رواية شيخ البصره الفصل الحادي عشر بقلم مجهول
الناصرية
هند:- ها يمه ما فكرتي؟؟ شو نسوان المنطقة كلهن يجنلج وتكيدن سوه چا وبنيتج لسه مالكيتيلها حل.
ام هند:- عبن بنيتي ثوله ما طالعه على امها... شوفي ولج ماعدنا غير حل واحد.
هند:- اي يمه كولي وانه انفذ.
ام هند:- نروحن لأم داوود .
هند :- ام داوود منو؟
ام هند:- مو اكولن ثولة مايصدكوني
ولج ام داوود الريمي السحارة.
هند:- يممممه انه اخافن منها .
ام هند:- لا تخافين انه وياج نروحلها .
هند:- يمه خاف تاخذ فلوس ولانها تطلع جذابة ؟
ام هند:- تف تف تف ولج اسكتي يالصمخة لا يسمعونج اتباعها... ولج ماتشوفين زلمة زهرة بنت ام عماد شلون ساحلته وراها وتسرح بي چنه طلي .. كله هذا شغل ام داوود خلته يصير محبس بأيدها.
هند:-هيج وضرغام يكوم يحبني واخلفن منه ولد واصيرن انه الكل بالكل؟؟؟
ام هند:- انتي بس امشي وراي وانه اخليه يبوس تراب رجلينج.
هند :- انه وراج يمه يلا شوكت نروحن عليها؟؟
ام هند :- اليوم المغرب نروحلها ماتشتغل الا بهالوكت.
صار المغرب وراحت هند وامها لبيت ام داوود
دخلو لبيتها وشافو هدوم مشمرة بالكاع
والمطبخ هوسه وكله مواعين وصخة واكل قديم مشمر و ريحة البيت تلعب ستين نفس.
هند:- يمه والله خايفه.
ام هند وهي تسحب بنتها وراها :- ولج امشي وانتي ساكته لا تسمعج.
دخلتهم لغرفة وكعدو..
ام داوود:- احجن شتريدن اسويلجن؟
ام هند:- خيه اريدن زوج بنتي يرجعها لبيتها و يحبها و مايشوف بالدنيا غيرها.
ام داوود :- يعني تريدن جلب ومحبة و عمل طاعه وتهييج؟
ام هند :- شنو هذا تهييج خيه؟
ام داوود:- يعني كل مايشوفها يلهث وراها مثل الچلب ويرغبلها.
هند تجر بعباة امها يعني اي اي.
ام هند:- اي خية نريد هذن كلهن.
ام داوود :- تره كل هاذ يكلفكم هواي.
ام هند:- مو مهم الفلوس وانه خيتج المهم يصير الي نريده.
ام داوود:- جيبولي شي من اثره. يعني ملابس ،شعر،چفية، صورة.. اي شي.
ام هند:- اي عدنا صورته.
ام داوود:- انطينياها.
انطوها صورة ضرغام و كالتلهم
ام داوود:- روحن اليوم و تعالن بعد ٧ ايام. استلمو العمل.
ام هند اخذت بنتها و رجعت لبيتهم.
البصرة
بلسم:-مر يومنا كلش حلو واني وضرغام طول الوكت نضحك بيناتنا و نظراتنا تحجي كل الي بكلبنا وكل ماافوت للمطبخ يجي وراية يتحارش لو يبوسني من خدي لو يحضني
بأختصار احساسي بهاليوم جان احلى احساس. عمري ماحسيت هالحب اتجاه احد حتى خطيبي حيدر ماجنت احس بهالشعور وياه
ضرغام اخذ عقلي و كلبي و روحي سحرني بشخصيته الاستثنائية ماكو احد يشبهه. ❤️❤️
صار الليل وكلمن راح لغرفته فجأة اندك باب غرفتي .. رحت فتحتها ولكيت ضرغام كبالي.
ضرغام:- نمتي؟
بلسم حطيت راسي على باب الغرفة:- ههههه لا بعدني ما ديجيني نوم.
ضرغام :- ولا انه.. داافكر بيج.
بلسم:- هههههههه شدتفكر؟؟
ضرغام قرب راسه عليه :- داافكر شوكت تصيرين بحضني و اطفي النار الي بصدري.
بعدها لزمني من حنچي واني اباوع بعيونه :- وشوكت اضوك هالشفايف الحلوة.
بلسم :- اني نزلت راسي خجلانه.
ضرغام:-يعني انه المفروض يسوولي تمثال
كل يوم لمدة سنة و٨ شهور اشوف هيج حورية كبال عيوني وماطخيتها.صايرة دايرة؟؟؟
حتى اليسمع الله اعلم شيفكر .
بلسم:-ضحكت وحطيت ايدي على لحيته:- كلشي بوكته حلو .
ضرغام لزمني من خصري وجرني لحضنه :- مو حتى صبري خلص لشوكت اضلن هيج؟
بلسم :- باوعت بعينه :- ههههههه ما بقى الا القليل . فجأة واني بعدني ممكملة كلامي و اخذ شفتي ابوسه لحد ماانكطعت انفاسنا.باوع بعيوني وكال..
ضرغام :- اخيراً ضكت الشهد من شفافج ..
واني رجعت للحالة الصنمية بس اباوع بعيونه وهو يحجي.
ضرغام:- ادخلي نامي لأن مااضمنلج اذا بقينا على هالوكفه شيصير.
بلسم :- ضحكت بوجهه وخدودي حمرة تصبح على خير.
ضرغام:- وانتي من اهل الخير يا بلسم جروحي.
راح ضرغام وسديت الباب واني كلبي دكاته تنسمع عن بعد ١٠ امتار.
رحت تمددت عالجرباية وكلساع اتخيل بوسته والزم شفتي واضحك .
ضرغام:- تركت بلسم ودخلت للغرفة وانه طاير ومتشعوط اريدها يمي بس مااريد اضغط عليها
اريدها تجيني بأرادتها .
غفيت و الليل كله كضيته كوابيس و افز من النوم اتعوذ من الشيطان وارجع انام.
صار الصبح وكعدت بس احس راسي يريد ينفجر من الالم.
ضرغام:- صباح الخير يمه.
الحجية :- صباح الخير يا بعد امك تعال اكعد هسه البنات يجيبن الريوك... شبيك وليدي ليش وجهك اصفر؟
ضرغام:- مااعرف يمه راسي راح ينفجر البارحة الليل كله كوابيس ..مانمت زين.
الحجية:- اسم الله عليك وليدي الله يبعد عنك الكوابيس وشرها بجاه الحسين ابو عبد الله.
بلسم:- حضرنا الريوك وكعدنا بس اشوف ضرغام مو على بعضه :-اجيبلك مي؟
ضرغام:- ابتسم لا تعاي اكعدي خلنا نتريك هسه اشرب الچاي ويرتاح راسي.
كملنا الريوك و غسلنا المواعين.
ضرغام:- فلاح يلا جهز نفسك نشوفن الكاع وين وصلو بيها.
الحجية:- يا كاع يمه؟
فلاح :- يمه الكاع مال ابوية القريبة عالسوك كلنا نستثمر بيها ليش هيج باقيه فارغه خاص بصفحتنا قصص عراقيه واقعيه الحجية:- اي والله احسن شي سويتوه .
بلسم:- شنو المشروع الي تريدون تسووه هناك؟
ضرغام:- كلنا نسويها عماير شقق و محلات .
بلسم:- ليش ماتسويها عيادات طبية؟ حسب مااعرف ماموجودة عيادات بهالمنطقة و انت كلت الكاع قريبه عالسوك يعني السوك متروس محلات.
ضرغام صفن على حجي بلسم:- والله هي خوش فكرة وكلامج منطقي.
فلاح:- انه عجبتني الفكره.و انشغل بلسم بالعيادات بأعتبارها دكتورة.
بلسم ضحكت بس بداخلي مقهورة:- يا دكتورة حتى تخرج ممتخرجة.
ضرغام:- يجي يوم تكملين و اشوفج احسن دكتوره.
بلسم:- باوعت على ضرغام و ابتسمت كلش فرحني بحجايته هاي :-ان شاء الله.
ضرغام:-يلا فلاح كوم اتأخرنا .
يلا يمه في امان الله.وباس امه من راسها وطلع.
الحجية:- محروسين يا وليدي الله وياكم.
مر اليوم طبيعي واجوي ضرغام وفلاح من شغلهم اتغدينا و كملنا بس ضرغام كلساع يلزم راسه خطية ابد ما خف الوجع.
واكفه بالمطبخ دااخدر الجاي واجه ضرغام
ضرغام:- اريدن جاي ثكيل شوية حتى بلكت راسي يهوود.
بلسم:- انطيك مسكن؟
ضرغام:- انتي المسكن مالتي تعالي بحضني و يروح ابو الوجع .
بلسم:- ههههههههههه سلامتك من الوجع بيه ولا بيك.
ضرغام:- اووووف ياربي تره مااتحمل بعد الصبببببر.
بلسم:- ههههههههههههه كافي فضحتنا.
ضرغام:- شكو قابل دااحجي ويه صاحبتي ولج بابا انتي مرتي مررررتي.
بلسم:- من كال مرتي حسيت بشعور يجنن:- ههههههههههه اوكي زوجي دروح اكعد و هسه اجيبلك الجاي.
ضرغام:- شلون شلون؟؟ عيديها عليج العباس.
بلسم:- هههههههههههه زوجي.
ضرغام:- اشتعل زوجج وصفحته.
بلسم:- اسم الله عليك.
ضرغام:- يا اسم الله انتي دتحطين بانزين عالنار وتكولين اسم الله.
بلسم:- دروح عاد عيب كلساع وحده من البنات داخله للمطبخ ويشوفوك واكف يمي ويروحون.
ضرغام:- رايح بس مثل ماكتلج اريدن الچاي ثكيل .
بلسم:- من عيني.
ضرغام:- فدوه لعينج.
بلسم:- هههههههههههههههه ❤️❤️❤️.
وديت الچاي وملتهين ضرغام وفلاح يسولفون بالمشروع وجانو متحمسين اله كلش و سهاد وبثينة ديسولفن بسوالف الحمل واني صافنه على ضرغام و شلون كاعد ويسولف مليان رجولة ❤️. بس خطية بعده يلزم راسه.
ضرغام:- انه رايح انام ، بلسم كعديني فد بل ٤ حتى اروح للديوان.
بلسم:- ان شاء الله.
ضرغام:- دخلت نمت وشوية خف وجع راسي.
حسيت احد فتح الباب بس سويت روحي نايم .
بلسم:- صارت ساعه ٤ و رحت دااكعد ضرغام
دخلت عليه لكيته بملابسه الداخلية اول مره اشوفه بهالملابس 😳.
تقربت عليه وباوعت بوجهه شلون نايم فدوه لكلبه فجأة جان يحجي وفززني.
ضرغام:- دبوسيني عاد صارلج ساعه صافنه بوجهي تعبت وانه مسوي روحي نايم.
بلسم:- فززتني لعد اذا كاعد شكو مغمض عيونك.
ضرغام:- فتح عيونه النعسانه ردت اعرف وين حتوصلين بالصفنه..
اخذ ايدي وجرني ونيمني بصفه
تعالي نامي يمي شوية خلي احس بگربج.
اني هم بقيت ما كلت لا ☺️.
بقيت نايمه وهو حاضني من وره ويشم بركبتي وكل شوية يطبع بوسه ..
بلسم:- ضرغام كوم عاد تره صارت بل ٤ ونص وانت بعدك بالفراش.
ضرغام:- خليني متمتع شوية شكو بيها.
بلسم:-بديت احس ايده كامت تتجرأ شوية شوية
بلسم:- ضرغام كافي شدتسوي؟
ضرغام:- كلشي مدااسوي كاعد عاقل.
بلسم:-اي كلش عاقل يلا كافي كوم.
جان يندك الباب واني طفرت من يم ضرغام و اضرب على وجهي عبالك مسويه جريمه.
ضرغام:- منو؟
فلاح:- يلا خويه كوم عاد ورانه شغل ادري شبيكم هسه وكتها؟
ضرغام بضحك:- هههههههههههه يلا جاي جاي.
بلسم:- عزا عزا عزا شكد عيب عرف اني هنا عزا بعيني.
ضرغام يباوع عليه وميت ضحك:- ولج شبيج تسودنتي تره مرتي عادي لا عيب ولا حرام.
بلسم:- يا عادي عزا بعيني شلون راح اباوع بوجه فلاح.
ضرغام:- ههههههههههههه شحجي وياج هسه ؟
حضريلي ثيابي مادامج هنا.
دخل ضرغام للحمام واني حضرتله ملابسه طلعلي سابح و لاف المنشفه على خصره ومن فوك مصلخ اني كبل حتى بدون مااحجي عفته وطلعت واسمع ضحكته واصله للجوارين.شكد مايستحي.
صعدت وكعدت يم مروه و رقيه دااساعدهم بالدراسة وخطيه مروه اباوع عليها شلون شاده حيلها بالدراسة كله لخاطر حبيب الكلب 😂😂.
طلعو ضرغام وفلاح ومثل كل يوم يرجعون بليل ونسوي العشى ونتعشى .
ضرغام:- اجانه خالي و ابنه للديوان وحددنا موعد العقد هالاسبوع و ورة تخرج مروة يصير العرس.
اباوع على مروة كوة تبلع اللكمه ..
الحجية:- يلا ان شاء الله ربي يتمم على خير.
سهاد :- ان شاء الله ياااارب واشوفها عروسه ابيت زوجها و يتطمن كلبي.
مروة ماتحملت من الخجل عافت الاكل وصعدت واحنا ضحكنا عليها.
سهاد :- خجولة بنيتي سوده عليه بس لسانها يمي ٣ مترات .
فلاح:- ايييي عساس هي عروس وتستحي هههههههههههههه.
بلسم:- ههههههههههههه كافي لاتصنفون عليها خطيه.
ضرغام كدام اهله:- وانتي شوكت نفرح بيج وتعرسين؟
بلسم :- 😳😳😳
واباوع الكل يضحك وضام ضحكته.
الحجية:- ولك اشو صاير ماتستحي انته ماتكول امي كاعده؟
ضرغام:- ههههههههههههه محشومه يمه.شسوي حيصير سنتين عاقد عليها ولحد هسه كلشي ماكو.
بلسم:- اني هنا ماتحملت عفت الاكل وصعدت فوك واسمعهم كلهم طكوها بضحكة وكالو يلا بعد منو تريد نكومها من العشى؟؟
ورا شوية اندكت باب غرفتي فتحتها وشفت ضرغام واكف وبيده علاكة:- ها مرتي مناوية تنزلين؟؟
بلسم:- شنزل بيا وجه وانت مابقيت فشلة ما فشلتنياها.
دفعني وفات للغرفة وسد الباب:- اي شسوي غير انتي تحجين الاخرس اكلج اريدج وانتي ماتحسين.
بلسم:- منو هذا الاخرس؟؟؟ انت؟؟؟
ضرغام:- شنو قصدج ولج؟
بلسم:- ههههههه بلسانك هذا تودينا للشط وترجعنا عطشانين منو يكدرلك؟؟؟
ضرغام:- شو دتعالي خلي اراويج ابو لسان شيسوي.
جرني حيل و باسني واني تجاوبت وياه ودخلت اصابعي بشعره وهو ما صدك
كبل كعد وكعدني بحضنه وبقه يبوس بيه.. وايده ماتكعد راحه
دفعت ايده و وخرت وجهي :- شنو جايب بالعلاكة؟
ضرغام:- بربج هسه انه بحال علاكه وربي مستلك.
بلسم:- هههههههه استغفر الله شهالحجي ضرغام؟
كومني وكعدني بصفه وانطاني العلاكة
لكيت بيها تلفوني و مشتريلي سيم كارت جديد و كارت.
ضرغام:- هذا موبايلج خليه يمج شوكت ماتردين اتصلي بأهلج وطمنيهم عنج
بس بدلي السيم كارت لأن اكيد احترك.
بلسم :- كمزت من الفرحة وضليت ابوس بخدوده:- شكراً شكراً شكراً.
ضرغام:- تدللين بس اطلب منج طلب؟
بلسم:- اطلب شتريد اطلب.
ضرغام :- مااريدن فيس و ميس و قيس.
بلسم:- هههههههههههههه فيس افتهمته بس ميس وقيس منو؟
ضرغام:- ولد عم فيس .. لاتغيرين الموضوع.
بلسم:- اني اصلاً ماعندي فيس. بس وتساب وفايبر .
ضرغام:- اي هذني عادي و رقمج الجديد مااريد احد يعرفه غير اهلج.
بلسم:- وصديقاتي؟؟؟
ضرغام:- لاااااا.
بلسم:- زين ليش؟؟؟؟؟
ضرغام:- احسن.
بلسم:- ضرغام شنو السبب انطيني سبب مقنع.
ضرغام:- مو وكتها هسه ليش تخربين الفرحة عليج وعليه؟؟ كتلج لا يجوز بالمستقبل اوافق بس هسه لا.
بلسم:- عكدت حاجبي وكتله اوكي.
ضرغام:- شو باوعيلي لاتكلبين خلقتج اكو سبب ابالي بس مو هسه اكلج عليه.
بلسم:- اوكي.
ضرغام:- ماكو بوسة لخ؟
بلسم:- بسته بخده.وحضنته وكتله شكراً.
ضرغام:- عفواً يلا خلي انزل اريد اشوف الحجية قبل ماتنام .
بلسم:- اوكي ..تصبح على خير.
ضرغام:- وانتي من اهل الخير حبيبتي.
باسني من راسي ونزل
واني كبل فتحت التلفون و حطيت السيم كارت الجديد و جايبلي كارت وياه هم عبيته وكبل خابرت على محمد اخوية. كلت اخاف اهلي نايمين ويفزون عبالهم اكو شي. خاص بالبيج قصص عراقيه واقعيه محمد:- الووووو؟
بلسم:- الوووو هلووو حبيبي.
محمد:-حبيبج؟؟؟ اي حبيبج ليش لا منو ويايه يا حلو؟
بلسم:- لك انت شوكت تثكل ؟
محمد:- هااا؟؟؟ منوووو؟
بلسم:- ولك اني اختك يا حمار..بلسم.
محمد :- بلسسسسم؟؟؟ لج حبيبتي شلونج معقول سمعت صوتج؟ شلون صحتج ولج مشتاقلج ياروح اخوج.
بلسم:- دمعت عيوني:- حبيبي اني هم مشتاقتلك شلونك بالدراسة؟؟ اني كل فتره اخابر على ماما واخذ اخباركم منها.
محمد:- اني زين الحمدلله على حطة ايدج ماكو جديد .انتي شلونج؟ مرتاحه؟
بلسم بتنهيده:- الحمدلله كلش مرتاحه.بس محتاجة شوفتكم.
محمد:- احنا هم كلنا مشتاقين لشوفتج .
بلسم:- هذا رقمي عود باجر انطيه لأهلي شوكت مايريدون خلي يخابرون اريد اسمع صوتهم.
محمد:- اوكي حبيبتي باجر من الصبح انزل انطيهم الرقم.
بلسم:- اوكي كلبي دير بالك على نفسك..تصبح على خير.
محمد:- وانتي من اهل الخير حبيبتي الله وياج.
سديته واني مرتاحه وفرحانه واخيراً راح احجي ويه اهلي كل يوم براحتي .
ضرغام:- نزلت على الحجيه لكيتها دتقره قرأن اول مادخلت و رجع الوجع مال راسي وشوية اقوى من الصبح.
الحجية صدقت:- ها يمه تعال حبيبي شنو هم رجع راسك يوجعك؟؟
ضرغام:- اي يمه مااعرف شبيه اول مره تصير هالحاله وياي.
الحجية:- اخاف من التعب وليدي تعال اقرالك قرأن على راسك و روح نام بلكن يهدى الوجع ويخف.
ضرغام:- هو هم هيج .
رحت وحطيت راسي على رجليها و هي تمسح على راسي وتقرا قرأن. وكل ما تقرا يزيد الوجع اكثر واكثر ماصدكت شوكت صدقت وكملت. بست راسها ورحت لغرفتي وانه لازم راسي واريد اركعه بالحايط من الوجع.
تمددت عالفراش والوب ساعه اشيل المخده ساعه ارجعها ساعه احطها فوك راسي وبقيت على هالحال لحد ما غفيت..
بس الكوابيس ما تركتني ..كلساع كابوس شكل بس اخير كابوس صحاني من نومتي الصبح حلمت شفت بلسم كاعده بغرفتها ودايره ضهرها و تتمضحك رحت عليها اسمعها تحجي بالتلفون وية خطيبها القديم حيدر وتكله احبك ومشتاقة لحضنك و انه تخبلت اصيح واضرب بيها وهي تضحك لحد ما لزمتني من وجهي جان تكلي اكرهك واتمنى تموت حتى اعيش باقي حياتي وية حبيبي. فزيت من نومتي وانه صاير اعصاب .واتعوذ من الشيطان وراسي كل مجاله يوجعني اكثر.
