رواية الشك يلاحقني الفصل الحادي عشر بقلم جمانه السعيدي
رجعنا للبيت العصر بدون ماننطيهم خبر
اتفاجئت امي ورشا برجعتنا
ام همام...يااااا يمه هله بيكم
همام ...هله امي شلونج
ام همام....ليش رجعتو
همام...زينب رادت ترجع ضاجت من الفندق
زينب اتقدمت وبوست خالتي ام همام وبست ايدها
ام...همام...الف مبروك حبيبتي الله يرضا عنج
زينب...ايبارك بيج خاله
زينب كعدنا شويه وبعدين صعدت الغرفتي حلوه لونها كريمي وذهبي كلش عجبتني
وملابسي ماما جايبتهن ومرتبتهن بلكنتور
لبست كلبيه خليجي بنفسجي وشغلها فضي حلوه عليه
ورفعت شعري ونزلت جوه
لكيت رشا كاعده تحضر عشا
زينب...هلو رشا
رشا هلو زنوبه مبروك والف مبروك
جمانه السعيدي
زينب...شكرا يوم اللج انشاء الله شكاعد تسوين
رشا...بتزا وفنكر وشويت دجاج
زينب...انطيني اني اسوي البتزا اني اختصاص بيها
همام...اسمعها تشتغل وتسولف وتضحك ويا رشا وكنما تعرفها من زمان
وتتحرك بلبيت وكنما بيتهم وتشاقه ويه حسن
وحضرت السفره وكعدت تاكل وتسولف وتتشاقه وياهم
وامي السعاده على وجها تقرا ١٠٠
خلصنا وكعدنا وياهم على التلفزيون صارت الساعه ١١
وامي تاشرلي اخذ زوجتك واصعد الغرفتك
رشا راحت تخابر خطيبها
وحسن نام
همام يله زينب خل نصعد الغرفتنا
زينب...وخاله تبقى وحدها
ام همام...لا حبيبتي اني راح انام قابل شعندي باقيه كاعده
انام حتى اكدر اكعد الصلاة اليل
جمانه السعيدي
صعدنا الغرفتنا وزينب دخلت للحمام تغسل وطلعت لابسه ثوب كلش حلو قصير جانت تفاصيل جسمها بارزه وحلوه
مشطت شعرها وخلت عطر
اني كاعد اباوع عليها من جوه ليجوه
اجتها رساله شالت التليفون قرته وبتسمت
همام...منيين هاي الرساله
زينب...من اختي هاجر تحشش عليه
همام...انطيني خل اشوف
زينب...بس
همام...شنو بس جيبي التليفون
زينب...بس هاي خصوصيات
همام...شني خصوصيات وين اكو بين الرجال وزوجته خصوصيات جيبي
زينب...تفضل
همام فتحته كاتبتله طمستي بلعسل كلج لو رجليج بعدهم طالعات وين اكو عسل يكفي طولج الفارع
طبعا اطول رجلين بلعالم رجللج الصاك شلونه
وبعد كلام طططططططوط
رجعتلها التليفون
قفلته وخلته على الميز وتغطت ونامت
اني الصراحه ضجت من تصرفي هذا
بس ما اكدر انسى الي صار والشك يلاحكني
ما اكدر اعيش حياتي طبيعي
نمت وكعدت على صوتها تصلي
اني هم كمت توضيت وكعدت اصلي
بعدين طلعت القراءان وكامت تقرا اني رجعت تمددت
خلصت ونزعت الاحرام واجت يمي
زينب....صباح الخير
همام...صباح النور
زينب...كعدتك لان اصلي هنا اذا ازعجك باجر انزل جوه اصلي يم خالتي
همام...لا بلعكس اني متعود اصلي الصبح اذا نايم كعديني للصلا
زينب...اوكي
رجعنا نمنا كعدت الساعه بلتسعه مالكيتها يمي دورة بلحمام هم مالكيتها
نزلت جوا لكيتها كاعده هي وامي وحسن وجاي تسويلهم ريوك
همام...صباح الخير
زينب وام همام صباح النور
همام يمته كعدتي
زينب...صار نص ساعه ونزلت ماردت اكعدك اني متعلمه اكعد الصبح
كملنا ريوك وبدلت وطلعت اتسوك وهي بقت ويه امي جوه يسولفن
رجعت للبيت ريحة الطبخ تجنن
همام...الله الله شني هاي الريحه الطيبه اكيد ست الكل طابخه اليوم
ام همام...لا هاي زينب طبختلنا دولمه
همام...اي مشتهي دولمه خل ابدل وانزل
ام همام....خل نصلي وبعدين نتغدا
جمانه السعيدي
كاعدين نتغدا وزينب كالت اهلي العصر يجون يباركولنا
ام همام...اهلا وسهلا بيهم يمه همام اعزمهم على العشى
همام...هسه اخابرهم
وفعلا عزمهم كلهم واجو تعشو عدنا
همام ورا العشى صعدت اريد ابدل واسمع زينب تسولف ويه امها
ام اركان...شلونه رجلج وياج
زينب...زين الحمد لله
ام اركان...خوما اتاذيتي من قربلج
زينب...لا يمه هو انسان مثقف قابل همجي وياذيني
وعيالج شلونهم
زينب...يمه اطمني دره مال الله كلهم يعاملوني احسن معامله
ام...اركان....يمه انتي هم ديري بالج على خالتج هله هله بيه
زينب...اصلا هي انسانه طيبه كلش
يمه يله خل ننزل عيب
من عدهم كاعدين هنا وحدنا
همام...نزلت بايتين ورجعت صعدت على اساس توني صاعد
ودكيت الباب
زينب...اي اجيت
ام.اركان تفضل يمه اني نازله
همام...لاخاله اخذي راحتج بس اخذ التراك
ام اركان...لايمه نازله اني
نزلت ام اركان
همام...زنوبه طلعيلي تراكي النيلي
زينب.. ضليت صافنه اول مره يدلعني زنوبه
همام...شبيج وين صفنتي تراكي
زينب....اي هسه صار طلعت التراك انطيته اله مد ايده وكرصني من خدي وكال شكرا
اني ضليت متبسمره بمكاني هذا همام لو غيره
بدل ونزل وكال يله انزلي جوه عيب من اهلج
نزلنا واني كلش فرحانه ومامصدكه
احجي ويه نفسي
كبر يلثوله جنج ماشايفه هذا رجلج مو حبيببج
بعدين طلعو اهلي ونضفنا اني ورشا وصعدت للغرفه
كلبي جان حاس راح يصير شي اليله
سبحت وبدلت وميكب وعطر
شويه وصعد همام
اول ماشافني ضحك اني كلش خجلت
همام...احلى شي بيج خجلج ولو ماكو شي بيج مو حلو
انتي تعرفين كاظم الساهر
زينب....اكيد
همام...يمكن اغنيته كلك على بعضك حلو مغنيها اللج
تعاي حتى تصيرين زوجتي كدام الله وعباده
جانت احلى ليله مرت عليه
حسيت همام بهاي اليله انسان ثاني
حسيته من داخله انسان حلو
بس اكو شي مغوش عيونه
همام كلشي بزينب يكول هي الانسانه المناسبه اليه
مرتبه وحلوه وامي تحبه
ومتعاون بلبيت
حتى اني بديت استلطفه ويمكن احبه
قررت أقرب اله
واكسر اول حاجز بينا
شكرا لزيارتكم عالم روايات سكيرهوم
