رواية فرصة تانية كامله جميع الفصول بقلم ندا سامي
-بتحبني صح!
-بحبك اووي
-اوعدني إنك هتفضل معايا
-لأخر العمر يا حبيبتي
=يلا يا رقيه عشان منتأخرش
-فوقت من شرودي علي صوت ماما
-حاضر جايه يا ماما بصيت لأخر مره علي بيتنا
=متأكده يا حبيبتي إنك عايزه تمشي من هنا
-هزيت برأسي بمعني اه.. مش سهل عليا اسيب البيت اللي اتربيت وعشت طفولتي كلها فيه وعملت زكريات كتير مع الانسان اللي حبيته أكتر من نفسي بس انا مش هقدر اقعد هنا اكتر من كدا وخصوصا انه هيتجوز واحده غيري
-ماما كانت بتبصلي بنظرات كلها حزن وشفقه علي حالي واللي وصلتله .. احيانا بيكون أكتر شخص بتحبه هو سبب حزنك ووجعك وكسرتك.
-وصلنا بيتنا الجديد كل حاجه كانت جاهزه ماعدا انا مش جاهزه لأي حاجه ومعرفش مصيري هيكون اي هل هقدر انسي واعيش حياتي ولا هفضل زي مانا
-قررت ادخل انام عشان دماغي تفصل شويه من التفكير
=انت عارف نفسي في اي
-نفسك في اي يا حبيبتي
-نفسي لما نتجوز نعمل شقتنا بإيدينا كل حاجه في البيت تكون من اختيارنا
=حبيبتي تؤمر وانا انفذ طبعا
.
-دلوقتي هي اللي هتنفذ احلامنا سوا... قعدت اعيط معرفش قعدت قد أي لحد لما نمت
-عدي شهر وانا علي نفس الحال مفيش جديد كل يوم عياط وتفكير.. طلعت قعدت في البلكونه زي كل يوم
-لقيت حد بيطبطب علي كتفي وكانت ماما وقعدت جمبي
=وبعدين يا رقيه هتفضلي كدا لحد امتي يا حبيبتي
-مش قادره انسي يا ماما معقول يعمل فيا انا كدا ازاي قدر يقسي عليا كدا ويحب غيري دا انا وعيت علي الدنيا لقيته قدامي
=حاسه بيكي يا حبيبتي بس هو عايش حياته انتي متعرفيش ازاي قلبي بيتقطع عشانك يا رقيه عشان خاطري يا رقيه ارجعي كويسه عشان نفسك وعشاني
-حسيت ان ماما ملهاش ذنب تشوفني بالشكل دا قررت اني اتعافي وارجع كويسه عشانها.. نزلت ادور علي شغل والحمد لله لقيت شغل في مكتب محاماه كبير وانهارده هعمل الانترفيو
=جهزت ونزلت الشغل.. لو سمحتي ممكن اقابل مدير المكتب
-اتفضلي استاذه رقيه مستر خالد في انتظارك
-كنت متوتره نوعا ما عشان دي اول مره اقدم علي شغل واعمل انترڤيو وكمان هما مبيقبلوش غير المحاميين اللي عندهم خبره فكنت متأكده اني مش هتقبل بس قولت اجرب
-اتفضلي يا استاذه رقي..
-مكملش اسمي وكان علي وشه صدمه بسيطه او ممكن مستغرب
=احممم.. اتفضلي
-ابتسمت ابتسامه خفيفه وقعدت.. شكرا لحضرتك
=حضرتك اول مره تشتغلي صح؟
-اتوترت وقولت بصوت مهزوز.. صح يا فندم
=للاسف احنا مبنقبلش حديثي التخرج و...
-فهمت يا فندم شكرا علي وقت حضرتك ولسه هقوم عشان اخرج من المكتب
=استني يا استاذه رقيه انا لسه مكملتش كلامي.. انا قررت اديكي فرصه لمده شهر ولو اثبتي كفائتك باذن الله هتكوني معانا
-ابتسمت ودي كانت اول مره من فتره كبيره اكون فرحانه فيها من قلبي.. شكرا يا فندم باذن الله هكون عند حسن ظن حضرتك
=باذن الله تقدري تبدأي من انهارده والسكرتيره بره هتعرفك مكتبك وكل حاجه خاصه بالشغل.
-تمام... خرجت من مكتبه وبدأت اشتغل وافهم شويه عن الشغل وجه معاد خروجي
-روحت وحكيت لماما عن كل حاجه حصلت في اليوم وكانت فرحانه أني بدأت اركز في حياتي ومستقبلي
= عملت كوبايه قهوه وقعدت في البلكونه اكمل شغل
-اول مره اشوفك مبتعيطيش
=اتخضيت من الصوت اللي مش غريب عليا دا.. بصيت في البلكونه اللي جمبي واتصدمت لما شوفته
-استاذ خالد!!! حضرتك بتعمل اي هنا
-ضحك علي شكلي المصدوم وقال... انا ساكن في العماره هنا بقالي خمس سنين
=خمس سنين!!
-ايوه يا بنتي مالك مصدومه كدا
=اصل يعني..
-قاطع كلامها وقال... عارف هتقولي اي انك بقالك شهر هنا ومشوفتنيش ولا مره صح؟
=ايوه صح.
-بس انا شوفتك كتير في الشهر دا.. تقريبا كل يوم
=لسه هيكمل كلامه تليفونه رن... وانا ماما نادت عليا
-طب عن اذنك يا استاذ خالد
=اتفضلي.. متنسيش تخلصي الشغل وتروحي الشغل بدري ها.. قالها بابتسامه لطيفه وانا دخلت
إيه يا حبيبتي كنتي بتكلمي مين؟
-دا أستاذ خالد يا ماما
=اشمعنا بيتصل في وقت متأخر كده
-لا يا حبيبتي متصلش.. أستاذ خالد ساكن في الشقة اللي جمبنا
= معقوله!! غريبه يعني انتي مقولتيش إنه ساكن جمبنا
-أنا كمان مستغربه لإني مشوفتوش ولا مره من ساعه لما سكنا هنا
=يمكن عشان مبتخرجيش يا حبيبتي.. هسيبك تكملي شغلك بقي
-بعد ساعتين خلصت شغلي.. كنت هموت من التعب ودخلت نمت عشان متأخرش علي شغلي مش معقول اتأخر من تاني يوم يعني
-عدي اسبوعين في شغلي كنت حاسه إني بدأت اكتسب خبره واتعلم أكتر من مستر خالد
=رقيه تعالي عاوزك علي مكتبي
-نعم يا مستر خالد
-بصي يا رقيه انتي بقالك اسبوعين معانا في الشغل وماشاء الله حاسس بتطور وقدرتي تثبتي كفائتك قبل الشهر ميخلص ف أنا قررت إنك هتكملي معانا هنا وتنزلي كمان معايا المحكمه
-كنت فرحانه أووي بالكلام اللي سمعته من مستر خالد
-بجد مش عارفه اشكر حضرتك إزاي يا مستر خالد
-مفيش شكر ولا حاجه دا حقك وانتي تستاهلي أكتر من كده يا رقيه.. انا عارف إن عندك حاجات كتير تقدميها وواثق فيكي هتكوني أكبر محاميه واشطر مني كمان
-كنت بفتكر كلام مستر خالد وببتسم هو تاني شخص بعد ماما يشجعني ويرجعلي ثقتي في نفسي تاني بعد الكلام السلبي اللي كنت بسمعه
-لا يا رقيه انا مش موافق تشتغلي معايا
=ليه بس يا أمجد مانا متخرجه من نفس الكليه بتاعتك وأنت هتعلمني ومع الوقت هكتسب خبره وهنجح في شغلي قولت اي
-رقيه انتي بجد مبتفهميش في اي حاجه وعمرك ما هتنجحي صدقيني متتعبيش نفسك
=رقيه انتي كويسه؟!
-ها.. اه انا كويسه حضرتك واقف هنا من امتي
- بقالي خمس دقايق واقف بكلمك وانتي مبترديش وتعبيرات وشك كانت فرحانه فجأه لقيتك بتعيطي هو حد في المكتب زعلك؟
-لا.. بس افتكرت حاجه مش أكتر
=طب انا مروح تعالي اروحك معايا
-شكرا لحضرتك بس انا مش هينفع اركب مع حد غريب.. اسفه
-ابتسمتلها وانا مبسوط من تصرفها دا.. مفيش اسف ولا حاجه يا رقيه. خلي بالك من نفسك
=فضلت طول الليل افكر فيها.. قد اي هي بنت جميله وطيبه واخلاقها كويسه.. بس انا متأكد ان في حاجه هي زعلانه بسببها
-ماما.. يا ماما انا هخرج شويه علي البحر
=متتأخريش يا حبيبتي
-حاضر يا ست الكل. بوست اديها وراسها ونزلت اقعد علي البحر شويه
-بجد مش عارف اي الحلو انك تقعدي هنا كل يوم
=يمكن مثلا عشان هو صاحبي الوحيد اللي بعرف احكيله كل حاجه مزعلاني
-طب مبتحكيش لمامتك او بتحكيلي ليه
-كنت عايزه اقوله إني بقيت اخاف احكيله اي حاجه او مبقاش الشخص اللي اقدر في اي وقت اتكلم معاه في اي حاجه.. احساس صعب ان الأمان يختفي بين اتنين بيحبوا بعض
-لا مفيش حاجه بس عشان انت مشغول طول الوقت ومش حابه اشغل دماغك أكتر.
=عندك حق كويس إنك عارفه حاجه زي كدا.
-يا نهار ابيض الوقت عدي بسرعه انا لازم اروح دلوقتي
روحت بسرعه عشان ماما متقلقش عليا وخصوصاً ان موبيلي فصل شحن
-انتي جيتي يا رقيه.. تعالي شوفي مين عندنا
-انت...!!!
لا أفهم لماذا تريد مني أن أخوض معك الأيام وكأنها معركة، لماذا تصرّ على أن يخسر أحدنا الآخر بينما كنت أنتَ مكسبي الوحيد.♡
