رواية غرفة العمليات الفصل الحادي عشر بقلم جمانه السعيدي
اسيل....ثاني يوم كعدت من وكت سبحت وحضرت الربوك وكعدت بابا من النوم
بابا....اي بابا كعدت شنو هذا النشاط اليوم
اسيل...راح اشتغل اكثر شغله احبها
راح اصير مصوره محترفه
بابا...انشاء الله
تريكنا وطلعنا من البيت الساعه بلتسعه وربع اني لبست رداء اسود وحجاب اسود وحذاء فلات
وصلنا المكان التصوير الصراحه المكان حلو شارع تجاري
اكثر الشارع محلات ملابس واحذيه ومطاعم
ومولات وعيادات طبيه
نزلت من السياره والسايق ساعدني حتى انزل بابا على الكرسي المتحرك
دفعته دخلنا جوا
بابا...السلام عليكم
ثامر...عليكم السلام
اسيل...صباح الخير
ثامر...هلو عمو صباح الخير شلونج
اسيل...الحمد لله تمام
خل اوصفلكم عمو ثامر جسم ضخم طل تقريبا ١٨٥
حنطاوي عيونه كبار لحيه وشوارب
اللحيه بيها خطوط بيض من الشيب
لبسه حلو مرتب شعرا مدرج الحد الكتف
شعرا لون ابيض مخلوط بلاسود بشكل حلو
ثامر...شلونج عمو
اسيل...الحمد لله تمام
ثامر...اليوم منورتنا
بابا...هاي ثابرتني من زمان تريد تصير مصوره
تكول اني عندي أفكار احلى من افكاركم اني راح انجح
واتقدم عليكم
ابتسم عمو ثامر رجع شعرا بطريقه حلوه ليوره
ثامر...يله خل نشوف مهارته
اسيل...حبيت افاجئهم وابدي بلمكان
اول شي رتبت المكان وغيرت أماكن بعض الاشياء
حاسه بسعاده مو طبيعيه وكانما الايام الي فاتت كنت بلنار
وهسه طلعت للجنه
رتبت الميز طلعت اشتريت معطر رجعت عطرت المكان
ثامر....الله الله شنو هلجمال شنو هلعطر الطيب
عاشت ايدج راح نعزل غلبتينا وبعدج ما مشتغله
اسيل...بعدك ماشفت شغلي
كعدت اني وبابا حتى يعلمني كم تكه وكم حركه اطلع التصوير حلو
الصبح مااجانا احد
الضهر اني دخلت بغرفة التصوير صليت صلاة الضهر
عمو ثامر طلع بس مااعرف وين
شويه ورجع جايب غدا كباب وطماطه وصمون وببسي
ثامر...تعالو ناكل اليوم اني عازمكم ولو كان المفروض اعزمكم من نزلتو بلبيت الجديد
بس وين اعزمكم اذا اني لاجى
جمانه السعيدي
بابا...ليش لاجئ الله يستر
ثامر...قصه طويله تعالو ناكل واني احجيلكم
اسيل..اني اخذت لفه وكعدت بصف بابا وهما كعدو و ياكلون سوا
ثامر...تعرفون اني ازوجت عمري ٣٠ سنه عود زوجتي
مدرسه مثقفه وبت ناس
مرات المظاهر بلبدايه تغر واحد لازم يتحقق من البدايات
المهم أجرنا بيت وسكنا كبل وحدنا
بعد سنتين زواج كان كلشي تمام
اجا الطفل الاول حمودي للأسف طلع عندا متلازمة داون
يعني منغولي
اني ابد ماا عترضت الحمد لله والشكر
كلشي يجي من رب العالمين رحمه احنا لا خالقين ايد ولا رجل
بس ام حمودي ماقبلت شنو طلع هيج اني بعد مااربد اطفال يمكن يطلعون كلهم هيج
شنو ذنبي اني اخلص عمري واني اربي واعلم واتعب
وتالي وين مستقبلهم
ثامر....شكد حاولت وياها ان تحمد رب العالمين
احتمال البقيه غير
بس ماقبلت من بعدها بدت تفتعل المشاكل
بوقته مجان شغلي زين وماعندي زباين وبعدا وضعي مخربط شويه
كل شويه تعيرني براتبها
كان هذا الكلام بعد السقوط بكم سنه الرواتب حيل صعدت
وصار الراتب اله قيمه
اني ابد ماحاولت اتوظف بشهادتي لان معتز بعملي كمصور
واربد اطور نفسي
جمانه السعيدي
كنت اعبر واسكت رغم كلامها كان مثل السم على كلبي
بس اكول ازمه وتعدي
المدرسات الي وياها لعبن بعقلها الضاهر هي كانت تحجي عليه كدامهن
كانن يحرضنها على المشاكل
وهي هم عقلها زغير بسرعه تتاثر بلمشاكل
شكد حاولت وياها حتى تنتقل الغير مدرسه
بس بدون فايده كانت تفضل صديقاته عليه
خمس سنوات زواج عباره عن مشاكل بمشاكل
الحد مآ زعلت وطلبت الطلاك
بلبدايه انطيتها وقت حتى تفكر ماردت اضغط عليه
كلت ايجوز من تبعد
تغير فكرها بس هي صممت على الطلاك
رفعت عليه قضيه اخذت كلشي من البيت
بحجة غراضي اني اشتريتهن
بس هاي الغراض نصها اني جبتها اخذت كلشي
ونفصلنا البيت كان ايجار
وأصبح بدون غراض واني وضعي مايسمح اثث وادفع ايجار
اجرت شقه زغيره دور ثاني بيها اثاث بسيط
بيها سنك وماطور مي ومغسله اشتريت شغلات بسبطه
وكعدت
كل النهار اخلصه هنا بلمحل ارجع بليل بس انام
اخوي ابو مازن انتقل للسكن بدهوك يم اهل زوجته
وخواتي كل وحده ملتهيه بزوجها وبيتها
المحكمه حكمت نفقه الحمودي نص شغلي يروح للنفقه
والنص الثاني ادبر اموري بي
منا لمن رب العالمين يفرجها
بابا...ليش ماازوجت
ثامر...كرهت النسوان اتعقدت
بابا. مو كل اصابعك سوا لاتحكم على كل الناس من شخص التقيت بي وتاذيت منا
ثامر... بعدني مامفكر بلزواج حاليا
صار اربع سنوات من انفصلنا اشوف حمودي مره وحده كل شهر
هي مدخلته مدرسه خاصه حتى يتعلم
بابا....بلكت تزوج وتنطيك ابنك
ثامر...لا خلي ماكو احن علي من كلب امه اني طول النهار هنا مراح اكدر اهتم بي مثلها
بابا...الله كريم
ثامر...ليش ما تاكلين عمو
اسيل...شبعت الحمد لله والشكر باجر الغدا عليه اطبخ بلبيت واجيب وياي
ثامر...اي هذا الحجي المعدل
اسيل...واجيب وياي غلايه حتى نخدر جاي مهيل
جمانه السعيدي
ثامر...وين جنت ضام هاي البنيه الحلوه بعد اني ليش ضايج راح يصير المكان حلو بوجود اسيل
بابا...انشاء الله خير
اسيل...العصر اجونا زباين وكنت كلش مركزه بطريقه التصوير الاحترافيه الثامر
فعلا محترف واسلوبه بلتعامل وياا الناس حلو
ثاني يوم جهزت غدا وجبت غلايه وجبت وياي مندر ومخده وجرجف
حتى بابا يرتاح شويه الضهره لان الكعده مو زينه علي
خليت العلاج بجنطتي وطلعنا الصبح للشغل
لبست نفس الملابس مااعرف ليش ماعندي واهس البس
واغير من شكلي
وصلنا للمحل
اسيل...صباح الخير
ثامر...ريحة الاكل طيبه
اسيل..تتريك
ثامر...لا اتريكت خليهن للغدا
دخلت الفراش جوا بغرفة التصوير
ورتبته على صفحه
اليوم اجونا زباين خير من الله واني مستمره اركز بشغل ثامر لازم اثبت وحودي
اريد يكون عندي عمل مستقل وحدي
ثامر...اوو شنو هذا الاكل الطيب بطني خربت من اكل المطاعم
اسيل...مو تدلل راح تاكل أطيب اكل
بابا...احنا شما نسوي مراح نكدر نجازيك ابد
ثامر...اذا هذا الكلام تكرر مره ثانيه ازعل جنت عايش وحدي وضايج محد يسئل عني حياتي مالها معنى
بس هسه كمت احب شغلي اكعد كلي نشاط
انتم غيرتم حياتي وصار الها معنى
احس صارت عندي عائله
جمانه السعيدي
بعد الاكل دخل بابا جوا يرتاح
ثامر...تعاي هاي فرصه حتى تتعلمين كم شغله تفيدج بلشغل
كعدت وهو بدا يعلمني شغلات على الحاسبه تخص التصوير وطباعة الصور وتغير خلفيات الصوره
اسيل...اني ممكن اطبق الشي الي شرحته
ثامر...بهاي السهوله
اسيل...انت ماشفت مواهبي بعد
اخذت الحاسبه ودخلت على الأشياء الي علمني عليه
وحجيتله عن أفكاري
وشلون ممكن ادخل خلفيات صور حديثه
التفتت لكيته صافن عليه
ابتسمت هاااا حجيت شي غلط
ثامر...لا ولله فاجئتيني ما متوقع عندج هيج موهبه
اسيل...مو كلت من البدايه راح افاجئكم بمواهبي محد صدكني
ثامر...لا اني كمت اخاف انتي راح تتفوقين عليه
اسيل...اي هيج محتاجه كلام يرفع معنوياتي
مو بابا كلمه والثانيه وكال
اذا ماتعرفين ترجعين للبيت
ثامر...لا راح اوكف وياج وادعمج بكل طاقتي انتي موهوبه
وتستاهلين واحد يساعدج
اسيل...وين بابا خل يجي يسمع هذا الكلام
العصر اجو زباين وثامر عافني اصور وحدي
احساسي ياناس مو كاعده اصور عبالك مخترعه الذره
احساس حلو بشكل مو معقول ابد
خلص هذا النهار على خير
بس اكثر شي مزعج بلنسبه اليه بليل من اخلي راسي على المخده
مجاي اكدر انسى الي صار وياي
صعب انسى وتجاوز كلشي
مجاي اكدر
ولو المجرم بلسجن بس اني شلون ارجع اسيل القديمه
احاول اعالج نفسي
وارمم جروحي كد مااكدر
