رواية وجه محروق الفصل العاشر بقلم جمانه السعيد
اصيل...اني ابد مانزلت عيني من عليها
انغرمت بيها من اول نظره
وهي ابد ما باوعت بوجهي حقها هو هذا هم وجه
واحد يباوع علي
جهه محروكه وبدون شوارب ولحيه
البنات خاصه بهذا الوقت اهم شي عدها الجمال
ماتقيس الشاب اله من شكله
المهم امها اتفقت وياي تريد غرفه تسكام تريد ازوج ابنها
وهي بس واكفه ولا حجت ولا كلمه
بحكم شغلي لازم اسجل الغرفه باسم الاب
عرفت اسم ابوهم وكدرت اخذ العنوان
اصيل... لازم اخذ مقدمه اشتري بيها خشب وباقي الفلوس
من تكمل الغرفه
ام منار....اي تدلل بليل يجي ابو منار ويجبلك المقدمه بس اهم شي لا تغير الموديل رحمه الاهلك
اصيل...راح اسوي احلى من هذا المودبل
راح الناس تسئلج عن الغرفه اكثر ما تسئلج عن العروسه
ام منار...الله يبارك بيك ويحفظك
بليل اجا ابوهم انسان عصبي بشكل مرعب
كلشي ما يعجبه وكلشي عنده غالي
صعب صعب التعامل وياااا
بس اني صاحب خبره كدرت أقنعها واخلي يطلع مني راضي
دفعني المقدمه وراح
كمت اشتغل بلغرفه لان هم محددين العرس بعد شهر واحد
كدرت اخلصها خلال ٣ اسابيع اتصلت على ابو منار
حتى اخذ الغرفه اشدها بيتهم
حملنا الغرفه بلسياره الحمل ورحنا على بيتهم
مبين وضعهم زين
بس اني بعد ابد ما شفت منار ولا طلعت عليه
شديت الغرفه كلهم اتعجبو بيها بس المفاجئه الحلوه
العريس طلع اخرس وفرحان بلعرس طاير ما مصدك نفسه يشتغل صباغ
كلش شاطر بشغله
جمانه السعيدي
بعد ماخلصت كلهم اتعجبو بشغلي اخذت باقي اتعابي
ورجعت هسه اني تقريبا عرفت عائلتهم
وعرفت بيتهم وين
بديت اسئل عنهم كل الناس تحمد باخلاقهم
بس الناس كلها تكول ابوها عصبي نار
البنيه عمرها ٢٠ سنه يعني اني اكبر منها بثمن سنوات
مخلصه اعداديه وكاعده ابوها مايقبل تكمل جامعه
اخلاق هاي العائله ذهب اي حجي موزين
ماكو عليهم يعني أتقدم واني مغمض عيوني
كلشي تمام وعال العال
بس اجتني مشكله جديده منو الي يروح يخطبلي مشكله اني ماعندي عائله
مااريد اروح المياء اتوسل بيها ومااريدها تحملني منيه
ومااريدها بحجة الزواج ترجع تدخل حياتي
اني ماصدكت ابتعدت عني هي وابنها
مستحيل اعوفها تدخل حياتي مره ثانيه
جمانه السعيدي
اني عمتي موجوده بس مره جبيره ومقعده ماتكدر تمشي يعني ما تفيدني بهيج شغله
قررت اني اروح وحدي واتقدم الها واشرح كل ضروفي
وهما بكيفهم يردون يوافقون يردون لا
بلاخير كلشي قسمه ونصيب اذا مقسومه اليه
مراح تصير الغيري
عندي رقم ابوها اتصلت علي
اصيل...السلام عليكم شلونك عمي
ابو منار...عليكم السلام
اصيل...اني النجار الي اشتغلت غرفة عبدلله
ابو منار...اهلا وسهلا خير اكو شي
اصيل...خير الي بوجهك انشاء الله عندي موضوع اريد احجي وياك بي اذا عندك وقت
ابو منار...اهلا وسهلا يمتى ما تجي هله بيك
اصيل...اكدر اجي هسه
ابو منار...اهلا وسهلا
اصيل....نص ساعه واجيكم
ابو منار تشرفنا اهلا وسهلا
اصيل حلقت لحيتي وبدلت وتعطرت وطلعت من البيت
وصلت لكيته منتظرني وعبدالله الأخرس هم موجود
كعدت والرجال حيل رحب بيه
اصيل....اني ماأحب الكلام الهواي اريد ادخل بلموضوع
كبل
ابو منار...اي تفضل احجي
اصيل...اني جاي اطلب ايد بنتك منار اني سئلت عنك وسمعتكم مثل الذهب
وانت هم اسئل عني يشرفني اناسبكم
ابو منار...ليش جاي وحدك
اصيل...اني يتيم الاب والام عندي زوجة ابوي موجوده
وعندي خوات ثنيين وحده تقريبا بعمر منار والثانيه ازغر
بس تعرف المشاكل الي تصير بين زوجة الاب وابن زوجها
مشاكل هواي مااكدر احجي عنها
جمانه السعيدي
اذا سئلت عني واقتنعت اهلا وسهلا بيكم
اني عندي بيت باسمي والورشه الي شفتها اشتغل بيها
واني مستعد الكل طلباتكم
بس اعذرني ماعندي اهل يجون عليكم
عندي عمتي مره جبيره مقعده ماتكدر تمشي
بس اذا وافقت عمي يجي وياي بلمشيه اني عندي بس عم واحد
ابو منار....ولله انت تشرف اكبر واحد
بس محتاجين وقت نسئل عنك ونرجعلك خبر
اصيل...طبعا من حقكم الأصول ما ينزعل منها اخذو راحتكم
واسئلو عني ماعندي شي اخاف منه
ابو منار...اهلا وسهلا تشرفنا بيك
اصيل...رجعت للبيت وكلبي مطمن مااعرف ليش كنت حاس هاي البنيه راح تصير من نصيبي
جمانه السعيدي
منار...اني منار مخلصه اعداديه عمري عشرين سنه
شكلي حلو ومرتب بس بيه عقده من الزلم بسبب ابوي
ابوي عصبي بشكل مو معقول
على كلشي يصير عصبي
عكس امي بارده وصبوره
امي تكول هاي العصبيه وارثها من ابو الله يرحمه
صح هو مامقصر ويانه بشي بس الراحه النفسيه اهم من الاكل
اني دائما احجي على امي ليش متحملته ترا ما ينجرع
مايصير عصبيه وهوسه على كلشي
كرهت البيت بسببه يعني اني نحجت ومعدلي عالي
بس هو صمم اكعد بلبيت وبعد ماكو دوام
مااكدر اناقشه مستحيل ما يتقبل كلام اي احد
كلامه لازم يمشي على الكل حتلو غلط
جاي نجهز العرس عبدلله ورحنا الاصيل حتى ينجرلنا غرفه رحنا اني وامي اني من شفت شكله
لعبت نفسي درت وجهي عنه وامي الي اتفقت على كل التفاصيل ويااا
ابوي بس عرف احنا رحنا وتفقنا ويا النجار
كلب الدنيا علينا وراح للنجار حتى يلغي الاتفاق
بس شو رجع موافق ودافع مقدمه
شلون هذا النجار قنعه مااعرف
المهم اجا النجار بيتنا شد الغرفه واخذ باقي فلوسه وراح
بعدها بأسبوع واحد. وقبل عرس عبدلله
النجار اتصل على ابوي واجانا للبيت
جمانه السعيدي
كعد تقريبا نص ساعه وطلع
دخل ابوي علينا فرحان
ابو منار....تعاي ام منار منار اجوها خطابه
ام منار...يالله منو
ابو منار...النجار اصيل
منار.. اني من سمعت كلش ضجت شنو هذا واني اخذه
وجها مشوه مبين جبير
اعتقد حتى ما مخلص دراسه اكيد اني مراح أوافق على هاي الزواجه
ابوي من اول لحظه كان عاجبه اصيل
وامي طارت من الفرح بس اني ماعاجبني ولا موافقه
دخلت غرفتي وطبكت الباب اجت وراي امي
ام منار...الف مبروك اصيل مبين خوش ولد
منار.. اني ما موافقه مستحيل ازوج واحد وجها مشوه
ام منار...يااا ليش هيج تكولين
الرجال ما يعيبه شكله مبين ابن اوادم وحباب
ابوج يكول البيت باسمه والورشه هاي اله يشتغل خير من الله ابوج يكول مستعد الكل طلباتنه
منار...هي شنو صفقه خوما صفقه اني كلت مااريده
يعني مااريده مازوج واحد وجها مشوه
اني شناقصني حلوه ومودبه وبت ناس ليش اخذ واحد اكبر مني ووجها مشوه انتي شفتي شكله شلونه
اني حتى ماكدرت اباوع بوجها من رحنا نختار الغرفه
ام منار...اني مااكدر احجي هذاالكلام كدام ابوج
انتي روحي وكوليله مااريده
هذا العريس موحلو اريد واحد حلو
مابيه حيل انكتل بهليل
منار...يمه فدوه يعني اني عايشه بهذا البيت جحيم
لا اكدر احجي ولا اكدر اعبر عن رائي
لا اطلع ولا ادخل والنوب ازوج واحد مااحبه ومااطيقه
ليش اريد اعرف ليش
ام منار.. انتي شعليج بوجها ايجوز يطلع خوش ولد
ترا الجمال مو كلشي اهم شي الاخلاق
منار.. خاف يطلع انكس من ابوي
واكون طلعت من نكره وطحت بير يمه حبيبتي
افهمي الزواج عشرت عمر
لايوم ولا يومين ليش ازوج واحد مااطيق اباوع بوجها
ام منار...انتي متعافيه ولد شاب شاغول بيتج وحدج
لا عمه ولا حما ادوخ راسج
الولد يتيم يعني تلكي هسه محروم راح يفرح بيج
منار...هسه تلكي لاعب لعب ماكو وحده ما مسوي وياها علاقه
ماعنده اهل وياا والبيت فارغ وعنده فلوس
تلكي لاعب لعب وتردون تورطوني بي مااريد يعني مااريد
جمانه السعيدي
ثاني يوم بلش ابو منار يسئل عن اصيل نبش العائله السابع ضهر الناس كلها تحمد اخلاقه
ولا واحد حجا عنه كلمه وحده موزينه
حتى علاقته بزوجت ابو اغلب الناس تعرفها وتعرف
حقيقة الموضوع
رجع ابو منار طاير من الفرح هاي احلى فرصة زواج اجت المنار لحد الان
ومستحيل راح يضيع هيج فرصه
بس دخل للبيت حجا كلشي صار وياا الزوجته
وانطاها خبر هو موافق وراح يتصل بااصيل حتى يجهز نفسه وزواجه من منار راح يكون بعد زواج عبدلله بأسبوع واحد
من سمعت منار تخبلت شلون يوافق بدون ماياخذ رائيها
منار...يمه روحي كوليله منار ماتقبل تزوج
ام منار....اني مالي شغل ابوج اذا سمع مني يذبحني
اني مابيه حيل
ذاك ابوج وروحي انت كوليله مااريد ازوج
لا ادخليني بهذا الموضوع
منار...اني خايفه بس لازم احجي الي بكلبي اني مااريد ازوج هذا اصيل ابو وجه المحروك
دخلت على ابوي كاعد ياكل وكفت بلباب افرك ايد بأيد
منار...ياا باا
وهو مدنك ياكل كال هاااا
منار.. اني مااريد ازوج
ابوي...شنو ماتردين تزوجين هو بكيفح
الولد ذهب والناس كلها تحمد بااخلاقه ببتج وحدج
مستعد يدفع المهر الي تردي
منار...اني مو سلعه وعارضيني للبيع
ابوي.. اني وافقت خلاص اني اعرف مصلحتج اكثر منج
ورا زواج اخوج بأسبوع راح يكون زواجج
منار...مااريد ازوج
راسا ابوي شال الماعون وهفني بي لو ما شويه جان فتح راسي نصين
ابوي.. امشي بت الكلب واكفه كبالي وتكول مااريد ازوج
تزوجي وغصبا ماعليج
واي كلمه زايده منج اموتج يله امشي ولي حيوانه
ماعدنا بنات تختار بكيفها
يله ولي منا
منار رجعت الغرفتي وطكيت بجي شلون بيه
شلون راح ازوج هذا ابو وجه المحروك
شكرا لزيارتكم عالم روايات سكيرهوم
