رواية عشق الضابط الفصل العاشر بقلم زينب نور
چنت ب الجامعة و تقريبا اني ونبأ صار النه اسبوع نتراسل كل يوم و تكلي محمد شوكت يدخل وشوكت يطلع !
احنه هم عدنا مخابرات بس هو مسوي روحه ضابط وهيچ !
خلصت محاضراتي و استغربت من دك عليه ياسر
- الو ها ياسر ؟
- هلا عيني ، ب الجامعة ؟
- اي هسه خلصت جاي ارجع .
- اني ب الكراج مال التربية الرياضية تعاي .
- ماشي تعبتك.
- ماكو اي تعب حبيبي .
سديت الخط و رحت للكراچ لكيته موجود
- شهل جمال هذا عيني ، ع كيفچ ويانه.
اني ضحكت ب خجل صعدت وياه ولاحضت ب الطريق هذا مو طريق البيت بس ما سئلت .
طبك يم ابو نؤاس وجان الجو بارد
- تذكرين هاي الالعاب قبل جنه نجي وي عمي نلعب اني وياچ هنا .
- اي تخيل احسهن نفسهن ما غيروهن.
هو ضحك ونزل و فتح الي الباب ونزلت شافني مجمدة نزعت جاكيته الجلد و خلاه فوكاي .
- شكرا بس ياسر ليش جايبني هنا ؟
- ميصير نطلع شنو ؟
كعدني ب الحديقة و راح للسيارة جاب اكل جاهز و خلاه يمي
- خل نتغده ؟
- تمام .
اتغدينه وكملنه و ضحك وسوالف غسلت ب الحمامات وطلعت بقينه شوي نتمشه و هو فجأة
- نرجس .
- ها .
كمش ايديه و بديت احس متوتر وجاي يجمع الكلام اني ما قاطعته .
- نرجس ، اني احبچ و من زمان اني صراحة كلت ل عمو ( ابوچ ) وهو ما اعترض كال اول شي اسئلها واذ وافقت بيها الخير .
بقيت صافنة و مصدومة من شغلتين الاولى ياسر يحبني و الثانية بابا وافق يزوجني واني بعدني جامعة.
- ياسر ما اعرف شنو اكلك بس..
- لا تكولين شي فكري ع كيفچ وانطيني خبر
- ياسر ماكو داعي افكر لأن اني ما اكدر اشوفك اكثر من اخ .
لمعة الامل بعيونه طفت و روحه كلها انهدمت
- بس اني احبچ ، راح اعيشچ احسن عيشه و ما اخليچ تحتاجين شي .
- ياسر اعرف بس اني ما احبك ، انت تربيت وياي اني ما عندي اخت ودائما اعتبرتك أخويه الكبير ، اني اسفة .
ايده عافت ايديه و حسيت الغصة ب كلامه و دموعه الي يحاول ما ينزلهن ، كال كلامه بشقه حاول يوخر قهرته
- لعد ترجعين فلوس الغده ، اغديچ و ترفضيني.. .
ابتسمت اله بخفة وهو اخذ ايدي وباسها
- هسه انتي رافضه ، ممكن كلشي يتغير ب المستقبل ، اعتبري اني مكلت الچ هذا الحجي واني راح اتفاهم وي عمي ، كانو مصار شي تمام راح ابقه اخوچ الكبير ب نضرج لحد ما عسى يتغير هل شي ، بس دائما اذكري اني راح انتظرچ حتى لو انتظر العمر كله .
كال كلامه واني اكتفيت ب إبتسامة باهتة اله و صعدنه السيارة و رجعنه للبيت بس اني بعد بحياتي كلها ما اكدر اتعامل وي ياسر و كانو الي كاله مصار !
الموضوع بعد لا انفتح من قبل ياسر ولا من قبل بابا ، كانو فعلا الي كاله ياسر مصار وكلشي ماكو !
أجيت أنام بفراشي دك محمد كامره عدلت نفسي شويه قبل لا ارفع الخط
- هلاو .
- هلاوات شلونچ ؟
- زينة وانت
- زين شكو ماكو اليوم .
بقيت افكر اكول اله لو لا بعدين قررت أن ما اكول الموضوع و انسد ع شنو اسوي هوسه .
- ولله ماكو شي وانت ؟ الأهل شلونهم ؟
- ولله زينين ، هاي رهوف يمي.
شفت رهف ب سابع نومه بحضنه
- بحضنك مو ؟
هو ضحك و كلي
- غير جعفر ذبها عليه اليوم ، يمكن يخططون يجيبون الثاني هواي هل ايام يذب رهف يمي ب الليل .
اني استحيت وبقيت اضحك ب صوت عالي
- صوتچ يمعوده لا تكعد .
بقينه نسولف و نتغزل شوي لحد ما نمت ع صوته و كاميرا مفتوحة .
-----------------------------------------------
ثاني يوم .
( محمد )
چنت كاعد ب المركز مثل كل يوم و دخل عليه استاذ ميثم
- شنو هل مفاجأة الحلوة هاي اكول المركز منور اليوم ، محسن چاي !
صحيت ع العسكري الي بره و هو كعد وهم سلم
- حبيبي محمد ، شلونك الأهل الوالد شلونهم ؟
- بخير ما دامك بخير استاذ .
- ولله موتتني ب استاذ كلي ميثم عادي !
- لا معقولة تبقى استاذي وع راسي ، الأهل شلونهم خاله و البنات ؟ أن شاء الله زينين .
- ولله زينين بس هاي نرجس البارحة ياسر طلبها مني !
هو كال و اني انشحطت ب الچاي وبقيت اكح شربت مي وهو كمل !
- اني بلعادة ما اقبل الا تكمل جامعة بس هذا ياسر و ابن عمها و القريب احسن من الغريب ف كلت اخذها و انت كول الها وافقت خير ع خير ما وافقت الموضوع ينسد .
- اي ؟
- البارحة اجاني وكلي عمو قبلت بس تكول مو هسه وره الجامعة , كلت اله ع بركة الله بعد سنتين تتخرج وأخذها.
بقه محمد مصدوم و ما يعرف شنو يحجي بس طلعت منه ب الكوات
- الف مبروك ، يستاهلون كل خير ..
اشكر منه بابه وضحك وياه
- يلا يوم الك و تفرحنه بيك يا بطل , ههههه.
شكرا لزيارتكم عالم روايات سكيرهوم
