي الاقطاع مايحصل غير قوة يومه وبس ومايكدر يعترض ابد
اتاثرت حياتهم بمرض جدي
قبل المريض يموت ومحد يعرف علته شنو ليش
لان ماكو مستشفيات بلمناطق الريفيه
والعلاج يربد فلوس يبقى ياخذ علاج اعشاب من واحد يسمونه عارف
عارف يعني يعرف بلطب وهذا الانسان يكون يعالج الناس حسب معرفته
اكيد لا دارس ولا يفهم بالطب يعالج وعليك يالله
لو صايبه لو خايبه
جدي ابو امي كان يعاني من روماتيزم المفاصل
طبعا هو مايعرف هذا المرض
كان يشكي من رجلي ويكول بسبب التعب بلعمل والوكفه طول النهار
صحيح العمل هو احد اسباب الالم
بس السبب الرئيسي هو الروماتيزم الي استمر يمشي
بجسمه منا لمن صار قعيد بلبيت
مايكدر يتحرك طبعا الاقطاعيين مارحمو منا لمن شافو كل يوم يوكع بلعمل
يعني اتاكدو من مرضه يله تركوووو
تركووو بدون اي مبلغ مالي حتى يامن حياة عائلته
جمانه السعيدي
هنا وكعت المسوليه كله على بيبي البيت محتاج مصرف
ومحتاجه تشتري علاج الجدي
طب عرب يعني علاج بلاعشاب
كامت تغزل والبنات يغزلن وياها الصوف حتى تبيعه
وتأمن مصرف للبيت
بهاي الفتره كان عمر خالتي الجبيره عشر سنوات
كانت تشبه الغزال بجمالها وحسنه
وامي تضاهيها حسن وجمال كان عمرها ٨ سنوات
والاخير كان عمرها ٦
بس بعمرهن ماعاشن حياة الطفوله كانت حياتهن
عباره عن عمل داخل البيت
خبز وتنضيف ومرات تروح وحده وياا بيبي حتى اجيب المي من النهر اضافه إلى العمل بغزل الصوف
حتى يساعدن بلمعيشه
والبيت كان عباره عن غرفتين طين
والأبواب بطانيه قديمه اقصد أبواب الغرف
والباقي حوش جبير
جمانه السعيدي
بيبي من شافت الحياة صارت صعبه عليه
بركبتها ٣ بنات وزوج مريض قررت تجمع كلشي عدها وتشتري هايشه
كان عدها كلاده ذهب ومجمعه كم فلس كدرت تستري هايشه
الي عندا حلال قبل يعتبر ضامن معيشته بهذا الوكت
يعتبر من الناس الثريه
كانت بيبي تحلب الهايشه وتروب الروبه او الخاثر
حتى ياكلون منه
والباقي تبيعه وجمع فلوسه بلاضافه هاي الهايشه كانت تحبل واجيب يعني تتكاثر كان اسم الهايشه
فريحه الهسه اذكر اسمه يعني دخلت عليهم بلفرح
جمانه السعيدي
بيبي كانت تكبر العجل وتبيعه
وترجع تشتري هايشه
ياسبحان الله وكنو رب العالمين كان عالم بحاله
كان الرزق بنزل عليه مثل المطر كانت مدبره المعيشه والعلاج وتكدر توفر فلوس
وامي وخالاتي كانن يساعدنها بغزل الصوف
بينما بيت حماها الي عدهم بس ولد والي كانو دائما يعيرونها بخلفت البنات
كانت حالتهم حاله يشتغلون عند الاقطاعيين
ومايكدرون يوفرون اله قوة يومهم
واذا حبو يدلعون نفسهم يشترون ( تتن )
يمكن هذا الجيل مايعرف شنو تتن
قبل ماكو جكاير مستورده يشترون ماده الجكاير
وتكون مصنعه محليا ويشترون الورق الي يلفون بي الماده
يكعدون يخلون مادة الجكاير بلورق ويلفونه مثل البكاره حاليا وبلاخير يخلون شوية لعاب من السانهم
حتى تثبت ااجكاره وما تنفتح
كان طعمها سىء جدا مقارنتا بلجكاير المستورده
بس هي هاي الي جانت موجوده
ويعتبر سعيد الي يكدر يشتريها ويشربها
اما اذا رادو يحلون بعد الاكل
الحلو بذاك الوقت للطبقه الفقيره تمر وياريت تمر
جديد....كان تمر جاف يسمى الخلال
يعني حياة تعيسه بمعنى الكلمه ضلم وجوع واضطهاد
وعبوديه رغم كل هذا كانو عايشين وراضين بلواقع
جمانه السعيدي
الحد مافديوم اجا ضيف البيت جدي
كان رجل ثلاثيني ضخم اسمر ملابسه ملابس
افنديه يعني ملابس ناس متحضره
مو دشداشه وعكال
منو الي طلعت استقبلته
بيبي لان عيب البنات تطلع تفتح الباب
وجدي كان مريض بوقته ونايم بلفراش
بيبي ماتعرفه بس كان واجب عليه ترحب بي وتستقبله
بيبي.. هله ومرحبا تفضل
....ابو زهره موجود
بيبي.. اي موجود تفضل
دخل هذا الرجل على جدي جدي بس شافه حيل رحب بوجوده
جدي.. اهلا وسهلا اهلا شلونك صحتك احوالك
كامل...اهلا وسهلا اعذرني مااعرف انت مريض
جدي...معذور شلون تعرف وانت بغداد
بيبي طلعت حتى تحضر الجاي للخطار
من رجعت عليهم
جدي...تعاي ام زهره هذا ابن عمي كامل انت ماشايفته
جان عايش بلخارج
بيبي.. اهلا وسهلا كل الهله بيك
كامل...هله بيج التفت على جدي وكال شنو يوجعك
جدي....ذوله الي مابخافون الله الاقطاعيه شغل ليل نهار
لمن كمت مااكدر اكوووم على حيلي
كامل...اخذك دكتور بغداد يعالجك
جدي...العمر بعد ما بقا بي شي اني زلمه موات
اضن حتى البغداد مااكدر اوصل
كامل..... عمرك طويل انشاء الله
جدي...الله يسلمك
جمانه السعيدي
كامل...اني اليوم جايك بطلب واتمنى ماتردني
جدي...كول انشاء الله مااردك كون اكدر على طلبك مااردك
كامل....اني رجال مقاول وعندي خير من الله عندي بيت
وفلوس وحالتي زينه
سمعت عندك بنات واريد وحده ازوجها
( طبعا قبل البنات قليله مقارنه بلرجال لذالك كانت البنات تزوج بعمر زغير حتلو كانت معيوبه يعني اذا كانت عرجه او عوره عادي تزوج )
كامل.....اليوم الي تعرفه احسن من الي ماتعرفه
جدي.. ابشر بس هاي السهله
على فكره خالتي هنا عمرها عشر سنوات بس وحتى
ماتجيها الدوره بعدها طفله
كامل....تسلم هاي المرجيه منك اني اجبتك واعرفك ماتردني واني مستعد الكل طلباتكم
جدي....شني طلباتنا احنه نشتري رجال كبعها واخذها
كامل....اني مستعجل على العرس تعرف اني مو زغير
وهم اربد اشوف جهالي
جدي....اسبوع وتعال اخذها
طلع كامل مبلغ مالي مغري بذاك الوقت مهر الخالتي
يعني مهر محد يحلم بي
وحدد اليوم الي يجي بي يعقد عقد شيخ وياخذ خالتي ويروح البغداد
