رواية رغبة ملوثة كامله جميع الفصول بقلم دلال عماد
****
فـي بغداد عـام 2019 السـاعة 9:00 صباحاً "
يـوم الجمـعـة "
صـباح حلوو بالقرءان بصـوت عبد الباسط الي يريح القلب ممزوج بصـوت العصافير .. حيـاة هادئة خاليـة من المشاكـل والأزعاجـات والشـمس مشرقـة والورود بأنواعها محاوطيني بكل مكان
واكفة اسقي الزرع وارش الحديقـة واشـم بريحـة الأشجـار مـن يلوحهـا الماي عطـر جميـل ونقـي بمعنـى الـكلمة
بـين ما انـي مبتسمة وارش بالحديـقة واتمتع بالنظـر بجـمالها وجمـال الورود سمعـت صـوت امـي صاحـتني
- سليل يوم وينج
- ها ماما شكو
-حبيبتي اذا كـملتي من الحديقـة تعاي ساعديني
-اي ماما جيت
رحـت للمطبخ وبديـت اسـاعد امـي بالتنظيـف والغسـل... شـويه وسـألت امي
"ماما لعـد نـورا وينهـا شـنوو لحـد هـسا نايـمة"
- اي روحي كعديها هاي تنبل تضل نايمة للعصر اذا مانكعدها
- ماما قصدج لي باجر هم مو للعصر
- هههه دروحي روحي
صعـدت حتى اكعـد نـورا طبيت لغرفتها وصحـت
- ولجج نـووووراا احترركنـاا كوووومـي بسـرعةة حنمـوووت
كلتلها هيج وهيا كمزت كمزة هيا وكفشتها وتصرخ
نـورا بخوف وهيا تلطم: مااااامااااا ولججج يمااااا ولجج يماااا وييينن ويينن منوو احترركك منوو ماتت اسااامة احتررك ومات مووو يماااااا اخووووويااا يمااااا للليشش اخووووويااا ليييش تعووفنيي سندددي ولكككك اوووفف يااخويياا وحزززام ضهررري
واكفة خربانة ضحك عليها وهيا تركض هيج وهيج بالغرفة وتصرخ النوب امي وأسامة صعدو ركض عبالهم اكو شي وشافوها من تحجي هيج راح اسامة يمها دنك كعد على ركبته وگللها
اسامة: شكو خير سمعتني متت
الأُم: وجعع شبييكمم
سليل: ههههههههههههههههههههههههههههههههههه
ماما الله عليج عوفيهم
الأُم: وجع انتي الثانية كتلج كعدي اختج مو سوي عزا
نـورا بعصبيـة: الااا اطييحح حظج ادبسززز اوكفيلي
اسامة: ههههاي علييهم علييهم
سليل: اجت نـورا تركض وراي واني اركض واضحك وامي تصيح علينا
لزمتني وبقينا نتكافش كالـعـادة الأ امي اجت لازمة الجفجير يلا عافتني وعفتها
الأم: يلا تعـالوو ساعـدوني بالغدة اليـوم يجـي ابـوكم
نـورا وسليل: هييييي واخيراً
اسـامة: هـا صدك اليوم ينزل
الأُم: اي اليوم ان شاء الله
- ان شاء الله
*
كملنا كلشي تقريبـاً بقى بـس يجي بابا ونصـب الأڪل
نـص سَـآعــة واندك الباب راح اسـامـة فتحه وجان يطب بابا ࢪحنا كلنا ركض حتى نسلم علي
سلمنا على بابا وبوسناه مانطيناه مجال خطيـه ههه وهوَ ڪال
مروان: ۿـا اطب لو شلون
- ههههه طب طب
سليـل: طب بابا وكعد يرتاح شويه واحنا بدينا نصب الأڪل صبينا وصحنا بابا واسـامـة ؏ الأڪل واجوو
مروان: شلونكمم خوما تتعاركون وتسوون مشاكل
سليـل: ابد بابا وﭑللّه عقال احنا
اسـامـة: اي وﭑللّٰه مخلف ملائكة اللهم لا حسد
مروان: ۿـا صدك
نـورا: اي بابا صدك ابد لدير بال وتهتم
ايات: خطيـه مساكين ڪلش
نـورا: شوف هاي شهادة مــن نبع الحنان
مروان: عاد ڪون تطلع صدك مو شهادة زور
ضحكنا كلنا وبدينا ناكل وبعد فترة قصيرة
كملنا اكل ونـورا غسلت الصحون عليها السرة اليوم وبابا صعد يرتاح خطيـه تعبان وامي هم صعدت ويا
واسامة نام ؏ القنفة كعدت بالصالة ولزمت جهازي اگلب بي ضايجة بهالأثناء وصلني مسج مـن شخص
غريب اسمه اوس بالأنكليزي واعتقد ضابط لان جان مخلي صورة ضابط وناشر صور بالزي العسكري.
" السلام عليكم مـمـڪن سؤال "
اترددت اجاوب بـس الفضول موتني ردت اعرف شنو السؤال وجاوبته
مادري بوقتها وين جان عقلي
رديت علي وكتله
سليـل: وعليكم السلام اتفضل
وراها بدقايق رد عليا
اوس: شلونج
سليـل : شنو السؤال ؟
اوس: هسا غير نسلم بالبداية شي
سليـل: لا تعذرني اني جاوبتك لان عندي فضول اعرف شنو السؤال
اوس: ههههههههههه هيج فضولج قوي
سليـل : واكثر من ما تتخيل
اوس: شنو اسمج
سليـل: شنو السؤاااااال
اوس: ههههههه الا اخليها حصرة بكلبج
سليـل: وعشتـو ليـش حصرة بكلبي دهاك اخذ بلوك وميحتاج اعرف شنو سؤالك
اوس: لا اوكفي راح اكلج
سليل: امم يـلاا
اوس: ردت اسألج يا صف انتي
سليل: يبو هـوَ هذا السؤال
اوس: اي
سليل: صف خامس ادبـي
اوس: اها بالتوفيق يارب
سليل: تسلم
كتله هيج وهوَ شاف ومارد عفته شسويله قابل
****
فـي مـكـان اخـر ...
" الأنبـار السـاعة 3:12 بـعـد الضهر"
- يـول اكـعـد راحـة
- ما اكعد اذا ما تاخذني وياك
- وين اخذك طالع ويا جماعتي يول اسـراء تعاي اخذي ابنـچ
- اميير تعال عيب عوف عموو ميصير
- ما ليش مياخذني ويا
- ول بعدك جاهل انت شكو تروح
- ول الله هذا راح يجلطني امشي من كدامي لا اطيح حظك
كتلو هيجي وراح ويا امو يركض جهال ميجون الا بالعين الحمرة
دطلع وشفت اخوي شـهم وكفت وكالي
- ها يخوي وين
- والله طالع وي جماعتي محتاج شي
- سلامتك بس نريد نشوفك يمعود كاضيها بشغلك ببغداد ومن تنزل تطلع ويا جماعتك خلي نشوفك
- والله اعذرني يخوي ضايج شويه تدري بيا ماكدر ابقى اكره كعدت البيت، وبعدين انت هم ملتهي بالطلايب بالديوان
- اي والله شسوي بعد يلا روح اطلع هسا وحاول ترجع من وكت نكعد نسولف شويه
- ان شاء الله، يلا اودعناكم
- مع الف سلامة
....
"سليـل"
كـعدت شفت روحي نايـمة ع القنفة يا هاي شوكـت نمت باوعـت للسـاعة شفت الساعة 7 بالليل يااا عزا شكد نايمـة اني لعد كمت رحت للمطبخ داشرب مي عطشانة شفت امي ونـورا يسـون العشاء شافوني كالو
- صح النوم
سليل: ليش مكعدتوني
نـورا: شفناج نايمة مثل الميتة انقهرنا عليچ
ام سليل: اسم الله لتحچين هيچ ولچ
نـورا: يما نشاقة نشاقة
سليل: يمااي فديتج ماما
بقينا نتناگر اني ونـورا لحـد ما جهز العشاء جانو مسوين معكرونة بالبشاميل وبيتزا يمييييي اجيت صورتهم ونشرتهم ستوري ع الأنستا ورحنا ناكل
اكلنا بهدوء هالمرة وماتعاركنا لان ابويا موجود
كملنا اكل ولمينا الصحون واني بديت اغسلهم،
بعد ماكملت غسـل رحت كعدت بالصالة ولزمـت فونـي طبيت للأنستا وللدايركت شفت جايتني رسالـة من هـذا الي اسمـه اوس فتحتهـا جان راد ع السـجايتني رسالـة من هـذا الي اسمـه اوس فتحتهـا جان راد ع السـتوري مالتـي وكـاتب
" بالعافيـة "
كتبتله
" الله يعافيك"
رأسً شافها كلت عزا هذا شنو كاعد بالمحادثة
كتب...
اوس: شلونج
سليل: نفس ماجنت الظهر
اوس: ههههه دومج
سليل: الله يدومك
اوس: عمي محد يلحكج بالردود ههههههه
سليل: اي لعد شعبالك تحب اعلمك فنون الرد
اوس: لا خليني على عماي احسن
سليل: بكيفك
اوس: متعرفتي عليا
سليل: لا
اوس: اني اوس من الأنبار عمري 27 سـنة
سليل: اتشرفت بحضرتك
اوس: الشرف الي انتي من وين وشكد عمرج
سليل: من بغداد عمري 17 سنـة
اوس: على راسي والله
سليل: يسلم راسك
اوس: اني اداوم ببغداد
سليل: ها صدك شتشتغل
اوس: عامل نظافة
سليل: ها صدك الله يرزقك
اوس : هههه هسا غير مخلي صورت ملازم اول يعني ششتغل
سليل: ها يعني انت ضابط
اوس: اي نعم
سليل: لعد ليش كلت عامل نظافة
اوس: جنت اختبر ذكائج وما شاء الله طلع ذكائج فائق الحـدود
