رواية جارتي كامله جميع الفصول بقلم جمانه السعيدي
القصه حقيقيه
بكل القصص نغير الأسماء الحقيقيه
ومرات نغير المحافظه اذا صاحب القطه يطلب نغيرها
بسبب خصوصية القصه
بس بلاخير القصه حقيقيه بكل احداثها
هدفنا من هاي القصص العبره وتحاشي أخطاء الاخرين
ولو البشر شكد مايكون حذر اكيد مراح يغلب قدر رب العالمين
##
نبدي قصتنا اتمنالكم متبعه ممتعه
اني رنده مواليد ٩٥ خريجه معهد حاسبه
صار سبع اشهر من ازوجت
زواجي كان عن طريق الاهل والمعارف
خالة زوجي تصير صديقة عمتي وهيج صارت القسمه
زوجي حباب خوش انسان
استمرت خطوبتها ست أشهر
لان اهلي شرطو علي اله بيت وحدي
احمد زوجي موضف بدائرة عسكريه ينزل بلاربعاء بليل
والخميس والجمعه ويوم السبت من الصبح يرجع
للدوام
احنا صح من نفس المحافظه بس اني وياا كل واحد
من مكان
هو اهله بقضاء واني اهلي عايشين بمركز المحافظه
احمد يداوم بمركز المحافظه
بدائرة حكوميه حساسه
لذالك من طلبنا يخلي بيت يم اهلي بمركز المحافظه
مااعترض بلنسبه اله هيج يرتاح اكثر
مراح يضطر يتحمل السياره ساعتين ونص حتى يوصل الاهله
وهو هم راتبه خير من الله
اول مره شفت احمد بلشوفه الشرعيه انبهرت بي
حسيت نفسي احبه من زمان
شكله كلش حلو ومرتب طريقه بلكلام تخبل
اني هم حلوه ماناقصني شي
اني رشيقه طولي ١٧٠ عيوني جوزي بشرتي بيضه
شعري تمري واصل النص ضهري
شكلي حلو ومرتب
طبعا اول ما سمعت عمتي خالة احمد ادور عروس
رشحتني الهم
بس هو شرط يشوفني بلاول وهذا الشي من حقه
اول كلام صار بينا لمن احمد كال
احمد...الحمد لله والشكر همزين طلعتي حلوه
مو بس سمعتكم طيبه
رنده....شلون يعني
احمد....اني اهم شي عندي السمعه الطيبه
لو تعرفين صار اشكد ادور عروسه وماتجي على المرام
لو هي حلوه وسمعت اهله مو شي لو سمعت اهله
زينه وهي موحلوه
لو ثنيبنهن يطلعن بوحده بس الزواجه تخرب
اني صار اكثر من شهر اسئل عنكم
والناس كلها تحمد اخلاقكم بقيت بس اشوفج
لان اني اريد عروستي حلوه
رنده...شكرا
احمد....اني ماعندي اي مشكله بلنسبه الطلباتكم
ماعندي مانع
رنده...بس اني ماعرفت اي شي عنك غير وظيفتك
احمد....اني موضف صار خمس سنوات اخوي الجبير مزوج
بلبيت ويا اهلي وعنده طفل واحد
وعندي اخت مزوجه ماخذها ابن عمي
واخت بعدها طالبه بلاعداديه مرحله اخيره
اما بلنسبه الأخلاقي تكدرون تسئلون عني
ماعندي شي اخاف منه اني ماشي بما يرضي الله
رنده...اكيد محتاجين نسئل هذا زواج مو لعبه
احمد...تمام براحتكم جمانه السعيدي
رنده...طلع احمد وامه وخالته من بيتنا بس اني حسيت كلبي مطمن كتلكم اسلوب احمد حلو بلحديث
وحسيته واثق من نفسه وهو يحجي
ابوي واخوي سئلو عنه بمنطقته سمتعهم طيبه
وهيج تمت الموافقه
اول شرط كان الاهلي يكون عندي بيت مستقل وحدي
ويكون البيت هنا بمركز المحافظه
ست اشهر يله لكينا بيت بس مو قريب على اهلي
بعيد عنهم
اني اخر بنيه تزوج بهذا البيت
عندي اخت مزوجه صار خمس سنوات اسمها نورهان
وعندي اتلث اخوان مزوجين اثنين عايشين بيتنا
والثالث الزغير مزوج بت خالتي
كاعد وياها بيت اهلها لان هي البنت الوحيده بيتهم
لاعدها اخ ولا اخت
ازوجو بعد علاقة حب استمرت اتلث سنوات
بيت خالتي جانو متمسكين اخوي لازم يسكن وياهم
لان مايكدرون يتحملون غياب بتهم عنهم
اخوي استقتل عليها كان مغرم بيها
حقيقتا هي تستاهل لان حلوه ومرتبه نازكه
ابوي اخر شي وافق على هاي الزواجه
وهسه اخوي يسكن بيت خالتي هو وزوجته عدهم ولد
بقيت بس اني مامزوجه قبل سنه خلصت معهد
احمد اول واحد يتقدملي
جمانه السعيدي
بعد مااهلي شرطو علي اله بيت وحدي بقينا ست اشهر
مخطوبين منا لمن لكينا بيت
بيت اهلي بشمال مركز المحافظه واحنا هسه نسكن بجنوبها
بصعوبه لكينا بيت ايجار
المهم رتبنا البيت وأهلي تقريبا اثثولي نص غراض البيت
عرسنا كان حلو بشكل
ازوجنا بيت عمي يعني بيت اهل احمد بقينا يمهم اسبوع
يله اجينا البيتنا
كل يوم يعدي علبه احس احمد احلى اختيار
كلش فاهمني ومقدرني ومايرفضلي طلب
بعد شهرين زواج اكتشفت اني حامل وهيج اكتملت فرحتنا
اليومين الي ينزل بيهن احمد اعيش معززه مكرمه
احمد يخلص كل شغل البيت
ويجيبلنا اكل جاهز
ونطلع نفتر بسيارته ونغير جووووو
اما باقي الاسبوع امي تجي تكعد يومين يمي
ودير بالها عليه
على العموم اني ماعندي شغل هواي بلبيت
البيت يبقى نظيف
الطبخ اطبخ واكل بنفس الجدر او الطاوه الي اطبخ بيها
والملابس بلغساله جمانه السعيدي
كنت مرتاحه اكثر ما تتوقعون اما بيت عمي مالهم علاقه بحياتنا ولا يدخلون بااي شي
خالتي تتصل كل يوم حتى تتطمن علينا
وتطمن على الحمل شلون ماشي
الليله ينزل احمد اجازه
وباجر الخميس قررنا نروح نشوف شنو جنس الطفل
لان بطني حيل جبيره
مو مال خمس اشهر هذا كلام امي واختي
اما بيت عمي مارايحه البيتهم لان حامل واخاف على نفسي
بس مثل ما كتلكم بطمنون عليه بلتليفون كل يوم
على العموم اني كنت منتظره هذا اليوم بفارغ الصبر
اريد اعرف نوع الطفل
حتى ابدي اجهز نفسي
ولو امي كالت تجهيز الطفل عليه
جمانه السعيدي
حضرت عشى مشاوي وسبحت وبدلت منتظره احمد
بس دخل للبيت
كبل حضني ودنك بأس بطني
رنده...ممنوع تحبه اكثر مني
احمد...شلون احبه اكثر منج انتي الاصل
رنده...عبالي كلت من هسه اكتله
احمد...لا ماتوصل للكتل انتي ام حلوه وحنينه
رنده....انت خط أحمر اي احد يقرب عليك يكون مصيره الموت
احمد...بطلت عمي مااحبه
رنده...منتظرتك نتعشى سوه
احمد...بس اسبح واغير ملابسي مشتاقلج
رنده...اني اكثر
ثاني يوم العصر رحنا حجزنا يم الدكتوره
بقينا ننتظر دورنا
اني حتى مااكدر اكعد هواي كمت اتمشى
الحد مااجانا الدور
دخل وياي احمد
صعدت تمددت على السديه والدكتوره بدت تخلي جهاز السونار عليه
احمد...هااا دكتوره بشري
الدكتوره...ماشاء الله تبارك الرحمن ذوله توم
احمد...صدك دكتوره تحجين صدك
الدكتوره....ذوله شوف هذا واحد وهذا واحد
احمد...ثنيينهم ولد دكتوره
الدكتوره مامبين شنو النوع ترجعلي شهر السادس يمكن نكدر نحدد النوع
احمد....شكرا دكتوره جزيل الشكر
يله حبيبتي انزلي على كيفج
رنده....الزم ايدي خل اكعد
الدكتوره...لا تدللين علي
احمد...دكتوره خليها تدلل اني شعندي غيرها
رنده...الله يحفظك اليه حبيبي
