رواية غرفة العمليات الفصل العاشر بقلم جمانه السعيدي
خالد....اي كمل
خضير...من خلصت وكع دم عليه بسبب الاعتداء بس شي قليل مسحته حتى ماانكشف
خالد...زين بين الاعتداء وزواجها ست اشهر ليش ماحاولت تهددها بهاي الفتره ليش انتضرت اليوم العرس
خضير....ماكدرت احصل حسابه او رقمها لان هي مو من نوع تخالط ولا عدها صديقات هواي
اذا ماعندي رقم تليفونها وهي ماتطلع من البيت شلون اهددها
خالد... شلون وصلت الزوجها
خضير...كتلك اني اتردد بشارعهم تقريبا كل يوم او بين يوم ويوم بلكت المحها او اسمع عنها خبر
الحد ماعرفت هي انخطبت
قررت لازم اوصل الصور الزوجها واخرب كلشي
بقيت ادور على رقمه طول فترة خطبتهم
وماكدرت احصله اله يوم زواجهم
خالد. .شلون حصلت رقم ماهر
خضير...بيوم زواجهم رحت للدائره كان ماهر مجاز
وطلبت رقمه من زملائه بلشغل بحجة اني صديقه
ورقمه ضاع مني
اريد اباركله بمناسبة زواجه
حصلت الرقم وحصلت صفحته على الفيس
اتصلت علي بس مارد عليه
يمكن جان مشغول بلعرس
دزيت رسائل على الماسنجر اول مره مارد عليه
بعدين اتصلت علي حتى ينتبه للرقم
ورجعت دزيت صور اسيل
خالد....رقم اسيل شلون حصلته
بعد ما دزيت الصور الماهر ثاني يوم اجيت حتى اعرف اخر الاخبار
خالد...قصدك اجيت بشارعهم
خضير...اي اكو ولد عندا محل حلويات كلما اجي اكعد يمه
واحاول اسحب السانه
حجالي عن المشكله لان ماهر باقي يدك باب اهل اسيل
حيل ويعيط بصوت عالي
الجوارين كلهم عرفو اسيل رجعت البيت اهلها بيوم عرسها
جمانه السعيدي
خالد...اي كمل شلون حصلت رقم اسيل
خضير..كل يوم اجي حتى اعرف اخر الاخبار
الحد مااجيت وعرفت ابوها وواكع وماخذينا للمستشفى
ثاني يوم اجيت حتى اعرف اخر الاخبار
وكفت سياره أجره نزل منها واحد وبقى يدك بابهم
هواي بقا واكف ومحد طلع علي
اني كنت اعرف هما مو هنا بلمستشفى لان سئلت ابو المحل وحجالي كلشي صار وياهم
قربت علي وكتله خير
السايق....هاي امانه دزها بيدي ماهر البيت ابو اسيل
هو هذا بيتهم مو
خضير...اي بيتهم واني اقاربهم جيبها اني اوصلها الهم
من سمعت امانه من ماهر عرفت هاي الجنطه بيها
شي يخص اسيل
اخذتها ورحت للبيت
فتحتها لكيت ضرف بي ورقة طلاكها
ولكيت تليفونها
اخذت التليفون وفتحته اخذت الرقم منه ورجعته للجنطه
خالد...ليش مااخذت التليفون
جمانه السعيدي
خضير...شسوي بلتليفون اني اريد ارجعه الها حتى اكدر اتواصل وياها
خالد...وبعدين شلون رجعت الجنطه
خضير...لبست كمامه وشفقه ونضاره ورحت دكيت الباب
طلعت اسيل انطيتها الجنطه بدون ماتشوف وجهي
خالد...ليش جاي تهدده ما كفاك الي صار
خضير...الشيطان شاطر كنت اعتقد راح تخاف وماتحجي الاهلها
خصوصا وابوها انجلط بسبب هاي المشكله
مستحيل راح تحجيله
واكيد اكدر استفرد بيه
خالد...وين مخافة الله مو هاي اعراض الناس
خضير....شيطاني قوي
خالد...خلي شيطانك يخلصك من هاي المصيبه اني لو ترجع اليه اله اعدام حتى بدون مااحاكمك
زين على الاقل فكر بأمك المسكينه منو الها
اسيل...اسمع كلامه وابجي اتخيله شيطان ماعندا ذرة
رحمه بكلبه
تقدمت علي وضربته راشدي وتفلت بوجها
ودي اموته خلاص ضيعني الله ينتقم منه
رجع الضابط اخذ افادتي وطلعنا للبيت
صدكوني كوه اخلي رجليه بلكاع ماعندي حيل امشي
بس وصلنا للبيت كبل اتمددت
مااكدر اوكف على طولي
صحيح خسرت اعز مااملك بس بلاخير بينت برائتي
الحمد لله والشكر
بعد عدت جلسات بلمحكمه حتى المستشفى اجا اتهام بلتقصير بحق المرضى
انحكم خضير عشرين سنه سجن اعتداء جنسي وتهديد
وخيانة امانه
جمانه السعيدي
رجعت حياتنا طبيعيه بس اني مستحيل ارجع مثل قبل
بدت الفلوس تخلص من ببتنا بين علاج بابا وبين المحامي الي رفع القضيه
امي باعت الذهب الي عدها حتى نمشي امورنا كم يوم
بعد بابا مايكدر يرجع للشغل مره ثانيه التصوير يحتاج واحد يتحرك اذا يطلبونه باي مكان يروح
اسيل....شنو رائيك اني وياك نروح نفتح محل التصوير اني اشتغل وانت تعلمني
بابا....مو هنا لازم ننتقل الغير مكان الناس مستحيل تنسى
وايجوز مانشتغل بسبب الإشاعات علينا
راح نعرض البيت للبيع ونروح غير مكان نفتح محل تصوير
بلاول خل اتصل بثامر ابن خالي هو عندا محل تصوير
ويعرف بهاي الشغلات
اذا اكو بيت قريب عليهم
نروح هناك نفتح محل تصوير ونشتغل
اتصل بابا وثامر بدا بدور ببت بمنطقتهم
بلمقابل عرضنا بيتنا للبيع
خمس اشهر يله كدرنا نبيع بيتنا ونشتري بيت ازغر
من بيتنا بس بيت مرتب تكدرون تكولون بمنطقه أرقى احسن من منطقتنا
جمانه السعيدي
كلنا ضايجين على بيتنا وعلى منطقتنا
متعلمين هنا الجوارين يحبونه ونحبهم
بلاول دزينا الكامرات واجهزت الاستساخ قبلنا
لان المحل يريد ابجار وبابا مايكدر يدفع ايجار لان مايشتغل
اتصل علينا ثامر
ثامر....الو ابو اسيل الاجهزه وصلن
بابا...اي اني اخاف عليهن من النقل تعرف اجهزه حساسه
ثامر...راح نشتغل اني وياك بنفس المحل
منا لمن تستقر هنا
وتشوف مكان مناسب تفتح بي تصوير
بابا...الله يرضا عليك
انشاء الله يومين ونوصل للبيت
ثامر...اذا تحتاجون احد ينزل الغراض لو يرتبهن اني موجود
بابا...تسلم الله يحفظك
حملنا الغراض ونتقلنا للبيت الجديد
يومين واحنا بس نرتب ونعزل بلغراض
اليوم الي بعدا بابا راح المكان التصوير الجديد
حتى يشوف الشغل
بابا حيل يحب الشغل
بقيت اني بعد كلشي صار وياي اريد اغير حياتي
اريد اشتغل
بابا مايكدر للشغل مثل قبل
لازم أقنعه حتى يقبل نفتح مكان تصوير نشتغل بي اني ويااا
بس اكو شي مستغربه منه
عمو ثامر مااجا للبيت ولا جاب زوجته تسلم علينا وتبارك النا
بمناسبة البيت الجديد
عمو ثامر عمره ٤٠ محترف تصوير
مزوج وعندا ولد واحد اني اخر مره شفته بيها
كان عمري ١٢ سنه
من بعدها ماشفته ولا مره
ماكان يجي يزورنا رغم علاقته هو وبابا كلش قويه
المهم اذا اجا يزورنا وجاب زوجته نتعرف عليه
اهلا وسهلا
واذا مااجو براحتهم
جمانه السعيدي
اربع ايام بابا كل يوم يروح الصبح ويرجع المغرب
بس يرجع حيل تعبان
لان يخلص النهار كله كاعد وهو مامتعود على الكعده طول النهار
واكو علاج لازم ياخذا الضهر
اسيل...بابا تعب عليك هذا الشغل
بابا.... .وشلون نعيش منيبن نجيب مصرف
اسيل...اني اروح وياك اني كلشي اعرف
اشتغل بمكان ماكاعده بلبيت
بابا...اخاف عليج
اسيل...انت راح تكون قريب عليه وتعلمني الأشياء الي مااعرفهن
منا لمن اتعلم ساعتها نشوف مكان ثاني وننتقل
نشتغل بي اني وياك
فدوووه بابا وافق الله يخليك
بابا...اجربج بوم واذا مايعجبني شغلج ترجعين للبيت
اسيل...اكيد راح بعجبك شغلي
لازم اساعدك
كافي كلشي صار بسبيي
مرضك وتركنا منطقتنا
بابا...لا تكولين هيج هذا مقدر ومكتوب
هذا امتحان من رب العالمين يريد يختبر صبرنا
الحمد لله كلشي عدا على خير
شكرا لزيارتكم عالم روايات سكيرهوم
