رواية علي ذمة اخوين كامله جميع الفصول بقلم جمانه السعيدي
....
..اني نجلاء من الحله
طولي ١٦٧ بيضه ،وعيوني عسلي ،
ملامحي حلوه ،جسمي كلش حلو ،
شعري الحد خصري ،مموج وناعم ،لونه كستنائي ،
..اني السنه خلصت معهد تقني
بابا ضابط متقاعد وامي خريجه تجاره بس كاعده بلبيت
يعني مامتوضفه
..اخوي الجبير عايش بلخارج ازوج عراقيه واخذه وطلع
صار خمس سنوات
عنده ولد واحد
وعندي اخ ازغر مني بسنتين
اسمه كرم
..اني الصراحه لان حلوه هواي يجون عليه خطابه
بس اني كنت مصممه اتخرج بلاول يله ازوج
وهم اريد انسان مثقف ومستوا المادي زين
لان اني مدلله عد اهلي
#جمانه السعيدي
بعد السقوط بسنه اتخرجت وكنت متامله اتعين واشوف مستقبلي
بهاي السنه اجو عليه خطابه ناس من الحله بس من غير منطقه
بلبدايه اجت ام العريس شافتني حيل فرحت بيه
..كالت هي هاي المواصفات الي يريده ابني
ام العريس صار سنتين ادور عروس الابني وكل الي يشوفه مايريده
يريد مواصفات خاصه
بلبدايه طلبنا نسئل عليه واذا كانت سمعتهم طيبه نوافق
وفعلا بابا واخوي سئلو عليهم
ناس اثرياء وحالتهم الماديه ممتازه
العريس تاجر يجهز المحلات ملابس واحذيه
..الشركه الرئيسيه المستوردة بغداد
وهو يدير الفرع بلحله
بلاضافه خريج كليه إدارة اعمال
وعندا اخ ازغر منه جاي بدرس كليه هندسه نفط
وامهم وابوهم وهاي هي عائلتهم اربع نفرات بس
دزينالهم خبر الموافقه وقرر الولد يجي ويشوفني
حددنا موعد
الولد اسمه غيث
واخو الازغر منه اسمه ليث
جمانه السعيدي
فعلا اجه هو وامه حتى يشوفني
اني لبست فستان كريمي وبي نقط كبار اسود ورفعت شعري نص ونص ومكياج خفيف
طبعا اهلي كلهم موجودين
دخلت وسلمت علي
شكله حلو لابس قاط اسود ملامحه حلوه
طوله ١٧٠ شعره اسود سرح
عنده كارزمه وقبول
لبق حديثه حلووو
يسولف هو وابابا وعيونه عليه من جوه جوه
واني هم اباوع علي
حسيته مرتاح وهو يحجي ويااا بابا
ومن طلع كال ياريت ترجعولنا الموافقه بأسرع وقت ممكن
بابا انشاء الله اسبوع ونرجعلكم الخبر
غيث براحتكم
اني كلش ارتاحيتله وحسيته الانسان المناسب
يعني حسيت براحه وقبول مو طبيعي
بابا هم انعجب بي حيل
رجع بابا واخوي يسئلون عنهم الكل كان يحمد باخلاقهم
وأخلاق ولدهم
رجعنالهم خبر الموافقه
حددنا موعد المهر وهو دزلي فلوس اشتري ذهب
وفستان للمهر
الصراحه كان كريم وياي ويدفع فلوس بزياده
كلشي كان تمام ومثل مااريد واحسن
اجا يوم المهر ورحت للصالون كصيت شعري ورتبته
وحفيت
سويت تسريحه حلوه ومرتبه ولبست فستان سماكي ساده
مخصر وقصير فتحت الركبه على شكل سمجه وبدون ردن
طلعت اخبل
بعد ماعقدولي هو دخل عليه بس شافني تفاجئى راسا ابتسم
قرب عليه وكال طالعه تخبلين
لبسني الذهب باسني براسي وخدي
وصمم نروح للاستوديو ناخذ صور
لبست برنص طويل ورحنا اني ويااا للاستوديو
اخذنا صور ورجعنا للبيت
كنت فرحانه بشكل مو معقول طايره من الفرح
وهو عبالك يعرفني من زمان
اكو تجاذب بينا مو طبيعي
رجعنا للبيت تعشينا وبقا عدنا للعشره بليل يله راح
ثاني يوم بليل اجه يشوفني وجابلي تليفون هديه
كانت التليفونات توها داخله
وخله بي خط بوقته الانترنيت بعدا مادخل للعراق
بليوم يتصل اربع اوخمس مرات
تعلقت بي بسرعه
وهو هم انسان مريح يعني مايدقق على كلشي
سبورتي بشكل موطبيعي
طلعنا اتعشينا مرتين برا
حددنا الزواج بعد شهر الصراحه جهزت كلشي بسرعه
لان الفلوس موجوده
اشتريت كلشي نفسي بي
واجا يوم العرس سوينا عرس يخبل حتى بدلة العرس اشتراها اليه ماقبل ااجر بدله
يكول حتى تبقى ذكرى
كلما تشوفينه تذكرين عرسنا
كانت ليله زفافنه حلوه بشكل مو معقول اجنن
كلشي كان تمام ولا غلطه
طبعا اني اليه الطابق الثاني بي غرفتين وصحيات
وهول زغير
جمانه السعيدي
غيث بعد زواجنا بقه ٣ ايام بلبيت مايطلع
كان فرحان بيه بشكل مو معقول وكل شويه يكوول
انتي الانسانه الي كنت ادور عليه
امه انسانه بسيطه وابو عنده محنه مومعقوله
كله يصيحلي بابا
اما اخو الازغر منه ليث
انسان كوميدي وصاحب مقالب وطيب وحنيين
ابد ماحسيت بغربه بينهم
وكنما اعرفهم من زمان
طبعا ليث احلى من غيث هواي وجسمه عضلات واطول من غيث تقريبا طوله ١٨٣
رجع غيث العمله بلبدايه كان من يطلع كل شويه يتصل عليه
بعدين قلت الاتصالات وكان مشغول على طول
العمل ماخذ كل وقته
حتى من يرجع للبيت تليفونه مايسكت ابد
مرات يجي للبيت ويرجع يطلع
بلبدايه كنت عاذرته حيل
كنت اعتقد هي مسئلة وقت وراح يتفرغلي
بس العمل زاد اكثر واكثر
خصوصا العراق بهاي الفتره انفتح على الاستيراد
قبل كان اكو حصار وماتدخل كل المواد للعراق
الشغل ماخذ كل وقته
جمانه السعيدي
نجلاء ممكن تفرغ نفسك نطلع اني وياك من زمان ماطلعنا
غيث انشاء الله راح افرغ نفسي ونطلع
نجلاء يمته
غيث مااعرف من افرغ
نجلاء ضجت من البيت
غيث انتي ناقصج شي
نجلاء ناقصني انت ناقصني وجودك ناقصني نتشارك بكلشي
صار اتلث اشهر مزوجين وماطلعنا بس بداية عرسنا
غيث اي غير اشتغل
نجلاء شنو فايدة الشغل وانت مشغول عني
غيث ترا الحياة محتاج واحد يشتغل ويركز لعد منيبن نصرف شلون عايشين
نجلاء بس اذا تفرغ نفسك يوم بلاسبوع مايصير شي ابد
انت مجاي تاخذ استراحه ابد
غيث راح افرغ نفسي علمودج تدللين
